| Library / Tipiṭaka / တိပိဋက • Tipiṭaka / ဝိမတိဝိနောဒနီ-ဋီကာ • Vimativinodanī-ṭīkā |
၃. ဟသဓမ္မသိက္ခာပဒဝဏ္ဏနာ
3. Hasadhammasikkhāpadavaṇṇanā
၃၃၈. တတိယေ ပာဠိယံ ဟသဓမ္မေ ဟသဓမ္မသညီတိအာဒီသု ဥပ္လဝာဒိမတ္တံ ကိံ ဟသဓမ္မော ဟောတီတိ ဂဟဏဝသေန သတိ ကရဏီယေ ကရိယမာနံ ဟသဓမ္မံ ဟသဓမ္မောတိ ဂဟဏဝသေန အတ္ထော ဝေဒိတဗ္ဗော။ ဥသ္သာရေန္တောတိ ဥဒကေ ဌိတံ နာဝံ တီရေ အာရောပေန္တော။
338. Tatiye pāḷiyaṃ hasadhamme hasadhammasaññītiādīsu uplavādimattaṃ kiṃ hasadhammo hotīti gahaṇavasena sati karaṇīye kariyamānaṃ hasadhammaṃ hasadhammoti gahaṇavasena attho veditabbo. Ussārentoti udake ṭhitaṃ nāvaṃ tīre āropento.
ပတနုပ္ပတနဝာရေသူတိ ဥဒကသ္သ ဥပရိတလေ မဏ္ဍူကဂတိယာ ပတနုပ္ပတနဝသေန ဂမနတ္ထံ ခိတ္တာယ ဧကိသ္သာ ကထလာယ ဝသေန ဝုတ္တံ။ ဥဒကသ္သ ဥပရိဂောပ္ဖကတာ, ဟသာဓိပ္ပာယေန ကီဠနန္တိ ဒ္ဝေ အင္ဂာနိ။
Patanuppatanavāresūti udakassa uparitale maṇḍūkagatiyā patanuppatanavasena gamanatthaṃ khittāya ekissā kathalāya vasena vuttaṃ. Udakassa uparigopphakatā, hasādhippāyena kīḷananti dve aṅgāni.
ဟသဓမ္မသိက္ခာပဒဝဏ္ဏနာ နိဋ္ဌိတာ။
Hasadhammasikkhāpadavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၆. သုရာပာနဝဂ္ဂော • 6. Surāpānavaggo
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၃. ဟသဓမ္မသိက္ခာပဒံ • 3. Hasadhammasikkhāpadaṃ
