| Library / Tipiṭaka / තිපිටක • Tipiṭaka / කඞ්‌ඛාවිතරණී-පුරාණ-ටීකා • Kaṅkhāvitaraṇī-purāṇa-ṭīkā |
3. හසධම්‌මසික්‌ඛාපදවණ්‌ණනා
3. Hasadhammasikkhāpadavaṇṇanā
‘‘චික්‌ඛල්‌ලං වා’’ති වචනතො සක්‌ඛරම්‌පි ඛිපනකීළාය කීළතො දුක්‌කටමෙව. උපරිගොප්‌ඵකෙ පාචිත්‌තියං, අඤ්‌ඤත්‌ථ දුක්‌කටන්‌ති පාචිත්‌තියවත්‌ථුඅත්‌ථවසෙන ‘‘උදකෙ හසධම්‌මෙ පාචිත්‌තිය’’න්‌ති වුත්‌තං.
‘‘Cikkhallaṃ vā’’ti vacanato sakkharampi khipanakīḷāya kīḷato dukkaṭameva. Uparigopphake pācittiyaṃ, aññattha dukkaṭanti pācittiyavatthuatthavasena ‘‘udake hasadhamme pācittiya’’nti vuttaṃ.
ඉදං සඤ්‌ඤාවිමොක්‌ඛං චෙ, තිකපාචිත්‌තියං කථං;
Idaṃ saññāvimokkhaṃ ce, tikapācittiyaṃ kathaṃ;
කීළිතංව අකීළාති, මිච්‌ඡාගාහෙන තං සියා.
Kīḷitaṃva akīḷāti, micchāgāhena taṃ siyā.
එත්‌තාවතා කථං කීළා, ඉති කීළායං එවායං;
Ettāvatā kathaṃ kīḷā, iti kīḷāyaṃ evāyaṃ;
අකීළාසඤ්‌ඤී හොතෙත්‌ථ, විනයත්‌ථං සමාදයෙ.
Akīḷāsaññī hotettha, vinayatthaṃ samādaye.
එකන්‌තාකුසලො යස්‌මා, කීළායාභිරතමනො;
Ekantākusalo yasmā, kīḷāyābhiratamano;
තස්‌මා අකුසලං චිත්‌තං, එකමෙවෙත්‌ථ ලබ්‌භතීති. (වජිර. ටී. පාචිත්‌තිය 336);
Tasmā akusalaṃ cittaṃ, ekamevettha labbhatīti. (vajira. ṭī. pācittiya 336);
හසධම්‌මසික්‌ඛාපදවණ්‌ණනා නිට්‌ඨිතා.
Hasadhammasikkhāpadavaṇṇanā niṭṭhitā.
