| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā |
੩. ਹਸਧਮ੍ਮਸਿਕ੍ਖਾਪਦવਣ੍ਣਨਾ
3. Hasadhammasikkhāpadavaṇṇanā
੩੩੫. ਤਤਿਯੇ – ਅਪ੍ਪਕਤਞ੍ਞੁਨੋਤਿ ਯਂ ਭਗવਤਾ ਪਕਤਂ ਪਞ੍ਞਤ੍ਤਂ, ਤਂ ਨ ਜਾਨਨ੍ਤੀਤਿ ਅਤ੍ਥੋ।
335. Tatiye – appakataññunoti yaṃ bhagavatā pakataṃ paññattaṃ, taṃ na jānantīti attho.
੩੩੬. ਉਦਕੇ ਹਸਧਮ੍ਮੇਤਿ ਉਦਕਕੀਲ਼ਿਕਾ વੁਚ੍ਚਤਿ। ਉਪਰਿਗੋਪ੍ਫਕੇਤਿ ਗੋਪ੍ਫਕਾਨਂ ਉਪਰਿਭਾਗਪ੍ਪਮਾਣੇ। ਹਸਾਧਿਪ੍ਪਾਯੋਤਿ ਕੀਲ਼ਾਧਿਪ੍ਪਾਯੋ। ਨਿਮੁਜ੍ਜਤਿ વਾਤਿਆਦੀਸੁ ਨਿਮੁਜ੍ਜਨਤ੍ਥਾਯ ਓਰੋਹਨ੍ਤਸ੍ਸ ਪਦવਾਰੇ ਪਦવਾਰੇ ਦੁਕ੍ਕਟਂ। ਨਿਮੁਜ੍ਜਨੁਮ੍ਮੁਜ੍ਜਨੇਸੁ ਪਯੋਗੇ ਪਯੋਗੇ ਪਾਚਿਤ੍ਤਿਯਂ। ਨਿਮੁਜ੍ਜਿਤ੍વਾ ਅਨ੍ਤੋਉਦਕੇਯੇવ ਗਚ੍ਛਨ੍ਤਸ੍ਸ ਹਤ੍ਥવਾਰਪਦવਾਰੇਸੁ ਸਬ੍ਬਤ੍ਥ ਪਾਚਿਤ੍ਤਿਯਂ। ਪਲવਤੀਤਿ ਤਰਤਿ। ਹਤ੍ਥੇਹਿ ਤਰਨ੍ਤਸ੍ਸ ਹਤ੍ਥવਾਰੇ ਹਤ੍ਥવਾਰੇ ਪਾਚਿਤ੍ਤਿਯਂ। ਪਾਦੇਸੁਪਿ ਏਸੇવ ਨਯੋ। ਯੇਨ ਯੇਨ ਅਙ੍ਗੇਨ ਤਰਤਿ, ਤਸ੍ਸ ਤਸ੍ਸ ਪਯੋਗੇ ਪਯੋਗੇ ਪਾਚਿਤ੍ਤਿਯਂ। ਤੀਰਤੋ વਾ ਰੁਕ੍ਖਤੋ વਾ ਉਦਕੇ ਪਤਤਿ, ਪਾਚਿਤ੍ਤਿਯਮੇવ। ਨਾવਾਯ ਕੀਲ਼ਤੀਤਿ ਫਿਯਾਰਿਤ੍ਤਾਦੀਹਿ ਨਾવਂ ਪਾਜੇਨ੍ਤੋ વਾ ਤੀਰੇ ਉਸ੍ਸਾਰੇਨ੍ਤੋ વਾ ਨਾવਾਯ ਕੀਲ਼ਤਿ, ਦੁਕ੍ਕਟਂ।
336.Udake hasadhammeti udakakīḷikā vuccati. Uparigopphaketi gopphakānaṃ uparibhāgappamāṇe. Hasādhippāyoti kīḷādhippāyo. Nimujjati vātiādīsu nimujjanatthāya orohantassa padavāre padavāre dukkaṭaṃ. Nimujjanummujjanesu payoge payoge pācittiyaṃ. Nimujjitvā antoudakeyeva gacchantassa hatthavārapadavāresu sabbattha pācittiyaṃ. Palavatīti tarati. Hatthehi tarantassa hatthavāre hatthavāre pācittiyaṃ. Pādesupi eseva nayo. Yena yena aṅgena tarati, tassa tassa payoge payoge pācittiyaṃ. Tīrato vā rukkhato vā udake patati, pācittiyameva. Nāvāya kīḷatīti phiyārittādīhi nāvaṃ pājento vā tīre ussārento vā nāvāya kīḷati, dukkaṭaṃ.
ਹਤ੍ਥੇਨ વਾਤਿਆਦੀਸੁਪਿ ਪਯੋਗੇ ਪਯੋਗੇ ਦੁਕ੍ਕਟਂ। ਕੇਚਿ ਹਤ੍ਥੇਨ ਉਦਕੇ ਖਿਤ੍ਤਾਯ ਕਥਲਾਯ ਪਤਨੁਪ੍ਪਤਨવਾਰੇਸੁ ਦੁਕ੍ਕਟਂ વਦਨ੍ਤਿ, ਤਂ ਨ ਗਹੇਤਬ੍ਬਂ। ਤਤ੍ਥ ਹਿ ਏਕਪਯੋਗਤ੍ਤਾ ਏਕਮੇવ ਦੁਕ੍ਕਟਂ, ਅਪਿਚ ਉਪਰਿਗੋਪ੍ਫਕੇ વੁਤ੍ਤਾਨਿ ਉਮ੍ਮੁਜ੍ਜਨਾਦੀਨਿ ਠਪੇਤ੍વਾ ਅਞ੍ਞੇਨ ਯੇਨ ਕੇਨਚਿ ਆਕਾਰੇਨ ਉਦਕਂ ਓਤਰਿਤ੍વਾ વਾ ਅਨੋਤਰਿਤ੍વਾ વਾ ਯਤ੍ਥ ਕਤ੍ਥਚਿ ਠਿਤਂ ਉਦਕਂ ਅਨ੍ਤਮਸੋ ਬਿਨ੍ਦੁਂ ਗਹੇਤ੍વਾ ਖਿਪਨਕੀਲ਼ਾਯਪਿ ਕੀਲ਼ਨ੍ਤਸ੍ਸ ਦੁਕ੍ਕਟਮੇવ, ਅਤ੍ਥਜੋਤਕਂ ਪਨ ਅਕ੍ਖਰਂ ਲਿਖਿਤੁਂ વਟ੍ਟਤਿ, ਅਯਮੇਤ੍ਥ વਿਨਿਚ੍ਛਯੋ। ਸੇਸਮੇਤ੍ਥ ਉਤ੍ਤਾਨਮੇવ।
Hatthena vātiādīsupi payoge payoge dukkaṭaṃ. Keci hatthena udake khittāya kathalāya patanuppatanavāresu dukkaṭaṃ vadanti, taṃ na gahetabbaṃ. Tattha hi ekapayogattā ekameva dukkaṭaṃ, apica uparigopphake vuttāni ummujjanādīni ṭhapetvā aññena yena kenaci ākārena udakaṃ otaritvā vā anotaritvā vā yattha katthaci ṭhitaṃ udakaṃ antamaso binduṃ gahetvā khipanakīḷāyapi kīḷantassa dukkaṭameva, atthajotakaṃ pana akkharaṃ likhituṃ vaṭṭati, ayamettha vinicchayo. Sesamettha uttānameva.
ਪਠਮਪਾਰਾਜਿਕਸਮੁਟ੍ਠਾਨਂ – ਕਿਰਿਯਂ, ਸਞ੍ਞਾવਿਮੋਕ੍ਖਂ, ਸਚਿਤ੍ਤਕਂ, ਲੋਕવਜ੍ਜਂ, ਕਾਯਕਮ੍ਮਂ, ਅਕੁਸਲਚਿਤ੍ਤਂ, ਤਿવੇਦਨਨ੍ਤਿ।
Paṭhamapārājikasamuṭṭhānaṃ – kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, akusalacittaṃ, tivedananti.
ਹਸਧਮ੍ਮਸਿਕ੍ਖਾਪਦਂ ਤਤਿਯਂ।
Hasadhammasikkhāpadaṃ tatiyaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੬. ਸੁਰਾਪਾਨવਗ੍ਗੋ • 6. Surāpānavaggo
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੩. ਹਸਧਮ੍ਮਸਿਕ੍ਖਾਪਦવਣ੍ਣਨਾ • 3. Hasadhammasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੩. ਹਸਧਮ੍ਮਸਿਕ੍ਖਾਪਦવਣ੍ਣਨਾ • 3. Hasadhammasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੩. ਹਸਧਮ੍ਮਸਿਕ੍ਖਾਪਦਂ • 3. Hasadhammasikkhāpadaṃ
