| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
хад̇т̇ажчиннаад̣̇ивад̇т̇угат̇ааван̣н̣анаа
Hatthacchinnādivatthukathāvaṇṇanā
119. аж̇абад̣̇агзд̇и аж̇абад̣̇асан̣таанз бад̣̇зсз. б̣рахмуж̇уг̇ад̇д̇од̇и б̣рахмаа вияа уж̇уг̇ад̇д̇о. авасзсо сад̇д̇од̇и иминаа лагкан̣зна рахид̇асад̇д̇о. зд̇зна табзд̇ваа махаабурисам̣ жаггавад̇д̇ин̃жа ид̇арз сад̇д̇аа куж̇ж̇абагкигаад̇и д̣̇ассзд̇и. язбхуяязна хи сад̇д̇аа канд̇хз гадияам̣ ж̇аан̣уусууд̇и д̇ийсу таанзсу наманд̇и. д̇з гадияам̣ наманд̇аа бажчад̇о наманд̇и, ид̇арзсу д̣̇вийсу таанзсу наманд̇аа бурад̇о наманд̇и. д̣̇ийгхасарийраа бана згзна бассзна ван̇гаа хонд̇и, згз мукам̣ уннаамзд̇ваа нагкад̇д̇аани г̇ан̣аяанд̇аа вияа жаранд̇и, згз аббамам̣салохид̇аа сууласад̣̇исаа хонд̇и, згз бурад̇о баб̣бхаараа хонд̇и, бавзд̇хамаанаа г̇ажчанд̇и. баривадумод̇и саманд̇ад̇о ваддало.
119.Ajapadaketi ajapadasaṇṭhāne padese. Brahmujugattoti brahmā viya ujugatto. Avaseso sattoti iminā lakkhaṇena rahitasatto. Etena ṭhapetvā mahāpurisaṃ cakkavattiñca itare sattā khujjapakkhikāti dasseti. Yebhuyyena hi sattā khandhe kaṭiyaṃ jāṇūsūti tīsu ṭhānesu namanti. Te kaṭiyaṃ namantā pacchato namanti, itaresu dvīsu ṭhānesu namantā purato namanti. Dīghasarīrā pana ekena passena vaṅkā honti, eke mukhaṃ unnāmetvā nakkhattāni gaṇayantā viya caranti, eke appamaṃsalohitā sūlasadisā honti, eke purato pabbhārā honti, pavedhamānā gacchanti. Parivaṭumoti samantato vaṭṭalo.
адтисираажаммасарийрод̇и адтисираажаммамад̇д̇асарийро. габбасийсод̇и д̣̇вид̇хаабхууд̇асийсо. гзгарод̇и д̇ирияам̣ бассанд̇о. ‘‘уд̣̇агад̇аарагаа наама уд̣̇агабуб̣б̣ул̣а’’нд̇и г̇ан̣тибад̣̇зсу вуд̇д̇ам̣. агкид̇аарагаад̇и агкибхан̣д̣агаа. ниббакумагкийд̇и агкид̣̇алаломзхи вирахид̇аагкиго. бакума-сад̣̇д̣̇о хи логз агкид̣̇алаломзсу нирул̣хо. бадан̇г̇аман̣д̣ууго наама махаамукаман̣д̣ууго. зл̣амукод̇и нижжабаг̇гхаран̣агалааламуко. саб̣б̣ан̃жзд̇анд̇и ‘‘гажчуг̇ад̇д̇о ваа’’д̇иаад̣̇им̣ санд̇хааяа вад̣̇ад̇и. ваад̇ан̣д̣игод̇и ан̣д̣агзсу вуд̣̇д̇хирог̇зна саманнааг̇ад̇о. вигадод̇и д̇ирияам̣ г̇аманабаад̣̇зхи саманнааг̇ад̇о, яасса жа жан̇гамад̇о ж̇аан̣угаа б̣ахи г̇ажчанд̇и. бан̣ход̇и бажчад̇о баривад̇д̇абаад̣̇зхи саманнааг̇ад̇о, яасса жан̇гамад̇о ж̇аан̣угаа анд̇о бависанд̇и.
Aṭṭhisirācammasarīroti aṭṭhisirācammamattasarīro. Kappasīsoti dvidhābhūtasīso. Kekaroti tiriyaṃ passanto. ‘‘Udakatārakā nāma udakapubbuḷa’’nti gaṇṭhipadesu vuttaṃ. Akkhitārakāti akkhibhaṇḍakā. Nippakhumakkhīti akkhidalalomehi virahitaakkhiko. Pakhuma-saddo hi loke akkhidalalomesu niruḷho. Paṭaṅgamaṇḍūko nāma mahāmukhamaṇḍūko. Eḷamukhoti niccapaggharaṇakalālamukho. Sabbañcetanti ‘‘kacchugatto vā’’tiādiṃ sandhāya vadati. Vātaṇḍikoti aṇḍakesu vuddhirogena samannāgato. Vikaṭoti tiriyaṃ gamanapādehi samannāgato, yassa ca caṅkamato jāṇukā bahi gacchanti. Paṇhoti pacchato parivattapādehi samannāgato, yassa caṅkamato jāṇukā anto pavisanti.
гуд̣̇ан̣д̣абаад̣̇ад̇ааяа гааран̣ам̣ вибхаавзд̇и ‘‘маж̇жхз сан̇гудид̇абаад̣̇ад̇д̇аа’’д̇и. аг̇г̇з сан̇гудид̇абаад̣̇ад̇д̇аад̇и гун̣д̣абаад̣̇ад̇ааяа гааран̣анид̣̇ассанам̣. гун̣д̣абаад̣̇ассзва г̇аманасабхаавам̣ вибхаавзд̇и ‘‘бидтибаад̣̇аг̇г̇зна жан̇гаманд̇о’’д̇и. маммананд̇и калид̇аважанам̣. яо згамзва агкарам̣ жад̇убан̃жагкад̇д̇ум̣ вад̣̇ад̇и, д̇ассзд̇ам̣ ад̇хиважанам̣.
Kudaṇḍapādatāya kāraṇaṃ vibhāveti ‘‘majjhe saṅkuṭitapādattā’’ti. Agge saṅkuṭitapādattāti kuṇḍapādatāya kāraṇanidassanaṃ. Kuṇḍapādasseva gamanasabhāvaṃ vibhāveti ‘‘piṭṭhipādaggena caṅkamanto’’ti. Mammananti khalitavacanaṃ. Yo ekameva akkharaṃ catupañcakkhattuṃ vadati, tassetaṃ adhivacanaṃ.
хад̇т̇ажчиннаад̣̇ивад̇т̇угат̇ааван̣н̣анаа нидтид̇аа.
Hatthacchinnādivatthukathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 57. набаб̣б̣ааж̇зд̇аб̣б̣ад̣̇вад̇д̇им̣савааро • 57. Napabbājetabbadvattiṃsavāro
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / хад̇т̇ажчиннаад̣̇ивад̇т̇угат̇аа • Hatthacchinnādivatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / хад̇т̇ажчиннаад̣̇ивад̇т̇угат̇ааван̣н̣анаа • Hatthacchinnādivatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / хад̇т̇ажчиннаад̣̇ивад̇т̇угат̇ааван̣н̣анаа • Hatthacchinnādivatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 57. хад̇т̇ажчиннаад̣̇ивад̇т̇угат̇аа • 57. Hatthacchinnādivatthukathā
