| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
хад̇т̇ажчиннаад̣̇ивад̇т̇угат̇ааван̣н̣анаа
Hatthacchinnādivatthukathāvaṇṇanā
119. ид̣̇ам̣ д̇аава саб̣б̣ат̇аа ход̇у, ‘‘мууг̇ам̣ баб̣б̣ааж̇знд̇и, б̣ад̇хирам̣ баб̣б̣ааж̇знд̇ий’’д̇и ид̣̇ам̣ гат̇ам̣ самбхавид̇умарахад̇и аад̣̇ид̇о бадтааяа ‘‘ануж̇аанаами, бхигкавз, имзхи д̇ийхи саран̣аг̇аманзхи баб̣б̣аж̇ж̇а’’нд̇иаад̣̇инаа (махаава. 34) анун̃н̃аад̇ад̇д̇аад̇и? вужжад̇з – ‘‘зван̃жа бана, бхигкавз, баб̣б̣ааж̇зд̇аб̣б̣од̇и. звам̣ вад̣̇зхийд̇и вад̇д̇аб̣б̣о…бз… д̇ад̇ияамби сан̇гхам̣ саран̣ам̣ г̇ажчаамий’’д̇и зд̇т̇а ‘‘звам̣ вад̣̇зхийд̇и вад̇д̇аб̣б̣о’’д̇и имасса важанасса мижчаа ад̇т̇ам̣ г̇ахзд̇ваа мууг̇ам̣ баб̣б̣ааж̇зсум̣. ‘‘звам̣ вад̣̇зхий’’д̇и д̇ам̣ баб̣б̣аж̇ж̇аабзгкам̣ аан̣аабзд̇ваа саяам̣ убаж̇жхааязна вад̇д̇аб̣б̣о ‘‘д̇ад̇ияам̣ сан̇гхам̣ саран̣ам̣ г̇ажчаамий’’д̇и, со баб̣б̣аж̇ж̇аабзгко д̇ат̇аа аан̣ад̇д̇о убаж̇жхааяаважанасса ану ану вад̣̇ад̇у ваа, маа ваа, д̇ад̇т̇а д̇ад̇т̇а бхаг̇аваа ‘‘гааязна вин̃н̃аабзд̇и, ваажааяа вин̃н̃аабзд̇и, гааязна ваажааяа вин̃н̃аабзд̇и, г̇ахид̇о ход̇и убаж̇жхааяо. д̣̇инно ход̇и чанд̣̇о. д̣̇иннаа ход̇и баарисуд̣̇д̇хи. д̣̇иннаа ход̇и бавааран̣аа’’д̇и вад̣̇ад̇и. д̇ад̣̇анумаанзна ваа гааязна д̇зна баб̣б̣аж̇ж̇аабзгкзна вин̃н̃ад̇д̇ам̣ ход̇и саран̣аг̇амананд̇и ваа логзби гааязна вин̃н̃аабзнд̇о ‘‘звам̣ вад̣̇ад̇ий’’д̇и вужжад̇и, д̇ам̣ барияааяам̣ г̇ахзд̇ваа мууг̇ам̣ баб̣б̣ааж̇знд̇ийд̇и взд̣̇ид̇аб̣б̣ам̣. бораан̣аг̇ан̣тибад̣̇з ‘‘мууг̇ам̣ гат̇ам̣ баб̣б̣ааж̇знд̇ий’д̇и бужчам̣ гад̇ваа д̇асса гааяаббасаад̣̇асамбхавад̇о гааязна бахаарам̣ д̣̇ад̇ваа хад̇т̇амуд̣̇д̣̇ааяа вин̃н̃аабзд̇ваа баб̣б̣ааж̇зсу’’нд̇и вуд̇д̇ам̣. гим̣ б̣ахунаа, аяам̣ банзд̇т̇а сааро – яат̇аа буб̣б̣з баб̣б̣аж̇ж̇аад̇хигаарз вад̇д̇амаанз баб̣б̣аж̇ж̇аабхилаабам̣ убажчинд̣̇ид̇ваа ‘‘бан̣д̣аго, бхигкавз, анубасамбанно на убасамбаад̣̇зд̇аб̣б̣о’’д̇иаад̣̇инаа наязна убасамбад̣̇авасзнзва абхилаабо гад̇о. т̇зяяасам̣ваасагабад̣̇з асамбхавад̇о гин̃жааби со на гад̇о баб̣б̣аж̇ж̇аава д̇ад̇т̇а гад̇аа, саб̣б̣ад̇т̇а бана убасамбад̣̇аабхилаабзна ад̇хиббзд̇аа д̇ад̣̇анубхаавад̇о. убасамбад̣̇ааяа баб̣б̣аж̇ж̇ааяа ваарид̇ааяа убасамбад̣̇аа ваарид̇аа ход̇ийд̇и гад̇ваа. д̇ат̇аа ид̇ха убасамбад̣̇аад̇хигаарз вад̇д̇амаанз убасамбад̣̇аабхилаабам̣ убажчинд̣̇ид̇ваа убасамбад̣̇амзва санд̇хааяа баб̣б̣аж̇ж̇аабхилаабо гад̇од̇и взд̣̇ид̇аб̣б̣о. гаамам̣ со на гад̇д̇аб̣б̣о, мууг̇абад̣̇з асамбхавад̇о д̇асса васзна аад̣̇ид̇о бадтааяа убасамбад̣̇аабхилаабова гад̇д̇аб̣б̣о вияа д̣̇иссад̇и, д̇ат̇ааби д̇ассзва мууг̇абад̣̇асса васзна аад̣̇ид̇о бадтааяа баб̣б̣аж̇ж̇аабхилаабова гад̇о мижчааг̇ахан̣анивааран̣ад̇т̇ам̣. гат̇ам̣? ‘‘мууг̇о, бхигкавз, аббад̇д̇о осааран̣ам̣, д̇ан̃жз сан̇гхо осаарзд̇и, сосаарид̇о’’д̇и (махаава. 396) важанад̇о мууг̇о убасамбанно ход̇ийд̇и сид̣̇д̇хам̣. со ‘‘гзвалам̣ убасамбаннова ход̇и, на бана баб̣б̣аж̇ид̇о д̇асса баб̣б̣аж̇ж̇ааяа асамбхавад̇о’’д̇и мижчааг̇аахо ход̇и. д̇ам̣ барижжаж̇аабзд̇ваа яо убасамбанно, со баб̣б̣аж̇ид̇ова ход̇и. баб̣б̣аж̇ид̇о бана ад̇т̇и гожи убасамбанно, ад̇т̇и гожи анубасамбанно. имам̣ саммааг̇аахам̣ уббаад̣̇зд̇и бхаг̇аваад̇и взд̣̇ид̇аб̣б̣ам̣.
119. Idaṃ tāva sabbathā hotu, ‘‘mūgaṃ pabbājenti, badhiraṃ pabbājentī’’ti idaṃ kathaṃ sambhavitumarahati ādito paṭṭhāya ‘‘anujānāmi, bhikkhave, imehi tīhi saraṇagamanehi pabbajja’’ntiādinā (mahāva. 34) anuññātattāti? Vuccate – ‘‘evañca pana, bhikkhave, pabbājetabboti. Evaṃ vadehīti vattabbo…pe… tatiyampi saṅghaṃ saraṇaṃ gacchāmī’’ti ettha ‘‘evaṃ vadehīti vattabbo’’ti imassa vacanassa micchā atthaṃ gahetvā mūgaṃ pabbājesuṃ. ‘‘Evaṃ vadehī’’ti taṃ pabbajjāpekkhaṃ āṇāpetvā sayaṃ upajjhāyena vattabbo ‘‘tatiyaṃ saṅghaṃ saraṇaṃ gacchāmī’’ti, so pabbajjāpekkho tathā āṇatto upajjhāyavacanassa anu anu vadatu vā, mā vā, tattha tattha bhagavā ‘‘kāyena viññāpeti, vācāya viññāpeti, kāyena vācāya viññāpeti, gahito hoti upajjhāyo. Dinno hoti chando. Dinnā hoti pārisuddhi. Dinnā hoti pavāraṇā’’ti vadati. Tadanumānena vā kāyena tena pabbajjāpekkhena viññattaṃ hoti saraṇagamananti vā lokepi kāyena viññāpento ‘‘evaṃ vadatī’’ti vuccati, taṃ pariyāyaṃ gahetvā mūgaṃ pabbājentīti veditabbaṃ. Porāṇagaṇṭhipade ‘‘mūgaṃ kathaṃ pabbājentī’ti pucchaṃ katvā tassa kāyappasādasambhavato kāyena pahāraṃ datvā hatthamuddāya viññāpetvā pabbājesu’’nti vuttaṃ. Kiṃ bahunā, ayaṃ panettha sāro – yathā pubbe pabbajjādhikāre vattamāne pabbajjābhilāpaṃ upacchinditvā ‘‘paṇḍako, bhikkhave, anupasampanno na upasampādetabbo’’tiādinā nayena upasampadavaseneva abhilāpo kato. Theyyasaṃvāsakapade asambhavato kiñcāpi so na kato pabbajjāva tattha katā, sabbattha pana upasampadābhilāpena adhippetā tadanubhāvato. Upasampadāya pabbajjāya vāritāya upasampadā vāritā hotīti katvā. Tathā idha upasampadādhikāre vattamāne upasampadābhilāpaṃ upacchinditvā upasampadameva sandhāya pabbajjābhilāpo katoti veditabbo. Kāmaṃ so na kattabbo, mūgapade asambhavato tassa vasena ādito paṭṭhāya upasampadābhilāpova kattabbo viya dissati, tathāpi tasseva mūgapadassa vasena ādito paṭṭhāya pabbajjābhilāpova kato micchāgahaṇanivāraṇatthaṃ. Kathaṃ? ‘‘Mūgo, bhikkhave, appatto osāraṇaṃ, tañce saṅgho osāreti, sosārito’’ti (mahāva. 396) vacanato mūgo upasampanno hotīti siddhaṃ. So ‘‘kevalaṃ upasampannova hoti, na pana pabbajito tassa pabbajjāya asambhavato’’ti micchāgāho hoti. Taṃ pariccajāpetvā yo upasampanno, so pabbajitova hoti. Pabbajito pana atthi koci upasampanno, atthi koci anupasampanno. Imaṃ sammāgāhaṃ uppādeti bhagavāti veditabbaṃ.
абижа д̇зсам̣ хад̇т̇ажчиннаад̣̇ийнам̣ баб̣б̣аж̇ид̇аанам̣ субаб̣б̣аж̇ид̇абхаавад̣̇ийбанад̇т̇ам̣, баб̣б̣аж̇ж̇аабхааваасан̇гаанивааран̣ад̇т̇ан̃жзд̇т̇а баб̣б̣аж̇ж̇аабхилаабо гад̇о. гат̇ам̣? ‘‘на, бхигкавз, хад̇т̇ажчинно баб̣б̣ааж̇зд̇аб̣б̣о’’д̇иаад̣̇инаа бадигкзбзна, ‘‘баб̣б̣аж̇ид̇аа субаб̣б̣аж̇ид̇аа’’д̇и вуд̇д̇адтаанаабхаавзна жа д̇зсам̣ баб̣б̣аж̇ж̇аабхааваббасан̇гаа бхавзяяа. яат̇аа басан̇гаабхавз, д̇ат̇аа басан̇гам̣ табзяяа. канд̇хагз убасамбад̣̇ам̣ санд̇хааяа ‘‘хад̇т̇ажчинно, бхигкавз, аббад̇д̇о осааран̣ам̣, д̇ан̃жз сан̇гхо осаарзд̇и, сосаарид̇о’’д̇иаад̣̇инаа наязна бхаг̇аваа ниваарзд̇и. д̇знзва бана наязна баб̣б̣аж̇ид̇аа д̇з саб̣б̣зби субаб̣б̣аж̇ид̇аа зваад̇и д̣̇ийбзд̇и, ан̃н̃ат̇аа саб̣б̣збзд̇з убасамбаннаава хонд̇и, на баб̣б̣аж̇ид̇аад̇и аяаманидтаббасан̇г̇о аабаж̇ж̇ад̇и. гат̇ам̣? ‘‘хад̇т̇ажчинно, бхигкавз, на баб̣б̣ааж̇зд̇аб̣б̣о, баб̣б̣аж̇ид̇о наасзд̇аб̣б̣о’’д̇и ваа ‘‘на, бхигкавз, хад̇т̇ажчинно баб̣б̣ааж̇зд̇аб̣б̣о, яо баб̣б̣ааж̇зяяа, аабад̇д̇и д̣̇уггадасса, со жа абаб̣б̣аж̇ид̇о’’д̇и ваа д̇анд̇ияаа табид̇ааяа жамбзяяагканд̇хагз ‘‘сосаарид̇о’’д̇и вуд̇д̇ад̇д̇аа гзвалам̣ ‘‘имз хад̇т̇ажчиннаад̣̇аяо убасамбаннаава хонд̇и, на баб̣б̣аж̇ид̇аа’’д̇и ваа ‘‘убасамбаннааби жз баб̣б̣аж̇ид̇аа, наасзд̇аб̣б̣аа’’д̇и ваа анидтагодтаасо аабаж̇ж̇ад̇ийд̇и ад̇хиббааяо.
Apica tesaṃ hatthacchinnādīnaṃ pabbajitānaṃ supabbajitabhāvadīpanatthaṃ, pabbajjābhāvāsaṅkānivāraṇatthañcettha pabbajjābhilāpo kato. Kathaṃ? ‘‘Na, bhikkhave, hatthacchinno pabbājetabbo’’tiādinā paṭikkhepena, ‘‘pabbajitā supabbajitā’’ti vuttaṭṭhānābhāvena ca tesaṃ pabbajjābhāvappasaṅkā bhaveyya. Yathā pasaṅkābhave, tathā pasaṅkaṃ ṭhapeyya. Khandhake upasampadaṃ sandhāya ‘‘hatthacchinno, bhikkhave, appatto osāraṇaṃ, tañce saṅgho osāreti, sosārito’’tiādinā nayena bhagavā nivāreti. Teneva pana nayena pabbajitā te sabbepi supabbajitā evāti dīpeti, aññathā sabbepete upasampannāva honti, na pabbajitāti ayamaniṭṭhappasaṅgo āpajjati. Kathaṃ? ‘‘Hatthacchinno, bhikkhave, na pabbājetabbo, pabbajito nāsetabbo’’ti vā ‘‘na, bhikkhave, hatthacchinno pabbājetabbo, yo pabbājeyya, āpatti dukkaṭassa, so ca apabbajito’’ti vā tantiyā ṭhapitāya campeyyakkhandhake ‘‘sosārito’’ti vuttattā kevalaṃ ‘‘ime hatthacchinnādayo upasampannāva honti, na pabbajitā’’ti vā ‘‘upasampannāpi ce pabbajitā, nāsetabbā’’ti vā aniṭṭhakoṭṭhāso āpajjatīti adhippāyo.
ид̣̇ам̣ банзд̇т̇а вижаарзд̇аб̣б̣ам̣ – ‘‘со жа абаб̣б̣аж̇ид̇о’’д̇и важанаабхаавад̇о мууг̇асса баб̣б̣аж̇ж̇асид̣̇д̇хиббасан̇г̇ад̇о баб̣б̣аж̇ж̇ааби згад̇осуд̣̇д̇хияаа ход̇ийд̇и аяаманидтагодтаасо гат̇ам̣ наабаж̇ж̇ад̇ийд̇и? баб̣б̣аж̇ж̇аабхилаабзна убасамбад̣̇аа ид̇хаад̇хиббзд̇аад̇и саммааг̇аахзна наабаж̇ж̇ад̇и, ан̃н̃ат̇аа яат̇ааб̣яан̃ж̇анам̣ ад̇т̇з г̇ахид̇з яат̇аабан̃н̃ад̇д̇ад̣̇уггадаабхаавасан̇каад̇о абароби анидтагодтаасо аабаж̇ж̇ад̇и. гат̇ам̣? ‘‘на, бхигкавз, мууг̇о баб̣б̣ааж̇зд̇аб̣б̣о, яо баб̣б̣ааж̇зяяа, аабад̇д̇и д̣̇уггадассаа’’д̇и вуд̇д̇ад̣̇уггадам̣ баб̣б̣аж̇ж̇абарияосаанз ход̇и, на д̇ассаавиббагад̇ааяа. буб̣б̣абаяог̇ад̣̇уггадамзва хи батамам̣ аабаж̇ж̇ад̇и , д̇асмаа мууг̇асса баб̣б̣аж̇ж̇абарияосаанассзва абхаавад̇о имасса д̣̇уггадасса огаасо жа саб̣б̣агаалам̣ на самбхавзяяа. убасамбад̣̇аавасзна бана ад̇т̇з г̇ахид̇з самбхавад̇и гамманибпад̇д̇ид̇о. д̇знзва баал̣ияам̣ ‘‘на, бхигкавз, бан̣д̣аго убасамбаад̣̇зд̇аб̣б̣о, яо убасамбаад̣̇зяяа, аабад̇д̇и д̣̇уггадассаа’’д̇и д̣̇уггадам̣ на бан̃н̃ад̇д̇ам̣. абан̃н̃ад̇д̇ад̇д̇аа буб̣б̣абаяог̇ад̣̇уггадамзва жзд̇т̇а самбхавад̇и, нзд̇арам̣, зд̇д̇аавад̇аа сид̣̇д̇хамзд̇ам̣ ‘‘баб̣б̣аж̇ж̇аабхилаабзна убасамбад̣̇аа жа д̇ад̇т̇а ад̇хиббзд̇аа, на баб̣б̣аж̇ж̇аа’’д̇и.
Idaṃ panettha vicāretabbaṃ – ‘‘so ca apabbajito’’ti vacanābhāvato mūgassa pabbajjasiddhippasaṅgato pabbajjāpi ekatosuddhiyā hotīti ayamaniṭṭhakoṭṭhāso kathaṃ nāpajjatīti? Pabbajjābhilāpena upasampadā idhādhippetāti sammāgāhena nāpajjati, aññathā yathābyañjanaṃ atthe gahite yathāpaññattadukkaṭābhāvasaṅkhāto aparopi aniṭṭhakoṭṭhāso āpajjati. Kathaṃ? ‘‘Na, bhikkhave, mūgo pabbājetabbo, yo pabbājeyya, āpatti dukkaṭassā’’ti vuttadukkaṭaṃ pabbajjapariyosāne hoti, na tassāvippakatāya. Pubbapayogadukkaṭameva hi paṭhamaṃ āpajjati , tasmā mūgassa pabbajjapariyosānasseva abhāvato imassa dukkaṭassa okāso ca sabbakālaṃ na sambhaveyya. Upasampadāvasena pana atthe gahite sambhavati kammanipphattito. Teneva pāḷiyaṃ ‘‘na, bhikkhave, paṇḍako upasampādetabbo, yo upasampādeyya, āpatti dukkaṭassā’’ti dukkaṭaṃ na paññattaṃ. Apaññattattā pubbapayogadukkaṭameva cettha sambhavati, netaraṃ, ettāvatā siddhametaṃ ‘‘pabbajjābhilāpena upasampadā ca tattha adhippetā, na pabbajjā’’ti.
зд̇т̇ааха – сааман̣зрабаб̣б̣аж̇ж̇аа на гааяабаяог̇ад̇о ход̇ийд̇и гат̇ам̣ бан̃н̃ааяад̇ийд̇и? вужжад̇з – гааязна вин̃н̃аабзд̇ийд̇иаад̣̇ид̇д̇игаад̣̇ассанад̇о. ход̇и жзд̇т̇а –
Etthāha – sāmaṇerapabbajjā na kāyapayogato hotīti kathaṃ paññāyatīti? Vuccate – kāyena viññāpetītiādittikādassanato. Hoti cettha –
‘‘аббзва сасаго гожи, бад̇идтзяяа махан̣н̣авз;
‘‘Appeva sasako koci, patiṭṭheyya mahaṇṇave;
на д̇взва жад̇уг̇амбхийрз, д̣̇уг̇г̇аахо винаяан̣н̣авз’’д̇и.
Na tveva catugambhīre, duggāho vinayaṇṇave’’ti.
б̣рахмуж̇уг̇ад̇д̇од̇и зд̇т̇а ‘‘нид̣̇д̣̇осад̇т̇з, сздтад̇т̇з жа б̣рахма-сад̣̇д̣̇ам̣ г̇ахзд̇ваа нид̣̇д̣̇осам̣ худ̇ваа уж̇у г̇ад̇д̇ам̣ яасса со б̣рахмуж̇уг̇ад̇д̇о’’д̇и ликид̇ам̣. ат̇а ваа гаамабхог̇ид̇д̇аа д̣̇звинд̣̇аад̣̇аяо убамаавасзна аг̇г̇ахзд̇ваа б̣рахмаа вияа уж̇уг̇ад̇д̇о б̣рахмуж̇уг̇ад̇д̇о. махаагужчид̇о гхадо махаагужчигхадо. д̇зна самаано вужжад̇и ‘‘махаагужчигхадасад̣̇исо’’д̇и. г̇алаг̇ан̣д̣ийд̇и д̣̇зсанаамад̇д̇амзвзд̇анд̇и гат̇ам̣ бан̃н̃ааяад̇ийд̇и? ‘‘на, бхигкавз, бан̃жахи ааб̣аад̇хзхи пудто баб̣б̣ааж̇зд̇аб̣б̣о’’д̇и важанад̇о. гилаасоби ид̇хаад̇хиббзд̇од̇и на гзвалам̣ со звзго, гинд̇у бан̃жахи ааб̣аад̇хзхи пудто, баал̣ияам̣ ааг̇ад̇аа рааж̇абхадаад̣̇аяо д̣̇аасабарияосаанаа, раахулавад̇т̇умхи ааг̇ад̇аа ананун̃н̃аад̇амаад̇аабид̇аро жаад̇и д̣̇асаби ж̇анаа ид̇хаад̇хиббзд̇аа. д̇ад̣̇ад̇т̇ад̣̇ийбанад̇т̇амзва ликид̇агагасаахад̇алагкан̣аахад̇з буб̣б̣з вуд̇д̇зби аанзд̇ваа убаалид̇т̇зро ид̇ха хад̇т̇ажчиннабаал̣ияам̣ ааха. д̇знзва жамбзяяагканд̇хагз ‘‘ад̇т̇и, бхигкавз, буг̇г̇ало аббад̇д̇о осааран̣ам̣, д̇ан̃жз сан̇гхо осаарзд̇и, згажжо сосаарид̇о, згажжо д̣̇осаарид̇о’’д̇и (махаава. 396) имасса вибхан̇г̇з ‘‘бан̃жахи ааб̣аад̇хзхи пудтаа, рааж̇абхадаа, жорагаарабхзд̣̇агаин̣ааяигад̣̇аасаа, ананун̃н̃аад̇амаад̇аабид̇аро жаа’’д̇и сад̇д̇а ж̇анаа на г̇ахид̇аа, на жа лаб̣бханд̇и, ан̃н̃ат̇аа имзби д̇асса вибхан̇г̇з вад̇д̇аб̣б̣аа сияум̣. на вад̇д̇аб̣б̣аа д̇ад̇т̇а абхаб̣б̣ад̇д̇аад̇и жз? звам̣ санд̇з ‘‘сан̇гхо осаарзд̇и, згажжо д̣̇осаарид̇о’’д̇и имасса вибхан̇г̇з вад̇д̇аб̣б̣аа бан̣д̣агаад̣̇аяо вияа, на жа вуд̇д̇аа. убхаяад̇т̇а авуд̇д̇ад̇д̇аа на жимз анубхаяаа бхавид̇умараханд̇и, д̇асмаа авуд̇д̇аанамзва д̣̇асаннам̣ яат̇аавуд̇д̇аанам̣ сан̇г̇ан̣ханад̇т̇ам̣ буна ликид̇агаад̣̇аяо вуд̇д̇аад̇и. ат̇а гимад̇т̇ам̣ д̇з ид̇ха уббадибаадияаа вуд̇д̇аад̇и? ин̣ааяигад̣̇аасаанам̣ сосаарид̇абхаавзби ин̣ааяигад̣̇аасаа саамигаанам̣ д̣̇аад̇аб̣б̣аад̇и д̇ад̣̇ад̇хийнабхаавад̣̇ассанад̇т̇ам̣. д̇знзва д̇ад̇т̇а вуд̇д̇ам̣ ‘‘балаад̇оби аанзд̇ваа д̣̇аад̇аб̣б̣о’’д̇иаад̣̇и. яо банзд̇т̇а жоро гад̇агаммо баб̣б̣аж̇ад̇и, рааж̇абхадо ваа сажз гад̇ад̣̇осо, ин̣ааяигаг̇г̇ахан̣знзва г̇ахид̇од̇и взд̣̇ид̇аб̣б̣о. ат̇а ваа яат̇аавуд̇д̇алагкан̣о саб̣б̣оби ин̣ааяигад̣̇аасаанам̣ ‘‘сосаарид̇о’’д̇и вад̇д̇аб̣б̣аарахо на ход̇ийд̇и гад̇ваа д̇зсам̣ бариваж̇ж̇анад̇т̇ам̣ уббадибаадияаа д̣̇зсанаа убари аарохад̇и, на хздтаад̇и д̣̇ийбанад̇о. ликид̇аго ‘‘сосаарид̇о’’д̇и вуд̇д̇ад̇д̇аа д̣̇зсанд̇арам̣ нзд̇аб̣б̣о. д̇ат̇аагаарабхзд̣̇агаад̣̇аяобийд̇и взд̣̇ид̇аб̣б̣ам̣.
Brahmujugattoti ettha ‘‘niddosatthe, seṭṭhatthe ca brahma-saddaṃ gahetvā niddosaṃ hutvā uju gattaṃ yassa so brahmujugatto’’ti likhitaṃ. Atha vā kāmabhogittā devindādayo upamāvasena aggahetvā brahmā viya ujugatto brahmujugatto. Mahākucchito ghaṭo mahākucchighaṭo. Tena samāno vuccati ‘‘mahākucchighaṭasadiso’’ti. Galagaṇḍīti desanāmattamevetanti kathaṃ paññāyatīti? ‘‘Na, bhikkhave, pañcahi ābādhehi phuṭṭho pabbājetabbo’’ti vacanato. Kilāsopi idhādhippetoti na kevalaṃ so eveko, kintu pañcahi ābādhehi phuṭṭho, pāḷiyaṃ āgatā rājabhaṭādayo dāsapariyosānā, rāhulavatthumhi āgatā ananuññātamātāpitaro cāti dasapi janā idhādhippetā. Tadatthadīpanatthameva likhitakakasāhatalakkhaṇāhate pubbe vuttepi ānetvā upālitthero idha hatthacchinnapāḷiyaṃ āha. Teneva campeyyakkhandhake ‘‘atthi, bhikkhave, puggalo appatto osāraṇaṃ, tañce saṅgho osāreti, ekacco sosārito, ekacco dosārito’’ti (mahāva. 396) imassa vibhaṅge ‘‘pañcahi ābādhehi phuṭṭhā, rājabhaṭā, corakārabhedakaiṇāyikadāsā, ananuññātamātāpitaro cā’’ti satta janā na gahitā, na ca labbhanti, aññathā imepi tassa vibhaṅge vattabbā siyuṃ. Na vattabbā tattha abhabbattāti ce? Evaṃ sante ‘‘saṅgho osāreti, ekacco dosārito’’ti imassa vibhaṅge vattabbā paṇḍakādayo viya, na ca vuttā. Ubhayattha avuttattā na cime anubhayā bhavitumarahanti, tasmā avuttānameva dasannaṃ yathāvuttānaṃ saṅgaṇhanatthaṃ puna likhitakādayo vuttāti. Atha kimatthaṃ te idha uppaṭipāṭiyā vuttāti? Iṇāyikadāsānaṃ sosāritabhāvepi iṇāyikadāsā sāmikānaṃ dātabbāti tadadhīnabhāvadassanatthaṃ. Teneva tattha vuttaṃ ‘‘palātopi ānetvā dātabbo’’tiādi. Yo panettha coro katakammo pabbajati, rājabhaṭo vā sace katadoso, iṇāyikaggahaṇeneva gahitoti veditabbo. Atha vā yathāvuttalakkhaṇo sabbopi iṇāyikadāsānaṃ ‘‘sosārito’’ti vattabbāraho na hotīti katvā tesaṃ parivajjanatthaṃ uppaṭipāṭiyā desanā upari ārohati, na heṭṭhāti dīpanato. Likhitako ‘‘sosārito’’ti vuttattā desantaraṃ netabbo. Tathākārabhedakādayopīti veditabbaṃ.
зд̇д̇аавад̇аа бхаг̇авад̇аа ад̇д̇ано д̣̇зсанаагусалад̇ааяа буб̣б̣з г̇ахид̇аг̇г̇ахан̣зна яат̇аавуд̇д̇аанам̣ д̣̇асаннамби баб̣б̣аж̇ж̇убасамбад̣̇аагамманибпад̇д̇и, уббадибаадиважанзна буг̇г̇алавзмад̇д̇ад̇ан̃жа д̣̇зсанааяа говид̣̇аанам̣ д̣̇ийбид̇ам̣ ход̇ийд̇и взд̣̇ид̇аб̣б̣ам̣. ход̇и жзд̇т̇а –
Ettāvatā bhagavatā attano desanākusalatāya pubbe gahitaggahaṇena yathāvuttānaṃ dasannampi pabbajjupasampadākammanipphatti, uppaṭipāṭivacanena puggalavemattatañca desanāya kovidānaṃ dīpitaṃ hotīti veditabbaṃ. Hoti cettha –
‘‘вад̇д̇аб̣б̣аяуд̇д̇ам̣ важанзна вад̇ваа, аяуд̇д̇амидтам̣ наяад̣̇зсанааяа;
‘‘Vattabbayuttaṃ vacanena vatvā, ayuttamiṭṭhaṃ nayadesanāya;
санд̣̇ийбаяанд̇ам̣ суг̇ад̇асса ваагяам̣, жид̇д̇ам̣ вижид̇д̇ам̣ва гарод̇ибий’’д̇и.
Sandīpayantaṃ sugatassa vākyaṃ, cittaṃ vicittaṃva karotipī’’ti.
зд̇т̇ааха – жамбзяяагканд̇хагз уунавийсад̇ивассо убхаяад̇т̇а авуд̇д̇ад̇д̇аа анубхаяо сияаад̇и? на сияаа авуд̇д̇ад̇д̇аа зва. яад̣̇и хи д̇ад̇ияааяа годияаа бхавид̇аб̣б̣ам̣, саа авассам̣ бхаг̇авад̇аа вад̇д̇аб̣б̣аава ход̇и, на жа вуд̇д̇аа, д̇асмаа на со анубхаяо ход̇и. ат̇а гад̇арам̣ багкам̣ бхаж̇ад̇ийд̇и? д̣̇осаарид̇абагкам̣ бхаж̇ад̇и. ат̇а гасмаа на вуд̇д̇од̇и? сигкаабад̣̇зна бадисид̣̇д̇хад̇д̇аа. убанаахам̣ б̣анд̇хид̇ваад̇и буна б̣анд̇ханам̣ гад̇ваа. ‘‘наанаавид̇хзхи осад̇хзхи баад̣̇ам̣ б̣анд̇хид̇ваа ааваадагз бавзсзд̇ваа гад̇д̇аб̣б̣авид̇хаанассзд̇ам̣ ад̇хиважана’’нд̇и ликид̇ам̣. габбасийсо ваа хад̇т̇ий вияа. г̇обхад̇д̇анаал̣игаа наама г̇уннам̣ бхад̇д̇абаанад̇т̇ам̣ гад̇анаал̣игаа. убаггамуко наама гуд̇хид̇амуко вужжад̇и, ваад̇ан̣д̣иго наама ан̣д̣агзсу вуд̣дхирог̇зна саманнааг̇ад̇о. вигадо наама д̇ирияам̣ г̇аманагабаад̣̇зхи саманнааг̇ад̇о. ‘‘г̇ун̣и гун̣ий’’д̇и д̣̇увид̇хо гира баато. язсан̃жа баб̣б̣аж̇ж̇аа бадигкид̇д̇аа, убасамбад̣̇ааби д̇зсам̣ бадигкид̇д̇ааваад̇иаад̣̇и яасмаа хад̇т̇ажчиннаад̣̇аяо убасамбад̣̇аавасзнзва вуд̇д̇аа, д̇асмаа д̇з зва хад̇т̇ажчиннаад̣̇аяо санд̇хааяааха.
Etthāha – campeyyakkhandhake ūnavīsativasso ubhayattha avuttattā anubhayo siyāti? Na siyā avuttattā eva. Yadi hi tatiyāya koṭiyā bhavitabbaṃ, sā avassaṃ bhagavatā vattabbāva hoti, na ca vuttā, tasmā na so anubhayo hoti. Atha kataraṃ pakkhaṃ bhajatīti? Dosāritapakkhaṃ bhajati. Atha kasmā na vuttoti? Sikkhāpadena paṭisiddhattā. Upanāhaṃ bandhitvāti puna bandhanaṃ katvā. ‘‘Nānāvidhehi osadhehi pādaṃ bandhitvā āvāṭake pavesetvā kattabbavidhānassetaṃ adhivacana’’nti likhitaṃ. Kappasīso vā hatthī viya. Gobhattanāḷikā nāma gunnaṃ bhattapānatthaṃ katanāḷikā. Upakkamukho nāma kudhitamukho vuccati, vātaṇḍiko nāma aṇḍakesu vuḍḍhirogena samannāgato. Vikaṭo nāma tiriyaṃ gamanakapādehi samannāgato. ‘‘Guṇi kuṇī’’ti duvidho kira pāṭho. Yesañca pabbajjā paṭikkhittā, upasampadāpi tesaṃ paṭikkhittāvātiādi yasmā hatthacchinnādayo upasampadāvaseneva vuttā, tasmā te eva hatthacchinnādayo sandhāyāha.
хад̇т̇ажчиннаад̣̇ивад̇т̇угат̇ааван̣н̣анаа нидтид̇аа.
Hatthacchinnādivatthukathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 57. набаб̣б̣ааж̇зд̇аб̣б̣ад̣̇вад̇д̇им̣савааро • 57. Napabbājetabbadvattiṃsavāro
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / хад̇т̇ажчиннаад̣̇ивад̇т̇угат̇аа • Hatthacchinnādivatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / хад̇т̇ажчиннаад̣̇ивад̇т̇угат̇ааван̣н̣анаа • Hatthacchinnādivatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / хад̇т̇ажчиннаад̣̇ивад̇т̇угат̇ааван̣н̣анаа • Hatthacchinnādivatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 57. хад̇т̇ажчиннаад̣̇ивад̇т̇угат̇аа • 57. Hatthacchinnādivatthukathā
