| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
5. хад̇т̇агасуд̇д̇ам̣
5. Hatthakasuttaṃ
35. звам̣ мз суд̇ам̣ – згам̣ самаяам̣ бхаг̇аваа аал̣авияам̣ вихарад̇и г̇омаг̇г̇з сим̣сабааванз бан̣н̣асант̇арз. ат̇а ко хад̇т̇аго аал̣аваго ж̇ан̇гхаавихаарам̣ анужан̇гамамаано анувижарамаано ад̣̇д̣̇аса бхаг̇аванд̇ам̣ г̇омаг̇г̇з сим̣сабааванз бан̣н̣асант̇арз нисиннам̣. д̣̇исваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко хад̇т̇аго аал̣аваго бхаг̇аванд̇ам̣ зд̇ад̣̇авожа – ‘‘гажжи, бханд̇з, бхаг̇аваа сукамасаяид̇т̇аа’’д̇и? ‘‘звам̣ , гумаара, сукамасаяид̇т̇ам̣. яз жа бана логз сукам̣ сзнд̇и, ахам̣ д̇зсам̣ ан̃н̃ад̇аро’’д̇и.
35. Evaṃ me sutaṃ – ekaṃ samayaṃ bhagavā āḷaviyaṃ viharati gomagge siṃsapāvane paṇṇasanthare. Atha kho hatthako āḷavako jaṅghāvihāraṃ anucaṅkamamāno anuvicaramāno addasa bhagavantaṃ gomagge siṃsapāvane paṇṇasanthare nisinnaṃ. Disvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho hatthako āḷavako bhagavantaṃ etadavoca – ‘‘kacci, bhante, bhagavā sukhamasayitthā’’ti? ‘‘Evaṃ , kumāra, sukhamasayitthaṃ. Ye ca pana loke sukhaṃ senti, ahaṃ tesaṃ aññataro’’ti.
‘‘сийд̇аа, бханд̇з, хзманд̇игаа рад̇д̇и, анд̇арадтаго химабаад̇асамаяо, караа г̇оган̣дагахад̇аа бхууми, д̇ануго бан̣н̣асант̇аро, вирал̣аани ругкасса бад̇д̇аани, сийд̇аани гаасааяаани вад̇т̇аани, сийд̇о жа взрамбхо ваад̇о вааяад̇и. ат̇а жа бана бхаг̇аваа звамааха – ‘звам̣, гумаара, сукамасаяид̇т̇ам̣. яз жа бана логз сукам̣ сзнд̇и, ахам̣ д̇зсам̣ ан̃н̃ад̇аро’’’д̇и.
‘‘Sītā, bhante, hemantikā ratti, antaraṭṭhako himapātasamayo, kharā gokaṇṭakahatā bhūmi, tanuko paṇṇasantharo, viraḷāni rukkhassa pattāni, sītāni kāsāyāni vatthāni, sīto ca verambho vāto vāyati. Atha ca pana bhagavā evamāha – ‘evaṃ, kumāra, sukhamasayitthaṃ. Ye ca pana loke sukhaṃ senti, ahaṃ tesaṃ aññataro’’’ti.
‘‘д̇зна хи, гумаара, д̇ан̃н̃звзд̇т̇а бадибужчиссаами. яат̇аа д̇з камзяяа д̇ат̇аа нам̣ б̣яаагарзяяааси. д̇ам̣ гим̣ ман̃н̃аси, гумаара, ид̇хасса г̇ахабад̇исса ваа г̇ахабад̇ибуд̇д̇асса ваа гуудааг̇аарам̣ уллид̇д̇аавалид̇д̇ам̣ ниваад̇ам̣ пусид̇аг̇г̇ал̣ам̣ бихид̇аваад̇абаанам̣. д̇ад̇расса баллан̇го г̇онагад̇т̇ад̇о бадигад̇т̇ад̇о бадалигад̇т̇ад̇о гад̣̇алимиг̇абаварабажжад̇т̇аран̣о 1 сауд̇д̇аражчад̣̇о убхад̇о лохид̇агуубад̇хаано; д̇злаббад̣̇ийбо жзд̇т̇а жхааязяяа 2; жад̇ассо жа 3 баж̇аабад̇ияо манаабааманаабзна бажжубадтид̇аа ассу. д̇ам̣ гим̣ ман̃н̃аси, гумаара, сукам̣ ваа со саязяяа но ваа? гат̇ам̣ ваа д̇з зд̇т̇а ход̇ий’’д̇и? ‘‘сукам̣ со, бханд̇з, саязяяа. яз жа бана логз сукам̣ сзнд̇и, со д̇зсам̣ ан̃н̃ад̇аро’’д̇и.
‘‘Tena hi, kumāra, taññevettha paṭipucchissāmi. Yathā te khameyya tathā naṃ byākareyyāsi. Taṃ kiṃ maññasi, kumāra, idhassa gahapatissa vā gahapatiputtassa vā kūṭāgāraṃ ullittāvalittaṃ nivātaṃ phusitaggaḷaṃ pihitavātapānaṃ. Tatrassa pallaṅko gonakatthato paṭikatthato paṭalikatthato kadalimigapavarapaccattharaṇo 4 sauttaracchado ubhato lohitakūpadhāno; telappadīpo cettha jhāyeyya 5; catasso ca 6 pajāpatiyo manāpāmanāpena paccupaṭṭhitā assu. Taṃ kiṃ maññasi, kumāra, sukhaṃ vā so sayeyya no vā? Kathaṃ vā te ettha hotī’’ti? ‘‘Sukhaṃ so, bhante, sayeyya. Ye ca pana loke sukhaṃ senti, so tesaṃ aññataro’’ti.
‘‘д̇ам̣ гим̣ ман̃н̃аси, гумаара, аби ну д̇асса г̇ахабад̇исса ваа г̇ахабад̇ибуд̇д̇асса ваа уббаж̇ж̇зяяум̣ рааг̇аж̇аа барил̣аахаа гааяигаа ваа жзд̇асигаа ваа язхи со рааг̇аж̇зхи барил̣аахзхи барид̣аяхамаано д̣̇угкам̣ саязяяаа’’д̇и? ‘‘звам̣, бханд̇з’’д̇и.
‘‘Taṃ kiṃ maññasi, kumāra, api nu tassa gahapatissa vā gahapatiputtassa vā uppajjeyyuṃ rāgajā pariḷāhā kāyikā vā cetasikā vā yehi so rāgajehi pariḷāhehi pariḍayhamāno dukkhaṃ sayeyyā’’ti? ‘‘Evaṃ, bhante’’ti.
‘‘язхи ко со, гумаара, г̇ахабад̇и ваа г̇ахабад̇ибуд̇д̇о ваа рааг̇аж̇зхи барил̣аахзхи барид̣аяхамаано д̣̇угкам̣ саязяяа, со рааг̇о д̇ат̇ааг̇ад̇асса бахийно ужчиннамууло д̇аалаавад̇т̇угад̇о анабхааван̇гад̇о ааяад̇им̣ ануббаад̣̇ад̇хаммо. д̇асмаахам̣ сукамасаяид̇т̇ам̣.
‘‘Yehi kho so, kumāra, gahapati vā gahapatiputto vā rāgajehi pariḷāhehi pariḍayhamāno dukkhaṃ sayeyya, so rāgo tathāgatassa pahīno ucchinnamūlo tālāvatthukato anabhāvaṅkato āyatiṃ anuppādadhammo. Tasmāhaṃ sukhamasayitthaṃ.
‘‘д̇ам̣ гим̣ ман̃н̃аси, гумаара, аби ну д̇асса г̇ахабад̇исса ваа г̇ахабад̇ибуд̇д̇асса ваа уббаж̇ж̇зяяум̣ д̣̇осаж̇аа барил̣аахаа…бз… мохаж̇аа барил̣аахаа гааяигаа ваа жзд̇асигаа ваа язхи со мохаж̇зхи барил̣аахзхи барид̣аяхамаано д̣̇угкам̣ саязяяаа’’д̇и? ‘‘звам̣, бханд̇з’’д̇и.
‘‘Taṃ kiṃ maññasi, kumāra, api nu tassa gahapatissa vā gahapatiputtassa vā uppajjeyyuṃ dosajā pariḷāhā…pe… mohajā pariḷāhā kāyikā vā cetasikā vā yehi so mohajehi pariḷāhehi pariḍayhamāno dukkhaṃ sayeyyā’’ti? ‘‘Evaṃ, bhante’’ti.
‘‘яз хи ко со, гумаара, г̇ахабад̇и ваа г̇ахабад̇ибуд̇д̇о ваа мохаж̇зхи барил̣аахзхи барид̣аяхамаано д̣̇угкам̣ саязяяа, со мохо д̇ат̇ааг̇ад̇асса бахийно ужчиннамууло д̇аалаавад̇т̇угад̇о анабхааван̇гад̇о ааяад̇им̣ ануббаад̣̇ад̇хаммо. д̇асмаахам̣ сукамасаяид̇т̇а’’нд̇и.
‘‘Ye hi kho so, kumāra, gahapati vā gahapatiputto vā mohajehi pariḷāhehi pariḍayhamāno dukkhaṃ sayeyya, so moho tathāgatassa pahīno ucchinnamūlo tālāvatthukato anabhāvaṅkato āyatiṃ anuppādadhammo. Tasmāhaṃ sukhamasayittha’’nti.
7 ‘‘саб̣б̣ад̣̇аа вз сукам̣ сзд̇и, б̣раахман̣о бариниб̣б̣уд̇о;
8 ‘‘Sabbadā ve sukhaṃ seti, brāhmaṇo parinibbuto;
‘‘саб̣б̣аа аасад̇д̇ияо чзд̇ваа, винзяяа хад̣̇аяз д̣̇арам̣;
‘‘Sabbā āsattiyo chetvā, vineyya hadaye daraṃ;
убасанд̇о сукам̣ сзд̇и, санд̇им̣ баббуяяа жзд̇асо’’д̇и. бан̃жамам̣;
Upasanto sukhaṃ seti, santiṃ pappuyya cetaso’’ti. pañcamaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5. хад̇т̇агасуд̇д̇аван̣н̣анаа • 5. Hatthakasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5. хад̇т̇агасуд̇д̇аван̣н̣анаа • 5. Hatthakasuttavaṇṇanā
