| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
5. хад̇т̇агасуд̇д̇ам̣
5. Hatthakasuttaṃ
128. згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко хад̇т̇аго д̣̇звабуд̇д̇о абхигганд̇ааяа рад̇д̇ияаа абхигганд̇аван̣н̣о гзвалагаббам̣ ж̇зд̇аванам̣ обхаасзд̇ваа язна бхаг̇аваа д̇знубасан̇гами; убасан̇гамид̇ваа – ‘‘бхаг̇авад̇о бурад̇о тассаамий’’д̇и осийд̣̇ад̇имзва сам̣сийд̣̇ад̇имзва 1, на саггод̇и сан̣таад̇ум̣. сзяяат̇ааби наама сабби ваа д̇злам̣ ваа ваалугааяа аасид̇д̇ам̣ осийд̣̇ад̇имзва сам̣сийд̣̇ад̇имзва, на сан̣таад̇и; звамзвам̣ хад̇т̇аго д̣̇звабуд̇д̇о – ‘‘бхаг̇авад̇о бурад̇о тассаамий’’д̇и осийд̣̇ад̇имзва сам̣сийд̣̇ад̇имзва, на саггод̇и сан̣таад̇ум̣.
128. Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho hatthako devaputto abhikkantāya rattiyā abhikkantavaṇṇo kevalakappaṃ jetavanaṃ obhāsetvā yena bhagavā tenupasaṅkami; upasaṅkamitvā – ‘‘bhagavato purato ṭhassāmī’’ti osīdatimeva saṃsīdatimeva 2, na sakkoti saṇṭhātuṃ. Seyyathāpi nāma sappi vā telaṃ vā vālukāya āsittaṃ osīdatimeva saṃsīdatimeva, na saṇṭhāti; evamevaṃ hatthako devaputto – ‘‘bhagavato purato ṭhassāmī’’ti osīdatimeva saṃsīdatimeva, na sakkoti saṇṭhātuṃ.
ат̇а ко бхаг̇аваа хад̇т̇агам̣ д̣̇звабуд̇д̇ам̣ зд̇ад̣̇авожа – ‘‘ол̣ааригам̣, хад̇т̇ага, ад̇д̇абхаавам̣ абхинимминаахий’’д̇и . ‘‘звам̣, бханд̇з’’д̇и, ко хад̇т̇аго д̣̇звабуд̇д̇о бхаг̇авад̇о бадиссуд̇ваа ол̣ааригам̣ ад̇д̇абхаавам̣ абхинимминид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇ам̣ ко хад̇т̇агам̣ д̣̇звабуд̇д̇ам̣ бхаг̇аваа зд̇ад̣̇авожа –
Atha kho bhagavā hatthakaṃ devaputtaṃ etadavoca – ‘‘oḷārikaṃ, hatthaka, attabhāvaṃ abhinimmināhī’’ti . ‘‘Evaṃ, bhante’’ti, kho hatthako devaputto bhagavato paṭissutvā oḷārikaṃ attabhāvaṃ abhinimminitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhitaṃ kho hatthakaṃ devaputtaṃ bhagavā etadavoca –
‘‘яз д̇з, хад̇т̇ага, д̇хаммаа буб̣б̣з мануссабхууд̇асса бавад̇д̇ино ахзсум̣, аби ну д̇з д̇з д̇хаммаа зд̇арахи бавад̇д̇ино’’д̇и? ‘‘яз жа мз, бханд̇з, д̇хаммаа буб̣б̣з мануссабхууд̇асса бавад̇д̇ино ахзсум̣, д̇з жа мз д̇хаммаа зд̇арахи бавад̇д̇ино; яз жа мз, бханд̇з, д̇хаммаа буб̣б̣з мануссабхууд̇асса наббавад̇д̇ино ахзсум̣, д̇з жа мз д̇хаммаа зд̇арахи бавад̇д̇ино. сзяяат̇ааби, бханд̇з, бхаг̇аваа зд̇арахи аагин̣н̣о вихарад̇и бхигкуухи бхигкунийхи убаасагзхи убаасигаахи рааж̇уухи рааж̇амахаамад̇д̇зхи д̇ид̇т̇иязхи д̇ид̇т̇ияасаавагзхи; звамзвам̣ ко ахам̣, бханд̇з, аагин̣н̣о вихараами д̣̇звабуд̇д̇зхи. д̣̇уурад̇оби, бханд̇з, д̣̇звабуд̇д̇аа ааг̇ажчанд̇и хад̇т̇агасса д̣̇звабуд̇д̇асса санд̇игз ‘д̇хаммам̣ соссаамаа’д̇и. д̇ин̣н̣аахам̣, бханд̇з, д̇хаммаанам̣ ад̇ид̇д̇о аббадиваано гаалан̇гад̇о. гад̇амзсам̣ д̇ин̣н̣ам̣? бхаг̇авад̇о ахам̣, бханд̇з, д̣̇ассанасса ад̇ид̇д̇о аббадиваано гаалан̇гад̇о; сад̣̇д̇хаммасаванассаахам̣, бханд̇з, ад̇ид̇д̇о аббадиваано гаалан̇гад̇о; сан̇гхассаахам̣, бханд̇з, убадтаанасса ад̇ид̇д̇о аббадиваано гаалан̇гад̇о. имзсам̣ ко ахам̣, бханд̇з, д̇ин̣н̣ам̣ д̇хаммаанам̣ ад̇ид̇д̇о аббадиваано гаалан̇гад̇о’’д̇и.
‘‘Ye te, hatthaka, dhammā pubbe manussabhūtassa pavattino ahesuṃ, api nu te te dhammā etarahi pavattino’’ti? ‘‘Ye ca me, bhante, dhammā pubbe manussabhūtassa pavattino ahesuṃ, te ca me dhammā etarahi pavattino; ye ca me, bhante, dhammā pubbe manussabhūtassa nappavattino ahesuṃ, te ca me dhammā etarahi pavattino. Seyyathāpi, bhante, bhagavā etarahi ākiṇṇo viharati bhikkhūhi bhikkhunīhi upāsakehi upāsikāhi rājūhi rājamahāmattehi titthiyehi titthiyasāvakehi; evamevaṃ kho ahaṃ, bhante, ākiṇṇo viharāmi devaputtehi. Dūratopi, bhante, devaputtā āgacchanti hatthakassa devaputtassa santike ‘dhammaṃ sossāmā’ti. Tiṇṇāhaṃ, bhante, dhammānaṃ atitto appaṭivāno kālaṅkato. Katamesaṃ tiṇṇaṃ? Bhagavato ahaṃ, bhante, dassanassa atitto appaṭivāno kālaṅkato; saddhammasavanassāhaṃ, bhante, atitto appaṭivāno kālaṅkato; saṅghassāhaṃ, bhante, upaṭṭhānassa atitto appaṭivāno kālaṅkato. Imesaṃ kho ahaṃ, bhante, tiṇṇaṃ dhammānaṃ atitto appaṭivāno kālaṅkato’’ti.
‘‘наахам̣ бхаг̇авад̇о д̣̇ассанасса, д̇ид̇д̇имаж̇жхаг̇аа 3 гуд̣̇аажанам̣;
‘‘Nāhaṃ bhagavato dassanassa, tittimajjhagā 4 kudācanaṃ;
сан̇гхасса убадтаанасса, сад̣̇д̇хаммасаванасса жа.
Saṅghassa upaṭṭhānassa, saddhammasavanassa ca.
‘‘ад̇хисийлам̣ сигкамаано, сад̣̇д̇хаммасаванз рад̇о;
‘‘Adhisīlaṃ sikkhamāno, saddhammasavane rato;
д̇ин̣н̣ам̣ д̇хаммаанам̣ ад̇ид̇д̇о, хад̇т̇аго авихам̣ г̇ад̇о’’д̇и. бан̃жамам̣;
Tiṇṇaṃ dhammānaṃ atitto, hatthako avihaṃ gato’’ti. pañcamaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5. хад̇т̇агасуд̇д̇аван̣н̣анаа • 5. Hatthakasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5. хад̇т̇агасуд̇д̇аван̣н̣анаа • 5. Hatthakasuttavaṇṇanā
