| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
5. хад̇т̇агасуд̇д̇аван̣н̣анаа
5. Hatthakasuttavaṇṇanā
35. бан̃жамз аал̣авияанд̇и аал̣авирадтз. г̇омаг̇г̇зд̇и г̇уннам̣ г̇аманамаг̇г̇з. бан̣н̣асант̇арзд̇и саяам̣ бад̇ид̇абан̣н̣асант̇арз. ат̇аад̇и звам̣ г̇уннам̣ г̇аманамаг̇г̇ам̣ уж̇ум̣ махаабат̇ам̣ ниссааяа сим̣сабааванз саяам̣ бад̇ид̇абан̣н̣аани сан̇гад̣дхид̇ваа гад̇асант̇арз суг̇ад̇амахаажийварам̣ бад̇т̇арид̇ваа баллан̇гам̣ аабхуж̇ид̇ваа нисиннз д̇ат̇ааг̇ад̇з. хад̇т̇аго аал̣авагод̇и хад̇т̇ад̇о хад̇т̇ам̣ г̇ад̇ад̇д̇аа звам̣лад̣̇д̇ханаамо аал̣аваго рааж̇абуд̇д̇о. зд̇ад̣̇авожаад̇и зд̇ам̣ ‘‘гажжи, бханд̇з , бхаг̇аваа’’д̇иаад̣̇иважанам̣ авожа. гасмаа бана саммаасамб̣уд̣̇д̇хо д̇ам̣ таанам̣ г̇анд̇ваа нисинно, гасмаа рааж̇агумааро д̇ад̇т̇а г̇ад̇од̇и? саммаасамб̣уд̣̇д̇хо д̇аава адтуббад̇д̇игааяа д̇хаммад̣̇зсанааяа самудтаанам̣ д̣̇исваа д̇ад̇т̇а нисинно, рааж̇агумаароби баад̇ова удтааяа бан̃жахи убаасагасад̇зхи баривуд̇о б̣уд̣̇д̇хубадтаанам̣ г̇ажчанд̇о махаамаг̇г̇аа оггамма г̇обат̇ам̣ г̇ахзд̇ваа ‘‘б̣уд̣̇д̇хаанам̣ бууж̇анад̇т̇ааяа миссагамаалам̣ ожиниссаамий’’д̇и г̇ажчанд̇о сад̇т̇аарам̣ д̣̇исваа убасан̇гамид̇ваа ванд̣̇ид̇ваа згаманд̇ам̣ нисийд̣̇и, звам̣ со д̇ад̇т̇а г̇ад̇од̇и. сукамасаяид̇т̇аад̇и сукам̣ саяид̇т̇а.
35. Pañcame āḷaviyanti āḷaviraṭṭhe. Gomaggeti gunnaṃ gamanamagge. Paṇṇasanthareti sayaṃ patitapaṇṇasanthare. Athāti evaṃ gunnaṃ gamanamaggaṃ ujuṃ mahāpathaṃ nissāya siṃsapāvane sayaṃ patitapaṇṇāni saṅkaḍḍhitvā katasanthare sugatamahācīvaraṃ pattharitvā pallaṅkaṃ ābhujitvā nisinne tathāgate. Hatthako āḷavakoti hatthato hatthaṃ gatattā evaṃladdhanāmo āḷavako rājaputto. Etadavocāti etaṃ ‘‘kacci, bhante , bhagavā’’tiādivacanaṃ avoca. Kasmā pana sammāsambuddho taṃ ṭhānaṃ gantvā nisinno, kasmā rājakumāro tattha gatoti? Sammāsambuddho tāva aṭṭhuppattikāya dhammadesanāya samuṭṭhānaṃ disvā tattha nisinno, rājakumāropi pātova uṭṭhāya pañcahi upāsakasatehi parivuto buddhupaṭṭhānaṃ gacchanto mahāmaggā okkamma gopathaṃ gahetvā ‘‘buddhānaṃ pūjanatthāya missakamālaṃ ocinissāmī’’ti gacchanto satthāraṃ disvā upasaṅkamitvā vanditvā ekamantaṃ nisīdi, evaṃ so tattha gatoti. Sukhamasayitthāti sukhaṃ sayittha.
анд̇арадтагод̇и маагхапаг̇г̇ун̣аанам̣ анд̇арз адтад̣̇ивасабаримаан̣о гаало. маагхасса хи авасаанз жад̇д̇ааро д̣̇ивасаа, паг̇г̇ун̣асса аад̣̇имхи жад̇д̇аарод̇и аяам̣ ‘‘анд̇арадтаго’’д̇и вужжад̇и. химабаад̇асамаяод̇и химасса бад̇анасамаяо. караад̇и парусаа гагкал̣аа ваа. г̇оган̣дагахад̇аад̇и нававудтз д̣̇звз г̇аавийнам̣ агганд̇агганд̇адтаанз куранд̇арзхи гад̣̇д̣̇амо уг̇г̇анд̇ваа д̇идтад̇и, со ваад̇аад̇абзна сугко гагажад̣̇анд̇асад̣̇исо ход̇и д̣̇угкасампассо. д̇ам̣ санд̇хааяааха – ‘‘г̇оган̣дагахад̇аа бхуумий’’д̇и. г̇уннам̣ куранд̇арзхи чиннаад̇иби ад̇т̇о. взрамбхо ваад̇о вааяад̇ийд̇и жад̇уухи д̣̇исаахи вааяанд̇о ваад̇о вааяад̇и. згааяа д̣̇исааяа ваа д̣̇вийхи ваа д̣̇исаахи д̇ийхи ваа д̣̇исаахи вааяанд̇о ваад̇о взрамбход̇и на вужжад̇и.
Antaraṭṭhakoti māghaphagguṇānaṃ antare aṭṭhadivasaparimāṇo kālo. Māghassa hi avasāne cattāro divasā, phagguṇassa ādimhi cattāroti ayaṃ ‘‘antaraṭṭhako’’ti vuccati. Himapātasamayoti himassa patanasamayo. Kharāti pharusā kakkhaḷā vā. Gokaṇṭakahatāti navavuṭṭhe deve gāvīnaṃ akkantakkantaṭṭhāne khurantarehi kaddamo uggantvā tiṭṭhati, so vātātapena sukkho kakacadantasadiso hoti dukkhasamphasso. Taṃ sandhāyāha – ‘‘gokaṇṭakahatā bhūmī’’ti. Gunnaṃ khurantarehi chinnātipi attho. Verambho vāto vāyatīti catūhi disāhi vāyanto vāto vāyati. Ekāya disāya vā dvīhi vā disāhi tīhi vā disāhi vāyanto vāto verambhoti na vuccati.
д̇зна хи рааж̇агумаараад̇и ид̣̇ам̣ сад̇т̇аа ‘‘аяам̣ рааж̇агумааро логасмим̣ нзва сукаваасино, на д̣̇угкаваасино ж̇аанаад̇и, ж̇аанаабзссаами на’’нд̇и убари д̣̇зсанам̣ вад̣дхзнд̇о ааха. д̇ад̇т̇а яат̇аа д̇з камзяяаад̇и яат̇аа д̇уяхам̣ ружжзяяа. ид̇хассаад̇и имасмим̣ логз асса. г̇онагад̇т̇ад̇од̇и жад̇уран̇г̇улаад̇хигаломзна гаал̣агож̇авзна ад̇т̇ад̇о. бадигад̇т̇ад̇од̇и ун̣н̣аамаязна сзд̇ад̇т̇аран̣зна ад̇т̇ад̇о. бадалигад̇т̇ад̇од̇и гханабубпзна ун̣н̣аамаяаад̇т̇аран̣зна ад̇т̇ад̇о. гад̣̇алимиг̇абаварабажжад̇т̇аран̣од̇и гад̣̇алимиг̇ажаммамаязна уд̇д̇амабажжад̇т̇аран̣зна ад̇т̇ад̇о. д̇ам̣ гира бажжад̇т̇аран̣ам̣ сзд̇авад̇т̇асса убари гад̣̇алимиг̇ажаммам̣ ад̇т̇арид̇ваа сиб̣б̣ид̇ваа гаронд̇и. сауд̇д̇аражчад̣̇од̇и саха уд̇д̇аражчад̣̇зна, убари б̣ад̣̇д̇хзна рад̇д̇авид̇аанзна сад̣̇д̇хинд̇и ад̇т̇о. убхад̇олохид̇агуубад̇хаанод̇и сийсуубад̇хаанан̃жа баад̣̇уубад̇хаанан̃жаад̇и баллан̇гасса убхад̇о табид̇алохид̇агуубад̇хаано. баж̇аабад̇ияод̇и бхарияааяо. манаабзна бажжубадтид̇аа ассууд̇и манаабзна убадтаанавид̇хаанзна бажжубадтид̇аа бхавзяяум̣.
Tena hi rājakumārāti idaṃ satthā ‘‘ayaṃ rājakumāro lokasmiṃ neva sukhavāsino, na dukkhavāsino jānāti, jānāpessāmi na’’nti upari desanaṃ vaḍḍhento āha. Tattha yathā te khameyyāti yathā tuyhaṃ rucceyya. Idhassāti imasmiṃ loke assa. Gonakatthatoti caturaṅgulādhikalomena kāḷakojavena atthato. Paṭikatthatoti uṇṇāmayena setattharaṇena atthato. Paṭalikatthatoti ghanapupphena uṇṇāmayaattharaṇena atthato. Kadalimigapavarapaccattharaṇoti kadalimigacammamayena uttamapaccattharaṇena atthato. Taṃ kira paccattharaṇaṃ setavatthassa upari kadalimigacammaṃ attharitvā sibbitvā karonti. Sauttaracchadoti saha uttaracchadena, upari baddhena rattavitānena saddhinti attho. Ubhatolohitakūpadhānoti sīsūpadhānañca pādūpadhānañcāti pallaṅkassa ubhato ṭhapitalohitakūpadhāno. Pajāpatiyoti bhariyāyo. Manāpenapaccupaṭṭhitā assūti manāpena upaṭṭhānavidhānena paccupaṭṭhitā bhaveyyuṃ.
гааяигаад̇и бан̃жад̣̇ваарагааяам̣ кобхаяамаанаа. жзд̇асигаад̇и манод̣̇ваарам̣ кобхаяамаанаа. со рааг̇о д̇ат̇ааг̇ад̇асса бахийнод̇и д̇ат̇ааруубо рааг̇о д̇ат̇ааг̇ад̇асса бахийнод̇и ад̇т̇о. яо бана д̇асса рааг̇о, на со д̇ат̇ааг̇ад̇асса бахийно наама. д̣̇осамохзсуби зсзва наяо.
Kāyikāti pañcadvārakāyaṃ khobhayamānā. Cetasikāti manodvāraṃ khobhayamānā. So rāgo tathāgatassa pahīnoti tathārūpo rāgo tathāgatassa pahīnoti attho. Yo pana tassa rāgo, na so tathāgatassa pahīno nāma. Dosamohesupi eseva nayo.
б̣раахман̣од̇и б̣аахид̇абаабо кийн̣аасаваб̣раахман̣о. бариниб̣б̣уд̇од̇и гилзсабариниб̣б̣аанзна бариниб̣б̣уд̇о . на лимбад̇и гаамзсууд̇и вад̇т̇угаамзсу жа гилзсагаамзсу жа д̇ан̣хаад̣̇идтилзбзхи на лимбад̇и. сийд̇ибхууд̇од̇и аб̣бханд̇арз д̇аабанагилзсаанам̣ абхаавзна сийд̇ибхууд̇о. нируубад̇хийд̇и гилзсуубад̇хийнам̣ абхаавзна нируубад̇хи. саб̣б̣аа аасад̇д̇ияо чзд̇ваад̇и аасад̇д̇ияо вужжанд̇и д̇ан̣хааяо, д̇аа саб̣б̣ааби руубаад̣̇ийсу аарамман̣зсу аасад̇д̇ависад̇д̇аа аасад̇д̇ияо чинд̣̇ид̇ваа. винзяяа хад̣̇аяз д̣̇аранд̇и хад̣̇аяаниссид̇ам̣ д̣̇арат̇ам̣ винаяид̇ваа вуубасамзд̇ваа. санд̇им̣ баббуяяа жзд̇асод̇и жид̇д̇асса гилзсаниб̣б̣аанам̣ баабун̣ид̇ваа. гаран̣аважанам̣ ваа зд̇ам̣ ‘‘саб̣б̣ажзд̇асо саманнаахарид̇ваа’’д̇иаад̣̇ийсу вияа, жзд̇асаа ниб̣б̣аанам̣ баабун̣ид̇ваад̇и ад̇т̇о.
Brāhmaṇoti bāhitapāpo khīṇāsavabrāhmaṇo. Parinibbutoti kilesaparinibbānena parinibbuto . Na limpati kāmesūti vatthukāmesu ca kilesakāmesu ca taṇhādiṭṭhilepehi na limpati. Sītibhūtoti abbhantare tāpanakilesānaṃ abhāvena sītibhūto. Nirūpadhīti kilesūpadhīnaṃ abhāvena nirūpadhi. Sabbā āsattiyo chetvāti āsattiyo vuccanti taṇhāyo, tā sabbāpi rūpādīsu ārammaṇesu āsattavisattā āsattiyo chinditvā. Vineyya hadaye daranti hadayanissitaṃ darathaṃ vinayitvā vūpasametvā. Santiṃ pappuyya cetasoti cittassa kilesanibbānaṃ pāpuṇitvā. Karaṇavacanaṃ vā etaṃ ‘‘sabbacetaso samannāharitvā’’tiādīsu viya, cetasā nibbānaṃ pāpuṇitvāti attho.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. хад̇т̇агасуд̇д̇ам̣ • 5. Hatthakasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5. хад̇т̇агасуд̇д̇аван̣н̣анаа • 5. Hatthakasuttavaṇṇanā
