| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
5. хад̇т̇агасуд̇д̇аван̣н̣анаа
5. Hatthakasuttavaṇṇanā
128. бан̃жамз абхигганд̇ааяа рад̇д̇ияаад̇и зд̇т̇а абхигганд̇асад̣̇д̣̇о каяасунд̣̇араабхируубааб̣бханумод̣̇анаад̣̇ийсу д̣̇иссад̇и. д̇ад̇т̇а ‘‘абхигганд̇аа, бханд̇з, рад̇д̇и, нигканд̇о батамо яаамо, жиранисинно бхигкусан̇гхо, уд̣̇д̣̇исад̇у, бханд̇з, бхаг̇аваа бхигкуунам̣ баад̇имогка’’нд̇и звамаад̣̇ийсу каяз д̣̇иссад̇и. ‘‘аяам̣ имзсам̣ жад̇уннам̣ буг̇г̇алаанам̣ абхигганд̇ад̇аро жа бан̣ийд̇ад̇аро жаа’’д̇и звамаад̣̇ийсу (а. ни. 4.100) сунд̣̇арз.
128. Pañcame abhikkantāya rattiyāti ettha abhikkantasaddo khayasundarābhirūpaabbhanumodanādīsu dissati. Tattha ‘‘abhikkantā, bhante, ratti, nikkhanto paṭhamo yāmo, ciranisinno bhikkhusaṅgho, uddisatu, bhante, bhagavā bhikkhūnaṃ pātimokkha’’nti evamādīsu khaye dissati. ‘‘Ayaṃ imesaṃ catunnaṃ puggalānaṃ abhikkantataro ca paṇītataro cā’’ti evamādīsu (a. ni. 4.100) sundare.
‘‘го мз ванд̣̇ад̇и баад̣̇аани, ид̣̇д̇хияаа яасасаа ж̇алам̣;
‘‘Ko me vandati pādāni, iddhiyā yasasā jalaṃ;
абхигганд̇зна ван̣н̣зна, саб̣б̣аа обхаасаяам̣ д̣̇исаа’’д̇и. (ви. ва. 857) –
Abhikkantena vaṇṇena, sabbā obhāsayaṃ disā’’ti. (vi. va. 857) –
звамаад̣̇ийсу абхируубз. ‘‘абхигганд̇ам̣, бхо г̇од̇амаа’’д̇и звамаад̣̇ийсу (баараа. 15) аб̣бханумод̣̇анз. ид̇ха бана сунд̣̇арз. д̇зна абхигганд̇ааяа рад̇д̇ияаад̇и идтааяа ганд̇ааяа манаабааяа рад̇д̇ияаад̇и вуд̇д̇ам̣ ход̇и. абхигганд̇аван̣н̣аад̇и ид̇ха абхигганд̇асад̣̇д̣̇о абхируубз, ван̣н̣асад̣̇д̣̇о бана чавит̇уд̇игулаваг̇г̇агааран̣асан̣таанабамаан̣аруубааяад̇анаад̣̇ийсу д̣̇иссад̇и. д̇ад̇т̇а ‘‘суван̣н̣аван̣н̣оси бхаг̇аваа’’д̇и звамаад̣̇ийсу (ма. ни. 2.399; су. ни. 553) чавияам̣. ‘‘гад̣̇аа сан̃н̃уул̣хаа бана д̇з г̇ахабад̇и саман̣асса г̇од̇амасса ван̣н̣аа’’д̇и звамаад̣̇ийсу (ма. ни. 2.77) т̇уд̇ияам̣. ‘‘жад̇д̇ааромз, бхо г̇од̇ама, ван̣н̣аа’’д̇и звамаад̣̇ийсу (д̣̇ий. ни. 3.115) гулаваг̇г̇з. ‘‘ат̇а гзна ну ван̣н̣зна, г̇анд̇хад̇т̇знод̇и вужжад̇ий’’д̇и звамаад̣̇ийсу (сам̣. ни. 1.234) гааран̣з. ‘‘маханд̇ам̣ хад̇т̇ирааж̇аван̣н̣ам̣ абхинимминид̇ваа’’д̇и звамаад̣̇ийсу (сам̣. ни. 1.138) сан̣таанз. ‘‘д̇аяо бад̇д̇асса ван̣н̣аа’’д̇и звамаад̣̇ийсу (баараа. 602) бамаан̣з. ‘‘ван̣н̣о г̇анд̇хо расо ож̇аа’’д̇и звамаад̣̇ийсу руубааяад̇анз. со ид̇ха чавияаа д̣̇адтаб̣б̣о. д̇зна абхигганд̇аван̣н̣аад̇и абхируубажчави, идтаван̣н̣аа манаабаван̣н̣аад̇и вуд̇д̇ам̣ ход̇и.
Evamādīsu abhirūpe. ‘‘Abhikkantaṃ, bho gotamā’’ti evamādīsu (pārā. 15) abbhanumodane. Idha pana sundare. Tena abhikkantāya rattiyāti iṭṭhāya kantāya manāpāya rattiyāti vuttaṃ hoti. Abhikkantavaṇṇāti idha abhikkantasaddo abhirūpe, vaṇṇasaddo pana chavithutikulavaggakāraṇasaṇṭhānapamāṇarūpāyatanādīsu dissati. Tattha ‘‘suvaṇṇavaṇṇosi bhagavā’’ti evamādīsu (ma. ni. 2.399; su. ni. 553) chaviyaṃ. ‘‘Kadā saññūḷhā pana te gahapati samaṇassa gotamassa vaṇṇā’’ti evamādīsu (ma. ni. 2.77) thutiyaṃ. ‘‘Cattārome, bho gotama, vaṇṇā’’ti evamādīsu (dī. ni. 3.115) kulavagge. ‘‘Atha kena nu vaṇṇena, gandhatthenoti vuccatī’’ti evamādīsu (saṃ. ni. 1.234) kāraṇe. ‘‘Mahantaṃ hatthirājavaṇṇaṃ abhinimminitvā’’ti evamādīsu (saṃ. ni. 1.138) saṇṭhāne. ‘‘Tayo pattassa vaṇṇā’’ti evamādīsu (pārā. 602) pamāṇe. ‘‘Vaṇṇo gandho raso ojā’’ti evamādīsu rūpāyatane. So idha chaviyā daṭṭhabbo. Tena abhikkantavaṇṇāti abhirūpacchavi, iṭṭhavaṇṇā manāpavaṇṇāti vuttaṃ hoti.
гзвалагаббанд̇и зд̇т̇а гзваласад̣̇д̣̇о анавасзсаязбхуяяааб̣яаамиссаанад̇ирзгад̣̇ал̣хад̇т̇ависам̣яог̇аад̣̇ианзгад̇т̇о. д̇ат̇аа хисса ‘‘гзвалабарибун̣н̣ам̣ барисуд̣̇д̇хам̣ б̣рахмажарияа’’нд̇и звамаад̣̇ийсу (баараа. 1) анавасзсад̇аа ад̇т̇о. ‘‘гзвалагаббаа жа ан̇г̇амаг̇ад̇хаа бахууд̇ам̣ каад̣̇анийяам̣ бхож̇анийяам̣ аад̣̇ааяа убасан̇гамиссанд̇ий’’д̇и звамаад̣̇ийсу (махаава. 43) язбхуяяад̇аа. ‘‘гзваласса д̣̇угкагканд̇хасса самуд̣̇аяо ход̇ий’’д̇и звамаад̣̇ийсу (вибха. 225) аб̣яаамиссад̇аа. ‘‘гзвалам̣ сад̣̇д̇хаамад̇д̇агам̣ нууна аяамааяасмаа’’д̇и звамаад̣̇ийсу (махаава. 244) анад̇ирзгад̇аа. ‘‘ааяасмад̇о, бханд̇з, ануруд̣̇д̇хасса б̣аахияо наама сад̣̇д̇хивихаариго гзвалагаббам̣ сан̇гхабхзд̣̇ааяа тид̇о’’д̇и звамаад̣̇ийсу (а. ни. 4.243) д̣̇ал̣хад̇т̇ад̇аа. ‘‘гзвалий вусид̇аваа уд̇д̇амабурисод̇и вужжад̇ий’’д̇и звамаад̣̇ийсу (сам̣. ни. 3.57) висам̣яог̇о. ид̇ха бана анавасзсад̇аа ад̇т̇од̇и ад̇хиббзд̇аа.
Kevalakappanti ettha kevalasaddo anavasesayebhuyyābyāmissānatirekadaḷhatthavisaṃyogādianekattho. Tathā hissa ‘‘kevalaparipuṇṇaṃ parisuddhaṃ brahmacariya’’nti evamādīsu (pārā. 1) anavasesatā attho. ‘‘Kevalakappā ca aṅgamagadhā pahūtaṃ khādanīyaṃ bhojanīyaṃ ādāya upasaṅkamissantī’’ti evamādīsu (mahāva. 43) yebhuyyatā. ‘‘Kevalassa dukkhakkhandhassa samudayo hotī’’ti evamādīsu (vibha. 225) abyāmissatā. ‘‘Kevalaṃ saddhāmattakaṃ nūna ayamāyasmā’’ti evamādīsu (mahāva. 244) anatirekatā. ‘‘Āyasmato, bhante, anuruddhassa bāhiyo nāma saddhivihāriko kevalakappaṃ saṅghabhedāya ṭhito’’ti evamādīsu (a. ni. 4.243) daḷhatthatā. ‘‘Kevalī vusitavā uttamapurisoti vuccatī’’ti evamādīsu (saṃ. ni. 3.57) visaṃyogo. Idha pana anavasesatā atthoti adhippetā.
габбасад̣̇д̣̇о банааяам̣ абхисад̣̇д̣̇аханавохаарагаалабан̃н̃ад̇д̇ичзд̣̇анавигаббалзсасаманд̇абхааваад̣̇ианзгад̇т̇о. д̇ат̇аа хисса ‘‘огаббанияамзд̇ам̣ бход̇о г̇од̇амасса, яат̇аа д̇ам̣ арахад̇о саммаасамб̣уд̣̇д̇хассаа’’д̇и звамаад̣̇ийсу (ма. ни. 1.387) абхисад̣̇д̣̇аханамад̇т̇о. ‘‘ануж̇аанаами, бхигкавз, бан̃жахи саман̣агаббзхи палам̣ барибхун̃ж̇ид̇у’’нд̇и звамаад̣̇ийсу (жуул̣ава. 250) вохааро. ‘‘язна суд̣̇ам̣ нижжагаббам̣ вихараамий’’д̇и звамаад̣̇ийсу (ма. ни. 1.387) гаало. ‘‘ижжааяасмаа габбо’’д̇и звамаад̣̇ийсу (су. ни. 1098; жуул̣ани. габбамаан̣авабужчаа 117, габбамаан̣авабужчаанид̣̇д̣̇зсо 61) бан̃н̃ад̇д̇и . ‘‘алан̇гад̇о габбид̇агзсамассуу’’д̇и звамаад̣̇ийсу (ж̇аа. 2.22.1368; ви. ва. 1094) чзд̣̇анам̣. ‘‘габбад̇и д̣̇ван̇г̇улагаббо’’д̇и звамаад̣̇ийсу (жуул̣ава. 446) вигаббо. ‘‘ад̇т̇и габбо нибаж̇ж̇ид̇у’’нд̇и звамаад̣̇ийсу (а. ни. 8.80) лзсо. ‘‘гзвалагаббам̣ взл̣уванам̣ обхаасзд̇ваа’’д̇и звамаад̣̇ийсу (сам̣. ни. 1.94) саманд̇абхааво. ид̇ха банасса саманд̇абхааво ад̇т̇о ад̇хиббзд̇о. д̇асмаа гзвалагаббам̣ ж̇зд̇авананд̇и зд̇т̇а анавасзсам̣ саманд̇ад̇о ж̇зд̇авананд̇и ад̇т̇о.
Kappasaddo panāyaṃ abhisaddahanavohārakālapaññattichedanavikappalesasamantabhāvādianekattho. Tathā hissa ‘‘okappaniyametaṃ bhoto gotamassa, yathā taṃ arahato sammāsambuddhassā’’ti evamādīsu (ma. ni. 1.387) abhisaddahanamattho. ‘‘Anujānāmi, bhikkhave, pañcahi samaṇakappehi phalaṃ paribhuñjitu’’nti evamādīsu (cūḷava. 250) vohāro. ‘‘Yena sudaṃ niccakappaṃ viharāmī’’ti evamādīsu (ma. ni. 1.387) kālo. ‘‘Iccāyasmā kappo’’ti evamādīsu (su. ni. 1098; cūḷani. kappamāṇavapucchā 117, kappamāṇavapucchāniddeso 61) paññatti . ‘‘Alaṅkato kappitakesamassū’’ti evamādīsu (jā. 2.22.1368; vi. va. 1094) chedanaṃ. ‘‘Kappati dvaṅgulakappo’’ti evamādīsu (cūḷava. 446) vikappo. ‘‘Atthi kappo nipajjitu’’nti evamādīsu (a. ni. 8.80) leso. ‘‘Kevalakappaṃ veḷuvanaṃ obhāsetvā’’ti evamādīsu (saṃ. ni. 1.94) samantabhāvo. Idha panassa samantabhāvo attho adhippeto. Tasmā kevalakappaṃ jetavananti ettha anavasesaṃ samantato jetavananti attho.
обхаасзд̇ваад̇и аабхааяа парид̇ваа. ваалугааяаад̇и сан̣хааяа ваалугааяа. на сан̣таад̇ийд̇и на бад̇идтаад̇и. ол̣аариганд̇и б̣рахмад̣̇звад̇ааяа хи бат̇авияам̣ бад̇идтаанагаалз ад̇д̇абхааво ол̣аариго маабзд̇ум̣ ваддад̇и бат̇авий ваа, д̇асмаа звамааха. д̇хаммаад̇и иминаа буб̣б̣з уг̇г̇ахид̇аб̣уд̣̇д̇хаважанам̣ д̣̇ассзд̇и. наббавад̇д̇ино ахзсунд̇и саж̇жхааяамуул̣хагаа ваажаа барихийнааязва ахзсум̣. аббадиваанод̇и анивад̇д̇о анугган̣тид̇о.
Obhāsetvāti ābhāya pharitvā. Vālukāyāti saṇhāya vālukāya. Na saṇṭhātīti na patiṭṭhāti. Oḷārikanti brahmadevatāya hi pathaviyaṃ patiṭṭhānakāle attabhāvo oḷāriko māpetuṃ vaṭṭati pathavī vā, tasmā evamāha. Dhammāti iminā pubbe uggahitabuddhavacanaṃ dasseti. Nappavattino ahesunti sajjhāyamūḷhakā vācā parihīnāyeva ahesuṃ. Appaṭivānoti anivatto anukkaṇṭhito.
д̣̇ассанассаад̇и жагкувин̃н̃аан̣зна д̣̇ассанасса. убадтаанассаад̇и жад̇уухи бажжаязхи убадтаанасса. ад̇хисийланд̇и д̣̇асавид̇хам̣ сийлам̣. д̇ан̃хи бан̃жасийлам̣ убаад̣̇ааяа ад̇хисийланд̇и вужжад̇и. авихам̣ г̇ад̇од̇и авихаб̣рахмалогз ниб̣б̣ад̇д̇осмийд̇и д̣̇ассзд̇и.
Dassanassāti cakkhuviññāṇena dassanassa. Upaṭṭhānassāti catūhi paccayehi upaṭṭhānassa. Adhisīlanti dasavidhaṃ sīlaṃ. Tañhi pañcasīlaṃ upādāya adhisīlanti vuccati. Avihaṃ gatoti avihabrahmaloke nibbattosmīti dasseti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. хад̇т̇агасуд̇д̇ам̣ • 5. Hatthakasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5. хад̇т̇агасуд̇д̇аван̣н̣анаа • 5. Hatthakasuttavaṇṇanā
