| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
5. хад̇т̇агасуд̇д̇аван̣н̣анаа
5. Hatthakasuttavaṇṇanā
35. бан̃жамз аал̣авияанд̇и аал̣авирадтз, на аал̣авинаг̇арз. д̇знааха ‘‘аал̣авияанд̇и аал̣авирадтз’’д̇и. ат̇аад̇и авижчзд̣̇ад̇т̇з нибаад̇о. д̇ад̇т̇а бхаг̇авад̇о нисаж̇ж̇ааяа авижчиннааяа зваад̇и ад̇т̇о. д̇знааха ‘‘зва’’нд̇иаад̣̇и. хад̇т̇ад̇о хад̇т̇ам̣ г̇ад̇ад̇д̇аад̇и аал̣авагасса яагкасса хад̇т̇ад̇о саммаасамб̣уд̣̇д̇хасса хад̇т̇ам̣, д̇ад̇о рааж̇абурисаанам̣ хад̇т̇ам̣ г̇ад̇ад̇д̇аа.
35. Pañcame āḷaviyanti āḷaviraṭṭhe, na āḷavinagare. Tenāha ‘‘āḷaviyanti āḷaviraṭṭhe’’ti. Athāti avicchedatthe nipāto. Tattha bhagavato nisajjāya avicchinnāya evāti attho. Tenāha ‘‘eva’’ntiādi. Hatthato hatthaṃ gatattāti āḷavakassa yakkhassa hatthato sammāsambuddhassa hatthaṃ, tato rājapurisānaṃ hatthaṃ gatattā.
маагхассаад̇и маагхамаасасса. звам̣ паг̇г̇унассаад̇и зд̇т̇ааби. куранд̇арзхи гад̣̇д̣̇амо уг̇г̇анд̇ваа д̇идтад̇ийд̇и гад̣̇д̣̇амо куранд̇арзхи уг̇г̇анд̇ваа д̇идтад̇и. жад̇уухи д̣̇исаахи вааяанд̇о ваад̇о взрамбход̇и вужжад̇и взрамбхаваад̇асад̣̇исад̇д̇аа.
Māghassāti māghamāsassa. Evaṃ phaggunassāti etthāpi. Khurantarehi kaddamo uggantvā tiṭṭhatīti kaddamo khurantarehi uggantvā tiṭṭhati. Catūhi disāhi vāyanto vāto verambhoti vuccati verambhavātasadisattā.
бан̃жад̣̇ваарагааяанд̇и бан̃жад̣̇ваараанусаарзна бавад̇д̇ам̣ вин̃н̃аан̣агааяам̣. кобхаяамаанаад̇и гилзсакобхавасзна кобхаяамаанаа жид̇д̇ам̣ сан̇кобхам̣ гаронд̇аа. жзд̇асигаад̇и манод̣̇вааригажид̇д̇асанниссид̇аа. д̇знааха ‘‘манод̣̇ваарам̣ кобхаяамаанаа’’д̇и. со рааг̇од̇и д̇ам̣сад̣̇исо рааг̇о. бхавад̇и хи д̇ам̣сад̣̇исз д̇аб̣б̣охааро яат̇аа ‘‘саа зва д̇ид̇д̇иригаа, д̇аани зва осад̇хааний’’д̇и. яаад̣̇исо хи згасса буг̇г̇аласса уббаж̇ж̇анагарааг̇о, д̇аад̣̇исо зва д̇ад̇о ан̃н̃асса рааг̇абхаавасааман̃н̃ад̇о. д̇зна вуд̇д̇ам̣ ‘‘д̇ат̇ааруубо рааг̇о’’д̇иаад̣̇и. ижчид̇аалаабхзна раж̇анийязсу ваа нируд̣̇д̇хзсу вад̇т̇уусу д̣̇оманассуббад̇д̇ияаа д̣̇осабарил̣аахаанам̣ самбхаво взд̣̇ид̇аб̣б̣о.
Pañcadvārakāyanti pañcadvārānusārena pavattaṃ viññāṇakāyaṃ. Khobhayamānāti kilesakhobhavasena khobhayamānā cittaṃ saṅkhobhaṃ karontā. Cetasikāti manodvārikacittasannissitā. Tenāha ‘‘manodvāraṃ khobhayamānā’’ti. So rāgoti taṃsadiso rāgo. Bhavati hi taṃsadise tabbohāro yathā ‘‘sā eva tittirikā, tāni eva osadhānī’’ti. Yādiso hi ekassa puggalassa uppajjanakarāgo, tādiso eva tato aññassa rāgabhāvasāmaññato. Tena vuttaṃ ‘‘tathārūporāgo’’tiādi. Icchitālābhena rajanīyesu vā niruddhesu vatthūsu domanassuppattiyā dosapariḷāhānaṃ sambhavo veditabbo.
на лимбад̇и анубалид̇д̇ажид̇д̇ад̇д̇аа. сийд̇ибхууд̇о ниб̣б̣уд̇асаб̣б̣абарил̣аахад̇д̇аа. аасад̇д̇ияо вужжанд̇и д̇ан̣хааяо д̇ад̇т̇а д̇ад̇т̇а аасан̃ж̇анадтзна. д̣̇арат̇анд̇и барил̣аахаж̇аад̇ам̣. жзд̇асод̇и саамиважанам̣.
Na limpati anupalittacittattā. Sītibhūto nibbutasabbapariḷāhattā. Āsattiyo vuccanti taṇhāyo tattha tattha āsañjanaṭṭhena. Darathanti pariḷāhajātaṃ. Cetasoti sāmivacanaṃ.
хад̇т̇агасуд̇д̇аван̣н̣анаа нидтид̇аа.
Hatthakasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. хад̇т̇агасуд̇д̇ам̣ • 5. Hatthakasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5. хад̇т̇агасуд̇д̇аван̣н̣анаа • 5. Hatthakasuttavaṇṇanā
