| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
7. хад̇т̇аарохабуд̇д̇ад̇т̇зраг̇аат̇ааван̣н̣анаа
7. Hatthārohaputtattheragāthāvaṇṇanā
ид̣̇ам̣ бурз жид̇д̇амажаари жаариганд̇и ааяасмад̇о хад̇т̇аарохабуд̇д̇ад̇т̇зрасса г̇аат̇аа. гаа уббад̇д̇и? со гира буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяам̣ бун̃н̃ам̣ убажинанд̇о вибассисса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о згад̣̇ивасам̣ сад̇т̇аарам̣ бхигкусан̇гхабаривуд̇ам̣ вихаарад̇о нигканд̇ам̣ д̣̇исваа басаннажид̇д̇о бубпзхи бууж̇ам̣ гад̇ваа бан̃жабад̇идтид̇зна ванд̣̇ид̇ваа бад̣̇агкин̣ам̣ гад̇ваа баггаами. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з саавад̇т̇ияам̣ хад̇т̇аарохагулз ниб̣б̣ад̇д̇ид̇ваа вин̃н̃уд̇ам̣ бад̇д̇о хад̇т̇исиббз нибпад̇д̇им̣ аг̇амааси. со згад̣̇ивасам̣ хад̇т̇им̣ сигкаабзнд̇о над̣̇ийд̇ийрам̣ г̇анд̇ваа хзд̇усамбад̇д̇ияаа жод̣̇ияамаано ‘‘гим̣ маяхам̣ иминаа хад̇т̇ид̣̇аманзна, ад̇д̇аанам̣ д̣̇аманамзва вара’’нд̇и жинд̇зд̇ваа бхаг̇аванд̇ам̣ убасан̇гамид̇ваа д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваава жарияаанугуулам̣ гаммадтаанам̣ г̇ахзд̇ваа вибассанааяа гаммам̣ гаронд̇о жирабарижаязна гаммадтаанад̇о б̣ахид̣̇д̇хаа вид̇хааванд̇ам̣ жид̇д̇ам̣ чзго хад̇т̇аажарияо вияа ан̇гусзна жан̣д̣амад̇д̇аваравааран̣ам̣ бадисан̇каанаан̇гусзна ниг̇г̇ан̣ханд̇о ‘‘ид̣̇ам̣ бурз жид̇д̇амажаари жаарига’’нд̇и г̇аат̇ам̣ абхааси.
Idaṃ pure cittamacāri cārikanti āyasmato hatthārohaputtattherassa gāthā. Kā uppatti? So kira purimabuddhesu katādhikāro tattha tattha bhave vivaṭṭūpanissayaṃ puññaṃ upacinanto vipassissa bhagavato kāle kulagehe nibbattitvā viññutaṃ patto ekadivasaṃ satthāraṃ bhikkhusaṅghaparivutaṃ vihārato nikkhantaṃ disvā pasannacitto pupphehi pūjaṃ katvā pañcapatiṭṭhitena vanditvā padakkhiṇaṃ katvā pakkāmi. So tena puññakammena devamanussesu saṃsaranto imasmiṃ buddhuppāde sāvatthiyaṃ hatthārohakule nibbattitvā viññutaṃ patto hatthisippe nipphattiṃ agamāsi. So ekadivasaṃ hatthiṃ sikkhāpento nadītīraṃ gantvā hetusampattiyā codiyamāno ‘‘kiṃ mayhaṃ iminā hatthidamanena, attānaṃ damanameva vara’’nti cintetvā bhagavantaṃ upasaṅkamitvā dhammaṃ sutvā paṭiladdhasaddho pabbajitvāva cariyānukūlaṃ kammaṭṭhānaṃ gahetvā vipassanāya kammaṃ karonto ciraparicayena kammaṭṭhānato bahiddhā vidhāvantaṃ cittaṃ cheko hatthācariyo viya aṅkusena caṇḍamattavaravāraṇaṃ paṭisaṅkhānaaṅkusena niggaṇhanto ‘‘idaṃ pure cittamacāri cārika’’nti gāthaṃ abhāsi.
77. д̇ад̇т̇а ид̣̇анд̇и вужжамаанасса жид̇д̇асса ад̇д̇абажжагкад̇ааяа вуд̇д̇ам̣. бурзд̇и ниг̇г̇ахагаалад̇о буб̣б̣з. ажаарийд̇и вижари, анавадтид̇ад̇ааяа наанаарамман̣зсу бариб̣бхами . жаариганд̇и яат̇аагаамажарияам̣. д̇знааха ‘‘язнижчагам̣ яад̇т̇агаамам̣ яат̇аасука’’нд̇и. д̇анд̇и д̇ам̣ жид̇д̇ам̣. аж̇ж̇аад̇и зд̇арахи. ниг̇г̇ахзссаамийд̇и ниг̇г̇ан̣хиссаами, ниб̣б̣исзванам̣ гариссаами. яонисод̇и убааязна. яат̇аа гим̣? хад̇т̇иббабхиннам̣ вияа ан̇гусаг̇г̇ахо. ид̣̇ам̣ вуд̇д̇ам̣ ход̇и – ид̣̇ам̣ мама жид̇д̇ам̣ наама ид̇о буб̣б̣з руубаад̣̇ийсу аарамман̣зсу язна язна рамид̇ум̣ ижчад̇и, д̇асса д̇асса васзна язнижчагам̣, яад̇т̇а яад̇т̇а жасса гаамо, д̇асса д̇асса васзна яад̇т̇агаамам̣, яат̇аа яат̇аа вижаранд̇асса сукам̣ ход̇и, д̇ат̇зва жаран̣ад̇о яат̇аасукам̣ д̣̇ийгхарад̇д̇ам̣ жааригам̣ ажари, д̇ам̣ аж̇ж̇абаахам̣ бхиннамад̣̇амад̇д̇ахад̇т̇им̣ хад̇т̇аажарияасан̇каад̇о чзго ан̇гусаг̇г̇ахо ан̇гусзна вияа яонисоманасигаарзна ниг̇г̇ахзссаами, наасса вийд̇иггамид̇ум̣ д̣̇ассаамийд̇и. звам̣ вад̣̇анд̇о зва жа т̇зро вибассанам̣ вад̣дхзд̇ваа арахад̇д̇ам̣ сажчаагааси. д̇зна вуд̇д̇ам̣ абад̣̇аанз (аба. т̇зра 1.13.91-96) –
77. Tattha idanti vuccamānassa cittassa attapaccakkhatāya vuttaṃ. Pureti niggahakālato pubbe. Acārīti vicari, anavaṭṭhitatāya nānārammaṇesu paribbhami . Cārikanti yathākāmacariyaṃ. Tenāha ‘‘yenicchakaṃ yatthakāmaṃ yathāsukha’’nti. Tanti taṃ cittaṃ. Ajjāti etarahi. Niggahessāmīti niggaṇhissāmi, nibbisevanaṃ karissāmi. Yonisoti upāyena. Yathā kiṃ? Hatthippabhinnaṃ viya aṅkusaggaho. Idaṃ vuttaṃ hoti – idaṃ mama cittaṃ nāma ito pubbe rūpādīsu ārammaṇesu yena yena ramituṃ icchati, tassa tassa vasena yenicchakaṃ, yattha yattha cassa kāmo, tassa tassa vasena yatthakāmaṃ, yathā yathā vicarantassa sukhaṃ hoti, tatheva caraṇato yathāsukhaṃ dīgharattaṃ cārikaṃ acari, taṃ ajjapāhaṃ bhinnamadamattahatthiṃ hatthācariyasaṅkhāto cheko aṅkusaggaho aṅkusena viya yonisomanasikārena niggahessāmi, nāssa vītikkamituṃ dassāmīti. Evaṃ vadanto eva ca thero vipassanaṃ vaḍḍhetvā arahattaṃ sacchākāsi. Tena vuttaṃ apadāne (apa. thera 1.13.91-96) –
‘‘суван̣н̣аван̣н̣о самб̣уд̣̇д̇хо, вибассий д̣̇агкин̣аарахо;
‘‘Suvaṇṇavaṇṇo sambuddho, vipassī dakkhiṇāraho;
бурагкад̇о саавагзхи, аараамаа абхинигками.
Purakkhato sāvakehi, ārāmā abhinikkhami.
‘‘д̣̇исваанахам̣ б̣уд̣̇д̇хасздтам̣, саб̣б̣ан̃н̃ум̣ д̇аманаасагам̣;
‘‘Disvānahaṃ buddhaseṭṭhaṃ, sabbaññuṃ tamanāsakaṃ;
басаннажид̇д̇о сумано, г̇ан̣тибубпам̣ абууж̇аяим̣.
Pasannacitto sumano, gaṇṭhipupphaṃ apūjayiṃ.
‘‘д̇зна жид̇д̇аббасаад̣̇зна, д̣̇вибад̣̇инд̣̇асса д̇аад̣̇ино;
‘‘Tena cittappasādena, dvipadindassa tādino;
хадто хадтзна жид̇д̇зна, буна ванд̣̇им̣ д̇ат̇ааг̇ад̇ам̣.
Haṭṭho haṭṭhena cittena, puna vandiṃ tathāgataṃ.
‘‘зганавуд̇ид̇о габбз, яам̣ бубпамабхиробаяим̣;
‘‘Ekanavutito kappe, yaṃ pupphamabhiropayiṃ;
д̣̇уг̇г̇ад̇им̣ наабхиж̇аанаами, б̣уд̣̇д̇хабууж̇ааяид̣̇ам̣ палам̣.
Duggatiṃ nābhijānāmi, buddhapūjāyidaṃ phalaṃ.
‘‘згад̇аалийсид̇о габбз, жаран̣о наама кад̇д̇ияо;
‘‘Ekatālīsito kappe, caraṇo nāma khattiyo;
сад̇д̇арад̇анасамбанно, жаггавад̇д̇ий махаб̣б̣ало.
Sattaratanasampanno, cakkavattī mahabbalo.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
аяамзва жа т̇зрасса ан̃н̃ааб̣яаагаран̣аг̇аат̇аа ахосийд̇и.
Ayameva ca therassa aññābyākaraṇagāthā ahosīti.
хад̇т̇аарохабуд̇д̇ад̇т̇зраг̇аат̇ааван̣н̣анаа нидтид̇аа.
Hatthārohaputtattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 7. хад̇т̇аарохабуд̇д̇ад̇т̇зраг̇аат̇аа • 7. Hatthārohaputtattheragāthā
