| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
১৬৯. হত্থিমংসাদিপটিক্খেপকথা
169. Hatthimaṃsādipaṭikkhepakathā
২৮১. অরঞ্ঞকোকা নামাতি সসবিল়ালাদযো সত্তে খাদনত্থায কুকতি আদদাতীতি কোকো অরঞ্ঞে জাতো কোকো অরঞ্ঞকোকো, সুনখসদিসাতি গামসুনখেন সদিসা। তেসন্তি অরঞ্ঞকোকানং। যো পনাতি সুনখো পন, উপ্পন্নোতি সম্বন্ধো। গামসুনখিযাতি সাম্যত্থে সামিৰচনং। কোকেনাতি সহাদিযোগে করণৰচনং। তানি পদানি ‘‘সংযোগেনা’’তি পদেন যোজেতব্বানি। তস্সাতি সুনখস্স।
281. Araññakokā nāmāti sasabiḷālādayo satte khādanatthāya kukati ādadātīti koko araññe jāto koko araññakoko, sunakhasadisāti gāmasunakhena sadisā. Tesanti araññakokānaṃ. Yo panāti sunakho pana, uppannoti sambandho. Gāmasunakhiyāti sāmyatthe sāmivacanaṃ. Kokenāti sahādiyoge karaṇavacanaṃ. Tāni padāni ‘‘saṃyogenā’’ti padena yojetabbāni. Tassāti sunakhassa.
এত্থাতি মনুস্সমংসাদীসু। সজাতিকতাযাতি সমানজাতিকভাৰতো। অনুপদ্দৰত্থাযাতি অনুপদ্দৰত্থং, পটিক্খিত্তানীতি সম্বন্ধো। আপত্তীতি মনুস্সমংসে থুল্লচ্চযেন, সেসে দুক্কটেন আপত্তি। উদ্দিস্স কতং পনাতি ভিক্খুং উদ্দিস্স কতমংসং পন।
Etthāti manussamaṃsādīsu. Sajātikatāyāti samānajātikabhāvato. Anupaddavatthāyāti anupaddavatthaṃ, paṭikkhittānīti sambandho. Āpattīti manussamaṃse thullaccayena, sese dukkaṭena āpatti. Uddissa kataṃ panāti bhikkhuṃ uddissa katamaṃsaṃ pana.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi / ১৬৯. হত্থিমংসাদিপটিক্খেপকথা • 169. Hatthimaṃsādipaṭikkhepakathā
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā / হত্থিমংসাদিপটিক্খেপকথা • Hatthimaṃsādipaṭikkhepakathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / হত্থিমংসাদিপটিক্খেপকথাৰণ্ণনা • Hatthimaṃsādipaṭikkhepakathāvaṇṇanā
