| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
хад̇т̇имам̣саад̣̇ибадигкзбагат̇аа
Hatthimaṃsādipaṭikkhepakathā
281. сунакамам̣санд̇и зд̇т̇а аран̃н̃агогаа наама сунакасад̣̇исаа хонд̇и, д̇зсам̣ мам̣сам̣ ваддад̇и. яо бана г̇аамасунакияаа ваа гогзна гогасунакияаа ваа г̇аамасунакзна сам̣яог̇аа уббанно, д̇асса мам̣сам̣ на ваддад̇и, со хи убхаяам̣ бхаж̇ад̇ийд̇и. ахимам̣санд̇и гассажи абаад̣̇агасса д̣̇ийгхаж̇аад̇игасса мам̣сам̣ на ваддад̇и. сийхамам̣саад̣̇ийни баагадаанзва.
281.Sunakhamaṃsanti ettha araññakokā nāma sunakhasadisā honti, tesaṃ maṃsaṃ vaṭṭati. Yo pana gāmasunakhiyā vā kokena kokasunakhiyā vā gāmasunakhena saṃyogā uppanno, tassa maṃsaṃ na vaṭṭati, so hi ubhayaṃ bhajatīti. Ahimaṃsanti kassaci apādakassa dīghajātikassa maṃsaṃ na vaṭṭati. Sīhamaṃsādīni pākaṭāneva.
зд̇т̇а жа мануссамам̣сам̣ саж̇аад̇ид̇ааяа бадигкид̇д̇ам̣, хад̇т̇иассамам̣сам̣ рааж̇ан̇г̇ад̇ааяа, сунакамам̣сан̃жа ахимам̣сан̃жа бадигуулад̇ааяа, сийхамам̣саад̣̇ийни бан̃жа ад̇д̇ано анубад̣̇д̣̇авад̇т̇ааяаад̇и. имзсам̣ мануссаад̣̇ийнам̣ д̣̇асаннам̣ мам̣самби адтиби лохид̇амби жаммамби ломамби саб̣б̣ам̣ на ваддад̇и, яам̣гин̃жи н̃ад̇ваа ваа ан̃ад̇ваа ваа каад̣̇анд̇асса аабад̇д̇иязва. яад̣̇аа ж̇аанаад̇и, д̇ад̣̇аа д̣̇зсзд̇аб̣б̣аа. ‘‘абужчид̇ваа каад̣̇иссаамий’’д̇и г̇ан̣хад̇о бадиг̇г̇ахан̣з д̣̇уггадам̣, ‘‘бужчид̇ваа каад̣̇иссаамий’’д̇и г̇ан̣хад̇о анаабад̇д̇и. уд̣̇д̣̇исса гад̇ам̣ бана ж̇аанид̇ваа каад̣̇анд̇ассзва аабад̇д̇и, бажчаа ж̇аананд̇о аабад̇д̇ияаа на гаарзд̇аб̣б̣од̇и.
Ettha ca manussamaṃsaṃ sajātitāya paṭikkhittaṃ, hatthiassamaṃsaṃ rājaṅgatāya, sunakhamaṃsañca ahimaṃsañca paṭikūlatāya, sīhamaṃsādīni pañca attano anupaddavatthāyāti. Imesaṃ manussādīnaṃ dasannaṃ maṃsampi aṭṭhipi lohitampi cammampi lomampi sabbaṃ na vaṭṭati, yaṃkiñci ñatvā vā añatvā vā khādantassa āpattiyeva. Yadā jānāti, tadā desetabbā. ‘‘Apucchitvā khādissāmī’’ti gaṇhato paṭiggahaṇe dukkaṭaṃ, ‘‘pucchitvā khādissāmī’’ti gaṇhato anāpatti. Uddissa kataṃ pana jānitvā khādantasseva āpatti, pacchā jānanto āpattiyā na kāretabboti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 169. хад̇т̇имам̣саад̣̇ибадигкзбагат̇аа • 169. Hatthimaṃsādipaṭikkhepakathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / хад̇т̇имам̣саад̣̇ибадигкзбагат̇ааван̣н̣анаа • Hatthimaṃsādipaṭikkhepakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 169. хад̇т̇имам̣саад̣̇ибадигкзбагат̇аа • 169. Hatthimaṃsādipaṭikkhepakathā
