| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
169. хад̇т̇имам̣саад̣̇ибадигкзбагат̇аа
169. Hatthimaṃsādipaṭikkhepakathā
281. д̇зна ко бана самаязна ран̃н̃о хад̇т̇ий маранд̇и . мануссаа д̣̇уб̣бхигкз хад̇т̇имам̣сам̣ барибхун̃ж̇анд̇и , бхигкуунам̣ бин̣д̣ааяа жаранд̇аанам̣ хад̇т̇имам̣сам̣ д̣̇знд̇и. бхигкуу хад̇т̇имам̣сам̣ барибхун̃ж̇анд̇и. мануссаа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама саман̣аа сагяабуд̇д̇ияаа хад̇т̇имам̣сам̣ барибхун̃ж̇иссанд̇и. рааж̇ан̇г̇ам̣ хад̇т̇ий, сажз рааж̇аа ж̇аанзяяа, на нзсам̣ ад̇д̇амано ассаа’’д̇и. бхаг̇авад̇о зд̇амад̇т̇ам̣ аарожзсум̣. на, бхигкавз, хад̇т̇имам̣сам̣ барибхун̃ж̇ид̇аб̣б̣ам̣. яо барибхун̃ж̇зяяа, аабад̇д̇и д̣̇уггадассаад̇и.
281. Tena kho pana samayena rañño hatthī maranti . Manussā dubbhikkhe hatthimaṃsaṃ paribhuñjanti , bhikkhūnaṃ piṇḍāya carantānaṃ hatthimaṃsaṃ denti. Bhikkhū hatthimaṃsaṃ paribhuñjanti. Manussā ujjhāyanti khiyyanti vipācenti – ‘‘kathañhi nāma samaṇā sakyaputtiyā hatthimaṃsaṃ paribhuñjissanti. Rājaṅgaṃ hatthī, sace rājā jāneyya, na nesaṃ attamano assā’’ti. Bhagavato etamatthaṃ ārocesuṃ. Na, bhikkhave, hatthimaṃsaṃ paribhuñjitabbaṃ. Yo paribhuñjeyya, āpatti dukkaṭassāti.
д̇зна ко бана самаязна ран̃н̃о ассаа маранд̇и. мануссаа д̣̇уб̣бхигкз ассамам̣сам̣ барибхун̃ж̇анд̇и, бхигкуунам̣ бин̣д̣ааяа жаранд̇аанам̣ ассамам̣сам̣ д̣̇знд̇и. бхигкуу ассамам̣сам̣ барибхун̃ж̇анд̇и. мануссаа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама саман̣аа сагяабуд̇д̇ияаа ассамам̣сам̣ барибхун̃ж̇иссанд̇и. рааж̇ан̇г̇ам̣ ассаа, сажз рааж̇аа ж̇аанзяяа, на нзсам̣ ад̇д̇амано ассаа’’д̇и. бхаг̇авад̇о зд̇амад̇т̇ам̣ аарожзсум̣. на, бхигкавз, ассамам̣сам̣ барибхун̃ж̇ид̇аб̣б̣ам̣. яо барибхун̃ж̇зяяа, аабад̇д̇и д̣̇уггадассаад̇и.
Tena kho pana samayena rañño assā maranti. Manussā dubbhikkhe assamaṃsaṃ paribhuñjanti, bhikkhūnaṃ piṇḍāya carantānaṃ assamaṃsaṃ denti. Bhikkhū assamaṃsaṃ paribhuñjanti. Manussā ujjhāyanti khiyyanti vipācenti – ‘‘kathañhi nāma samaṇā sakyaputtiyā assamaṃsaṃ paribhuñjissanti. Rājaṅgaṃ assā, sace rājā jāneyya, na nesaṃ attamano assā’’ti. Bhagavato etamatthaṃ ārocesuṃ. Na, bhikkhave, assamaṃsaṃ paribhuñjitabbaṃ. Yo paribhuñjeyya, āpatti dukkaṭassāti.
д̇зна ко бана самаязна мануссаа д̣̇уб̣бхигкз сунакамам̣сам̣ барибхун̃ж̇анд̇и, бхигкуунам̣ бин̣д̣ааяа жаранд̇аанам̣ сунакамам̣сам̣ д̣̇знд̇и. бхигкуу сунакамам̣сам̣ барибхун̃ж̇анд̇и. мануссаа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама саман̣аа сагяабуд̇д̇ияаа сунакамам̣сам̣ барибхун̃ж̇иссанд̇и, ж̇зг̇ужчо сунако бадигууло’’д̇и. бхаг̇авад̇о зд̇амад̇т̇ам̣ аарожзсум̣. на, бхигкавз, сунакамам̣сам̣ барибхун̃ж̇ид̇аб̣б̣ам̣. яо барибхун̃ж̇зяяа, аабад̇д̇и д̣̇уггадассаад̇и.
Tena kho pana samayena manussā dubbhikkhe sunakhamaṃsaṃ paribhuñjanti, bhikkhūnaṃ piṇḍāya carantānaṃ sunakhamaṃsaṃ denti. Bhikkhū sunakhamaṃsaṃ paribhuñjanti. Manussā ujjhāyanti khiyyanti vipācenti – ‘‘kathañhi nāma samaṇā sakyaputtiyā sunakhamaṃsaṃ paribhuñjissanti, jeguccho sunakho paṭikūlo’’ti. Bhagavato etamatthaṃ ārocesuṃ. Na, bhikkhave, sunakhamaṃsaṃ paribhuñjitabbaṃ. Yo paribhuñjeyya, āpatti dukkaṭassāti.
д̇зна ко бана самаязна мануссаа д̣̇уб̣бхигкз ахимам̣сам̣ барибхун̃ж̇анд̇и, бхигкуунам̣ бин̣д̣ааяа жаранд̇аанам̣ ахимам̣сам̣ д̣̇знд̇и. бхигкуу ахимам̣сам̣ барибхун̃ж̇анд̇и. мануссаа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама саман̣аа сагяабуд̇д̇ияаа ахимам̣сам̣ барибхун̃ж̇иссанд̇и, ж̇зг̇ужчо ахи бадигууло’’д̇и. субассоби 1 нааг̇арааж̇аа язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇о ко субассо нааг̇арааж̇аа бхаг̇аванд̇ам̣ зд̇ад̣̇авожа – ‘‘санд̇и, бханд̇з, нааг̇аа ассад̣̇д̇хаа аббасаннаа. д̇з аббамад̇д̇агзхиби бхигкуу вихзтзяяум̣. саад̇ху, бханд̇з, аяяаа ахимам̣сам̣ на барибхун̃ж̇зяяу’’нд̇и. ат̇а ко бхаг̇аваа субассам̣ нааг̇арааж̇аанам̣ д̇хаммияаа гат̇ааяа санд̣̇ассзси…бз… бад̣̇агкин̣ам̣ гад̇ваа баггаами. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘на, бхигкавз, ахимам̣сам̣ барибхун̃ж̇ид̇аб̣б̣ам̣. яо барибхун̃ж̇зяяа, аабад̇д̇и д̣̇уггадассаа’’д̇и.
Tena kho pana samayena manussā dubbhikkhe ahimaṃsaṃ paribhuñjanti, bhikkhūnaṃ piṇḍāya carantānaṃ ahimaṃsaṃ denti. Bhikkhū ahimaṃsaṃ paribhuñjanti. Manussā ujjhāyanti khiyyanti vipācenti – ‘‘kathañhi nāma samaṇā sakyaputtiyā ahimaṃsaṃ paribhuñjissanti, jeguccho ahi paṭikūlo’’ti. Supassopi 2 nāgarājā yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhito kho supasso nāgarājā bhagavantaṃ etadavoca – ‘‘santi, bhante, nāgā assaddhā appasannā. Te appamattakehipi bhikkhū viheṭheyyuṃ. Sādhu, bhante, ayyā ahimaṃsaṃ na paribhuñjeyyu’’nti. Atha kho bhagavā supassaṃ nāgarājānaṃ dhammiyā kathāya sandassesi…pe… padakkhiṇaṃ katvā pakkāmi. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘na, bhikkhave, ahimaṃsaṃ paribhuñjitabbaṃ. Yo paribhuñjeyya, āpatti dukkaṭassā’’ti.
д̇зна ко бана самаязна луд̣̇д̣̇агаа сийхам̣ ханд̇ваа сийхамам̣сам̣ 3 барибхун̃ж̇анд̇и, бхигкуунам̣ бин̣д̣ааяа жаранд̇аанам̣ сийхамам̣сам̣ д̣̇знд̇и. бхигкуу сийхамам̣сам̣ барибхун̃ж̇ид̇ваа аран̃н̃з вихаранд̇и. сийхаа сийхамам̣саг̇анд̇хзна бхигкуу барибаад̇знд̇и. бхаг̇авад̇о зд̇амад̇т̇ам̣ аарожзсум̣. на, бхигкавз, сийхамам̣сам̣ барибхун̃ж̇ид̇аб̣б̣ам̣. яо барибхун̃ж̇зяяа, аабад̇д̇и д̣̇уггадассаад̇и.
Tena kho pana samayena luddakā sīhaṃ hantvā sīhamaṃsaṃ 4 paribhuñjanti, bhikkhūnaṃ piṇḍāya carantānaṃ sīhamaṃsaṃ denti. Bhikkhū sīhamaṃsaṃ paribhuñjitvā araññe viharanti. Sīhā sīhamaṃsagandhena bhikkhū paripātenti. Bhagavato etamatthaṃ ārocesuṃ. Na, bhikkhave, sīhamaṃsaṃ paribhuñjitabbaṃ. Yo paribhuñjeyya, āpatti dukkaṭassāti.
д̇зна ко бана самаязна луд̣̇д̣̇агаа б̣яаг̇гхам̣ ханд̇ваа…бз… д̣̇ийбим̣ ханд̇ваа…бз… ажчам̣ ханд̇ваа…бз… д̇аражчам̣ ханд̇ваа д̇аражчамам̣сам̣ барибхун̃ж̇анд̇и, бхигкуунам̣ бин̣д̣ааяа жаранд̇аанам̣ д̇аражчамам̣сам̣ д̣̇знд̇и. бхигкуу д̇аражчамам̣сам̣ барибхун̃ж̇ид̇ваа аран̃н̃з вихаранд̇и. д̇аражчаа д̇аражчамам̣саг̇анд̇хзна бхигкуу барибаад̇знд̇и. бхаг̇авад̇о зд̇амад̇т̇ам̣ аарожзсум̣. на, бхигкавз, д̇аражчамам̣сам̣ барибхун̃ж̇ид̇аб̣б̣ам̣. яо барибхун̃ж̇зяяа, аабад̇д̇и д̣̇уггадассаад̇и.
Tena kho pana samayena luddakā byagghaṃ hantvā…pe… dīpiṃ hantvā…pe… acchaṃ hantvā…pe… taracchaṃ hantvā taracchamaṃsaṃ paribhuñjanti, bhikkhūnaṃ piṇḍāya carantānaṃ taracchamaṃsaṃ denti. Bhikkhū taracchamaṃsaṃ paribhuñjitvā araññe viharanti. Taracchā taracchamaṃsagandhena bhikkhū paripātenti. Bhagavato etamatthaṃ ārocesuṃ. Na, bhikkhave, taracchamaṃsaṃ paribhuñjitabbaṃ. Yo paribhuñjeyya, āpatti dukkaṭassāti.
хад̇т̇имам̣саад̣̇ибадигкзбагат̇аа нидтид̇аа.
Hatthimaṃsādipaṭikkhepakathā niṭṭhitā.
суббияабхаан̣авааро нидтид̇о д̣̇уд̇ияо.
Suppiyabhāṇavāro niṭṭhito dutiyo.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / хад̇т̇имам̣саад̣̇ибадигкзбагат̇аа • Hatthimaṃsādipaṭikkhepakathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / хад̇т̇имам̣саад̣̇ибадигкзбагат̇ааван̣н̣анаа • Hatthimaṃsādipaṭikkhepakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 169. хад̇т̇имам̣саад̣̇ибадигкзбагат̇аа • 169. Hatthimaṃsādipaṭikkhepakathā
