| Library / Tipiṭaka / తిపిటక • Tipiṭaka / పాచిత్యాదియోజనాపాళి • Pācityādiyojanāpāḷi |
౧౬౯. హత్థిమంసాదిపటిక్ఖేపకథా
169. Hatthimaṃsādipaṭikkhepakathā
౨౮౧. అరఞ్ఞకోకా నామాతి ససబిళాలాదయో సత్తే ఖాదనత్థాయ కుకతి ఆదదాతీతి కోకో అరఞ్ఞే జాతో కోకో అరఞ్ఞకోకో, సునఖసదిసాతి గామసునఖేన సదిసా. తేసన్తి అరఞ్ఞకోకానం. యో పనాతి సునఖో పన, ఉప్పన్నోతి సమ్బన్ధో. గామసునఖియాతి సామ్యత్థే సామివచనం. కోకేనాతి సహాదియోగే కరణవచనం. తాని పదాని ‘‘సంయోగేనా’’తి పదేన యోజేతబ్బాని. తస్సాతి సునఖస్స.
281. Araññakokā nāmāti sasabiḷālādayo satte khādanatthāya kukati ādadātīti koko araññe jāto koko araññakoko, sunakhasadisāti gāmasunakhena sadisā. Tesanti araññakokānaṃ. Yo panāti sunakho pana, uppannoti sambandho. Gāmasunakhiyāti sāmyatthe sāmivacanaṃ. Kokenāti sahādiyoge karaṇavacanaṃ. Tāni padāni ‘‘saṃyogenā’’ti padena yojetabbāni. Tassāti sunakhassa.
ఏత్థాతి మనుస్సమంసాదీసు. సజాతికతాయాతి సమానజాతికభావతో. అనుపద్దవత్థాయాతి అనుపద్దవత్థం, పటిక్ఖిత్తానీతి సమ్బన్ధో. ఆపత్తీతి మనుస్సమంసే థుల్లచ్చయేన, సేసే దుక్కటేన ఆపత్తి. ఉద్దిస్స కతం పనాతి భిక్ఖుం ఉద్దిస్స కతమంసం పన.
Etthāti manussamaṃsādīsu. Sajātikatāyāti samānajātikabhāvato. Anupaddavatthāyāti anupaddavatthaṃ, paṭikkhittānīti sambandho. Āpattīti manussamaṃse thullaccayena, sese dukkaṭena āpatti. Uddissa kataṃ panāti bhikkhuṃ uddissa katamaṃsaṃ pana.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / మహావగ్గపాళి • Mahāvaggapāḷi / ౧౬౯. హత్థిమంసాదిపటిక్ఖేపకథా • 169. Hatthimaṃsādipaṭikkhepakathā
అట్ఠకథా • Aṭṭhakathā / వినయపిటక (అట్ఠకథా) • Vinayapiṭaka (aṭṭhakathā) / మహావగ్గ-అట్ఠకథా • Mahāvagga-aṭṭhakathā / హత్థిమంసాదిపటిక్ఖేపకథా • Hatthimaṃsādipaṭikkhepakathā
టీకా • Tīkā / వినయపిటక (టీకా) • Vinayapiṭaka (ṭīkā) / వజిరబుద్ధి-టీకా • Vajirabuddhi-ṭīkā / హత్థిమంసాదిపటిక్ఖేపకథావణ్ణనా • Hatthimaṃsādipaṭikkhepakathāvaṇṇanā
