| Library / Tipiṭaka / තිපිටක • Tipiṭaka / පාචිත්‍යාදියොජනාපාළි • Pācityādiyojanāpāḷi |
169. හත්‌ථිමංසාදිපටික්‌ඛෙපකථා
169. Hatthimaṃsādipaṭikkhepakathā
281. අරඤ්‌ඤකොකා නාමාති සසබිළාලාදයො සත්‌තෙ ඛාදනත්‌ථාය කුකති ආදදාතීති කොකො අරඤ්‌ඤෙ ජාතො කොකො අරඤ්‌ඤකොකො, සුනඛසදිසාති ගාමසුනඛෙන සදිසා. තෙසන්‌ති අරඤ්‌ඤකොකානං. යො පනාති සුනඛො පන, උප්‌පන්‌නොති සම්‌බන්‌ධො. ගාමසුනඛියාති සාම්‍යත්‌ථෙ සාමිවචනං. කොකෙනාති සහාදියොගෙ කරණවචනං. තානි පදානි ‘‘සංයොගෙනා’’ති පදෙන යොජෙතබ්‌බානි. තස්‌සාති සුනඛස්‌ස.
281. Araññakokā nāmāti sasabiḷālādayo satte khādanatthāya kukati ādadātīti koko araññe jāto koko araññakoko, sunakhasadisāti gāmasunakhena sadisā. Tesanti araññakokānaṃ. Yo panāti sunakho pana, uppannoti sambandho. Gāmasunakhiyāti sāmyatthe sāmivacanaṃ. Kokenāti sahādiyoge karaṇavacanaṃ. Tāni padāni ‘‘saṃyogenā’’ti padena yojetabbāni. Tassāti sunakhassa.
එත්‌ථාති මනුස්‌සමංසාදීසු. සජාතිකතායාති සමානජාතිකභාවතො. අනුපද්‌දවත්‌ථායාති අනුපද්‌දවත්‌ථං, පටික්‌ඛිත්‌තානීති සම්‌බන්‌ධො. ආපත්‌තීති මනුස්‌සමංසෙ ථුල්‌ලච්‌චයෙන, සෙසෙ දුක්‌කටෙන ආපත්‌ති. උද්‌දිස්‌ස කතං පනාති භික්‌ඛුං උද්‌දිස්‌ස කතමංසං පන.
Etthāti manussamaṃsādīsu. Sajātikatāyāti samānajātikabhāvato. Anupaddavatthāyāti anupaddavatthaṃ, paṭikkhittānīti sambandho. Āpattīti manussamaṃse thullaccayena, sese dukkaṭena āpatti. Uddissa kataṃ panāti bhikkhuṃ uddissa katamaṃsaṃ pana.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi / 169. හත්‌ථිමංසාදිපටික්‌ඛෙපකථා • 169. Hatthimaṃsādipaṭikkhepakathā
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවග්‌ග-අට්‌ඨකථා • Mahāvagga-aṭṭhakathā / හත්‌ථිමංසාදිපටික්‌ඛෙපකථා • Hatthimaṃsādipaṭikkhepakathā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / හත්‌ථිමංසාදිපටික්‌ඛෙපකථාවණ්‌ණනා • Hatthimaṃsādipaṭikkhepakathāvaṇṇanā
