| Library / Tipiṭaka / ཏིཔིཊཀ • Tipiṭaka / པཱཙིཏྱཱདིཡོཛནཱཔཱལི༹ • Pācityādiyojanāpāḷi |
༡༦༩. ཧཏྠིམཾསཱདིཔཊིཀྑེཔཀཐཱ
169. Hatthimaṃsādipaṭikkhepakathā
༢༨༡. ཨརཉྙཀོཀཱ ནཱམཱཏི སསབིལཱ༹ལཱདཡོ སཏྟེ ཁཱདནཏྠཱཡ ཀུཀཏི ཨཱདདཱཏཱིཏི ཀོཀོ ཨརཉྙེ ཛཱཏོ ཀོཀོ ཨརཉྙཀོཀོ, སུནཁསདིསཱཏི གཱམསུནཁེན སདིསཱ། ཏེསནྟི ཨརཉྙཀོཀཱནཾ། ཡོ པནཱཏི སུནཁོ པན, ཨུཔྤནྣོཏི སམྦནྡྷོ། གཱམསུནཁིཡཱཏི སཱམྱཏྠེ སཱམིཝཙནཾ། ཀོཀེནཱཏི སཧཱདིཡོགེ ཀརཎཝཙནཾ། ཏཱནི པདཱནི ‘‘སཾཡོགེནཱ’’ཏི པདེན ཡོཛེཏབྦཱནི། ཏསྶཱཏི སུནཁསྶ།
281. Araññakokā nāmāti sasabiḷālādayo satte khādanatthāya kukati ādadātīti koko araññe jāto koko araññakoko, sunakhasadisāti gāmasunakhena sadisā. Tesanti araññakokānaṃ. Yo panāti sunakho pana, uppannoti sambandho. Gāmasunakhiyāti sāmyatthe sāmivacanaṃ. Kokenāti sahādiyoge karaṇavacanaṃ. Tāni padāni ‘‘saṃyogenā’’ti padena yojetabbāni. Tassāti sunakhassa.
ཨེཏྠཱཏི མནུསྶམཾསཱདཱིསུ། སཛཱཏིཀཏཱཡཱཏི སམཱནཛཱཏིཀབྷཱཝཏོ། ཨནུཔདྡཝཏྠཱཡཱཏི ཨནུཔདྡཝཏྠཾ, པཊིཀྑིཏྟཱནཱིཏི སམྦནྡྷོ། ཨཱཔཏྟཱིཏི མནུསྶམཾསེ ཐུལླཙྩཡེན, སེསེ དུཀྐཊེན ཨཱཔཏྟི། ཨུདྡིསྶ ཀཏཾ པནཱཏི བྷིཀྑུཾ ཨུདྡིསྶ ཀཏམཾསཾ པན།
Etthāti manussamaṃsādīsu. Sajātikatāyāti samānajātikabhāvato. Anupaddavatthāyāti anupaddavatthaṃ, paṭikkhittānīti sambandho. Āpattīti manussamaṃse thullaccayena, sese dukkaṭena āpatti. Uddissa kataṃ panāti bhikkhuṃ uddissa katamaṃsaṃ pana.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝགྒཔཱལི༹ • Mahāvaggapāḷi / ༡༦༩. ཧཏྠིམཾསཱདིཔཊིཀྑེཔཀཐཱ • 169. Hatthimaṃsādipaṭikkhepakathā
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝགྒ-ཨཊྛཀཐཱ • Mahāvagga-aṭṭhakathā / ཧཏྠིམཾསཱདིཔཊིཀྑེཔཀཐཱ • Hatthimaṃsādipaṭikkhepakathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ཧཏྠིམཾསཱདིཔཊིཀྑེཔཀཐཱཝཎྞནཱ • Hatthimaṃsādipaṭikkhepakathāvaṇṇanā
