| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
хад̇т̇имам̣саад̣̇ибадигкзбагат̇ааван̣н̣анаа
Hatthimaṃsādipaṭikkhepakathāvaṇṇanā
281. имзсам̣ …бз… саб̣б̣ам̣ на ваддад̇ийд̇и ид̣̇ам̣ д̣̇асаннамби мануссамам̣саад̣̇ийнам̣ агаббияабхаавамад̇д̇абарид̣̇ийбанаважанам̣, наабад̇д̇ивибхааг̇ад̣̇ассанаважанам̣. яам̣ гин̃жи н̃ад̇ваа ваа ан̃ад̇ваа ваа каад̣̇анд̇асса аабад̇д̇иязваад̇и ид̣̇амби анияамид̇аважанамзва ‘‘аяам̣ наама аабад̇д̇ий’’д̇и авуд̇д̇ад̇д̇аа . д̇ад̣̇убхаяамби хздтаа мануссаад̣̇ийнам̣ мам̣саад̣̇ийсу т̇уллажжаяад̣̇уггадаабад̇д̇ияо хонд̇ийд̇и г̇ахид̇анаязхи ад̇хиббааяо ж̇аанид̇ум̣ саггаад̇и звам̣ вуд̇д̇ам̣. д̇ад̇рааяам̣ ад̇хиббааяо – яасмаа зд̇зсам̣ мануссаад̣̇ийнам̣ мам̣саад̣̇ийни агаббияаани, д̇асмаа мануссаанам̣ мам̣саад̣̇ийсу т̇уллажжаяаабад̇д̇и. сзсаанам̣ саб̣б̣ад̇т̇а д̣̇уггадаабад̇д̇ийд̇и. баатзязва хи лохид̇аад̣̇им̣ мам̣саг̇ад̇игам̣ гад̇ваа ‘‘на, бхигкавз, мануссамам̣сам̣…бз… т̇уллажжаяассаа’’д̇и вуд̇д̇ам̣. д̇ад̇т̇зва хад̇т̇аад̣̇ийнам̣ мам̣саад̣̇ийсуби д̣̇уггадаабад̇д̇и бан̃н̃ад̇д̇аа. д̇зна вуд̇д̇ам̣ сийхал̣адтагат̇ааяам̣ ‘‘мануссамам̣сз ваа гзсз ваа накз ваа адтимхи ваа лохид̇з ваа т̇уллажжаяамзваа’’д̇и вуд̇д̇ам̣. иминаа зва –
281.Imesaṃ…pe… sabbaṃ na vaṭṭatīti idaṃ dasannampi manussamaṃsādīnaṃ akappiyabhāvamattaparidīpanavacanaṃ, nāpattivibhāgadassanavacanaṃ. Yaṃ kiñci ñatvā vā añatvā vā khādantassa āpattiyevāti idampi aniyamitavacanameva ‘‘ayaṃ nāma āpattī’’ti avuttattā . Tadubhayampi heṭṭhā manussādīnaṃ maṃsādīsu thullaccayadukkaṭāpattiyo hontīti gahitanayehi adhippāyo jānituṃ sakkāti evaṃ vuttaṃ. Tatrāyaṃ adhippāyo – yasmā etesaṃ manussādīnaṃ maṃsādīni akappiyāni, tasmā manussānaṃ maṃsādīsu thullaccayāpatti. Sesānaṃ sabbattha dukkaṭāpattīti. Pāṭheyeva hi lohitādiṃ maṃsagatikaṃ katvā ‘‘na, bhikkhave, manussamaṃsaṃ…pe… thullaccayassā’’ti vuttaṃ. Tattheva hatthādīnaṃ maṃsādīsupi dukkaṭāpatti paññattā. Tena vuttaṃ sīhaḷaṭṭhakathāyaṃ ‘‘manussamaṃse vā kese vā nakhe vā aṭṭhimhi vā lohite vā thullaccayamevā’’ti vuttaṃ. Iminā eva –
‘‘адтиби лохид̇ам̣ жаммам̣, ломамзсам̣ на габбад̇ий’’д̇и. –
‘‘Aṭṭhipi lohitaṃ cammaṃ, lomamesaṃ na kappatī’’ti. –
куд̣̇д̣̇асигкааг̇аат̇аабад̣̇асса ад̇т̇о жа ад̇хиббааяо жа сувин̃н̃зяяод̇и. бадиг̇г̇ахан̣зд̇и зд̇т̇а анаад̣̇арияад̣̇уггадам̣ вуд̇д̇ам̣. ‘‘уд̣̇агамануссаад̣̇имам̣самби на ваддад̇ий’’д̇и вад̣̇анд̇и. нааг̇арааж̇зна вуд̇д̇аад̣̇ийнавз сад̇иби уж̇жхааяанаад̇хигаарамзва г̇ахзд̇ваа ‘‘бадигуулад̇ааяаа’’д̇и вуд̇д̇ам̣.
Khuddasikkhāgāthāpadassa attho ca adhippāyo ca suviññeyyoti. Paṭiggahaṇeti ettha anādariyadukkaṭaṃ vuttaṃ. ‘‘Udakamanussādimaṃsampi na vaṭṭatī’’ti vadanti. Nāgarājena vuttādīnave satipi ujjhāyanādhikārameva gahetvā ‘‘paṭikūlatāyā’’ti vuttaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 169. хад̇т̇имам̣саад̣̇ибадигкзбагат̇аа • 169. Hatthimaṃsādipaṭikkhepakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / хад̇т̇имам̣саад̣̇ибадигкзбагат̇аа • Hatthimaṃsādipaṭikkhepakathā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 169. хад̇т̇имам̣саад̣̇ибадигкзбагат̇аа • 169. Hatthimaṃsādipaṭikkhepakathā
