| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. хад̇т̇ирааж̇аван̣н̣асуд̇д̇ам̣
2. Hatthirājavaṇṇasuttaṃ
138. звам̣ мз суд̇ам̣ – згам̣ самаяам̣ бхаг̇аваа урувзлааяам̣ вихарад̇и наж̇ж̇аа нзран̃ж̇арааяа д̇ийрз аж̇абааланиг̇род̇хамуулз батамаабхисамб̣уд̣̇д̇хо . д̇зна ко бана самаязна бхаг̇аваа рад̇д̇анд̇хагаарад̇имисааяам̣ аб̣бхогаасз нисинно ход̇и, д̣̇зво жа згамзгам̣ пусааяад̇и. ат̇а ко мааро баабимаа бхаг̇авад̇о бхаяам̣ чамбхид̇ад̇д̇ам̣ ломахам̣сам̣ уббаад̣̇зд̇угаамо маханд̇ам̣ хад̇т̇ирааж̇аван̣н̣ам̣ абхинимминид̇ваа язна бхаг̇аваа д̇знубасан̇гами. сзяяат̇ааби наама махаааридтаго ман̣и, звамасса сийсам̣ ход̇и. сзяяат̇ааби наама суд̣̇д̇хам̣ руубияам̣, звамасса д̣̇анд̇аа хонд̇и. сзяяат̇ааби наама махад̇ий нан̇г̇алийсаа 1, звамасса сон̣д̣о ход̇и. ат̇а ко бхаг̇аваа ‘‘мааро аяам̣ баабимаа’’ ид̇и вид̣̇ид̇ваа маарам̣ баабиманд̇ам̣ г̇аат̇ааяа аж̇жхабхааси –
138. Evaṃ me sutaṃ – ekaṃ samayaṃ bhagavā uruvelāyaṃ viharati najjā nerañjarāya tīre ajapālanigrodhamūle paṭhamābhisambuddho . Tena kho pana samayena bhagavā rattandhakāratimisāyaṃ abbhokāse nisinno hoti, devo ca ekamekaṃ phusāyati. Atha kho māro pāpimā bhagavato bhayaṃ chambhitattaṃ lomahaṃsaṃ uppādetukāmo mahantaṃ hatthirājavaṇṇaṃ abhinimminitvā yena bhagavā tenupasaṅkami. Seyyathāpi nāma mahāariṭṭhako maṇi, evamassa sīsaṃ hoti. Seyyathāpi nāma suddhaṃ rūpiyaṃ, evamassa dantā honti. Seyyathāpi nāma mahatī naṅgalīsā 2, evamassa soṇḍo hoti. Atha kho bhagavā ‘‘māro ayaṃ pāpimā’’ iti viditvā māraṃ pāpimantaṃ gāthāya ajjhabhāsi –
‘‘сам̣сарам̣ д̣̇ийгхамад̣̇д̇хаанам̣, ван̣н̣ам̣ гад̇ваа субхаасубхам̣;
‘‘Saṃsaraṃ dīghamaddhānaṃ, vaṇṇaṃ katvā subhāsubhaṃ;
алам̣ д̇з д̇зна баабима, нихад̇о д̇вамаси анд̇агаа’’д̇и.
Alaṃ te tena pāpima, nihato tvamasi antakā’’ti.
ат̇а ко мааро баабимаа ‘‘ж̇аанаад̇и мам̣ бхаг̇аваа, ж̇аанаад̇и мам̣ суг̇ад̇о’’д̇и д̣̇угкий д̣̇уммано д̇ад̇т̇званд̇арад̇хааяийд̇и.
Atha kho māro pāpimā ‘‘jānāti maṃ bhagavā, jānāti maṃ sugato’’ti dukkhī dummano tatthevantaradhāyīti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. хад̇т̇ирааж̇аван̣н̣асуд̇д̇аван̣н̣анаа • 2. Hatthirājavaṇṇasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. хад̇т̇ирааж̇аван̣н̣асуд̇д̇аван̣н̣анаа • 2. Hatthirājavaṇṇasuttavaṇṇanā
