| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༢. ཧཏྠིརཱཛཝཎྞསུཏྟཾ
2. Hatthirājavaṇṇasuttaṃ
༡༣༨. ཨེཝཾ མེ སུཏཾ – ཨེཀཾ སམཡཾ བྷགཝཱ ཨུརུཝེལཱཡཾ ཝིཧརཏི ནཛྫཱ ནེརཉྫརཱཡ ཏཱིརེ ཨཛཔཱལནིགྲོདྷམཱུལེ པཋམཱབྷིསམྦུདྡྷོ ། ཏེན ཁོ པན སམཡེན བྷགཝཱ རཏྟནྡྷཀཱརཏིམིསཱཡཾ ཨབྦྷོཀཱསེ ནིསིནྣོ ཧོཏི, དེཝོ ཙ ཨེཀམེཀཾ ཕུསཱཡཏི། ཨཐ ཁོ མཱརོ པཱཔིམཱ བྷགཝཏོ བྷཡཾ ཚམྦྷིཏཏྟཾ ལོམཧཾསཾ ཨུཔྤཱདེཏུཀཱམོ མཧནྟཾ ཧཏྠིརཱཛཝཎྞཾ ཨབྷིནིམྨིནིཏྭཱ ཡེན བྷགཝཱ ཏེནུཔསངྐམི། སེཡྻཐཱཔི ནཱམ མཧཱཨརིཊྛཀོ མཎི, ཨེཝམསྶ སཱིསཾ ཧོཏི། སེཡྻཐཱཔི ནཱམ སུདྡྷཾ རཱུཔིཡཾ, ཨེཝམསྶ དནྟཱ ཧོནྟི། སེཡྻཐཱཔི ནཱམ མཧཏཱི ནངྒལཱིསཱ 1, ཨེཝམསྶ སོཎྜོ ཧོཏི། ཨཐ ཁོ བྷགཝཱ ‘‘མཱརོ ཨཡཾ པཱཔིམཱ’’ ཨིཏི ཝིདིཏྭཱ མཱརཾ པཱཔིམནྟཾ གཱཐཱཡ ཨཛ྄ཛྷབྷཱསི –
138. Evaṃ me sutaṃ – ekaṃ samayaṃ bhagavā uruvelāyaṃ viharati najjā nerañjarāya tīre ajapālanigrodhamūle paṭhamābhisambuddho . Tena kho pana samayena bhagavā rattandhakāratimisāyaṃ abbhokāse nisinno hoti, devo ca ekamekaṃ phusāyati. Atha kho māro pāpimā bhagavato bhayaṃ chambhitattaṃ lomahaṃsaṃ uppādetukāmo mahantaṃ hatthirājavaṇṇaṃ abhinimminitvā yena bhagavā tenupasaṅkami. Seyyathāpi nāma mahāariṭṭhako maṇi, evamassa sīsaṃ hoti. Seyyathāpi nāma suddhaṃ rūpiyaṃ, evamassa dantā honti. Seyyathāpi nāma mahatī naṅgalīsā 2, evamassa soṇḍo hoti. Atha kho bhagavā ‘‘māro ayaṃ pāpimā’’ iti viditvā māraṃ pāpimantaṃ gāthāya ajjhabhāsi –
‘‘སཾསརཾ དཱིགྷམདྡྷཱནཾ, ཝཎྞཾ ཀཏྭཱ སུབྷཱསུབྷཾ།
‘‘Saṃsaraṃ dīghamaddhānaṃ, vaṇṇaṃ katvā subhāsubhaṃ;
ཨལཾ ཏེ ཏེན པཱཔིམ, ནིཧཏོ ཏྭམསི ཨནྟཀཱ’’ཏི༎
Alaṃ te tena pāpima, nihato tvamasi antakā’’ti.
ཨཐ ཁོ མཱརོ པཱཔིམཱ ‘‘ཛཱནཱཏི མཾ བྷགཝཱ, ཛཱནཱཏི མཾ སུགཏོ’’ཏི དུཀྑཱི དུམྨནོ ཏཏྠེཝནྟརདྷཱཡཱིཏི།
Atha kho māro pāpimā ‘‘jānāti maṃ bhagavā, jānāti maṃ sugato’’ti dukkhī dummano tatthevantaradhāyīti.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༢. ཧཏྠིརཱཛཝཎྞསུཏྟཝཎྞནཱ • 2. Hatthirājavaṇṇasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༢. ཧཏྠིརཱཛཝཎྞསུཏྟཝཎྞནཱ • 2. Hatthirājavaṇṇasuttavaṇṇanā
