| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
2. хад̇т̇ирааж̇аван̣н̣асуд̇д̇аван̣н̣анаа
2. Hatthirājavaṇṇasuttavaṇṇanā
138. д̣̇уд̇ияз рад̇д̇анд̇хагаарад̇имисааяанд̇и рад̇д̇им̣ анд̇хабхаавагаарагз махаад̇амз жад̇уран̇г̇з д̇амаси. аб̣бхогаасз нисинно ход̇ийд̇и г̇анд̇хагудид̇о нигкамид̇ваа жан̇гаманагодияам̣ баасаан̣апалагз махаажийварам̣ сийсз табзд̇ваа бад̇хаанам̣ бариг̇г̇ан̣хамаано нисинно ход̇и.
138. Dutiye rattandhakāratimisāyanti rattiṃ andhabhāvakārake mahātame caturaṅge tamasi. Abbhokāse nisinno hotīti gandhakuṭito nikkhamitvā caṅkamanakoṭiyaṃ pāsāṇaphalake mahācīvaraṃ sīse ṭhapetvā padhānaṃ pariggaṇhamāno nisinno hoti.
нану жа д̇ат̇ааг̇ад̇асса абхаавид̇о ваа маг̇г̇о, аббахийнаа ваа гилзсаа, аббадивид̣̇д̇хам̣ ваа агуббам̣, асажчигад̇о ваа нирод̇хо над̇т̇и, гасмаа звамагаасийд̇и? анааг̇ад̇з гулабуд̇д̇аанам̣ ан̇гусад̇т̇ам̣. ‘‘анааг̇ад̇з хи гулабуд̇д̇аа маяаа г̇ад̇амаг̇г̇ам̣ ааваж̇ж̇ид̇ваа аб̣бхогаасаваасам̣ васид̇аб̣б̣ам̣ ман̃н̃амаанаа бад̇хаанагаммам̣ гариссанд̇ий’’д̇и самбассамаано сад̇т̇аа звамагааси. махаад̇и маханд̇о. аридтагод̇и гаал̣аго. ман̣ийд̇и баасаан̣о. звамасса сийсам̣ ход̇ийд̇и зваруубам̣ д̇асса гаал̣аван̣н̣ам̣ гуудааг̇аараббамаан̣ам̣ махаабаасаан̣асад̣̇исам̣ сийсам̣ ход̇и.
Nanu ca tathāgatassa abhāvito vā maggo, appahīnā vā kilesā, appaṭividdhaṃ vā akuppaṃ, asacchikato vā nirodho natthi, kasmā evamakāsīti? Anāgate kulaputtānaṃ aṅkusatthaṃ. ‘‘Anāgate hi kulaputtā mayā gatamaggaṃ āvajjitvā abbhokāsavāsaṃ vasitabbaṃ maññamānā padhānakammaṃ karissantī’’ti sampassamāno satthā evamakāsi. Mahāti mahanto. Ariṭṭhakoti kāḷako. Maṇīti pāsāṇo. Evamassa sīsaṃ hotīti evarūpaṃ tassa kāḷavaṇṇaṃ kūṭāgārappamāṇaṃ mahāpāsāṇasadisaṃ sīsaṃ hoti.
субхаасубханд̇и д̣̇ийгхамад̣̇д̇хаанам̣ сам̣саранд̇о сунд̣̇араасунд̣̇арам̣ ван̣н̣ам̣ гад̇ваа ааг̇ад̇осийд̇и вад̣̇ад̇и. ат̇а ваа сам̣саранд̇и сам̣саранд̇о ааг̇ажчанд̇о. д̣̇ийгхамад̣̇д̇хаананд̇и васавад̇д̇идтаанад̇о яаава урувзлааяа д̣̇ийгхамаг̇г̇ам̣, бурз б̣од̇хааяа ваа чаб̣б̣ассаани д̣̇уггарагааригасамаяасан̇каад̇ам̣ д̣̇ийгхагаалам̣. ван̣н̣ам̣ гад̇ваа субхаасубханд̇и сунд̣̇аран̃жа асунд̣̇аран̃жа наанаббагаарам̣ ван̣н̣ам̣ гад̇ваа анзгаваарам̣ мама санд̇игам̣ ааг̇ад̇осийд̇и ад̇т̇о. со гира ван̣н̣о наама над̇т̇и, язна ван̣н̣зна мааро вибхим̣сагад̇т̇ааяа бхаг̇авад̇о санд̇игам̣ на ааг̇ад̇абуб̣б̣о. д̇зна д̇ам̣ бхаг̇аваа звамааха. алам̣ д̇з д̇знаад̇и алам̣ д̇уяхам̣ зд̇зна мааравибхим̣саагаарад̣̇ассанаб̣яаабаарзна. д̣̇уд̇ияам̣.
Subhāsubhanti dīghamaddhānaṃ saṃsaranto sundarāsundaraṃ vaṇṇaṃ katvā āgatosīti vadati. Atha vā saṃsaranti saṃsaranto āgacchanto. Dīghamaddhānanti vasavattiṭṭhānato yāva uruvelāya dīghamaggaṃ, pure bodhāya vā chabbassāni dukkarakārikasamayasaṅkhātaṃ dīghakālaṃ. Vaṇṇaṃ katvā subhāsubhanti sundarañca asundarañca nānappakāraṃ vaṇṇaṃ katvā anekavāraṃ mama santikaṃ āgatosīti attho. So kira vaṇṇo nāma natthi, yena vaṇṇena māro vibhiṃsakatthāya bhagavato santikaṃ na āgatapubbo. Tena taṃ bhagavā evamāha. Alaṃ te tenāti alaṃ tuyhaṃ etena māravibhiṃsākāradassanabyāpārena. Dutiyaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. хад̇т̇ирааж̇аван̣н̣асуд̇д̇ам̣ • 2. Hatthirājavaṇṇasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. хад̇т̇ирааж̇аван̣н̣асуд̇д̇аван̣н̣анаа • 2. Hatthirājavaṇṇasuttavaṇṇanā
