| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๒. หตฺถิราชวณฺณสุตฺตวณฺณนา
2. Hatthirājavaṇṇasuttavaṇṇanā
๑๓๘. อนฺธภาวการเกติ ปจุรชนสฺส จกฺขุวิญฺญาณุปฺปตฺตินิวารเณน อนฺธภาวการเกฯ มหาตเมติ มหติ ตมสิฯ ปาสาณผลเก มหาจีวรํ สีเส ฐเปตฺวาติ เอเตน ตํ ผลกํ อปสฺสาย นิสิโนฺนติ ทเสฺสติ ฯ ปธานนฺติ ภาวนํฯ ปริคฺคณฺหมาโนติ สพฺพโส คณฺหโนฺต อวิสฺสเชฺชโนฺต, ภาวนํ อนุยุญฺชโนฺต อนุปุพฺพสมาปตฺติโย ผลสมาปตฺติญฺจ มนสิกโรโนฺตติ อโตฺถฯ เตนาห ‘‘นนุ จา’’ติอาทิฯ อริฎฺฐโกติ อริฎฺฐกวโณฺณฯ เตนาห ‘‘กาฬโก’’ติฯ
138.Andhabhāvakāraketi pacurajanassa cakkhuviññāṇuppattinivāraṇena andhabhāvakārake. Mahātameti mahati tamasi. Pāsāṇaphalake mahācīvaraṃ sīse ṭhapetvāti etena taṃ phalakaṃ apassāya nisinnoti dasseti . Padhānanti bhāvanaṃ. Pariggaṇhamānoti sabbaso gaṇhanto avissajjento, bhāvanaṃ anuyuñjanto anupubbasamāpattiyo phalasamāpattiñca manasikarontoti attho. Tenāha ‘‘nanu cā’’tiādi. Ariṭṭhakoti ariṭṭhakavaṇṇo. Tenāha ‘‘kāḷako’’ti.
ทีฆมทฺธานนฺติ จิรตรํ กาลํฯ สํสรนฺติ อาสาทนาธิปฺปาเยน สญฺจรโนฺต, อลํ ตุยฺหํ เอเตน นิปฺปโยชนนฺติ อธิปฺปาโยฯ น หิ เตน มารสฺส กาจิ อตฺถสิทฺธีติฯ
Dīghamaddhānanti cirataraṃ kālaṃ. Saṃsaranti āsādanādhippāyena sañcaranto, alaṃ tuyhaṃ etena nippayojananti adhippāyo. Na hi tena mārassa kāci atthasiddhīti.
หตฺถิราชวณฺณสุตฺตวณฺณนา นิฎฺฐิตาฯ
Hatthirājavaṇṇasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๒. หตฺถิราชวณฺณสุตฺตํ • 2. Hatthirājavaṇṇasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๒. หตฺถิราชวณฺณสุตฺตวณฺณนา • 2. Hatthirājavaṇṇasuttavaṇṇanā
