| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
6. хад̇т̇исаарибуд̇д̇асуд̇д̇ам̣
6. Hatthisāriputtasuttaṃ
60. звам̣ мз суд̇ам̣ – згам̣ самаяам̣ бхаг̇аваа б̣аараан̣асияам̣ вихарад̇и исибад̇анз миг̇ад̣̇ааяз. д̇зна ко бана самаязна самб̣ахулаа т̇зраа бхигкуу бажчаабхад̇д̇ам̣ бин̣д̣абаад̇абадигганд̇аа ман̣д̣аламаал̣з саннисиннаа саннибад̇ид̇аа абхид̇хаммагат̇ам̣ гат̇знд̇и. д̇ад̇ра суд̣̇ам̣ ааяасмаа жид̇д̇о хад̇т̇исаарибуд̇д̇о т̇зраанам̣ бхигкуунам̣ абхид̇хаммагат̇ам̣ гат̇знд̇аанам̣ анд̇аранд̇араа гат̇ам̣ обаад̇зд̇и. ат̇а ко ааяасмаа махаагодтиго ааяасманд̇ам̣ жид̇д̇ам̣ хад̇т̇исаарибуд̇д̇ам̣ зд̇ад̣̇авожа – ‘‘мааяасмаа жид̇д̇о хад̇т̇исаарибуд̇д̇о т̇зраанам̣ бхигкуунам̣ абхид̇хаммагат̇ам̣ гат̇знд̇аанам̣ анд̇аранд̇араа гат̇ам̣ обаад̇зси, яаава гат̇аабарияосаанам̣ ааяасмаа жид̇д̇о ааг̇амзд̇уу’’д̇и. звам̣ вуд̇д̇з ааяасмад̇о жид̇д̇асса хад̇т̇исаарибуд̇д̇асса сахааяагаа бхигкуу ааяасманд̇ам̣ махаагодтигам̣ зд̇ад̣̇авожум̣ – ‘‘мааяасмаа махаагодтиго ааяасманд̇ам̣ жид̇д̇ам̣ хад̇т̇исаарибуд̇д̇ам̣ абасаад̣̇зси, бан̣д̣ид̇о ааяасмаа жид̇д̇о хад̇т̇исаарибуд̇д̇о. баход̇и жааяасмаа жид̇д̇о хад̇т̇исаарибуд̇д̇о т̇зраанам̣ бхигкуунам̣ абхид̇хаммагат̇ам̣ гат̇зд̇у’’нд̇и.
60. Evaṃ me sutaṃ – ekaṃ samayaṃ bhagavā bārāṇasiyaṃ viharati isipatane migadāye. Tena kho pana samayena sambahulā therā bhikkhū pacchābhattaṃ piṇḍapātapaṭikkantā maṇḍalamāḷe sannisinnā sannipatitā abhidhammakathaṃ kathenti. Tatra sudaṃ āyasmā citto hatthisāriputto therānaṃ bhikkhūnaṃ abhidhammakathaṃ kathentānaṃ antarantarā kathaṃ opāteti. Atha kho āyasmā mahākoṭṭhiko āyasmantaṃ cittaṃ hatthisāriputtaṃ etadavoca – ‘‘māyasmā citto hatthisāriputto therānaṃ bhikkhūnaṃ abhidhammakathaṃ kathentānaṃ antarantarā kathaṃ opātesi, yāva kathāpariyosānaṃ āyasmā citto āgametū’’ti. Evaṃ vutte āyasmato cittassa hatthisāriputtassa sahāyakā bhikkhū āyasmantaṃ mahākoṭṭhikaṃ etadavocuṃ – ‘‘māyasmā mahākoṭṭhiko āyasmantaṃ cittaṃ hatthisāriputtaṃ apasādesi, paṇḍito āyasmā citto hatthisāriputto. Pahoti cāyasmā citto hatthisāriputto therānaṃ bhikkhūnaṃ abhidhammakathaṃ kathetu’’nti.
‘‘д̣̇уж̇ж̇аанам̣ ко зд̇ам̣, аавусо, барасса жзд̇обарияааяам̣ аж̇аананд̇зхи. ид̇хаавусо, згажжо буг̇г̇ало д̇аавад̣̇зва сорад̇асорад̇о ход̇и, ниваад̇аниваад̇о ход̇и, убасанд̇убасанд̇о ход̇и, яаава сад̇т̇аарам̣ убаниссааяа вихарад̇и ан̃н̃ад̇арам̣ ваа г̇арудтаанияам̣ саб̣рахмажаарим̣. яад̇о жа ко со вабагассад̇зва сад̇т̇аараа, вабагассад̇и г̇арудтааниязхи саб̣рахмажаарийхи, со сам̣садто вихарад̇и бхигкуухи бхигкунийхи убаасагзхи убаасигаахи ран̃н̃аа рааж̇амахаамад̇д̇зхи д̇ид̇т̇иязхи д̇ид̇т̇ияасаавагзхи. д̇асса сам̣садтасса виссад̇т̇асса баагад̇асса бхассамануяуд̇д̇асса вихарад̇о рааг̇о жид̇д̇ам̣ ануд̣̇д̇хам̣сзд̇и. со рааг̇аануд̣̇д̇хам̣сид̇зна жид̇д̇зна сигкам̣ бажжагкааяа хийнааяаавад̇д̇ад̇и.
‘‘Dujjānaṃ kho etaṃ, āvuso, parassa cetopariyāyaṃ ajānantehi. Idhāvuso, ekacco puggalo tāvadeva soratasorato hoti, nivātanivāto hoti, upasantupasanto hoti, yāva satthāraṃ upanissāya viharati aññataraṃ vā garuṭṭhāniyaṃ sabrahmacāriṃ. Yato ca kho so vapakassateva satthārā, vapakassati garuṭṭhāniyehi sabrahmacārīhi, so saṃsaṭṭho viharati bhikkhūhi bhikkhunīhi upāsakehi upāsikāhi raññā rājamahāmattehi titthiyehi titthiyasāvakehi. Tassa saṃsaṭṭhassa vissatthassa pākatassa bhassamanuyuttassa viharato rāgo cittaṃ anuddhaṃseti. So rāgānuddhaṃsitena cittena sikkhaṃ paccakkhāya hīnāyāvattati.
‘‘сзяяат̇ааби, аавусо, г̇он̣о гидтаад̣̇о д̣̇аамзна ваа б̣ад̣̇д̇хо 1 важ̇з ваа оруд̣̇д̇хо. яо ну ко, аавусо, звам̣ вад̣̇зяяа – ‘на д̣̇аанааяам̣ г̇он̣о гидтаад̣̇о бунад̣̇зва гидтам̣ од̇ариссад̇ий’д̇и, саммаа ну ко со, аавусо, вад̣̇амаано вад̣̇зяяаа’’д̇и? ‘‘но хид̣̇ам̣, аавусо’’. ‘‘таанан̃хзд̇ам̣, аавусо, виж̇ж̇ад̇и, яам̣ со г̇он̣о гидтаад̣̇о д̣̇аамам̣ ваа чзд̇ваа важ̇ам̣ ваа бхинд̣̇ид̇ваа, ат̇а бунад̣̇зва гидтам̣ од̇арзяяаад̇и. звамзвам̣ ко, аавусо, ид̇хзгажжо буг̇г̇ало д̇аавад̣̇зва сорад̇асорад̇о ход̇и, ниваад̇аниваад̇о ход̇и, убасанд̇убасанд̇о ход̇и яаава сад̇т̇аарам̣ убаниссааяа вихарад̇и ан̃н̃ад̇арам̣ ваа г̇арудтаанияам̣ саб̣рахмажаарим̣. яад̇о жа ко со вабагассад̇зва сад̇т̇аараа, вабагассад̇и г̇арудтааниязхи саб̣рахмажаарийхи, со сам̣садто вихарад̇и бхигкуухи бхигкунийхи убаасагзхи убаасигаахи ран̃н̃аа рааж̇амахаамад̇д̇зхи д̇ид̇т̇иязхи д̇ид̇т̇ияасаавагзхи. д̇асса сам̣садтасса виссад̇т̇асса баагад̇асса бхассамануяуд̇д̇асса вихарад̇о рааг̇о жид̇д̇ам̣ ануд̣̇д̇хам̣сзд̇и . со рааг̇аануд̣̇д̇хам̣сид̇зна жид̇д̇зна сигкам̣ бажжагкааяа хийнааяаавад̇д̇ад̇и.
‘‘Seyyathāpi, āvuso, goṇo kiṭṭhādo dāmena vā baddho 2 vaje vā oruddho. Yo nu kho, āvuso, evaṃ vadeyya – ‘na dānāyaṃ goṇo kiṭṭhādo punadeva kiṭṭhaṃ otarissatī’ti, sammā nu kho so, āvuso, vadamāno vadeyyā’’ti? ‘‘No hidaṃ, āvuso’’. ‘‘Ṭhānañhetaṃ, āvuso, vijjati, yaṃ so goṇo kiṭṭhādo dāmaṃ vā chetvā vajaṃ vā bhinditvā, atha punadeva kiṭṭhaṃ otareyyāti. Evamevaṃ kho, āvuso, idhekacco puggalo tāvadeva soratasorato hoti, nivātanivāto hoti, upasantupasanto hoti yāva satthāraṃ upanissāya viharati aññataraṃ vā garuṭṭhāniyaṃ sabrahmacāriṃ. Yato ca kho so vapakassateva satthārā, vapakassati garuṭṭhāniyehi sabrahmacārīhi, so saṃsaṭṭho viharati bhikkhūhi bhikkhunīhi upāsakehi upāsikāhi raññā rājamahāmattehi titthiyehi titthiyasāvakehi. Tassa saṃsaṭṭhassa vissatthassa pākatassa bhassamanuyuttassa viharato rāgo cittaṃ anuddhaṃseti . So rāgānuddhaṃsitena cittena sikkhaṃ paccakkhāya hīnāyāvattati.
‘‘ид̇ха банаавусо, згажжо буг̇г̇ало вивижжзва гаамзхи…бз… батамам̣ жхаанам̣ убасамбаж̇ж̇а вихарад̇и. со ‘лаабхимхи батамасса жхаанассаа’д̇и сам̣садто вихарад̇и бхигкуухи…бз… сигкам̣ бажжагкааяа хийнааяаавад̇д̇ад̇и. сзяяат̇ааби, аавусо, жаад̇умахаабат̇з т̇уллапусид̇аго д̣̇зво вассанд̇о 3 раж̇ам̣ анд̇арад̇хаабзяяа, жигкаллам̣ баад̇угарзяяа. яо ну ко, аавусо, звам̣ вад̣̇зяяа – ‘на д̣̇аани амусмим̣ 4 жаад̇умахаабат̇з бунад̣̇зва раж̇о баад̇убхависсад̇ий’д̇и, саммаа ну ко со, аавусо, вад̣̇амаано вад̣̇зяяаа’’д̇и? ‘‘но хид̣̇ам̣, аавусо’’. ‘‘таанан̃хзд̇ам̣, аавусо, виж̇ж̇ад̇и, яам̣ амусмим̣ жаад̇умахаабат̇з мануссаа ваа ад̇иггамзяяум̣, г̇обасуу ваа ад̇иггамзяяум̣, ваад̇аад̇або ваа снзхаг̇ад̇ам̣ барияаад̣̇иязяяа, ат̇а бунад̣̇зва раж̇о баад̇убхавзяяаад̇и. звамзвам̣ ко, аавусо, ид̇хзгажжо буг̇г̇ало вивижжзва гаамзхи…бз… батамам̣ жхаанам̣ убасамбаж̇ж̇а вихарад̇и. со ‘лаабхимхи батамасса жхаанассаа’д̇и сам̣садто вихарад̇и бхигкуухи…бз… сигкам̣ бажжагкааяа хийнааяаавад̇д̇ад̇и.
‘‘Idha panāvuso, ekacco puggalo vivicceva kāmehi…pe… paṭhamaṃ jhānaṃ upasampajja viharati. So ‘lābhimhi paṭhamassa jhānassā’ti saṃsaṭṭho viharati bhikkhūhi…pe… sikkhaṃ paccakkhāya hīnāyāvattati. Seyyathāpi, āvuso, cātumahāpathe thullaphusitako devo vassanto 5 rajaṃ antaradhāpeyya, cikkhallaṃ pātukareyya. Yo nu kho, āvuso, evaṃ vadeyya – ‘na dāni amusmiṃ 6 cātumahāpathe punadeva rajo pātubhavissatī’ti, sammā nu kho so, āvuso, vadamāno vadeyyā’’ti? ‘‘No hidaṃ, āvuso’’. ‘‘Ṭhānañhetaṃ, āvuso, vijjati, yaṃ amusmiṃ cātumahāpathe manussā vā atikkameyyuṃ, gopasū vā atikkameyyuṃ, vātātapo vā snehagataṃ pariyādiyeyya, atha punadeva rajo pātubhaveyyāti. Evamevaṃ kho, āvuso, idhekacco puggalo vivicceva kāmehi…pe… paṭhamaṃ jhānaṃ upasampajja viharati. So ‘lābhimhi paṭhamassa jhānassā’ti saṃsaṭṭho viharati bhikkhūhi…pe… sikkhaṃ paccakkhāya hīnāyāvattati.
‘‘ид̇ха банаавусо, згажжо буг̇г̇ало вид̇аггавижаараанам̣ вуубасамаа…бз… д̣̇уд̇ияам̣ жхаанам̣ убасамбаж̇ж̇а вихарад̇и. со ‘лаабхимхи д̣̇уд̇ияасса жхаанассаа’д̇и сам̣садто вихарад̇и бхигкуухи…бз… сигкам̣ бажжагкааяа хийнааяаавад̇д̇ад̇и. сзяяат̇ааби , аавусо, г̇аамасса ваа ниг̇амасса ваа авид̣̇уурз маханд̇ам̣ д̇ал̣аагам̣. д̇ад̇т̇а т̇уллапусид̇аго д̣̇зво вудто сиббисамб̣угамби сагкарагаталамби анд̇арад̇хаабзяяа. яо ну ко, аавусо, звам̣ вад̣̇зяяа – ‘на д̣̇аани амусмим̣ д̇ал̣аагз бунад̣̇зва сиббисамб̣угаа ваа сагкарагаталаа ваа баад̇убхависсанд̇ий’д̇и, саммаа ну ко со, аавусо, вад̣̇амаано вад̣̇зяяаа’’д̇и? ‘‘но хид̣̇ам̣, аавусо’’. ‘‘таанан̃хзд̇ам̣, аавусо, виж̇ж̇ад̇и, яам̣ амусмим̣ д̇ал̣аагз мануссаа ваа бивзяяум̣, г̇обасуу ваа бивзяяум̣, ваад̇аад̇або ваа снзхаг̇ад̇ам̣ барияаад̣̇иязяяа, ат̇а бунад̣̇зва сиббисамб̣угааби сагкарагаталааби баад̇убхавзяяунд̇и. звамзвам̣ ко, аавусо, ид̇хзгажжо буг̇г̇ало вид̇аггавижаараанам̣ вуубасамаа…бз… д̣̇уд̇ияам̣ жхаанам̣ убасамбаж̇ж̇а вихарад̇и. со ‘лаабхимхи д̣̇уд̇ияасса жхаанассаа’д̇и сам̣садто вихарад̇и бхигкуухи…бз… сигкам̣ бажжагкааяа хийнааяаавад̇д̇ад̇и.
‘‘Idha panāvuso, ekacco puggalo vitakkavicārānaṃ vūpasamā…pe… dutiyaṃ jhānaṃ upasampajja viharati. So ‘lābhimhi dutiyassa jhānassā’ti saṃsaṭṭho viharati bhikkhūhi…pe… sikkhaṃ paccakkhāya hīnāyāvattati. Seyyathāpi , āvuso, gāmassa vā nigamassa vā avidūre mahantaṃ taḷākaṃ. Tattha thullaphusitako devo vuṭṭho sippisambukampi sakkharakaṭhalampi antaradhāpeyya. Yo nu kho, āvuso, evaṃ vadeyya – ‘na dāni amusmiṃ taḷāke punadeva sippisambukā vā sakkharakaṭhalā vā pātubhavissantī’ti, sammā nu kho so, āvuso, vadamāno vadeyyā’’ti? ‘‘No hidaṃ, āvuso’’. ‘‘Ṭhānañhetaṃ, āvuso, vijjati, yaṃ amusmiṃ taḷāke manussā vā piveyyuṃ, gopasū vā piveyyuṃ, vātātapo vā snehagataṃ pariyādiyeyya, atha punadeva sippisambukāpi sakkharakaṭhalāpi pātubhaveyyunti. Evamevaṃ kho, āvuso, idhekacco puggalo vitakkavicārānaṃ vūpasamā…pe… dutiyaṃ jhānaṃ upasampajja viharati. So ‘lābhimhi dutiyassa jhānassā’ti saṃsaṭṭho viharati bhikkhūhi…pe… sikkhaṃ paccakkhāya hīnāyāvattati.
‘‘ид̇ха банаавусо, згажжо буг̇г̇ало бийд̇ияаа жа вирааг̇аа…бз… д̇ад̇ияам̣ жхаанам̣ убасамбаж̇ж̇а вихарад̇и. со ‘лаабхимхи д̇ад̇ияасса жхаанассаа’д̇и сам̣садто вихарад̇и бхигкуухи…бз… сигкам̣ бажжагкааяа хийнааяаавад̇д̇ад̇и. сзяяат̇ааби, аавусо, бурисам̣ бан̣ийд̇абхож̇анам̣ бхуд̇д̇аавим̣ аабхид̣̇осигам̣ бхож̇анам̣ нажчаад̣̇зяяа. яо ну ко, аавусо, звам̣ вад̣̇зяяа – ‘на д̣̇аани амум̣ бурисам̣ бунад̣̇зва бхож̇анам̣ чаад̣̇зссад̇ий’д̇и, саммаа ну ко со, аавусо, вад̣̇амаано вад̣̇зяяаа’’д̇и? ‘‘но хид̣̇ам̣, аавусо’’. ‘‘таанан̃хзд̇ам̣, аавусо, виж̇ж̇ад̇и, амум̣ бурисам̣ бан̣ийд̇абхож̇анам̣ бхуд̇д̇аавим̣ яаавасса саа ож̇аа гааяз тассад̇и д̇аава на ан̃н̃ам̣ бхож̇анам̣ чаад̣̇зссад̇и. яад̇о жа квасса саа ож̇аа анд̇арад̇хааяиссад̇и, ат̇а бунад̣̇зва д̇ам̣ бхож̇анам̣ чаад̣̇зяяаад̇и. звамзвам̣ ко, аавусо, ид̇хзгажжо буг̇г̇ало бийд̇ияаа жа вирааг̇аа…бз… д̇ад̇ияам̣ жхаанам̣ убасамбаж̇ж̇а вихарад̇и. со ‘лаабхимхи д̇ад̇ияасса жхаанассаа’д̇и сам̣садто вихарад̇и бхигкуухи…бз… сигкам̣ бажжагкааяа хийнааяаавад̇д̇ад̇и.
‘‘Idha panāvuso, ekacco puggalo pītiyā ca virāgā…pe… tatiyaṃ jhānaṃ upasampajja viharati. So ‘lābhimhi tatiyassa jhānassā’ti saṃsaṭṭho viharati bhikkhūhi…pe… sikkhaṃ paccakkhāya hīnāyāvattati. Seyyathāpi, āvuso, purisaṃ paṇītabhojanaṃ bhuttāviṃ ābhidosikaṃ bhojanaṃ nacchādeyya. Yo nu kho, āvuso, evaṃ vadeyya – ‘na dāni amuṃ purisaṃ punadeva bhojanaṃ chādessatī’ti, sammā nu kho so, āvuso, vadamāno vadeyyā’’ti? ‘‘No hidaṃ, āvuso’’. ‘‘Ṭhānañhetaṃ, āvuso, vijjati, amuṃ purisaṃ paṇītabhojanaṃ bhuttāviṃ yāvassa sā ojā kāye ṭhassati tāva na aññaṃ bhojanaṃ chādessati. Yato ca khvassa sā ojā antaradhāyissati, atha punadeva taṃ bhojanaṃ chādeyyāti. Evamevaṃ kho, āvuso, idhekacco puggalo pītiyā ca virāgā…pe… tatiyaṃ jhānaṃ upasampajja viharati. So ‘lābhimhi tatiyassa jhānassā’ti saṃsaṭṭho viharati bhikkhūhi…pe… sikkhaṃ paccakkhāya hīnāyāvattati.
‘‘ид̇ха , банаавусо, згажжо буг̇г̇ало сукасса жа бахаанаа д̣̇угкасса жа бахаанаа…бз… жад̇уд̇т̇ам̣ жхаанам̣ убасамбаж̇ж̇а вихарад̇и. со ‘лаабхимхи жад̇уд̇т̇асса жхаанассаа’д̇и сам̣садто вихарад̇и бхигкуухи…бз… сигкам̣ бажжагкааяа хийнааяаавад̇д̇ад̇и. сзяяат̇ааби, аавусо, баб̣б̣ад̇асан̇кзбз уд̣̇агарахад̣̇о ниваад̇о виг̇ад̇ауумиго. яо ну ко, аавусо, звам̣ вад̣̇зяяа – ‘на д̣̇аани амусмим̣ уд̣̇агарахад̣̇з бунад̣̇зва ууми баад̇убхависсад̇ий’д̇и, саммаа ну ко со, аавусо, вад̣̇амаано вад̣̇зяяаа’’д̇и? ‘‘но хид̣̇ам̣, аавусо’’. ‘‘таанан̃хзд̇ам̣, аавусо, виж̇ж̇ад̇и, яаа бурад̇т̇имааяа д̣̇исааяа ааг̇ажчзяяа бхусаа ваад̇авудти. саа д̇асмим̣ уд̣̇агарахад̣̇з уумим̣ ж̇анзяяа. яаа бажчимааяа д̣̇исааяа ааг̇ажчзяяа…бз… яаа уд̇д̇арааяа д̣̇исааяа ааг̇ажчзяяа… яаа д̣̇агкин̣ааяа д̣̇исааяа ааг̇ажчзяяа бхусаа ваад̇авудти. саа д̇асмим̣ уд̣̇агарахад̣̇з уумим̣ ж̇анзяяаад̇и. звамзвам̣ ко, аавусо, ид̇хзгажжо буг̇г̇ало сукасса жа бахаанаа д̣̇угкасса жа бахаанаа…бз… жад̇уд̇т̇ам̣ жхаанам̣ убасамбаж̇ж̇а вихарад̇и. со ‘лаабхимхи жад̇уд̇т̇асса жхаанассаа’д̇и сам̣садто вихарад̇и бхигкуухи…бз… сигкам̣ бажжагкааяа хийнааяаавад̇д̇ад̇и.
‘‘Idha , panāvuso, ekacco puggalo sukhassa ca pahānā dukkhassa ca pahānā…pe… catutthaṃ jhānaṃ upasampajja viharati. So ‘lābhimhi catutthassa jhānassā’ti saṃsaṭṭho viharati bhikkhūhi…pe… sikkhaṃ paccakkhāya hīnāyāvattati. Seyyathāpi, āvuso, pabbatasaṅkhepe udakarahado nivāto vigataūmiko. Yo nu kho, āvuso, evaṃ vadeyya – ‘na dāni amusmiṃ udakarahade punadeva ūmi pātubhavissatī’ti, sammā nu kho so, āvuso, vadamāno vadeyyā’’ti? ‘‘No hidaṃ, āvuso’’. ‘‘Ṭhānañhetaṃ, āvuso, vijjati, yā puratthimāya disāya āgaccheyya bhusā vātavuṭṭhi. Sā tasmiṃ udakarahade ūmiṃ janeyya. Yā pacchimāya disāya āgaccheyya…pe… yā uttarāya disāya āgaccheyya… yā dakkhiṇāya disāya āgaccheyya bhusā vātavuṭṭhi. Sā tasmiṃ udakarahade ūmiṃ janeyyāti. Evamevaṃ kho, āvuso, idhekacco puggalo sukhassa ca pahānā dukkhassa ca pahānā…pe… catutthaṃ jhānaṃ upasampajja viharati. So ‘lābhimhi catutthassa jhānassā’ti saṃsaṭṭho viharati bhikkhūhi…pe… sikkhaṃ paccakkhāya hīnāyāvattati.
‘‘ид̇ха, банаавусо, згажжо буг̇г̇ало саб̣б̣анимид̇д̇аанам̣ аманасигаараа анимид̇д̇ам̣ жзд̇осамаад̇хим̣ убасамбаж̇ж̇а вихарад̇и. со ‘лаабхимхи анимид̇д̇асса жзд̇осамаад̇хиссаа’д̇и сам̣садто вихарад̇и бхигкуухи бхигкунийхи убаасагзхи убаасигаахи ран̃н̃аа рааж̇амахаамад̇д̇зхи д̇ид̇т̇иязхи д̇ид̇т̇ияасаавагзхи . д̇асса сам̣садтасса виссад̇т̇асса баагад̇асса бхассамануяуд̇д̇асса вихарад̇о рааг̇о жид̇д̇ам̣ ануд̣̇д̇хам̣сзд̇и. со рааг̇аануд̣̇д̇хам̣сид̇зна жид̇д̇зна сигкам̣ бажжагкааяа хийнааяаавад̇д̇ад̇и. сзяяат̇ааби, аавусо, рааж̇аа ваа рааж̇амахаамад̇д̇о ваа жад̇уран̇г̇инияаа сзнааяа ад̣̇д̇хаанамаг̇г̇аббадибанно ан̃н̃ад̇арасмим̣ ванасан̣д̣з згарад̇д̇им̣ ваасам̣ убаг̇ажчзяяа. д̇ад̇ра 7 хад̇т̇исад̣̇д̣̇зна ассасад̣̇д̣̇зна рат̇асад̣̇д̣̇зна бад̇д̇исад̣̇д̣̇зна бхзрибан̣авасан̇кад̇ин̣аваниннаад̣̇асад̣̇д̣̇зна жийригасад̣̇д̣̇о 8 анд̇арад̇хааязяяа 9. яо ну ко, аавусо, звам̣ вад̣̇зяяа – ‘на д̣̇аани амусмим̣ ванасан̣д̣з бунад̣̇зва жийригасад̣̇д̣̇о баад̇убхависсад̇ий’д̇и, саммаа ну ко со , аавусо, вад̣̇амаано вад̣̇зяяаа’’д̇и? ‘‘но хид̣̇ам̣, аавусо’’. ‘‘таанан̃хзд̇ам̣, аавусо, виж̇ж̇ад̇и, яам̣ со рааж̇аа ваа рааж̇амахаамад̇д̇о ваа д̇амхаа ванасан̣д̣аа баггамзяяа, ат̇а бунад̣̇зва жийригасад̣̇д̣̇о баад̇убхавзяяаад̇и. звамзвам̣ ко, аавусо, ид̇хзгажжо буг̇г̇ало саб̣б̣анимид̇д̇аанам̣ аманасигаараа анимид̇д̇ам̣ жзд̇осамаад̇хим̣ убасамбаж̇ж̇а вихарад̇и. со ‘лаабхимхи анимид̇д̇асса жзд̇осамаад̇хиссаа’д̇и сам̣садто вихарад̇и бхигкуухи бхигкунийхи убаасагзхи убаасигаахи ран̃н̃аа рааж̇амахаамад̇д̇зхи д̇ид̇т̇иязхи д̇ид̇т̇ияасаавагзхи. д̇асса сам̣садтасса виссад̇т̇асса баагад̇асса бхассамануяуд̇д̇асса вихарад̇о рааг̇о жид̇д̇ам̣ ануд̣̇д̇хам̣сзд̇и. со рааг̇аануд̣̇д̇хам̣сид̇зна жид̇д̇зна сигкам̣ бажжагкааяа хийнааяаавад̇д̇ад̇ий’’д̇и.
‘‘Idha, panāvuso, ekacco puggalo sabbanimittānaṃ amanasikārā animittaṃ cetosamādhiṃ upasampajja viharati. So ‘lābhimhi animittassa cetosamādhissā’ti saṃsaṭṭho viharati bhikkhūhi bhikkhunīhi upāsakehi upāsikāhi raññā rājamahāmattehi titthiyehi titthiyasāvakehi . Tassa saṃsaṭṭhassa vissatthassa pākatassa bhassamanuyuttassa viharato rāgo cittaṃ anuddhaṃseti. So rāgānuddhaṃsitena cittena sikkhaṃ paccakkhāya hīnāyāvattati. Seyyathāpi, āvuso, rājā vā rājamahāmatto vā caturaṅginiyā senāya addhānamaggappaṭipanno aññatarasmiṃ vanasaṇḍe ekarattiṃ vāsaṃ upagaccheyya. Tatra 10 hatthisaddena assasaddena rathasaddena pattisaddena bheripaṇavasaṅkhatiṇavaninnādasaddena cīrikasaddo 11 antaradhāyeyya 12. Yo nu kho, āvuso, evaṃ vadeyya – ‘na dāni amusmiṃ vanasaṇḍe punadeva cīrikasaddo pātubhavissatī’ti, sammā nu kho so , āvuso, vadamāno vadeyyā’’ti? ‘‘No hidaṃ, āvuso’’. ‘‘Ṭhānañhetaṃ, āvuso, vijjati, yaṃ so rājā vā rājamahāmatto vā tamhā vanasaṇḍā pakkameyya, atha punadeva cīrikasaddo pātubhaveyyāti. Evamevaṃ kho, āvuso, idhekacco puggalo sabbanimittānaṃ amanasikārā animittaṃ cetosamādhiṃ upasampajja viharati. So ‘lābhimhi animittassa cetosamādhissā’ti saṃsaṭṭho viharati bhikkhūhi bhikkhunīhi upāsakehi upāsikāhi raññā rājamahāmattehi titthiyehi titthiyasāvakehi. Tassa saṃsaṭṭhassa vissatthassa pākatassa bhassamanuyuttassa viharato rāgo cittaṃ anuddhaṃseti. So rāgānuddhaṃsitena cittena sikkhaṃ paccakkhāya hīnāyāvattatī’’ti.
ат̇а ко ааяасмаа жид̇д̇о хад̇т̇исаарибуд̇д̇о абарзна самаязна сигкам̣ бажжагкааяа хийнааяаавад̇д̇ад̇и. ат̇а ко жид̇д̇асса хад̇т̇исаарибуд̇д̇асса сахааяагаа бхигкуу язнааяасмаа махаагодтиго д̇знубасан̇гамим̣су; убасан̇гамид̇ваа ааяасманд̇ам̣ махаагодтигам̣ зд̇ад̣̇авожум̣ – ‘‘гим̣ ну ко ааяасмад̇аа махаагодтигзна жид̇д̇о хад̇т̇исаарибуд̇д̇о жзд̇асаа жзд̇о барижжа вид̣̇ид̇о – ‘имаасан̃жа имаасан̃жа вихаарасамаабад̇д̇ийнам̣ жид̇д̇о хад̇т̇исаарибуд̇д̇о лаабхий, ат̇а жа бана сигкам̣ бажжагкааяа хийнааяаавад̇д̇иссад̇ий’д̇и; уд̣̇ааху д̣̇звад̇аа зд̇амад̇т̇ам̣ аарожзсум̣ – ‘жид̇д̇о, бханд̇з, хад̇т̇исаарибуд̇д̇о имаасан̃жа имаасан̃жа вихаарасамаабад̇д̇ийнам̣ лаабхий, ат̇а жа бана сигкам̣ бажжагкааяа хийнааяаавад̇д̇иссад̇ий’’’д̇и? ‘‘жзд̇асаа жзд̇о барижжа вид̣̇ид̇о мз, аавусо – ‘жид̇д̇о хад̇т̇исаарибуд̇д̇о имаасан̃жа имаасан̃жа вихаарасамаабад̇д̇ийнам̣ лаабхий, ат̇а жа бана сигкам̣ бажжагкааяа хийнааяаавад̇д̇иссад̇ий’д̇и. д̣̇звад̇ааби мз зд̇амад̇т̇ам̣ аарожзсум̣ – ‘жид̇д̇о, бханд̇з, хад̇т̇исаарибуд̇д̇о имаасан̃жа имаасан̃жа вихаарасамаабад̇д̇ийнам̣ лаабхий, ат̇а жа бана сигкам̣ бажжагкааяа хийнааяаавад̇д̇иссад̇ий’’д̇и.
Atha kho āyasmā citto hatthisāriputto aparena samayena sikkhaṃ paccakkhāya hīnāyāvattati. Atha kho cittassa hatthisāriputtassa sahāyakā bhikkhū yenāyasmā mahākoṭṭhiko tenupasaṅkamiṃsu; upasaṅkamitvā āyasmantaṃ mahākoṭṭhikaṃ etadavocuṃ – ‘‘kiṃ nu kho āyasmatā mahākoṭṭhikena citto hatthisāriputto cetasā ceto paricca vidito – ‘imāsañca imāsañca vihārasamāpattīnaṃ citto hatthisāriputto lābhī, atha ca pana sikkhaṃ paccakkhāya hīnāyāvattissatī’ti; udāhu devatā etamatthaṃ ārocesuṃ – ‘citto, bhante, hatthisāriputto imāsañca imāsañca vihārasamāpattīnaṃ lābhī, atha ca pana sikkhaṃ paccakkhāya hīnāyāvattissatī’’’ti? ‘‘Cetasā ceto paricca vidito me, āvuso – ‘citto hatthisāriputto imāsañca imāsañca vihārasamāpattīnaṃ lābhī, atha ca pana sikkhaṃ paccakkhāya hīnāyāvattissatī’ti. Devatāpi me etamatthaṃ ārocesuṃ – ‘citto, bhante, hatthisāriputto imāsañca imāsañca vihārasamāpattīnaṃ lābhī, atha ca pana sikkhaṃ paccakkhāya hīnāyāvattissatī’’ti.
ат̇а ко жид̇д̇асса хад̇т̇исаарибуд̇д̇асса сахааяагаа бхигкуу язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу бхаг̇аванд̇ам̣ зд̇ад̣̇авожум̣ – ‘‘жид̇д̇о, бханд̇з, хад̇т̇исаарибуд̇д̇о имаасан̃жа имаасан̃жа вихаарасамаабад̇д̇ийнам̣ лаабхий, ат̇а жа бана сигкам̣ бажжагкааяа хийнааяаавад̇д̇ад̇ий’’д̇и. ‘‘на, бхигкавз, жид̇д̇о жирам̣ сариссад̇и 13 нзгкаммассаа’’д̇и.
Atha kho cittassa hatthisāriputtassa sahāyakā bhikkhū yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ – ‘‘citto, bhante, hatthisāriputto imāsañca imāsañca vihārasamāpattīnaṃ lābhī, atha ca pana sikkhaṃ paccakkhāya hīnāyāvattatī’’ti. ‘‘Na, bhikkhave, citto ciraṃ sarissati 14 nekkhammassā’’ti.
ат̇а ко жид̇д̇о хад̇т̇исаарибуд̇д̇о нажирассзва гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇и. ат̇а ко ааяасмаа жид̇д̇о хад̇т̇исаарибуд̇д̇о зго вуубагадто аббамад̇д̇о аад̇аабий бахид̇ад̇д̇о вихаранд̇о нажирассзва – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и д̇ад̣̇ануд̇д̇арам̣ – б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихааси. ‘‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’’д̇и аб̣бхан̃н̃ааси. ан̃н̃ад̇аро жа банааяасмаа жид̇д̇о хад̇т̇исаарибуд̇д̇о арахад̇ам̣ ахосийд̇и. чадтам̣.
Atha kho citto hatthisāriputto nacirasseva kesamassuṃ ohāretvā kāsāyāni vatthāni acchādetvā agārasmā anagāriyaṃ pabbaji. Atha kho āyasmā citto hatthisāriputto eko vūpakaṭṭho appamatto ātāpī pahitatto viharanto nacirasseva – yassatthāya kulaputtā sammadeva agārasmā anagāriyaṃ pabbajanti tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja vihāsi. ‘‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’’ti abbhaññāsi. Aññataro ca panāyasmā citto hatthisāriputto arahataṃ ahosīti. Chaṭṭhaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 6. хад̇т̇исаарибуд̇д̇асуд̇д̇аван̣н̣анаа • 6. Hatthisāriputtasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6. хад̇т̇исаарибуд̇д̇асуд̇д̇аван̣н̣анаа • 6. Hatthisāriputtasuttavaṇṇanā
