| Library / Tipiṭaka / තිපිටක • Tipiṭaka / චූළනිද්‌දෙසපාළි • Cūḷaniddesapāḷi |
8. හෙමකමාණවපුච්‌ඡා
8. Hemakamāṇavapucchā
109.
109.
‘‘යෙ මෙ පුබ්‌බෙ වියාකංසු, [ඉච්‌චායස්‌මා හෙමකො]
‘‘Ye me pubbe viyākaṃsu, [iccāyasmā hemako]
හුරං ගොතමසාසනා;
Huraṃ gotamasāsanā;
ඉච්‌චාසි ඉති භවිස්‌සති, සබ්‌බං තං ඉතිහීතිහං;
Iccāsi iti bhavissati, sabbaṃ taṃ itihītihaṃ;
සබ්‌බං තං තක්‌කවඩ්‌ඪනං, නාහං තත්‌ථ අභිරමිං.
Sabbaṃ taṃ takkavaḍḍhanaṃ, nāhaṃ tattha abhiramiṃ.
110.
110.
‘‘ත්‌වඤ්‌ච මෙ ධම්‌මමක්‌ඛාහි, තණ්‌හානිග්‌ඝාතනං මුනි;
‘‘Tvañca me dhammamakkhāhi, taṇhānigghātanaṃ muni;
යං විදිත්‌වා සතො චරං, තරෙ ලොකෙ විසත්‌තිකං’’.
Yaṃ viditvā sato caraṃ, tare loke visattikaṃ’’.
111.
111.
‘‘ඉධ දිට්‌ඨසුතමුතවිඤ්‌ඤාතෙසු, පියරූපෙසු හෙමක;
‘‘Idha diṭṭhasutamutaviññātesu, piyarūpesu hemaka;
ඡන්‌දරාගවිනොදනං, නිබ්‌බානපදමච්‌චුතං.
Chandarāgavinodanaṃ, nibbānapadamaccutaṃ.
112.
112.
‘‘එතදඤ්‌ඤාය යෙ සතා, දිට්‌ඨධම්‌මාභිනිබ්‌බුතා;
‘‘Etadaññāya ye satā, diṭṭhadhammābhinibbutā;
උපසන්‌තා ච තෙ සදා, තිණ්‌ණා ලොකෙ විසත්‌තික’’න්‌ති.
Upasantā ca te sadā, tiṇṇā loke visattika’’nti.
හෙමකමාණවපුච්‌ඡා අට්‌ඨමා.
Hemakamāṇavapucchā aṭṭhamā.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / චූළනිද්‌දෙස-අට්‌ඨකථා • Cūḷaniddesa-aṭṭhakathā / 8. හෙමකමාණවසුත්‌තනිද්‌දෙසවණ්‌ණනා • 8. Hemakamāṇavasuttaniddesavaṇṇanā
