| Library / Tipiṭaka / ਤਿਪਿਟਕ • Tipiṭaka / ਚੂਲ਼ਨਿਦ੍ਦੇਸ-ਅਟ੍ਠਕਥਾ • Cūḷaniddesa-aṭṭhakathā |
੮. ਹੇਮਕਮਾਣવਸੁਤ੍ਤਨਿਦ੍ਦੇਸવਣ੍ਣਨਾ
8. Hemakamāṇavasuttaniddesavaṇṇanā
੫੩. ਅਟ੍ਠਮੇ ਹੇਮਕਸੁਤ੍ਤੇ – ਯੇ ਮੇ ਪੁਬ੍ਬੇ વਿਯਾਕਂਸੂਤਿ ਯੇ ਬਾવਰਿਆਦਯੋ ਪੁਬ੍ਬੇ ਮਯ੍ਹਂ ਸਕਂ ਲਦ੍ਧਿਂ વਿਯਾਕਂਸੁ। ਹੁਰਂ ਗੋਤਮਸਾਸਨਾਤਿ ਗੋਤਮਸਾਸਨਤੋ ਪੁਬ੍ਬਤਰਂ। ਸਬ੍ਬਂ ਤਂ ਤਕ੍ਕવਡ੍ਢਨਨ੍ਤਿ ਸਬ੍ਬਂ ਤਂ ਕਾਮવਿਤਕ੍ਕਾਦਿવਡ੍ਢਨਂ।
53. Aṭṭhame hemakasutte – ye me pubbe viyākaṃsūti ye bāvariādayo pubbe mayhaṃ sakaṃ laddhiṃ viyākaṃsu. Huraṃ gotamasāsanāti gotamasāsanato pubbataraṃ. Sabbaṃ taṃ takkavaḍḍhananti sabbaṃ taṃ kāmavitakkādivaḍḍhanaṃ.
ਯੇ ਚਞ੍ਞੇ ਤਸ੍ਸ ਆਚਰਿਯਾਤਿ ਯੇ ਚ ਅਞ੍ਞੇ ਤਸ੍ਸ ਬਾવਰਿਯਸ੍ਸ ਆਚਾਰੇ ਸਿਕ੍ਖਾਪਕਾ ਆਚਰਿਯਾ। ਤੇ ਸਕਂ ਦਿਟ੍ਠਿਨ੍ਤਿ ਤੇ ਆਚਰਿਯਾ ਅਤ੍ਤਨੋ ਦਿਟ੍ਠਿਂ। ਸਕਂ ਖਨ੍ਤਿਨ੍ਤਿ ਅਤ੍ਤਨੋ ਖਮਨਂ। ਸਕਂ ਰੁਚਿਨ੍ਤਿ ਅਤ੍ਤਨੋ ਰੋਚਨਂ। વਿਤਕ੍ਕવਡ੍ਢਨਨ੍ਤਿ ਕਾਮવਿਤਕ੍ਕਾਦਿવਿਤਕ੍ਕਾਨਂ ਉਪ੍ਪਾਦਨਂ ਪੁਨਪ੍ਪੁਨਂ ਪવਤ੍ਤਨਂ। ਸਙ੍ਕਪ੍ਪવਡ੍ਢਨਨ੍ਤਿ ਕਾਮਸਙ੍ਕਪ੍ਪਾਦੀਨਂ વਡ੍ਢਨਂ। ਇਮਾਨਿ ਦ੍વੇ ਪਦਾਨਿ ਸਬ੍ਬਸਙ੍ਗਾਹਿਕવਸੇਨ વੁਤ੍ਤਾਨਿ। ਇਦਾਨਿ ਕਾਮવਿਤਕ੍ਕਾਦਿਕੇ ਸਰੂਪਤੋ ਦਸ੍ਸੇਤੁਂ ‘‘ਕਾਮવਿਤਕ੍ਕવਡ੍ਢਨ’’ਨ੍ਤਿਆਦਿਨਾ ਨਯੇਨ ਨવવਿਤਕ੍ਕੇ ਦਸ੍ਸੇਸਿ।
Ye caññe tassa ācariyāti ye ca aññe tassa bāvariyassa ācāre sikkhāpakā ācariyā. Te sakaṃ diṭṭhinti te ācariyā attano diṭṭhiṃ. Sakaṃ khantinti attano khamanaṃ. Sakaṃ rucinti attano rocanaṃ. Vitakkavaḍḍhananti kāmavitakkādivitakkānaṃ uppādanaṃ punappunaṃ pavattanaṃ. Saṅkappavaḍḍhananti kāmasaṅkappādīnaṃ vaḍḍhanaṃ. Imāni dve padāni sabbasaṅgāhikavasena vuttāni. Idāni kāmavitakkādike sarūpato dassetuṃ ‘‘kāmavitakkavaḍḍhana’’ntiādinā nayena navavitakke dassesi.
੫੪. ਤਣ੍ਹਾਨਿਗ੍ਘਾਤਨਨ੍ਤਿ ਤਣ੍ਹਾવਿਨਾਸਨਂ।
54.Taṇhānigghātananti taṇhāvināsanaṃ.
੫੫-੬. ਅਥਸ੍ਸ ਭਗવਾ ਤਂ ਧਮ੍ਮਂ ਆਚਿਕ੍ਖਨ੍ਤੋ ‘‘ਇਧਾ’’ਤਿ ਗਾਥਾਦ੍વਯਮਾਹ। ਤਤ੍ਥ ਏਤਦਞ੍ਞਾਯ ਯੇ ਸਤਾਤਿ ਏਤਂ ਨਿਬ੍ਬਾਨਂ ਪਦਮਚ੍ਚੁਤਂ ‘‘ਸਬ੍ਬੇ ਸਙ੍ਖਾਰਾ ਅਨਿਚ੍ਚਾ’’ਤਿਆਦਿਨਾ (ਧ॰ ਪ॰ ੨੭੭; ਥੇਰਗਾ॰ ੬੭੬; ਕਥਾ॰ ੭੫੩) ਨਯੇਨ વਿਪਸ੍ਸਨ੍ਤਾ ਅਨੁਪੁਬ੍ਬੇਨ ਜਾਨਿਤ੍વਾ ਯੇ ਕਾਯਾਨੁਪਸ੍ਸਨਾਸਤਿਆਦੀਹਿ ਸਤਾ। ਦਿਟ੍ਠਧਮ੍ਮਾਭਿਨਿਬ੍ਬੁਤਾਤਿ વਿਦਿਤਧਮ੍ਮਤ੍ਤਾ ਦਿਟ੍ਠਧਮ੍ਮਾ ਚ ਰਾਗਾਦਿਨਿਬ੍ਬਾਨੇਨ ਚ ਅਭਿਨਿਬ੍ਬੁਤਾ। ਸੇਸਂ ਸਬ੍ਬਤ੍ਥ ਪਾਕਟਮੇવ।
55-6. Athassa bhagavā taṃ dhammaṃ ācikkhanto ‘‘idhā’’ti gāthādvayamāha. Tattha etadaññāya ye satāti etaṃ nibbānaṃ padamaccutaṃ ‘‘sabbe saṅkhārā aniccā’’tiādinā (dha. pa. 277; theragā. 676; kathā. 753) nayena vipassantā anupubbena jānitvā ye kāyānupassanāsatiādīhi satā. Diṭṭhadhammābhinibbutāti viditadhammattā diṭṭhadhammā ca rāgādinibbānena ca abhinibbutā. Sesaṃ sabbattha pākaṭameva.
ਏવਂ ਭਗવਾ ਇਦਮ੍ਪਿ ਸੁਤ੍ਤਂ ਅਰਹਤ੍ਤਨਿਕੂਟੇਨੇવ ਦੇਸੇਸਿ, ਦੇਸਨਾਪਰਿਯੋਸਾਨੇ ਚ ਪੁਬ੍ਬਸਦਿਸੋ ਏવ ਧਮ੍ਮਾਭਿਸਮਯੋ ਅਹੋਸੀਤਿ।
Evaṃ bhagavā idampi suttaṃ arahattanikūṭeneva desesi, desanāpariyosāne ca pubbasadiso eva dhammābhisamayo ahosīti.
ਸਦ੍ਧਮ੍ਮਪ੍ਪਜ੍ਜੋਤਿਕਾਯ ਚੂਲ਼ਨਿਦ੍ਦੇਸ-ਅਟ੍ਠਕਥਾਯ
Saddhammappajjotikāya cūḷaniddesa-aṭṭhakathāya
ਹੇਮਕਮਾਣવਸੁਤ੍ਤਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Hemakamāṇavasuttaniddesavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਚੂਲ਼ਨਿਦ੍ਦੇਸਪਾਲ਼ਿ • Cūḷaniddesapāḷi
੮. ਹੇਮਕਮਾਣવਪੁਚ੍ਛਾ • 8. Hemakamāṇavapucchā
੮. ਹੇਮਕਮਾਣવਪੁਚ੍ਛਾਨਿਦ੍ਦੇਸੋ • 8. Hemakamāṇavapucchāniddeso
