| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
3. хзран̃н̃агаанид̇т̇зраг̇аат̇ааван̣н̣анаа
3. Heraññakānittheragāthāvaṇṇanā
ажжаяанд̇и ахорад̇д̇аад̇и ааяасмад̇о хзран̃н̃агаанид̇т̇зрасса г̇аат̇аа. гаа уббад̇д̇и? аяам̣ гира бад̣̇умуд̇д̇арасса бхаг̇авад̇о гаалз хам̣савад̇ийнаг̇арз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о барзсам̣ бхад̇аго худ̇ваа ж̇ийванд̇о згад̣̇ивасам̣ суж̇аад̇асса наама сад̇т̇усаавагасса бам̣сугуулам̣ бариязсанд̇асса убад̣дхад̣̇уссам̣ барижжаж̇и. со д̇зна бун̃н̃агаммзна д̇аавад̇им̣сзсу ниб̣б̣ад̇д̇ид̇ваа абараабарам̣ д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з госаларан̃н̃о г̇аамабхож̇агасса жоравосаасагасса буд̇д̇о худ̇ваа ниб̣б̣ад̇д̇и, хзран̃н̃агаанийд̇исса наамам̣ ахоси. со ваяаббад̇д̇о бид̇у ажжаязна ран̃н̃аа д̇асмим̣язва г̇аамабхож̇агадтаанз табид̇о ж̇зд̇аванабадиг̇г̇ахан̣з б̣уд̣̇д̇хаанубхаавам̣ д̣̇исваа бадилад̣̇д̇хасад̣̇д̇хо ад̇д̇ано ганидтасса д̇ам̣ таананд̇арам̣ д̣̇аабзд̇ваа рааж̇аанам̣ аабужчид̇ваа баб̣б̣аж̇ид̇ваа вибассанам̣ бадтабзд̇ваа нажирассзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.50.31-40) –
Accayantiahorattāti āyasmato heraññakānittherassa gāthā. Kā uppatti? Ayaṃ kira padumuttarassa bhagavato kāle haṃsavatīnagare kulagehe nibbattitvā viññutaṃ patto paresaṃ bhatako hutvā jīvanto ekadivasaṃ sujātassa nāma satthusāvakassa paṃsukūlaṃ pariyesantassa upaḍḍhadussaṃ pariccaji. So tena puññakammena tāvatiṃsesu nibbattitvā aparāparaṃ devamanussesu saṃsaranto imasmiṃ buddhuppāde kosalarañño gāmabhojakassa coravosāsakassa putto hutvā nibbatti, heraññakānītissa nāmaṃ ahosi. So vayappatto pitu accayena raññā tasmiṃyeva gāmabhojakaṭṭhāne ṭhapito jetavanapaṭiggahaṇe buddhānubhāvaṃ disvā paṭiladdhasaddho attano kaniṭṭhassa taṃ ṭhānantaraṃ dāpetvā rājānaṃ āpucchitvā pabbajitvā vipassanaṃ paṭṭhapetvā nacirasseva arahattaṃ pāpuṇi. Tena vuttaṃ apadāne (apa. thera 2.50.31-40) –
‘‘бад̣̇умуд̇д̇арабхаг̇авад̇о, суж̇аад̇о наама сааваго;
‘‘Padumuttarabhagavato, sujāto nāma sāvako;
бам̣сугуулам̣ г̇авзсанд̇о, сан̇гаарз жарад̇з д̇ад̣̇аа.
Paṃsukūlaṃ gavesanto, saṅkāre carate tadā.
‘‘наг̇арз хам̣савад̇ияаа, барзсам̣ бхад̇аго ахам̣;
‘‘Nagare haṃsavatiyā, paresaṃ bhatako ahaṃ;
убад̣дхад̣̇уссам̣ д̣̇ад̇ваана, сирасаа абхиваад̣̇аяим̣.
Upaḍḍhadussaṃ datvāna, sirasā abhivādayiṃ.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣самаг̇ажчахам̣.
Jahitvā mānusaṃ dehaṃ, tāvatiṃsamagacchahaṃ.
‘‘д̇зд̇д̇им̣сагкад̇д̇ум̣ д̣̇звинд̣̇о, д̣̇звараж̇ж̇амагаараяим̣;
‘‘Tettiṃsakkhattuṃ devindo, devarajjamakārayiṃ;
сад̇д̇асад̇д̇ад̇игкад̇д̇ун̃жа, жаггавад̇д̇ий ахосахам̣.
Sattasattatikkhattuñca, cakkavattī ahosahaṃ.
‘‘бад̣̇зсараж̇ж̇ам̣ вибулам̣, г̇ан̣анаад̇о асан̇кияам̣;
‘‘Padesarajjaṃ vipulaṃ, gaṇanāto asaṅkhiyaṃ;
убад̣дхад̣̇уссад̣̇аанзна, мод̣̇аами агуд̇обхаяо.
Upaḍḍhadussadānena, modāmi akutobhayo.
‘‘ижчамаано жахам̣ аж̇ж̇а, сагаананам̣ сабаб̣б̣ад̇ам̣;
‘‘Icchamāno cahaṃ ajja, sakānanaṃ sapabbataṃ;
комад̣̇уссзхи чаад̣̇зяяам̣, ад̣дхад̣̇уссассид̣̇ам̣ палам̣.
Khomadussehi chādeyyaṃ, aḍḍhadussassidaṃ phalaṃ.
‘‘сад̇асахассид̇о габбз, яам̣ д̣̇аанамад̣̇ад̣̇им̣ д̇ад̣̇аа;
‘‘Satasahassito kappe, yaṃ dānamadadiṃ tadā;
д̣̇уг̇г̇ад̇им̣ наабхиж̇аанаами, ад̣дхад̣̇уссассид̣̇ам̣ палам̣.
Duggatiṃ nābhijānāmi, aḍḍhadussassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа ад̇д̇ано ганидтабхаад̇арам̣ д̇ад̇о гаммад̇о нивад̇д̇зд̇угаамо д̇асмим̣язва гаммз абхирад̇ам̣ д̣̇исваа д̇ам̣ жод̣̇знд̇о –
Arahattaṃ pana patvā attano kaniṭṭhabhātaraṃ tato kammato nivattetukāmo tasmiṃyeva kamme abhirataṃ disvā taṃ codento –
145.
145.
‘‘ажжаяанд̇и ахорад̇д̇аа, ж̇ийвид̇ам̣ убаруж̇жхад̇и;
‘‘Accayanti ahorattā, jīvitaṃ uparujjhati;
ааяу кийяад̇и мажжаанам̣, гуннад̣̇ийнам̣ва од̣̇агам̣.
Āyu khīyati maccānaṃ, kunnadīnaṃva odakaṃ.
146.
146.
‘‘ат̇а баабаани гаммаани, гарам̣ б̣аало на б̣уж̇жхад̇и;
‘‘Atha pāpāni kammāni, karaṃ bālo na bujjhati;
бажчаасса гадугам̣ ход̇и, вибааго хисса баабаго’’д̇и. –
Pacchāssa kaṭukaṃ hoti, vipāko hissa pāpako’’ti. –
г̇аат̇аад̣̇ваяам̣ абхааси.
Gāthādvayaṃ abhāsi.
д̇ад̇т̇а ажжаяанд̇ийд̇и ад̇иггаманд̇и, лахум̣ лахум̣ абаг̇ажчанд̇ийд̇и ад̇т̇о. ахорад̇д̇аад̇и рад̇д̇инд̣̇иваа. ж̇ийвид̇ам̣ убаруж̇жхад̇ийд̇и ж̇ийвид̇инд̣̇рияан̃жа кан̣иганирод̇хавасзна нируж̇жхад̇и. вуд̇д̇ан̃хи ‘‘кан̣з кан̣з, д̇вам̣ бхигку, ж̇ааяаси жа ж̇ияяаси жа мияяаси жа жаваси жа убабаж̇ж̇аси жаа’’д̇и. ааяу кийяад̇и мажжаананд̇и марид̇аб̣б̣асабхаавад̇д̇аа мажжаад̇и лад̣̇д̇ханаамаанам̣ имзсам̣ сад̇д̇аанам̣ ааяу ‘‘яо жирам̣ ж̇ийвад̇и, со вассасад̇ам̣ аббам̣ ваа бхияяо’’д̇и (д̣̇ий. ни. 2.91; сам̣. ни. 2.143; а. ни. 7.74) звам̣ барижчиннагаалабарамааяу кийяад̇и каяан̃жа самбхзд̣̇ан̃жа г̇ажчад̇и, яат̇аа гим̣? гуннад̣̇ийнам̣ва од̣̇агам̣ яат̇аа наама гуннад̣̇ийнам̣ баб̣б̣ад̇зяяаанам̣ куд̣̇д̣̇аганад̣̇ийнам̣ уд̣̇агам̣ жирам̣ на д̇идтад̇и, лахуд̇арам̣ кийяад̇и, ааг̇ад̇амад̇д̇ам̣язва виг̇ажчад̇и, звам̣ сад̇д̇аанам̣ ааяу лахуд̇арам̣ кийяад̇и каяам̣ г̇ажчад̇и. зд̇т̇а жа уд̣̇агамзва ‘‘од̣̇ага’’нд̇и вуд̇д̇ам̣, яат̇аа маноязва маанасанд̇и.
Tattha accayantīti atikkamanti, lahuṃ lahuṃ apagacchantīti attho. Ahorattāti rattindivā. Jīvitaṃ uparujjhatīti jīvitindriyañca khaṇikanirodhavasena nirujjhati. Vuttañhi ‘‘khaṇe khaṇe, tvaṃ bhikkhu, jāyasi ca jiyyasi ca miyyasi ca cavasi ca upapajjasi cā’’ti. Āyu khīyati maccānanti maritabbasabhāvattā maccāti laddhanāmānaṃ imesaṃ sattānaṃ āyu ‘‘yo ciraṃ jīvati, so vassasataṃ appaṃ vā bhiyyo’’ti (dī. ni. 2.91; saṃ. ni. 2.143; a. ni. 7.74) evaṃ paricchinnakālaparamāyu khīyati khayañca sambhedañca gacchati, yathā kiṃ? Kunnadīnaṃva odakaṃ yathā nāma kunnadīnaṃ pabbateyyānaṃ khuddakanadīnaṃ udakaṃ ciraṃ na tiṭṭhati, lahutaraṃ khīyati, āgatamattaṃyeva vigacchati, evaṃ sattānaṃ āyu lahutaraṃ khīyati khayaṃ gacchati. Ettha ca udakameva ‘‘odaka’’nti vuttaṃ, yathā manoyeva mānasanti.
ат̇а баабаани гаммаани, гарам̣ б̣аало на б̣уж̇жхад̇ийд̇и звам̣ сам̣саарз анижжзби самаанз б̣аало лобхавасзна ваа год̇хавасзна ваа баабаани гаммаани гарод̇и, гаронд̇оби на б̣уж̇жхад̇и, баабам̣ гаронд̇о жа ‘‘баабам̣ гаромий’’д̇и аб̣уж̇жханаго наама над̇т̇и, ‘‘имасса гаммасса зваруубо д̣̇угко вибааго’’д̇и бана аж̇аананад̇о ‘‘на б̣уж̇жхад̇ий’’д̇и вуд̇д̇ам̣. бажчаасса гадугам̣ ход̇ийд̇и яад̣̇иби баабасса гаммасса ааяууханагкан̣з ‘‘имасса гаммасса зваруубо вибааго’’д̇и на б̣уж̇жхад̇и, д̇ад̇о бажчаа бана нираяаад̣̇ийсу ниб̣б̣ад̇д̇асса асса б̣ааласса гадугам̣ анидтам̣ д̣̇угкамзва ход̇и. вибааго хисса баабаго яасмаа асса баабагаммасса наама вибааго баабаго нихийно анидто зваад̇и. имам̣ бана оваад̣̇ам̣ суд̇ваа т̇зрасса ганидтабхаад̇аа рааж̇аанам̣ аабужчид̇ваа баб̣б̣аж̇ид̇ваа нажирассзва сад̣̇ад̇т̇ам̣ нибпаад̣̇зси.
Athapāpāni kammāni, karaṃ bālo na bujjhatīti evaṃ saṃsāre aniccepi samāne bālo lobhavasena vā kodhavasena vā pāpāni kammāni karoti, karontopi na bujjhati, pāpaṃ karonto ca ‘‘pāpaṃ karomī’’ti abujjhanako nāma natthi, ‘‘imassa kammassa evarūpo dukkho vipāko’’ti pana ajānanato ‘‘na bujjhatī’’ti vuttaṃ. Pacchāssa kaṭukaṃ hotīti yadipi pāpassa kammassa āyūhanakkhaṇe ‘‘imassa kammassa evarūpo vipāko’’ti na bujjhati, tato pacchā pana nirayādīsu nibbattassa assa bālassa kaṭukaṃ aniṭṭhaṃ dukkhameva hoti. Vipāko hissa pāpako yasmā assa pāpakammassa nāma vipāko pāpako nihīno aniṭṭho evāti. Imaṃ pana ovādaṃ sutvā therassa kaniṭṭhabhātā rājānaṃ āpucchitvā pabbajitvā nacirasseva sadatthaṃ nipphādesi.
хзран̃н̃агаанид̇т̇зраг̇аат̇ааван̣н̣анаа нидтид̇аа.
Heraññakānittheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 3. хзран̃н̃агаанид̇т̇зраг̇аат̇аа • 3. Heraññakānittheragāthā
