| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
бажжаяанид̣̇д̣̇зсо
Paccayaniddeso
1. хзд̇убажжаяанид̣̇д̣̇зсаван̣н̣анаа
1. Hetupaccayaniddesavaṇṇanā
1. хзд̇убажжаязна бажжаяабхааво хзд̇убажжаяод̇и уд̣̇д̣̇идто, на хзд̇убажжаяад̇хаммод̇и ад̇т̇о. сод̇и хзд̇убхаавзна бажжаяо. зд̇т̇а жа батамавигаббз яо хзд̇убажжаязна бажжаяабхааво вуд̇д̇о, яо жа д̣̇уд̇ияавигаббз хзд̇убхаавзна бажжаяо вуд̇д̇о, со яасмаа ад̇т̇ад̇о яат̇аавуд̇д̇асса бажжаяад̇хаммасса яат̇аавуд̇д̇аанам̣ бажжаяуббаннаанам̣ хзд̇убажжаяабхаавоязва, д̇асмаа вуд̇д̇ам̣ ‘‘убхаяат̇ааби хзд̇убхаавзна убагаарагад̇аа хзд̇убажжаяод̇и уд̣̇д̣̇идтод̇и д̣̇ассид̇ам̣ ход̇ий’’д̇и. яат̇аа жзд̇т̇а, звам̣ ‘‘аарамман̣абажжаязна бажжаяабхааво, аарамман̣абхаавзна ваа бажжаяо аарамман̣абажжаяо’’д̇иаад̣̇инаа аарамман̣абажжаяаад̣̇ийсу ад̇т̇о нзд̇аб̣б̣од̇и д̣̇ассзнд̇о ‘‘зса наяо сзсабажжаязсубий’’д̇и ааха. д̇хаммасабхааво зва, на д̇хаммад̇о ан̃н̃аа д̇хаммасад̇д̇и наама ад̇т̇ийд̇и. убагаарагам̣ д̇хамманд̇и бажжаяад̇хаммам̣ ааха. убагаарагад̇анд̇и бажжаяад̇ам̣.
1. Hetupaccayena paccayabhāvo hetupaccayoti uddiṭṭho, na hetupaccayadhammoti attho. Soti hetubhāvena paccayo. Ettha ca paṭhamavikappe yo hetupaccayena paccayabhāvo vutto, yo ca dutiyavikappe hetubhāvena paccayo vutto, so yasmā atthato yathāvuttassa paccayadhammassa yathāvuttānaṃ paccayuppannānaṃ hetupaccayabhāvoyeva, tasmā vuttaṃ ‘‘ubhayathāpi hetubhāvena upakārakatā hetupaccayoti uddiṭṭhoti dassitaṃ hotī’’ti. Yathā cettha, evaṃ ‘‘ārammaṇapaccayena paccayabhāvo, ārammaṇabhāvena vā paccayo ārammaṇapaccayo’’tiādinā ārammaṇapaccayādīsu attho netabboti dassento ‘‘esa nayo sesapaccayesupī’’ti āha. Dhammasabhāvo eva, na dhammato aññā dhammasatti nāma atthīti. Upakārakaṃ dhammanti paccayadhammaṃ āha. Upakārakatanti paccayataṃ.
бажжад̇д̇анид̣̇д̣̇идтод̇и бажжад̇д̇авасзна нид̣̇д̣̇идто, батамааяа вибхад̇д̇ияаа нид̣̇д̣̇идтод̇и ад̇т̇о. д̇знаад̇и бажжаяад̇хамманид̣̇д̣̇зсабхууд̇зна бажжад̇д̇анид̣̇д̣̇идтзна батамзна хзд̇усад̣̇д̣̇зна. зд̇ассаад̇и хзд̇усад̣̇д̣̇аабхид̇хзяяамад̇т̇амааха. со хи чаб̣б̣ид̇хо нававид̇хо д̣̇ваад̣̇асавид̇ход̇и анзгабхзд̣̇зна бхинноби хзд̇убхаавасааман̃н̃зна згаж̇жхам̣ гад̇ваа згаважанзна вуд̇д̇о. д̣̇уд̇ияо хзд̇усад̣̇д̣̇од̇и аанзд̇ваа яож̇анаа. хзд̇унаа самбаяуд̇д̇аананд̇и ад̇хигад̇ад̇д̇аа вуд̇д̇ам̣ ‘‘хзд̇у самбаяуд̇д̇аанам̣ бажжаяо хонд̇о хзд̇унаа самбаяуд̇д̇аанамзва бажжаяо ход̇и, на виббаяуд̇д̇аана’’нд̇и звам̣ бад̣̇амзд̇ам̣. на хи саб̣б̣зна саб̣б̣ам̣ хзд̇увиббаяуд̇д̇ад̇хаммаанам̣ хзд̇убажжаяо на ход̇ийд̇и. самбаяуд̇д̇асад̣̇д̣̇асса самб̣анд̇хийсад̣̇д̣̇ад̇д̇аа ‘‘самбаяуд̇д̇асад̣̇д̣̇асса саабзгкад̇д̇аа’’д̇и вуд̇д̇ам̣. самбаяуд̇д̇од̇и хи вуд̇д̇з гзна самбаяуд̇д̇од̇и зганд̇ад̇о самб̣анд̇хианд̇арам̣ абзгкид̇аб̣б̣ам̣. д̇знааха ‘‘ан̃н̃асса…бз… вин̃н̃ааяад̇ий’’д̇и. нааяам̣ зганд̇од̇и явааяам̣ ‘‘д̣̇уд̇ияз хзд̇усад̣̇д̣̇з авиж̇ж̇амаанз’’д̇иаад̣̇инаа вуд̇д̇о ад̇т̇о, аяамзганд̇о на ход̇и, ан̃н̃аабзгкоби сад̣̇д̣̇о ан̃н̃асса висзсанам̣ ход̇ийд̇и ид̣̇ам̣ на саб̣б̣ад̇т̇зва самбхавад̇ийд̇и ад̇т̇о. ‘‘бажжад̇д̇анид̣̇д̣̇идто’’д̇и иминаа батамасса хзд̇усад̣̇д̣̇асса самбаяуд̇д̇асад̣̇д̣̇аанабзгкад̇ам̣ ааха. д̇зна вуд̇д̇ам̣ ‘‘хзхубажжаязна бажжаяод̇и зд̇т̇зва б̣яаавадо’’д̇и. ависидтаад̇и на висзсид̇аа. званд̇и яат̇аа хзд̇усад̣̇д̣̇зна ан̃н̃ад̇т̇а б̣яаавадзна самбаяуд̇д̇аа на висзсияанд̇и гижжанд̇арабасуд̇ад̇д̇аа, звам̣ самбаяуд̇д̇асад̣̇д̣̇зна хзд̇усад̣̇д̣̇ависзсанарахид̇зна д̇ад̣̇ад̇т̇амад̇д̇аб̣яаавадад̇д̇аа ависзсад̇о самбаяуд̇д̇аанам̣ г̇ахан̣ам̣ сияаа. д̇зна вуд̇д̇ам̣ ‘‘самбаяуд̇д̇асад̣̇д̣̇знаа’’д̇иаад̣̇и. аахааринд̣̇рияаасамбаяуд̇д̇асса абхаавад̇од̇и аахаарзхи инд̣̇риязхи жа насамбаяуд̇д̇асса д̇хаммасса абхаавад̇о. на хи пассажзд̇анаавин̃н̃аан̣авзд̣̇анааж̇ийвид̇авирахид̇о жид̇д̇уббаад̣̇о ад̇т̇и. д̇знааха ‘‘важ̇ж̇зд̇аб̣б̣аа…бз… д̇ам̣ на гад̇а’’нд̇и. важ̇ж̇зд̇аб̣б̣ам̣ хзд̇увиббаяуд̇д̇ам̣.
Paccattaniddiṭṭhoti paccattavasena niddiṭṭho, paṭhamāya vibhattiyā niddiṭṭhoti attho. Tenāti paccayadhammaniddesabhūtena paccattaniddiṭṭhena paṭhamena hetusaddena. Etassāti hetusaddābhidheyyamatthamāha. So hi chabbidho navavidho dvādasavidhoti anekabhedena bhinnopi hetubhāvasāmaññena ekajjhaṃ katvā ekavacanena vutto. Dutiyo hetusaddoti ānetvā yojanā. Hetunā sampayuttānanti adhikatattā vuttaṃ ‘‘hetu sampayuttānaṃ paccayo honto hetunā sampayuttānameva paccayo hoti, na vippayuttāna’’nti evaṃ padametaṃ. Na hi sabbena sabbaṃ hetuvippayuttadhammānaṃ hetupaccayo na hotīti. Sampayuttasaddassa sambandhīsaddattā ‘‘sampayuttasaddassa sāpekkhattā’’ti vuttaṃ. Sampayuttoti hi vutte kena sampayuttoti ekantato sambandhiantaraṃ apekkhitabbaṃ. Tenāha ‘‘aññassa…pe… viññāyatī’’ti. Nāyaṃ ekantoti yvāyaṃ ‘‘dutiye hetusadde avijjamāne’’tiādinā vutto attho, ayamekanto na hoti, aññāpekkhopi saddo aññassa visesanaṃ hotīti idaṃ na sabbattheva sambhavatīti attho. ‘‘Paccattaniddiṭṭho’’ti iminā paṭhamassa hetusaddassa sampayuttasaddānapekkhataṃ āha. Tena vuttaṃ ‘‘hehupaccayena paccayoti ettheva byāvaṭo’’ti. Avisiṭṭhāti na visesitā. Evanti yathā hetusaddena aññattha byāvaṭena sampayuttā na visesiyanti kiccantarapasutattā, evaṃ sampayuttasaddena hetusaddavisesanarahitena tadatthamattabyāvaṭattā avisesato sampayuttānaṃ gahaṇaṃ siyā. Tena vuttaṃ ‘‘sampayuttasaddenā’’tiādi. Āhārindriyāsampayuttassa abhāvatoti āhārehi indriyehi ca nasampayuttassa dhammassa abhāvato. Na hi phassacetanāviññāṇavedanājīvitavirahito cittuppādo atthi. Tenāha ‘‘vajjetabbā…pe… taṃ na kata’’nti. Vajjetabbaṃ hetuvippayuttaṃ.
звамбийд̇и д̣̇уд̇иязна хзд̇усад̣̇д̣̇зна г̇аяхамаанзби наабаж̇ж̇ад̇и. яад̣̇иби хзд̇аво б̣ахаво, сааман̃н̃анид̣̇д̣̇зсо жааяам̣, д̇ат̇ааби сааман̃н̃аж̇од̇анааяа висзсанид̣̇д̣̇идтад̇д̇аад̇и ад̇хиббааяо. д̇зна вуд̇д̇ам̣ ‘‘бажжад̇д̇а…бз… вуд̇д̇ад̇д̇аа’’д̇и. винааби д̣̇уд̇иязна хзд̇усад̣̇д̣̇зна хзд̇усамбаяуд̇д̇абхаавз сид̣̇д̇хзбийд̇и иминаа яам̣ вуд̇д̇ам̣ ‘‘нааяамзганд̇о’’д̇и, д̇амзва уллин̇г̇зд̇и. на бана хзд̇уунанд̇и ид̣̇ам̣ хзд̇усса бажжаяабхаавзна г̇ахид̇ад̇д̇аа бажжаяуббаннабхаавзна г̇ахан̣ам̣ на яуж̇ж̇зяяаад̇и аасан̇гамаанам̣ санд̇хааяа вуд̇д̇ам̣. д̇знзвааха ‘‘звамби г̇ахан̣ам̣ сияаа’’д̇и. сод̇и д̣̇уд̇ияо хзд̇усад̣̇д̣̇о. абарз бана ‘‘хзд̇усамбаяуд̇д̇агаана’’нд̇и зд̇т̇а хзд̇уунан̃жа самбаяуд̇д̇агаанан̃жаад̇и самаасам̣ вигаббзнд̇и. бад̇идтаамад̇д̇аад̣̇ибхаавзна нирабзгкаад̇и хзд̇ужхаанамаг̇г̇ад̇хаммаа бад̇идтаанаубаниж̇жхаананияяаанамад̇д̇зна ан̃н̃ад̇хамманирабзгкаа хзд̇ужхаанамаг̇г̇абажжаяагижжам̣ гаронд̇и. саабзгкаа зваад̇и ан̃н̃асаабзгкаа зва. аахарид̇аб̣б̣аисид̇аб̣б̣аа аахааринд̣̇рияабажжаязхи убагад̇д̇аб̣б̣ад̇хаммаа. д̇асмаад̇и яасмаа язхи саабзгкаа, д̇з ад̇д̇ано бажжаяуббаннад̇хаммз бажжаяабхаавзнзва барижчинд̣̇ид̇ваа д̇идтанд̇и, д̇асмаа. д̇знааха ‘‘д̇з винааби…бз… на гад̇а’’нд̇и. барижчинд̣̇анд̇и висзсзнд̇и. д̇анд̇и д̣̇уд̇ияам̣ аахааринд̣̇рияаг̇г̇ахан̣ам̣. д̇ад̇т̇аад̇и аахааринд̣̇рияабажжаяанид̣̇д̣̇зсз. на гзвалан̃жа д̇ад̇т̇зва, ид̇ха жа хзд̇убажжаяанид̣̇д̣̇зсз д̣̇уд̇иязна хзд̇уг̇г̇ахан̣зна бажжаяуббаннаанам̣ буна висзсанагижжам̣ над̇т̇и, гасмаа? бажжаяабхууд̇знзва хзд̇унаа самбаяуд̇д̇аанам̣ ан̃н̃зсан̃жа хзд̇уунам̣ авижчиннад̇д̇аа.
Evampīti dutiyena hetusaddena gayhamānepi nāpajjati. Yadipi hetavo bahavo, sāmaññaniddeso cāyaṃ, tathāpi sāmaññajotanāya visesaniddiṭṭhattāti adhippāyo. Tena vuttaṃ ‘‘paccatta…pe… vuttattā’’ti. Vināpi dutiyena hetusaddena hetusampayuttabhāve siddhepīti iminā yaṃ vuttaṃ ‘‘nāyamekanto’’ti, tameva ulliṅgeti. Na pana hetūnanti idaṃ hetussa paccayabhāvena gahitattā paccayuppannabhāvena gahaṇaṃ na yujjeyyāti āsaṅkamānaṃ sandhāya vuttaṃ. Tenevāha ‘‘evampi gahaṇaṃ siyā’’ti. Soti dutiyo hetusaddo. Apare pana ‘‘hetusampayuttakāna’’nti ettha hetūnañca sampayuttakānañcāti samāsaṃ vikappenti. Patiṭṭhāmattādibhāvena nirapekkhāti hetujhānamaggadhammā patiṭṭhānaupanijjhānaniyyānamattena aññadhammanirapekkhā hetujhānamaggapaccayakiccaṃ karonti. Sāpekkhā evāti aññasāpekkhā eva. Āharitabbaisitabbā āhārindriyapaccayehi upakattabbadhammā. Tasmāti yasmā yehi sāpekkhā, te attano paccayuppannadhamme paccayabhāveneva paricchinditvā tiṭṭhanti, tasmā. Tenāha ‘‘te vināpi…pe… na kata’’nti. Paricchindanti visesenti. Tanti dutiyaṃ āhārindriyaggahaṇaṃ. Tatthāti āhārindriyapaccayaniddese. Na kevalañca tattheva, idha ca hetupaccayaniddese dutiyena hetuggahaṇena paccayuppannānaṃ puna visesanakiccaṃ natthi, kasmā? Paccayabhūteneva hetunā sampayuttānaṃ aññesañca hetūnaṃ avicchinnattā.
буримаважанаабзгко вуд̇д̇ассзва нид̣̇д̣̇зсод̇и д̇ам̣-сад̣̇д̣̇асса бадинид̣̇д̣̇зсабхаавамааха. баагадийбхууд̇з зва ад̇т̇з бавад̇д̇ад̇и, баагадийбхааво жа ан̃н̃аанабзгкзна сад̣̇д̣̇зна багаасид̇ад̇д̇аа взд̣̇ид̇аб̣б̣о. анабзгканийяо ад̇т̇анд̇араб̣яаавадад̇д̇аа. ан̃н̃од̇и хзд̇усад̣̇д̣̇ад̇о ан̃н̃о. нид̣̇д̣̇исид̇аб̣б̣абагаасаго вуд̇д̇о над̇т̇и, яо д̇ам̣-сад̣̇д̣̇зна бадинид̣̇д̣̇зсам̣ лабхзяяа.
Purimavacanāpekkho vuttasseva niddesoti taṃ-saddassa paṭiniddesabhāvamāha. Pākaṭībhūte eva atthe pavattati, pākaṭībhāvo ca aññānapekkhena saddena pakāsitattā veditabbo. Anapekkhanīyo atthantarabyāvaṭattā. Aññoti hetusaddato añño. Niddisitabbapakāsako vutto natthi, yo taṃ-saddena paṭiniddesaṃ labheyya.
яад̣̇и звам̣ ‘‘д̇ам̣самудтаанаана’’нд̇и зд̇т̇а гат̇анд̇и ааха ‘‘хзд̇усамбаяуд̇д̇агаананд̇и иминаа банаа’’д̇иаад̣̇и. д̇ад̇т̇а бана-сад̣̇д̣̇о сад̇иби хзд̇уу хзд̇усамбаяуд̇д̇агаанам̣ нид̣̇д̣̇зсабхаавз хзд̇усамбаяуд̇д̇агасад̣̇д̣̇з лаб̣бхамаанаанам̣ нид̣̇д̣̇исид̇аб̣б̣аанам̣ баагадийгаран̣асан̇каад̇ам̣ хзд̇усад̣̇д̣̇ад̇о висзсам̣ ж̇од̇зд̇и. ‘‘хзд̇усамбаяуд̇д̇агаана’’нд̇и имасса самаасабад̣̇асса уд̇д̇арабад̣̇ад̇т̇аббад̇хаанад̇д̇амааха ‘‘бажжаяуббаннаважанзнаа’’д̇и. д̇зна жа яат̇аад̇хиббзд̇асса ад̇т̇асса згад̣̇зсова вужжад̇и д̇хаммаанам̣ висзсанабхаавад̇од̇и ааха ‘‘асамад̇д̇знаа’’д̇и. висзсанам̣ наама висзсид̇аб̣б̣аабзгканд̇и ааха ‘‘бажжаяуббаннаважананд̇араабзгкзнаа’’д̇и. вуд̇д̇ад̇ааяа винаа бадинид̣̇д̣̇зсад̇аа над̇т̇ийд̇и ‘‘буб̣б̣з вуд̇д̇знаа’’д̇и вуд̇д̇ам̣.
Yadi evaṃ ‘‘taṃsamuṭṭhānāna’’nti ettha kathanti āha ‘‘hetusampayuttakānanti iminā panā’’tiādi. Tattha pana-saddo satipi hetū hetusampayuttakānaṃ niddesabhāve hetusampayuttakasadde labbhamānānaṃ niddisitabbānaṃ pākaṭīkaraṇasaṅkhātaṃ hetusaddato visesaṃ joteti. ‘‘Hetusampayuttakāna’’nti imassa samāsapadassa uttarapadatthappadhānattamāha ‘‘paccayuppannavacanenā’’ti. Tena ca yathādhippetassa atthassa ekadesova vuccati dhammānaṃ visesanabhāvatoti āha ‘‘asamattenā’’ti. Visesanaṃ nāma visesitabbāpekkhanti āha ‘‘paccayuppannavacanantarāpekkhenā’’ti. Vuttatāya vinā paṭiniddesatā natthīti ‘‘pubbe vuttenā’’ti vuttaṃ.
д̇ам̣-сад̣̇д̣̇зна нид̣̇д̣̇исид̇аб̣б̣анд̇и ‘‘д̇ам̣самудтаанаана’’нд̇и зд̇т̇а д̇ам̣-сад̣̇д̣̇зна нид̣̇д̣̇исид̇аб̣б̣ам̣ хзд̇усамбаяуд̇д̇агасад̣̇д̣̇з баагадийбхууд̇ам̣ гим̣ банаад̇и бужчад̇и. д̇з хзд̇уу жзва…бз… хзд̇усамбаяуд̇д̇агаа жа д̇ам̣-сад̣̇д̣̇зна нид̣̇д̣̇исид̇аб̣б̣аа хзд̇усамбаяуд̇д̇агасад̣̇д̣̇з баагадийбхууд̇аад̇и самб̣анд̇хо. ан̃н̃ат̇аад̇и ‘‘язхи хзд̇уухий’’д̇иаад̣̇инаа вуд̇д̇аббагаарад̇о ан̃н̃ат̇аа ан̃н̃зна багаарзна. д̇ам̣ ан̃н̃ам̣ багаарам̣ д̣̇ассзнд̇о ‘‘д̇з хзд̇уу…бз… самб̣анд̇хз сад̇ий’’д̇и ааха. ид̇хаад̇и ананд̇арам̣ вуд̇д̇асамб̣анд̇ханам̣ бхумманид̣̇д̣̇зсзна бараамасад̇и. д̇знзваад̇и батамзнзва хзд̇усад̣̇д̣̇зна. д̇ам̣-сад̣̇д̣̇зна нид̣̇д̣̇исид̇аб̣б̣аад̇и ‘‘д̇ам̣самудтаанаана’’нд̇и зд̇т̇а д̇ам̣-сад̣̇д̣̇зна нид̣̇д̣̇исид̇аб̣б̣аа яат̇аа баагадаа, звам̣ буб̣б̣з ‘‘д̇ам̣самбаяуд̇д̇агаана’’нд̇и вуд̇д̇ажод̣̇анааяамби звамзва д̇знзва д̇ам̣-сад̣̇д̣̇зна нид̣̇д̣̇исид̇аб̣б̣аа баагадаа бхавид̇ум̣ араханд̇и. д̇ат̇аа жа сад̇и нид̣̇д̣̇исид̇аб̣б̣асса…бз… на яуж̇ж̇зяяа. д̣̇увид̇хамби ваа хзд̇уг̇г̇ахан̣ам̣ абанзд̇ваад̇и ‘‘хзд̇уу хзд̇усамбаяуд̇д̇агаана’’нд̇и зд̇т̇а гад̇ам̣ д̣̇виббагаарахзд̇уг̇г̇ахан̣ам̣ авижаарзд̇ваа ‘‘д̇ам̣самбаяуд̇д̇агаананд̇и авад̇ваа’’д̇иаад̣̇инаа д̇ам̣-сад̣̇д̣̇аважанийяад̇ам̣ жод̣̇зд̇и, ‘‘нид̣̇д̣̇исид̇аб̣б̣асса абаагадад̇д̇аа’’д̇иаад̣̇инаа барихарад̇и жа. хзд̇уу хи бажжаяаад̇и ид̣̇ам̣ аяам̣ хзд̇убажжаяагат̇аад̇и гад̇ваа вуд̇д̇ам̣.
Taṃ-saddenaniddisitabbanti ‘‘taṃsamuṭṭhānāna’’nti ettha taṃ-saddena niddisitabbaṃ hetusampayuttakasadde pākaṭībhūtaṃ kiṃ panāti pucchati. Te hetū ceva…pe… hetusampayuttakā ca taṃ-saddena niddisitabbā hetusampayuttakasadde pākaṭībhūtāti sambandho. Aññathāti ‘‘yehi hetūhī’’tiādinā vuttappakārato aññathā aññena pakārena. Taṃ aññaṃ pakāraṃ dassento ‘‘te hetū…pe… sambandhe satī’’ti āha. Idhāti anantaraṃ vuttasambandhanaṃ bhummaniddesena parāmasati. Tenevāti paṭhameneva hetusaddena. Taṃ-saddena niddisitabbāti ‘‘taṃsamuṭṭhānāna’’nti ettha taṃ-saddena niddisitabbā yathā pākaṭā, evaṃ pubbe ‘‘taṃsampayuttakāna’’nti vuttacodanāyampi evameva teneva taṃ-saddena niddisitabbā pākaṭā bhavituṃ arahanti. Tathā ca sati niddisitabbassa…pe… na yujjeyya. Duvidhampi vā hetuggahaṇaṃ apanetvāti ‘‘hetū hetusampayuttakāna’’nti ettha kataṃ dvippakārahetuggahaṇaṃ avicāretvā ‘‘taṃsampayuttakānanti avatvā’’tiādinā taṃ-saddavacanīyataṃ codeti, ‘‘niddisitabbassa apākaṭattā’’tiādinā pariharati ca. Hetū hi paccayāti idaṃ ayaṃ hetupaccayakathāti katvā vuttaṃ.
д̇ам̣ на вуд̇д̇анд̇и жид̇д̇асамудтаанаважанам̣ на вуд̇д̇ам̣. д̇ассаад̇и сахаж̇аад̇абажжаяасса. гадад̇д̇ааруубасса бажжаяабхааво на вуд̇д̇о бхавзяяа, вуд̇д̇ова со ‘‘вибаагааб̣яаагад̇о зго канд̇хо д̇ин̣н̣аннам̣ канд̇хаанам̣ гадад̇д̇аа жа руубаанам̣ сахаж̇аад̇абажжаязна бажжаяо, д̇аяо канд̇хаа згасса канд̇хасса гадад̇д̇аа жа руубаана’’нд̇иаад̣̇инаа, д̇асмаа жид̇д̇ажзд̇асигаанам̣ гадад̇д̇ааруубабажжаяабхааво на саггаа ниваарзд̇ум̣. д̇ад̇т̇аад̇и сахаж̇аад̇абажжаяанид̣̇д̣̇зсз. д̇ад̇т̇а хи ‘‘жид̇д̇ажзд̇асигаа д̇хаммаа жид̇д̇асамудтаанаанам̣ руубаанам̣ сахаж̇аад̇абажжаязна бажжаяо’’д̇и жид̇д̇асамудтаанаруубаани зва нид̣̇д̣̇идтаани. ид̇хаабийд̇и имасмим̣ хзд̇убажжаяанид̣̇д̣̇зсзби. звам̣ бхавид̇аб̣б̣анд̇и ‘‘жид̇д̇асамудтаанаана’’нд̇и нид̣̇д̣̇зсзна бхавид̇аб̣б̣ам̣. яад̣̇и звам̣ гасмаа д̇ат̇аа на вуд̇д̇анд̇и ааха ‘‘жид̇д̇асамудтаанаананд̇и банаа’’д̇иаад̣̇и. висзсид̇ам̣ ход̇и саб̣б̣ажид̇д̇ажзд̇асигаасамудтаанабхаавзна. важанзнаад̇и яат̇аад̣̇ассид̇зна сахаж̇аад̇абажжаяанид̣̇д̣̇зсаважанзна. жид̇д̇ажзд̇асигаанам̣ бажжаяабхааво зва хи д̇ад̇т̇а бажжаяанид̣̇д̣̇зсз вуд̇д̇о, на жид̇д̇ажзд̇асигаанам̣ самудтаанабхаавод̇и ад̇хиббааяо.
Taṃ na vuttanti cittasamuṭṭhānavacanaṃ na vuttaṃ. Tassāti sahajātapaccayassa. Kaṭattārūpassa paccayabhāvo na vutto bhaveyya, vuttova so ‘‘vipākābyākato eko khandho tiṇṇannaṃ khandhānaṃ kaṭattā ca rūpānaṃ sahajātapaccayena paccayo, tayo khandhā ekassa khandhassa kaṭattā ca rūpāna’’ntiādinā, tasmā cittacetasikānaṃ kaṭattārūpapaccayabhāvo na sakkā nivāretuṃ. Tatthāti sahajātapaccayaniddese. Tattha hi ‘‘cittacetasikā dhammā cittasamuṭṭhānānaṃ rūpānaṃ sahajātapaccayena paccayo’’ti cittasamuṭṭhānarūpāni eva niddiṭṭhāni. Idhāpīti imasmiṃ hetupaccayaniddesepi. Evaṃ bhavitabbanti ‘‘cittasamuṭṭhānāna’’nti niddesena bhavitabbaṃ. Yadi evaṃ kasmā tathā na vuttanti āha ‘‘cittasamuṭṭhānānanti panā’’tiādi. Visesitaṃ hoti sabbacittacetasikāsamuṭṭhānabhāvena. Vacanenāti yathādassitena sahajātapaccayaniddesavacanena. Cittacetasikānaṃ paccayabhāvo eva hi tattha paccayaniddese vutto, na cittacetasikānaṃ samuṭṭhānabhāvoti adhippāyo.
хзд̇уаад̣̇ибадиб̣ад̣̇д̇хад̇ан̃жа д̣̇ассзд̇и яад̣̇аг̇г̇зна д̇аани жид̇д̇абадиб̣ад̣̇д̇хавуд̇д̇ийни, д̇ад̣̇аг̇г̇зна д̇ам̣самбаяуд̇д̇ад̇хаммабадиб̣ад̣̇д̇хавуд̇д̇ийниби хонд̇ийд̇и. аарамман̣амзд̇ам̣ ход̇ийд̇и яад̣̇зд̇ам̣ гусалаагусалажзд̇анаавасзна манод̣̇ваарз жзд̇анам̣ сзсад̣̇ваарзсу гааяаважийбаяог̇авасзна сан̇габбанам̣, яан̃жа гаамарааг̇аад̣̇ийнам̣ санд̇аанз анусаяанам̣, зд̇ам̣ аарамман̣ам̣ зсо бажжаяо гаммавин̃н̃аан̣асса тид̇ияаа бад̇идтаанааяа. бад̇идтид̇зд̇и гаммам̣ ж̇аваабзд̇ваа бадисанд̇хиаагад̣дханасамад̇т̇ад̇аабад̇идтаабад̇д̇з гаммавин̃н̃аан̣з вирул̣хзд̇и д̇ад̇о зва гаммавин̃н̃аан̣ад̇о бадисанд̇хивин̃н̃аан̣аб̣ийж̇з вирул̣хз вируханд̇зд̇и ад̇т̇о. ат̇а ваа бад̇идтаа вин̃н̃аан̣асса ход̇ийд̇и гилзсаабхисан̇каарасан̇каад̇з гаммавин̃н̃аан̣асса тид̇ияаа бавад̇д̇ияаа аарамман̣з бажжаяз бадисид̣̇д̇хз ааяад̇ибадисанд̇хивин̃н̃аан̣асса бад̇идтаа ход̇и, д̇асмим̣ бадисанд̇хивин̃н̃аан̣з бунаб̣бхаваабхиниб̣б̣ад̇д̇ивасзна бад̇идтид̇з бад̇идтаханд̇з вирул̣хз б̣ийж̇абхаавзна вируханд̇з наамаруубасса авагганд̇и ход̇ийд̇и звамзд̇т̇а ад̇т̇о взд̣̇ид̇аб̣б̣о. д̇знааха ‘‘бадисанд̇хинаамаруубасса вин̃н̃аан̣абажжаяад̇аа вуд̇д̇аа’’д̇и.
Hetuādipaṭibaddhatañca dasseti yadaggena tāni cittapaṭibaddhavuttīni, tadaggena taṃsampayuttadhammapaṭibaddhavuttīnipi hontīti. Ārammaṇametaṃ hotīti yadetaṃ kusalākusalacetanāvasena manodvāre cetanaṃ sesadvāresu kāyavacīpayogavasena saṅkappanaṃ, yañca kāmarāgādīnaṃ santāne anusayanaṃ, etaṃ ārammaṇaṃ eso paccayo kammaviññāṇassa ṭhitiyā patiṭṭhānāya. Patiṭṭhiteti kammaṃ javāpetvā paṭisandhiākaḍḍhanasamatthatāpatiṭṭhāpatte kammaviññāṇe viruḷheti tato eva kammaviññāṇato paṭisandhiviññāṇabīje viruḷhe viruhanteti attho. Atha vā patiṭṭhā viññāṇassa hotīti kilesābhisaṅkhārasaṅkhāte kammaviññāṇassa ṭhitiyā pavattiyā ārammaṇe paccaye paṭisiddhe āyatipaṭisandhiviññāṇassa patiṭṭhā hoti, tasmiṃ paṭisandhiviññāṇe punabbhavābhinibbattivasena patiṭṭhite patiṭṭhahante viruḷhe bījabhāvena viruhante nāmarūpassa avakkanti hotīti evamettha attho veditabbo. Tenāha ‘‘paṭisandhināmarūpassa viññāṇapaccayatā vuttā’’ti.
буримад̇арасид̣̇д̇хааяаад̇и кзд̇д̇абхааваниб̣б̣ад̇д̇ияаа бурзд̇арамзва сид̣̇д̇хааяа бат̇авияаа. ад̇д̇алаабхоязва жзд̇т̇а бад̇идтаанам̣, на бадилад̣̇д̇хад̇д̇абхааваанам̣ авадтаананд̇и д̣̇ассзнд̇о ‘‘бад̇идтаанам̣ гаммасса гадад̇д̇аа уббад̇д̇ийд̇и вуд̇д̇ам̣ ход̇ий’’д̇и ааха.
Purimatarasiddhāyāti khettabhāvanibbattiyā puretarameva siddhāya pathaviyā. Attalābhoyeva cettha patiṭṭhānaṃ, na paṭiladdhattabhāvānaṃ avaṭṭhānanti dassento ‘‘patiṭṭhānaṃ kammassa kaṭattā uppattīti vuttaṃ hotī’’ti āha.
сзсаруубаананд̇и бадисанд̇хигкан̣з бат̇авийд̇хаад̇уаад̣̇ийнам̣ сзсаруубаанам̣, бавад̇д̇з бана д̇исанд̇ад̇ируубаанамби. сахабхаванамад̇д̇ам̣ ваа д̣̇ассзд̇и. сахабхаавзнаби хи ад̇т̇и гаажи висзсамад̇д̇аа. гад̇т̇ажи гад̇т̇ажийд̇и багад̇игаалабхавависзсаад̣̇игз. д̇ад̇ияабагад̇ияан̃хи батамагаббигагаалз жа бхаавагалаабо над̇т̇и, руубабхавз гааяагалаабоби. аад̣̇и-сад̣̇д̣̇зна д̇ад̇т̇зва гхаанаж̇ивхаагалаабаа, гаамабхавз жа анд̇хаад̣̇ийнам̣ жагкаад̣̇игалаабаа сан̇г̇аяханд̇и. гад̇т̇ажи абхааваабхаавад̇од̇и наамаруубогаасз гад̇т̇ажиби абхааваабхаавад̇о.
Sesarūpānanti paṭisandhikkhaṇe pathavīdhātuādīnaṃ sesarūpānaṃ, pavatte pana tisantatirūpānampi. Sahabhavanamattaṃ vā dasseti. Sahabhāvenapi hi atthi kāci visesamattā. Katthaci katthacīti pakatikālabhavavisesādike. Tatiyapakatiyañhi paṭhamakappikakāle ca bhāvakalāpo natthi, rūpabhave kāyakalāpopi. Ādi-saddena tattheva ghānajivhākalāpā, kāmabhave ca andhādīnaṃ cakkhādikalāpā saṅgayhanti. Katthaci abhāvābhāvatoti nāmarūpokāse katthacipi abhāvābhāvato.
д̇зсанд̇и бавад̇д̇ияам̣ гадад̇д̇ааруубаад̣̇ийнам̣. на хи хзд̇у бавад̇д̇ияам̣ гадад̇д̇ааруубасса бажжаяо ход̇и, уд̇уаахаараж̇аанам̣ бана самбхавоязва над̇т̇и. д̇зна вуд̇д̇ам̣ ‘‘бажжаяабхааваббасан̇г̇оязва над̇т̇ий’’д̇и. на бана лаб̣бхад̇и бажжаяабажжанийяз д̇аад̣̇исасса ваарасса ануд̣̇д̇хадад̇д̇аа. ид̣̇анд̇и ‘‘бавад̇д̇ияам̣ гадад̇д̇ааруубаад̣̇ийнам̣ бажжаяабхаавабадиб̣ааханад̇о’’д̇и ид̣̇ам̣ ‘‘хзд̇уу сахаж̇аад̇аана’’нд̇и ад̣̇зсанааяа барихаараважанам̣, ийд̣̇исий бана жод̣̇анаа аногаасаа зваад̇и д̣̇ассзд̇ум̣ ‘‘бхаг̇аваа банаа’’д̇иаад̣̇и вуд̇д̇ам̣. яо хи д̇хаммо яат̇аа бхаг̇авад̇аа д̣̇зсид̇о, со д̇ат̇зва г̇ахзд̇аб̣б̣од̇и.
Tesanti pavattiyaṃ kaṭattārūpādīnaṃ. Na hi hetu pavattiyaṃ kaṭattārūpassa paccayo hoti, utuāhārajānaṃ pana sambhavoyeva natthi. Tena vuttaṃ ‘‘paccayabhāvappasaṅgoyeva natthī’’ti. Na pana labbhati paccayapaccanīye tādisassa vārassa anuddhaṭattā. Idanti ‘‘pavattiyaṃ kaṭattārūpādīnaṃ paccayabhāvapaṭibāhanato’’ti idaṃ ‘‘hetū sahajātāna’’nti adesanāya parihāravacanaṃ, īdisī pana codanā anokāsā evāti dassetuṃ ‘‘bhagavā panā’’tiādi vuttaṃ. Yo hi dhammo yathā bhagavatā desito, so tatheva gahetabboti.
хзд̇убажжаяанид̣̇д̣̇зсаван̣н̣анаа нидтид̇аа.
Hetupaccayaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / (2) бажжаяанид̣̇д̣̇зсо • (2) Paccayaniddeso
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 1. хзд̇убажжаяанид̣̇д̣̇зсаван̣н̣анаа • 1. Hetupaccayaniddesavaṇṇanā
