| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
7. ஹேதுஸுத்தங்
7. Hetusuttaṃ
212. ஸாவத்தி²னிதா³னங் . ‘‘கிஸ்மிங் நு கோ², பி⁴க்க²வே, ஸதி, கிங் உபாதா³ய, கிங் அபி⁴னிவிஸ்ஸ ஏவங் தி³ட்டி² உப்பஜ்ஜதி – ‘நத்தி² ஹேது, நத்தி² பச்சயோ ஸத்தானங் ஸங்கிலேஸாய. அஹேதூ அப்பச்சயா ஸத்தா ஸங்கிலிஸ்ஸந்தி. நத்தி² ஹேது, நத்தி² பச்சயோ ஸத்தானங் விஸுத்³தி⁴யா. அஹேதூ அப்பச்சயா ஸத்தா விஸுஜ்ஜ²ந்தி. நத்தி² ப³லங் நத்தி² வீரியங் நத்தி² புரிஸதா²மோ நத்தி² புரிஸபரக்கமோ. ஸப்³பே³ ஸத்தா ஸப்³பே³ பாணா ஸப்³பே³ பூ⁴தா ஸப்³பே³ ஜீவா அவஸா அப³லா அவீரியா நியதிஸங்க³திபா⁴வபரிணதா ச²ஸ்வேவாபி⁴ஜாதீஸு ஸுக²து³க்க²ங் படிஸங்வேதெ³ந்தீ’’’தி? ப⁴க³வங்மூலகா நோ, ப⁴ந்தே, த⁴ம்மா…பே॰… ‘‘ரூபே கோ², பி⁴க்க²வே, ஸதி, ரூபங் உபாதா³ய, ரூபங் அபி⁴னிவிஸ்ஸ ஏவங் தி³ட்டி² உப்பஜ்ஜதி – ‘நத்தி² ஹேது, நத்தி² பச்சயோ…பே॰… ஸுக²து³க்க²ங் படிஸங்வேதெ³ந்தீ’தி . வேத³னாய ஸதி…பே॰… ஸஞ்ஞாய ஸதி… ஸங்கா²ரேஸு ஸதி… விஞ்ஞாணே ஸதி, விஞ்ஞாணங் உபாதா³ய, விஞ்ஞாணங் அபி⁴னிவிஸ்ஸ ஏவங் தி³ட்டி² உப்பஜ்ஜதி – ‘நத்தி² ஹேது, நத்தி² பச்சயோ…பே॰… ஸுக²து³க்க²ங் படிஸங்வேதெ³ந்தீ’’’தி.
212. Sāvatthinidānaṃ . ‘‘Kismiṃ nu kho, bhikkhave, sati, kiṃ upādāya, kiṃ abhinivissa evaṃ diṭṭhi uppajjati – ‘natthi hetu, natthi paccayo sattānaṃ saṃkilesāya. Ahetū appaccayā sattā saṃkilissanti. Natthi hetu, natthi paccayo sattānaṃ visuddhiyā. Ahetū appaccayā sattā visujjhanti. Natthi balaṃ natthi vīriyaṃ natthi purisathāmo natthi purisaparakkamo. Sabbe sattā sabbe pāṇā sabbe bhūtā sabbe jīvā avasā abalā avīriyā niyatisaṅgatibhāvapariṇatā chasvevābhijātīsu sukhadukkhaṃ paṭisaṃvedentī’’’ti? Bhagavaṃmūlakā no, bhante, dhammā…pe… ‘‘rūpe kho, bhikkhave, sati, rūpaṃ upādāya, rūpaṃ abhinivissa evaṃ diṭṭhi uppajjati – ‘natthi hetu, natthi paccayo…pe… sukhadukkhaṃ paṭisaṃvedentī’ti . Vedanāya sati…pe… saññāya sati… saṅkhāresu sati… viññāṇe sati, viññāṇaṃ upādāya, viññāṇaṃ abhinivissa evaṃ diṭṭhi uppajjati – ‘natthi hetu, natthi paccayo…pe… sukhadukkhaṃ paṭisaṃvedentī’’’ti.
‘‘தங் கிங் மஞ்ஞத², பி⁴க்க²வே, ரூபங் நிச்சங் வா அனிச்சங் வா’’தி? ‘‘அனிச்சங், ப⁴ந்தே…பே॰… விபரிணாமத⁴ம்மங், அபி நு தங் அனுபாதா³ய ஏவங் தி³ட்டி² உப்பஜ்ஜெய்ய – ‘நத்தி² ஹேது, நத்தி² பச்சயோ…பே॰… ஸுக²து³க்க²ங் படிஸங்வேதெ³ந்தீ’’’தி? ‘‘நோ ஹேதங், ப⁴ந்தே’’. ‘‘வேத³னா… ஸஞ்ஞா… ஸங்கா²ரா… விஞ்ஞாணங் நிச்சங் வா அனிச்சங் வா’’தி? ‘‘அனிச்சங், ப⁴ந்தே…பே॰… அபி நு தங் அனுபாதா³ய ஏவங் தி³ட்டி² உப்பஜ்ஜெய்ய – ‘நத்தி² ஹேது, நத்தி² பச்சயோ…பே॰… ஸுக²து³க்க²ங் படிஸங்வேதெ³ந்தீ’’’தி? ‘‘நோ ஹேதங், ப⁴ந்தே’’. ‘‘யம்பித³ங் தி³ட்ட²ங் ஸுதங் முதங் விஞ்ஞாதங் பத்தங் பரியேஸிதங் அனுவிசரிதங் மனஸா தம்பி நிச்சங் வா அனிச்சங் வா’’தி? ‘‘அனிச்சங், ப⁴ந்தே…பே॰… அபி நு தங் அனுபாதா³ய ஏவங் தி³ட்டி² உப்பஜ்ஜெய்ய – ‘நத்தி² ஹேது நத்தி² பச்சயோ…பே॰… ஸுக²து³க்க²ங் படிஸங்வேதெ³ந்தீ’’’தி? ‘‘நோ ஹேதங், ப⁴ந்தே’’.
‘‘Taṃ kiṃ maññatha, bhikkhave, rūpaṃ niccaṃ vā aniccaṃ vā’’ti? ‘‘Aniccaṃ, bhante…pe… vipariṇāmadhammaṃ, api nu taṃ anupādāya evaṃ diṭṭhi uppajjeyya – ‘natthi hetu, natthi paccayo…pe… sukhadukkhaṃ paṭisaṃvedentī’’’ti? ‘‘No hetaṃ, bhante’’. ‘‘Vedanā… saññā… saṅkhārā… viññāṇaṃ niccaṃ vā aniccaṃ vā’’ti? ‘‘Aniccaṃ, bhante…pe… api nu taṃ anupādāya evaṃ diṭṭhi uppajjeyya – ‘natthi hetu, natthi paccayo…pe… sukhadukkhaṃ paṭisaṃvedentī’’’ti? ‘‘No hetaṃ, bhante’’. ‘‘Yampidaṃ diṭṭhaṃ sutaṃ mutaṃ viññātaṃ pattaṃ pariyesitaṃ anuvicaritaṃ manasā tampi niccaṃ vā aniccaṃ vā’’ti? ‘‘Aniccaṃ, bhante…pe… api nu taṃ anupādāya evaṃ diṭṭhi uppajjeyya – ‘natthi hetu natthi paccayo…pe… sukhadukkhaṃ paṭisaṃvedentī’’’ti? ‘‘No hetaṃ, bhante’’.
‘‘யதோ கோ², பி⁴க்க²வே, அரியஸாவகஸ்ஸ இமேஸு ச டா²னேஸு கங்கா² பஹீனா ஹோதி, து³க்கே²பிஸ்ஸ கங்கா² பஹீனா ஹோதி …பே॰… து³க்க²னிரோத⁴கா³மினியா படிபதா³யபிஸ்ஸ கங்கா² பஹீனா ஹோதி – அயங் வுச்சதி, பி⁴க்க²வே, அரியஸாவகோ ஸோதாபன்னோ அவினிபாதத⁴ம்மோ நியதோ ஸம்போ³தி⁴பராயனோ’’தி. ஸத்தமங்.
‘‘Yato kho, bhikkhave, ariyasāvakassa imesu ca ṭhānesu kaṅkhā pahīnā hoti, dukkhepissa kaṅkhā pahīnā hoti …pe… dukkhanirodhagāminiyā paṭipadāyapissa kaṅkhā pahīnā hoti – ayaṃ vuccati, bhikkhave, ariyasāvako sotāpanno avinipātadhammo niyato sambodhiparāyano’’ti. Sattamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 7. ஹேதுஸுத்தவண்ணனா • 7. Hetusuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 7. ஹேதுஸுத்தவண்ணனா • 7. Hetusuttavaṇṇanā
