| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
7. хзд̇усуд̇д̇аван̣н̣анаа
7. Hetusuttavaṇṇanā
212. над̇т̇и хзд̇у над̇т̇и бажжаяод̇и зд̇т̇а бажжаяод̇и хзд̇увзважанамзва. убхаязнааби виж̇ж̇амаанамзва гааяад̣̇ужжарид̇аад̣̇ийнам̣ сам̣гилзсабажжаяам̣, гааяасужарид̇аад̣̇ийнан̃жа висуд̣̇д̇хибажжаяам̣ бадигкибанд̇и. над̇т̇и б̣аланд̇и яамхи ад̇д̇ано б̣алз бад̇идтид̇аа имз сад̇д̇аа д̣̇звад̇д̇амби маарад̇д̇амби б̣рахмад̇д̇амби саавагаб̣од̇химби бажжзгаб̣од̇химби саб̣б̣ан̃н̃уд̇амби баабун̣анд̇и, д̇ам̣ б̣алам̣ бадигкибанд̇и. над̇т̇и вийрияанд̇иаад̣̇ийни саб̣б̣аани ан̃н̃аман̃н̃авзважанаанзва. ‘‘ид̣̇ам̣ но вийриязна, ид̣̇ам̣ бурисат̇аамзна, ид̣̇ам̣ бурисабараггамзна бад̇д̇а’’нд̇и, звам̣ бавад̇д̇аважанабадигкзбагаран̣авасзна банзд̇аани висум̣ аад̣̇ияанд̇и.
212.Natthihetu natthi paccayoti ettha paccayoti hetuvevacanameva. Ubhayenāpi vijjamānameva kāyaduccaritādīnaṃ saṃkilesapaccayaṃ, kāyasucaritādīnañca visuddhipaccayaṃ paṭikkhipanti. Natthi balanti yamhi attano bale patiṭṭhitā ime sattā devattampi mārattampi brahmattampi sāvakabodhimpi paccekabodhimpi sabbaññutampi pāpuṇanti, taṃ balaṃ paṭikkhipanti. Natthi vīriyantiādīni sabbāni aññamaññavevacanāneva. ‘‘Idaṃ no vīriyena, idaṃ purisathāmena, idaṃ purisaparakkamena patta’’nti, evaṃ pavattavacanapaṭikkhepakaraṇavasena panetāni visuṃ ādiyanti.
саб̣б̣з сад̇д̇аад̇и одтаг̇он̣аг̇ад̣̇рабхаад̣̇аяо анавасзсз бариг̇г̇ан̣ханд̇и. саб̣б̣з баан̣аад̇и згинд̣̇рияо баан̣о, д̣̇винд̣̇рияо баан̣од̇иаад̣̇ивасзна вад̣̇анд̇и. саб̣б̣з бхууд̇аад̇и ан̣д̣агосавад̇т̇игосзсу бхууд̇з санд̇хааяа вад̣̇анд̇и. саб̣б̣з ж̇ийваад̇и саалияаваг̇од̇хумаад̣̇аяо санд̇хааяа вад̣̇анд̇и. д̇зсу хи д̇з вируханабхаавзна ж̇ийвасан̃н̃ино. авасаа аб̣алаа авийрияаад̇и д̇зсам̣ ад̇д̇ано васо ваа б̣алам̣ ваа вийрияам̣ ваа над̇т̇и. нияад̇исан̇г̇ад̇ибхаавабарин̣ад̇аад̇и зд̇т̇а нияад̇ийд̇и нияад̇ад̇аа. сан̇г̇ад̇ийд̇и чаннам̣ абхиж̇аад̇ийнам̣ д̇ад̇т̇а д̇ад̇т̇а г̇аманам̣. бхаавод̇и сабхаавоязва. звам̣ нияад̇ияаа жа сан̇г̇ад̇ияаа жа бхаавзна жа барин̣ад̇аа наанаббагаарад̇ам̣ бад̇д̇аа. язна хи яат̇аа бхавид̇аб̣б̣ам̣, со д̇ат̇зва бхавад̇и. язна на бхавид̇аб̣б̣ам̣, со на бхавад̇ийд̇и д̣̇ассзнд̇и. часвзваабхиж̇аад̇ийсууд̇и часу зва абхиж̇аад̇ийсу тад̇ваа сукан̃жа д̣̇угкан̃жа бадисам̣взд̣̇знд̇и, ан̃н̃аа сукад̣̇угкабхууми над̇т̇ийд̇и д̣̇ассзнд̇и.
Sabbe sattāti oṭṭhagoṇagadrabhādayo anavasese pariggaṇhanti. Sabbe pāṇāti ekindriyo pāṇo, dvindriyo pāṇotiādivasena vadanti. Sabbe bhūtāti aṇḍakosavatthikosesu bhūte sandhāya vadanti. Sabbe jīvāti sāliyavagodhumādayo sandhāya vadanti. Tesu hi te viruhanabhāvena jīvasaññino. Avasā abalā avīriyāti tesaṃ attano vaso vā balaṃ vā vīriyaṃ vā natthi. Niyatisaṅgatibhāvapariṇatāti ettha niyatīti niyatatā. Saṅgatīti channaṃ abhijātīnaṃ tattha tattha gamanaṃ. Bhāvoti sabhāvoyeva. Evaṃ niyatiyā ca saṅgatiyā ca bhāvena ca pariṇatā nānappakārataṃ pattā. Yena hi yathā bhavitabbaṃ, so tatheva bhavati. Yena na bhavitabbaṃ, so na bhavatīti dassenti. Chasvevābhijātīsūti chasu eva abhijātīsu ṭhatvā sukhañca dukkhañca paṭisaṃvedenti, aññā sukhadukkhabhūmi natthīti dassenti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 7. хзд̇усуд̇д̇ам̣ • 7. Hetusuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7. хзд̇усуд̇д̇аван̣н̣анаа • 7. Hetusuttavaṇṇanā
