| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
7. хзд̇усуд̇д̇аван̣н̣анаа
7. Hetusuttavaṇṇanā
212. убхаязнаад̇и хзд̇убажжаяабадисзд̇хаважанзна. сам̣гилзсабажжаяанд̇и сам̣гилисанасса малийнабхаавасса гааран̣ам̣. висуд̣̇д̇хибажжаяанд̇и сам̣гилзсад̇о висуд̣̇д̇хияаа вод̣̇аанасса гааран̣ам̣. над̇т̇и б̣аланд̇и сад̇д̇аанам̣ д̣̇идтад̇хаммигасамбарааяиганиб̣б̣аанасамбад̇д̇иаавахам̣ б̣алам̣ наама гин̃жи над̇т̇и. д̇знааха ‘‘яамхий’’д̇иаад̣̇и. нид̣̇ассанамад̇д̇ан̃жзд̇ам̣, сам̣гилзсигамби жааяам̣ бадигкибад̇зва. ан̃н̃аман̃н̃авзважанаанийд̇и д̇ассаа д̇ассаа гирияааяа уссаннадтзна б̣алам̣, сууравийрабхааваавахадтзна вийрияам̣, д̇амзва д̣̇ал̣хаг̇г̇аахабхаавад̇о борисам̣ д̇хурам̣ ваханд̇зна бавад̇д̇зд̇аб̣б̣ад̇о бурисат̇аамо, барам̣ барам̣ таанам̣ аггаманаббавад̇д̇ияаа бурисабараггамод̇и вуд̇д̇од̇и взд̣̇ид̇аб̣б̣ам̣.
212.Ubhayenāti hetupaccayapaṭisedhavacanena. Saṃkilesapaccayanti saṃkilisanassa malīnabhāvassa kāraṇaṃ. Visuddhipaccayanti saṃkilesato visuddhiyā vodānassa kāraṇaṃ. Natthi balanti sattānaṃ diṭṭhadhammikasamparāyikanibbānasampattiāvahaṃ balaṃ nāma kiñci natthi. Tenāha ‘‘yamhī’’tiādi. Nidassanamattañcetaṃ, saṃkilesikampi cāyaṃ paṭikkhipateva. Aññamaññavevacanānīti tassā tassā kiriyāya ussannaṭṭhena balaṃ, sūravīrabhāvāvahaṭṭhena vīriyaṃ, tameva daḷhaggāhabhāvato porisaṃ dhuraṃ vahantena pavattetabbato purisathāmo, paraṃ paraṃ ṭhānaṃ akkamanappavattiyā purisaparakkamoti vuttoti veditabbaṃ.
сад̇ваяог̇ад̇о, руубаад̣̇ийсу ваа сад̇д̇ад̇ааяа сад̇д̇аа, баан̣анад̇о ассаасанабассаасанавасзна бавад̇д̇ияаа баан̣аа, д̇з бана со згинд̣̇рияаад̣̇ивасзна вибхаж̇ид̇ваа вад̣̇ад̇ийд̇и ааха ‘‘згинд̣̇рияо’’д̇иаад̣̇и. ан̣д̣агосаад̣̇ийсу бхаванад̇о бхууд̇аад̇и вужжанд̇ийд̇и ааха ‘‘ан̣д̣а…бз… вад̣̇анд̇ий’’д̇и. ж̇ийванад̇о баан̣ам̣ д̇хаарзнд̇аа вияа вад̣дханад̇о ж̇ийваад̇и саалияаваад̣̇игз вад̣̇анд̇и. над̇т̇и зд̇зсам̣ сам̣гилзсависуд̣̇д̇хийсу васод̇и авасаа. над̇т̇и д̇зсам̣ б̣алам̣ вийрияанд̇и аб̣алаа авийрияаа. нияад̇ад̇аад̇и ажчзж̇ж̇асуд̇д̇аавуд̇аабхзж̇ж̇аман̣ино вияа нияад̇аббавад̇д̇ид̇ааяа г̇ад̇иж̇аад̇иб̣анд̇хаабаваг̇г̇авасзна нияамо. д̇ад̇т̇а д̇ад̇т̇а г̇амананд̇и чаннам̣ абхиж̇аад̇ийнам̣ васзна д̇аасу д̇аасу г̇ад̇ийсу убаг̇аманам̣. самавааязна самааг̇амо сан̇г̇ад̇и. сабхаавоязваад̇и яат̇аа ган̣дагасса д̇игкад̇аа, габид̇т̇апалаанам̣ бариман̣д̣алад̇аа , миг̇абагкийнам̣ вижид̇д̇аагаарад̇аа, звам̣ саб̣б̣ассаби логасса хзд̇убажжаязхи винаа д̇ат̇аа д̇ат̇аа барин̣аамо, аяам̣ сабхааво зва агид̇д̇имо зва. д̇знааха ‘‘язна хий’’д̇иаад̣̇и. чал̣абхиж̇аад̇ияо барад̇о вид̇т̇аарийяанд̇и. сукан̃жа д̣̇угкан̃жа бадисам̣взд̣̇знд̇ийд̇и вад̣̇анд̇аа ад̣̇угкамасукабхуубхим̣ саб̣б̣зна саб̣б̣ам̣ на ж̇аананд̇ийд̇и уллин̇г̇знд̇о ‘‘ан̃н̃аа сукад̣̇угкабхууми над̇т̇ийд̇и д̣̇ассзнд̇ий’’д̇и ааха.
Satvayogato, rūpādīsu vā sattatāya sattā, pāṇanato assāsanapassāsanavasena pavattiyā pāṇā, te pana so ekindriyādivasena vibhajitvā vadatīti āha ‘‘ekindriyo’’tiādi. Aṇḍakosādīsu bhavanato bhūtāti vuccantīti āha ‘‘aṇḍa…pe… vadantī’’ti. Jīvanato pāṇaṃ dhārentā viya vaḍḍhanato jīvāti sāliyavādike vadanti. Natthi etesaṃ saṃkilesavisuddhīsu vasoti avasā. Natthi tesaṃ balaṃ vīriyanti abalā avīriyā. Niyatatāti acchejjasuttāvutābhejjamaṇino viya niyatappavattitāya gatijātibandhāpavaggavasena niyamo. Tattha tattha gamananti channaṃ abhijātīnaṃ vasena tāsu tāsu gatīsu upagamanaṃ. Samavāyena samāgamo saṅgati. Sabhāvoyevāti yathā kaṇṭakassa tikkhatā, kapitthaphalānaṃ parimaṇḍalatā , migapakkhīnaṃ vicittākāratā, evaṃ sabbassapi lokassa hetupaccayehi vinā tathā tathā pariṇāmo, ayaṃ sabhāvo eva akittimo eva. Tenāha ‘‘yena hī’’tiādi. Chaḷabhijātiyo parato vitthārīyanti. Sukhañca dukkhañca paṭisaṃvedentīti vadantā adukkhamasukhabhūbhiṃ sabbena sabbaṃ na jānantīti ulliṅgento ‘‘aññā sukhadukkhabhūmi natthīti dassentī’’ti āha.
хзд̇усуд̇д̇аван̣н̣анаа нидтид̇аа.
Hetusuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 7. хзд̇усуд̇д̇ам̣ • 7. Hetusuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. хзд̇усуд̇д̇аван̣н̣анаа • 7. Hetusuttavaṇṇanā
