| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੭. ਹੇਤੁਸੁਤ੍ਤવਣ੍ਣਨਾ
7. Hetusuttavaṇṇanā
੨੧੨. ਨਤ੍ਥਿ ਹੇਤੁ ਨਤ੍ਥਿ ਪਚ੍ਚਯੋਤਿ ਏਤ੍ਥ ਪਚ੍ਚਯੋਤਿ ਹੇਤੁવੇવਚਨਮੇવ। ਉਭਯੇਨਾਪਿ વਿਜ੍ਜਮਾਨਮੇવ ਕਾਯਦੁਚ੍ਚਰਿਤਾਦੀਨਂ ਸਂਕਿਲੇਸਪਚ੍ਚਯਂ, ਕਾਯਸੁਚਰਿਤਾਦੀਨਞ੍ਚ વਿਸੁਦ੍ਧਿਪਚ੍ਚਯਂ ਪਟਿਕ੍ਖਿਪਨ੍ਤਿ। ਨਤ੍ਥਿ ਬਲਨ੍ਤਿ ਯਮ੍ਹਿ ਅਤ੍ਤਨੋ ਬਲੇ ਪਤਿਟ੍ਠਿਤਾ ਇਮੇ ਸਤ੍ਤਾ ਦੇવਤ੍ਤਮ੍ਪਿ ਮਾਰਤ੍ਤਮ੍ਪਿ ਬ੍ਰਹ੍ਮਤ੍ਤਮ੍ਪਿ ਸਾવਕਬੋਧਿਮ੍ਪਿ ਪਚ੍ਚੇਕਬੋਧਿਮ੍ਪਿ ਸਬ੍ਬਞ੍ਞੁਤਮ੍ਪਿ ਪਾਪੁਣਨ੍ਤਿ, ਤਂ ਬਲਂ ਪਟਿਕ੍ਖਿਪਨ੍ਤਿ। ਨਤ੍ਥਿ વੀਰਿਯਨ੍ਤਿਆਦੀਨਿ ਸਬ੍ਬਾਨਿ ਅਞ੍ਞਮਞ੍ਞવੇવਚਨਾਨੇવ। ‘‘ਇਦਂ ਨੋ વੀਰਿਯੇਨ, ਇਦਂ ਪੁਰਿਸਥਾਮੇਨ, ਇਦਂ ਪੁਰਿਸਪਰਕ੍ਕਮੇਨ ਪਤ੍ਤ’’ਨ੍ਤਿ, ਏવਂ ਪવਤ੍ਤવਚਨਪਟਿਕ੍ਖੇਪਕਰਣવਸੇਨ ਪਨੇਤਾਨਿ વਿਸੁਂ ਆਦਿਯਨ੍ਤਿ।
212.Natthihetu natthi paccayoti ettha paccayoti hetuvevacanameva. Ubhayenāpi vijjamānameva kāyaduccaritādīnaṃ saṃkilesapaccayaṃ, kāyasucaritādīnañca visuddhipaccayaṃ paṭikkhipanti. Natthi balanti yamhi attano bale patiṭṭhitā ime sattā devattampi mārattampi brahmattampi sāvakabodhimpi paccekabodhimpi sabbaññutampi pāpuṇanti, taṃ balaṃ paṭikkhipanti. Natthi vīriyantiādīni sabbāni aññamaññavevacanāneva. ‘‘Idaṃ no vīriyena, idaṃ purisathāmena, idaṃ purisaparakkamena patta’’nti, evaṃ pavattavacanapaṭikkhepakaraṇavasena panetāni visuṃ ādiyanti.
ਸਬ੍ਬੇ ਸਤ੍ਤਾਤਿ ਓਟ੍ਠਗੋਣਗਦ੍ਰਭਾਦਯੋ ਅਨવਸੇਸੇ ਪਰਿਗ੍ਗਣ੍ਹਨ੍ਤਿ। ਸਬ੍ਬੇ ਪਾਣਾਤਿ ਏਕਿਨ੍ਦ੍ਰਿਯੋ ਪਾਣੋ, ਦ੍વਿਨ੍ਦ੍ਰਿਯੋ ਪਾਣੋਤਿਆਦਿવਸੇਨ વਦਨ੍ਤਿ। ਸਬ੍ਬੇ ਭੂਤਾਤਿ ਅਣ੍ਡਕੋਸવਤ੍ਥਿਕੋਸੇਸੁ ਭੂਤੇ ਸਨ੍ਧਾਯ વਦਨ੍ਤਿ। ਸਬ੍ਬੇ ਜੀવਾਤਿ ਸਾਲਿਯવਗੋਧੁਮਾਦਯੋ ਸਨ੍ਧਾਯ વਦਨ੍ਤਿ। ਤੇਸੁ ਹਿ ਤੇ વਿਰੁਹਨਭਾવੇਨ ਜੀવਸਞ੍ਞਿਨੋ। ਅવਸਾ ਅਬਲਾ ਅવੀਰਿਯਾਤਿ ਤੇਸਂ ਅਤ੍ਤਨੋ વਸੋ વਾ ਬਲਂ વਾ વੀਰਿਯਂ વਾ ਨਤ੍ਥਿ। ਨਿਯਤਿਸਙ੍ਗਤਿਭਾવਪਰਿਣਤਾਤਿ ਏਤ੍ਥ ਨਿਯਤੀਤਿ ਨਿਯਤਤਾ। ਸਙ੍ਗਤੀਤਿ ਛਨ੍ਨਂ ਅਭਿਜਾਤੀਨਂ ਤਤ੍ਥ ਤਤ੍ਥ ਗਮਨਂ। ਭਾવੋਤਿ ਸਭਾવੋਯੇવ। ਏવਂ ਨਿਯਤਿਯਾ ਚ ਸਙ੍ਗਤਿਯਾ ਚ ਭਾવੇਨ ਚ ਪਰਿਣਤਾ ਨਾਨਪ੍ਪਕਾਰਤਂ ਪਤ੍ਤਾ। ਯੇਨ ਹਿ ਯਥਾ ਭવਿਤਬ੍ਬਂ, ਸੋ ਤਥੇવ ਭવਤਿ। ਯੇਨ ਨ ਭવਿਤਬ੍ਬਂ, ਸੋ ਨ ਭવਤੀਤਿ ਦਸ੍ਸੇਨ੍ਤਿ। ਛਸ੍વੇવਾਭਿਜਾਤੀਸੂਤਿ ਛਸੁ ਏવ ਅਭਿਜਾਤੀਸੁ ਠਤ੍વਾ ਸੁਖਞ੍ਚ ਦੁਕ੍ਖਞ੍ਚ ਪਟਿਸਂવੇਦੇਨ੍ਤਿ, ਅਞ੍ਞਾ ਸੁਖਦੁਕ੍ਖਭੂਮਿ ਨਤ੍ਥੀਤਿ ਦਸ੍ਸੇਨ੍ਤਿ।
Sabbe sattāti oṭṭhagoṇagadrabhādayo anavasese pariggaṇhanti. Sabbe pāṇāti ekindriyo pāṇo, dvindriyo pāṇotiādivasena vadanti. Sabbe bhūtāti aṇḍakosavatthikosesu bhūte sandhāya vadanti. Sabbe jīvāti sāliyavagodhumādayo sandhāya vadanti. Tesu hi te viruhanabhāvena jīvasaññino. Avasā abalā avīriyāti tesaṃ attano vaso vā balaṃ vā vīriyaṃ vā natthi. Niyatisaṅgatibhāvapariṇatāti ettha niyatīti niyatatā. Saṅgatīti channaṃ abhijātīnaṃ tattha tattha gamanaṃ. Bhāvoti sabhāvoyeva. Evaṃ niyatiyā ca saṅgatiyā ca bhāvena ca pariṇatā nānappakārataṃ pattā. Yena hi yathā bhavitabbaṃ, so tatheva bhavati. Yena na bhavitabbaṃ, so na bhavatīti dassenti. Chasvevābhijātīsūti chasu eva abhijātīsu ṭhatvā sukhañca dukkhañca paṭisaṃvedenti, aññā sukhadukkhabhūmi natthīti dassenti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੭. ਹੇਤੁਸੁਤ੍ਤਂ • 7. Hetusuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੭. ਹੇਤੁਸੁਤ੍ਤવਣ੍ਣਨਾ • 7. Hetusuttavaṇṇanā
