| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၄. ဟိမဝန္တသုတ္တံ
4. Himavantasuttaṃ
၂၄. ‘‘ဆဟိ, ဘိက္ခဝေ, ဓမ္မေဟိ သမန္နာဂတော ဘိက္ခု ဟိမဝန္တံ ပဗ္ဗတရာဇံ ပဒာလေယ္ယ, ကော ပန ဝာဒော ဆဝာယ အဝိဇ္ဇာယ! ကတမေဟိ ဆဟိ? ဣဓ, ဘိက္ခဝေ, ဘိက္ခု သမာဓိသ္သ သမာပတ္တိကုသလော ဟောတိ, သမာဓိသ္သ ဌိတိကုသလော ဟောတိ, သမာဓိသ္သ ဝုဋ္ဌာနကုသလော ဟောတိ, သမာဓိသ္သ ကလ္လိတကုသလော 1 ဟောတိ, သမာဓိသ္သ ဂောစရကုသလော ဟောတိ, သမာဓိသ္သ အဘိနီဟာရကုသလော ဟောတိ။ ဣမေဟိ ခော, ဘိက္ခဝေ, ဆဟိ ဓမ္မေဟိ သမန္နာဂတော ဘိက္ခု ဟိမဝန္တံ ပဗ္ဗတရာဇံ ပဒာလေယ္ယ, ကော ပန ဝာဒော ဆဝာယ အဝိဇ္ဇာယာ’’တိ! စတုတ္ထံ။
24. ‘‘Chahi, bhikkhave, dhammehi samannāgato bhikkhu himavantaṃ pabbatarājaṃ padāleyya, ko pana vādo chavāya avijjāya! Katamehi chahi? Idha, bhikkhave, bhikkhu samādhissa samāpattikusalo hoti, samādhissa ṭhitikusalo hoti, samādhissa vuṭṭhānakusalo hoti, samādhissa kallitakusalo 2 hoti, samādhissa gocarakusalo hoti, samādhissa abhinīhārakusalo hoti. Imehi kho, bhikkhave, chahi dhammehi samannāgato bhikkhu himavantaṃ pabbatarājaṃ padāleyya, ko pana vādo chavāya avijjāyā’’ti! Catutthaṃ.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၄. ဟိမဝန္တသုတ္တဝဏ္ဏနာ • 4. Himavantasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၄. ဟိမဝန္တသုတ္တဝဏ္ဏနာ • 4. Himavantasuttavaṇṇanā
