| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
4. ஹிமவந்தஸுத்தவண்ணனா
4. Himavantasuttavaṇṇanā
24. சதுத்தே² பதா³லெய்யாதி பி⁴ந்தெ³ய்ய. ச²வாயாதி லாமிகாய. ஸமாதி⁴ஸ்ஸ ஸமாபத்திகுஸலோ ஹோதீதி ஆஹாரஸப்பாயஉதுஸப்பாயானி பரிக்³க³ஹெத்வா ஸமாதி⁴ங் ஸமாபஜ்ஜிதுங் குஸலோ ஹோதி சே²கோ ஸமத்தோ² படிப³லோ. ஸமாதி⁴ஸ்ஸ டி²திகுஸலோதி ஸமாதி⁴ஸ்ஸ டி²தியங் குஸலோ, ஸமாதி⁴ங் ட²பேதுங் ஸக்கோதீதி அத்தோ². ஸமாதி⁴ஸ்ஸ வுட்டா²னகுஸலோதி ஸமாதி⁴ஸ்ஸ வுட்டா²னே குஸலோ, யதா²பரிச்சே²தே³ன வுட்டா²துங் ஸக்கோதீதி அத்தோ². ஸமாதி⁴ஸ்ஸ கல்லிதகுஸலோதி ஸமாதி⁴ஸ்ஸ கல்லதாய குஸலோ, ஸமாதி⁴சித்தங் ஹாஸேதுங் கல்லங் காதுங் ஸக்கோதீதி அத்தோ². ஸமாதி⁴ஸ்ஸ கோ³சரகுஸலோதி ஸமாதி⁴ஸ்ஸ அஸப்பாயே அனுபகாரகே த⁴ம்மே வஜ்ஜெத்வா ஸப்பாயே உபகாரகே ஸேவந்தோபி, ‘‘அயங் ஸமாதி⁴னிமித்தாரம்மணோ அயங் லக்க²ணாரம்மணோ’’தி ஜானந்தோபி ஸமாதி⁴ஸ்ஸ கோ³சரகுஸலோ நாம ஹோதி. ஸமாதி⁴ஸ்ஸ அபி⁴னீஹாரகுஸலோதி உபரிஉபரிஸமாபத்திஸமாபஜ்ஜனத்தா²ய பட²மஜ்ஜா²னாதி³ஸமாதி⁴ங் அபி⁴னீஹரிதுங் ஸக்கொந்தோ ஸமாதி⁴ஸ்ஸ அபி⁴னீஹாரகுஸலோ நாம ஹோதி. ஸோ பட²மஜ்ஜா²னா வுட்டா²ய து³தியங் ஸமாபஜ்ஜதி, து³தியஜ்ஜா²னா…பே॰… ததியஜ்ஜா²னா வுட்டா²ய சதுத்த²ங் ஸமாபஜ்ஜதீதி.
24. Catutthe padāleyyāti bhindeyya. Chavāyāti lāmikāya. Samādhissa samāpattikusalo hotīti āhārasappāyautusappāyāni pariggahetvā samādhiṃ samāpajjituṃ kusalo hoti cheko samattho paṭibalo. Samādhissa ṭhitikusaloti samādhissa ṭhitiyaṃ kusalo, samādhiṃ ṭhapetuṃ sakkotīti attho. Samādhissa vuṭṭhānakusaloti samādhissa vuṭṭhāne kusalo, yathāparicchedena vuṭṭhātuṃ sakkotīti attho. Samādhissa kallitakusaloti samādhissa kallatāya kusalo, samādhicittaṃ hāsetuṃ kallaṃ kātuṃ sakkotīti attho. Samādhissa gocarakusaloti samādhissa asappāye anupakārake dhamme vajjetvā sappāye upakārake sevantopi, ‘‘ayaṃ samādhinimittārammaṇo ayaṃ lakkhaṇārammaṇo’’ti jānantopi samādhissa gocarakusalo nāma hoti. Samādhissa abhinīhārakusaloti upariuparisamāpattisamāpajjanatthāya paṭhamajjhānādisamādhiṃ abhinīharituṃ sakkonto samādhissa abhinīhārakusalo nāma hoti. So paṭhamajjhānā vuṭṭhāya dutiyaṃ samāpajjati, dutiyajjhānā…pe… tatiyajjhānā vuṭṭhāya catutthaṃ samāpajjatīti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 4. ஹிமவந்தஸுத்தங் • 4. Himavantasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 4. ஹிமவந்தஸுத்தவண்ணனா • 4. Himavantasuttavaṇṇanā
