| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
4. ஹிமவந்தஸுத்தவண்ணனா
4. Himavantasuttavaṇṇanā
24. சதுத்தே² ஸமாபத்திகுஸலோ ஹோதீதி ஸமாபஜ்ஜனகுஸலோ ஹோதி. தேனாஹ ‘‘ஸமாபஜ்ஜிதுங் குஸலோ’’தி. தத்த² அந்தோக³தஹேதுஅத்தோ² டி²தி-ஸத்³தோ³, தஸ்மா ட²பனகுஸலோதி அத்தோ²தி ஆஹ ‘‘ஸமாதி⁴ங் ட²பேதுங் ஸக்கோதீதி அத்தோ²’’தி. தத்த² ட²பேதுங் ஸக்கோதீதி ஸத்தட்ட²அச்ச²ராமத்தங் க²ணங் ஜா²னங் ட²பேதுங் ஸக்கோதி அதி⁴ட்டா²னவஸிபா⁴வஸ்ஸ நிப்பா²தி³தத்தா. யதா²பரிச்சே²தே³னாதி யதா²பரிச்சி²ன்னகாலேன. வுட்டா²துங் ஸக்கோதி வுட்டா²னவஸிபா⁴வஸ்ஸ நிப்பா²தி³தத்தா. கல்லங் ஸஞ்ஜாதங் அஸ்ஸாதி கல்லிதங், தஸ்மிங் கல்லிதே கல்லிதபா⁴வே குஸலோ கல்லிதகுஸலோ. ஹாஸேதுங் தோஸேதுங் ஸம்பஹங்ஸேதுங். கல்லங் காதுந்தி ஸமாதா⁴னஸ்ஸ படிபக்க²த⁴ம்மானங் தூ³ரீகரணேன ஸஹகாரீகாரணானஞ்ச ஸமப்பதா⁴னேன ஸமாபஜ்ஜனே சித்தங் ஸமத்த²ங் காதுங். ஸமாதி⁴ஸ்ஸ கோ³சரகுஸலோதி ஸமாதி⁴ஸ்மிங் நிப்பா²தே³தப்³பே³ தஸ்ஸ கோ³சரே கம்மட்டா²னஸஞ்ஞிதே பவத்திட்டா²னே பி⁴க்கா²சாரகோ³சரே ஸதிஸம்பஜஞ்ஞயோக³தோ குஸலோ சே²கோ. தேனாஹ ‘‘ஸமாதி⁴ஸ்ஸ அஸப்பாயே அனுபகாரகே த⁴ம்மே வஜ்ஜெத்வா’’திஆதி³. பட²மஜ்ஜா²னாதி³ஸமாதி⁴ங் அபி⁴னீஹரிதுந்தி பட²மஜ்ஜா²னாதி³ஸமாதி⁴ங் விஸேஸபா⁴கி³யதாய அபி⁴னீஹரிதுங் உபனேதுங்.
24. Catutthe samāpattikusalo hotīti samāpajjanakusalo hoti. Tenāha ‘‘samāpajjituṃ kusalo’’ti. Tattha antogatahetuattho ṭhiti-saddo, tasmā ṭhapanakusaloti atthoti āha ‘‘samādhiṃ ṭhapetuṃ sakkotīti attho’’ti. Tattha ṭhapetuṃ sakkotīti sattaṭṭhaaccharāmattaṃ khaṇaṃ jhānaṃ ṭhapetuṃ sakkoti adhiṭṭhānavasibhāvassa nipphāditattā. Yathāparicchedenāti yathāparicchinnakālena. Vuṭṭhātuṃ sakkoti vuṭṭhānavasibhāvassa nipphāditattā. Kallaṃ sañjātaṃ assāti kallitaṃ, tasmiṃ kallite kallitabhāve kusalo kallitakusalo. Hāsetuṃ tosetuṃ sampahaṃsetuṃ. Kallaṃ kātunti samādhānassa paṭipakkhadhammānaṃ dūrīkaraṇena sahakārīkāraṇānañca samappadhānena samāpajjane cittaṃ samatthaṃ kātuṃ. Samādhissa gocarakusaloti samādhismiṃ nipphādetabbe tassa gocare kammaṭṭhānasaññite pavattiṭṭhāne bhikkhācāragocare satisampajaññayogato kusalo cheko. Tenāha ‘‘samādhissa asappāye anupakārake dhamme vajjetvā’’tiādi. Paṭhamajjhānādisamādhiṃ abhinīharitunti paṭhamajjhānādisamādhiṃ visesabhāgiyatāya abhinīharituṃ upanetuṃ.
ஹிமவந்தஸுத்தவண்ணனா நிட்டி²தா.
Himavantasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 4. ஹிமவந்தஸுத்தங் • 4. Himavantasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 4. ஹிமவந்தஸுத்தவண்ணனா • 4. Himavantasuttavaṇṇanā
