| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
৪. হিমৰন্তসুত্তৰণ্ণনা
4. Himavantasuttavaṇṇanā
২৪. চতুত্থে পদালেয্যাতি ভিন্দেয্য। ছৰাযাতি লামিকায। সমাধিস্স সমাপত্তিকুসলো হোতীতি আহারসপ্পাযউতুসপ্পাযানি পরিগ্গহেত্ৰা সমাধিং সমাপজ্জিতুং কুসলো হোতি ছেকো সমত্থো পটিবলো। সমাধিস্স ঠিতিকুসলোতি সমাধিস্স ঠিতিযং কুসলো, সমাধিং ঠপেতুং সক্কোতীতি অত্থো। সমাধিস্স ৰুট্ঠানকুসলোতি সমাধিস্স ৰুট্ঠানে কুসলো, যথাপরিচ্ছেদেন ৰুট্ঠাতুং সক্কোতীতি অত্থো। সমাধিস্স কল্লিতকুসলোতি সমাধিস্স কল্লতায কুসলো, সমাধিচিত্তং হাসেতুং কল্লং কাতুং সক্কোতীতি অত্থো। সমাধিস্স গোচরকুসলোতি সমাধিস্স অসপ্পাযে অনুপকারকে ধম্মে ৰজ্জেত্ৰা সপ্পাযে উপকারকে সেৰন্তোপি, ‘‘অযং সমাধিনিমিত্তারম্মণো অযং লক্খণারম্মণো’’তি জানন্তোপি সমাধিস্স গোচরকুসলো নাম হোতি। সমাধিস্স অভিনীহারকুসলোতি উপরিউপরিসমাপত্তিসমাপজ্জনত্থায পঠমজ্ঝানাদিসমাধিং অভিনীহরিতুং সক্কোন্তো সমাধিস্স অভিনীহারকুসলো নাম হোতি। সো পঠমজ্ঝানা ৰুট্ঠায দুতিযং সমাপজ্জতি, দুতিযজ্ঝানা…পে॰… ততিযজ্ঝানা ৰুট্ঠায চতুত্থং সমাপজ্জতীতি।
24. Catutthe padāleyyāti bhindeyya. Chavāyāti lāmikāya. Samādhissa samāpattikusalo hotīti āhārasappāyautusappāyāni pariggahetvā samādhiṃ samāpajjituṃ kusalo hoti cheko samattho paṭibalo. Samādhissa ṭhitikusaloti samādhissa ṭhitiyaṃ kusalo, samādhiṃ ṭhapetuṃ sakkotīti attho. Samādhissa vuṭṭhānakusaloti samādhissa vuṭṭhāne kusalo, yathāparicchedena vuṭṭhātuṃ sakkotīti attho. Samādhissa kallitakusaloti samādhissa kallatāya kusalo, samādhicittaṃ hāsetuṃ kallaṃ kātuṃ sakkotīti attho. Samādhissa gocarakusaloti samādhissa asappāye anupakārake dhamme vajjetvā sappāye upakārake sevantopi, ‘‘ayaṃ samādhinimittārammaṇo ayaṃ lakkhaṇārammaṇo’’ti jānantopi samādhissa gocarakusalo nāma hoti. Samādhissa abhinīhārakusaloti upariuparisamāpattisamāpajjanatthāya paṭhamajjhānādisamādhiṃ abhinīharituṃ sakkonto samādhissa abhinīhārakusalo nāma hoti. So paṭhamajjhānā vuṭṭhāya dutiyaṃ samāpajjati, dutiyajjhānā…pe… tatiyajjhānā vuṭṭhāya catutthaṃ samāpajjatīti.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ৪. হিমৰন্তসুত্তং • 4. Himavantasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৪. হিমৰন্তসুত্তৰণ্ণনা • 4. Himavantasuttavaṇṇanā
