| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
৪. হিমৰন্তসুত্তৰণ্ণনা
4. Himavantasuttavaṇṇanā
২৪. চতুত্থে সমাপত্তিকুসলো হোতীতি সমাপজ্জনকুসলো হোতি। তেনাহ ‘‘সমাপজ্জিতুং কুসলো’’তি। তত্থ অন্তোগতহেতুঅত্থো ঠিতি-সদ্দো, তস্মা ঠপনকুসলোতি অত্থোতি আহ ‘‘সমাধিং ঠপেতুং সক্কোতীতি অত্থো’’তি। তত্থ ঠপেতুং সক্কোতীতি সত্তট্ঠঅচ্ছরামত্তং খণং ঝানং ঠপেতুং সক্কোতি অধিট্ঠানৰসিভাৰস্স নিপ্ফাদিতত্তা। যথাপরিচ্ছেদেনাতি যথাপরিচ্ছিন্নকালেন। ৰুট্ঠাতুং সক্কোতি ৰুট্ঠানৰসিভাৰস্স নিপ্ফাদিতত্তা। কল্লং সঞ্জাতং অস্সাতি কল্লিতং, তস্মিং কল্লিতে কল্লিতভাৰে কুসলো কল্লিতকুসলো। হাসেতুং তোসেতুং সম্পহংসেতুং। কল্লং কাতুন্তি সমাধানস্স পটিপক্খধম্মানং দূরীকরণেন সহকারীকারণানঞ্চ সমপ্পধানেন সমাপজ্জনে চিত্তং সমত্থং কাতুং। সমাধিস্স গোচরকুসলোতি সমাধিস্মিং নিপ্ফাদেতব্বে তস্স গোচরে কম্মট্ঠানসঞ্ঞিতে পৰত্তিট্ঠানে ভিক্খাচারগোচরে সতিসম্পজঞ্ঞযোগতো কুসলো ছেকো। তেনাহ ‘‘সমাধিস্স অসপ্পাযে অনুপকারকে ধম্মে ৰজ্জেত্ৰা’’তিআদি। পঠমজ্ঝানাদিসমাধিং অভিনীহরিতুন্তি পঠমজ্ঝানাদিসমাধিং ৰিসেসভাগিযতায অভিনীহরিতুং উপনেতুং।
24. Catutthe samāpattikusalo hotīti samāpajjanakusalo hoti. Tenāha ‘‘samāpajjituṃ kusalo’’ti. Tattha antogatahetuattho ṭhiti-saddo, tasmā ṭhapanakusaloti atthoti āha ‘‘samādhiṃ ṭhapetuṃ sakkotīti attho’’ti. Tattha ṭhapetuṃ sakkotīti sattaṭṭhaaccharāmattaṃ khaṇaṃ jhānaṃ ṭhapetuṃ sakkoti adhiṭṭhānavasibhāvassa nipphāditattā. Yathāparicchedenāti yathāparicchinnakālena. Vuṭṭhātuṃ sakkoti vuṭṭhānavasibhāvassa nipphāditattā. Kallaṃ sañjātaṃ assāti kallitaṃ, tasmiṃ kallite kallitabhāve kusalo kallitakusalo. Hāsetuṃ tosetuṃ sampahaṃsetuṃ. Kallaṃ kātunti samādhānassa paṭipakkhadhammānaṃ dūrīkaraṇena sahakārīkāraṇānañca samappadhānena samāpajjane cittaṃ samatthaṃ kātuṃ. Samādhissa gocarakusaloti samādhismiṃ nipphādetabbe tassa gocare kammaṭṭhānasaññite pavattiṭṭhāne bhikkhācāragocare satisampajaññayogato kusalo cheko. Tenāha ‘‘samādhissa asappāye anupakārake dhamme vajjetvā’’tiādi. Paṭhamajjhānādisamādhiṃ abhinīharitunti paṭhamajjhānādisamādhiṃ visesabhāgiyatāya abhinīharituṃ upanetuṃ.
হিমৰন্তসুত্তৰণ্ণনা নিট্ঠিতা।
Himavantasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ৪. হিমৰন্তসুত্তং • 4. Himavantasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৪. হিমৰন্তসুত্তৰণ্ণনা • 4. Himavantasuttavaṇṇanā
