| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
4. химаванд̇асуд̇д̇аван̣н̣анаа
4. Himavantasuttavaṇṇanā
24. жад̇уд̇т̇з бад̣̇аалзяяаад̇и бхинд̣̇зяяа. чавааяаад̇и лаамигааяа. самаад̇хисса самаабад̇д̇игусало ход̇ийд̇и аахаарасаббааяауд̇усаббааяаани бариг̇г̇ахзд̇ваа самаад̇хим̣ самаабаж̇ж̇ид̇ум̣ гусало ход̇и чзго самад̇т̇о бадиб̣ало. самаад̇хисса тид̇игусалод̇и самаад̇хисса тид̇ияам̣ гусало, самаад̇хим̣ табзд̇ум̣ саггод̇ийд̇и ад̇т̇о. самаад̇хисса вудтаанагусалод̇и самаад̇хисса вудтаанз гусало, яат̇аабарижчзд̣̇зна вудтаад̇ум̣ саггод̇ийд̇и ад̇т̇о. самаад̇хисса галлид̇агусалод̇и самаад̇хисса галлад̇ааяа гусало, самаад̇хижид̇д̇ам̣ хаасзд̇ум̣ галлам̣ гаад̇ум̣ саггод̇ийд̇и ад̇т̇о. самаад̇хисса г̇ожарагусалод̇и самаад̇хисса асаббааяз анубагаарагз д̇хаммз важ̇ж̇зд̇ваа саббааяз убагаарагз сзванд̇оби, ‘‘аяам̣ самаад̇хинимид̇д̇аарамман̣о аяам̣ лагкан̣аарамман̣о’’д̇и ж̇аананд̇оби самаад̇хисса г̇ожарагусало наама ход̇и. самаад̇хисса абхинийхаарагусалод̇и убариубарисамаабад̇д̇исамаабаж̇ж̇анад̇т̇ааяа батамаж̇жхаанаад̣̇исамаад̇хим̣ абхинийхарид̇ум̣ саггонд̇о самаад̇хисса абхинийхаарагусало наама ход̇и. со батамаж̇жхаанаа вудтааяа д̣̇уд̇ияам̣ самаабаж̇ж̇ад̇и, д̣̇уд̇ияаж̇жхаанаа…бз… д̇ад̇ияаж̇жхаанаа вудтааяа жад̇уд̇т̇ам̣ самаабаж̇ж̇ад̇ийд̇и.
24. Catutthe padāleyyāti bhindeyya. Chavāyāti lāmikāya. Samādhissa samāpattikusalo hotīti āhārasappāyautusappāyāni pariggahetvā samādhiṃ samāpajjituṃ kusalo hoti cheko samattho paṭibalo. Samādhissa ṭhitikusaloti samādhissa ṭhitiyaṃ kusalo, samādhiṃ ṭhapetuṃ sakkotīti attho. Samādhissa vuṭṭhānakusaloti samādhissa vuṭṭhāne kusalo, yathāparicchedena vuṭṭhātuṃ sakkotīti attho. Samādhissa kallitakusaloti samādhissa kallatāya kusalo, samādhicittaṃ hāsetuṃ kallaṃ kātuṃ sakkotīti attho. Samādhissa gocarakusaloti samādhissa asappāye anupakārake dhamme vajjetvā sappāye upakārake sevantopi, ‘‘ayaṃ samādhinimittārammaṇo ayaṃ lakkhaṇārammaṇo’’ti jānantopi samādhissa gocarakusalo nāma hoti. Samādhissa abhinīhārakusaloti upariuparisamāpattisamāpajjanatthāya paṭhamajjhānādisamādhiṃ abhinīharituṃ sakkonto samādhissa abhinīhārakusalo nāma hoti. So paṭhamajjhānā vuṭṭhāya dutiyaṃ samāpajjati, dutiyajjhānā…pe… tatiyajjhānā vuṭṭhāya catutthaṃ samāpajjatīti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 4. химаванд̇асуд̇д̇ам̣ • 4. Himavantasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 4. химаванд̇асуд̇д̇аван̣н̣анаа • 4. Himavantasuttavaṇṇanā
