| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
2. б̣ож̇жхан̇г̇асам̣яуд̇д̇ам̣
2. Bojjhaṅgasaṃyuttaṃ
1. баб̣б̣ад̇аваг̇г̇о
1. Pabbatavaggo
1. химаванд̇асуд̇д̇аван̣н̣анаа
1. Himavantasuttavaṇṇanā
182. б̣ож̇жхан̇г̇асам̣яуд̇д̇асса батамз нааг̇аад̇и имзби махаасамуд̣̇д̣̇абидтз уумианд̇араваасинова, на вимаанадтаганааг̇аа. д̇зсам̣ химаванд̇ам̣ ниссааяа гааяавад̣дханаад̣̇исаб̣б̣ам̣ хздтаа вуд̇д̇анаязнзва взд̣̇ид̇аб̣б̣ам̣. б̣ож̇жхан̇г̇зд̇и зд̇т̇а б̣од̇хияаа, б̣од̇хисса ваа ан̇г̇аад̇и б̣ож̇жхан̇г̇аа. гим̣ вуд̇д̇ам̣ ход̇и? яаа хи аяам̣ д̇хаммасаамаг̇г̇ий, яааяа логияалогуд̇д̇арамаг̇г̇агкан̣з уббаж̇ж̇амаанааяа лийнуд̣̇д̇хажжабад̇идтаанааяуухана гаамасукад̇д̇агиламат̇аануяог̇аужчзд̣̇асассад̇аабхинивзсаад̣̇ийнам̣ анзгзсам̣ убад̣̇д̣̇аваанам̣ бадибагкабхууд̇ааяа сад̇ид̇хаммавижаяавийрияабийд̇ибассад̣̇д̇хисамаад̇хиубзгкаасан̇каад̇ааяа д̇хаммасаамаг̇г̇ияаа арияасааваго б̣уж̇жхад̇ийд̇и гад̇ваа б̣од̇хийд̇и вужжад̇и. б̣уж̇жхад̇ийд̇и гилзсасанд̇аананид̣̇д̣̇ааяа удтахад̇и, жад̇д̇аари ваа арияасажжаани бадивиж̇жхад̇и, ниб̣б̣аанамзва ваа сажчигарод̇ийд̇и вуд̇д̇ам̣ ход̇и. яат̇ааха ‘‘сад̇д̇а б̣ож̇жхан̇г̇з бхаавзд̇ваа ануд̇д̇арам̣ саммаасамб̣од̇хим̣ абхисамб̣уд̣̇д̇хо’’д̇и (сам̣. ни. 5.378; д̣̇ий. ни. 3.143). д̇ассаа д̇хаммасаамаг̇г̇исан̇каад̇ааяа б̣од̇хияаа ан̇г̇аад̇и б̣ож̇жхан̇г̇аа жхаанан̇г̇амаг̇г̇ан̇г̇аад̣̇аяо вияа. яобзса яат̇аавуд̇д̇аббагаарааяа зд̇ааяа д̇хаммасаамаг̇г̇ияаа б̣уж̇жхад̇ийд̇и гад̇ваа арияасааваго б̣од̇хийд̇и вужжад̇и, д̇асса б̣од̇хисса ан̇г̇аад̇иби б̣ож̇жхан̇г̇аа сзнан̇г̇арат̇ан̇г̇аад̣̇аяо вияа. д̇знааху адтагат̇аажарияаа – ‘‘б̣уж̇жханагасса буг̇г̇аласса ан̇г̇аад̇и ваа б̣ож̇жхан̇г̇аа’’д̇и.
182. Bojjhaṅgasaṃyuttassa paṭhame nāgāti imepi mahāsamuddapiṭṭhe ūmiantaravāsinova, na vimānaṭṭhakanāgā. Tesaṃ himavantaṃ nissāya kāyavaḍḍhanādisabbaṃ heṭṭhā vuttanayeneva veditabbaṃ. Bojjhaṅgeti ettha bodhiyā, bodhissa vā aṅgāti bojjhaṅgā. Kiṃ vuttaṃ hoti? Yā hi ayaṃ dhammasāmaggī, yāya lokiyalokuttaramaggakkhaṇe uppajjamānāya līnuddhaccapatiṭṭhānāyūhana kāmasukhattakilamathānuyogaucchedasassatābhinivesādīnaṃ anekesaṃ upaddavānaṃ paṭipakkhabhūtāya satidhammavicayavīriyapītipassaddhisamādhiupekkhāsaṅkhātāya dhammasāmaggiyā ariyasāvako bujjhatīti katvā bodhīti vuccati. Bujjhatīti kilesasantānaniddāya uṭṭhahati, cattāri vā ariyasaccāni paṭivijjhati, nibbānameva vā sacchikarotīti vuttaṃ hoti. Yathāha ‘‘satta bojjhaṅge bhāvetvā anuttaraṃ sammāsambodhiṃ abhisambuddho’’ti (saṃ. ni. 5.378; dī. ni. 3.143). Tassā dhammasāmaggisaṅkhātāya bodhiyā aṅgāti bojjhaṅgā jhānaṅgamaggaṅgādayo viya. Yopesa yathāvuttappakārāya etāya dhammasāmaggiyā bujjhatīti katvā ariyasāvako bodhīti vuccati, tassa bodhissa aṅgātipi bojjhaṅgā senaṅgarathaṅgādayo viya. Tenāhu aṭṭhakathācariyā – ‘‘bujjhanakassa puggalassa aṅgāti vā bojjhaṅgā’’ti.
абижа ‘‘б̣ож̇жхан̇г̇аад̇и гзнадтзна б̣ож̇жхан̇г̇аа? б̣од̇хааяа сам̣вад̇д̇анд̇ийд̇и б̣ож̇жхан̇г̇аа, б̣уж̇жханд̇ийд̇и б̣ож̇жхан̇г̇аа, ануб̣уж̇жханд̇ийд̇и б̣ож̇жхан̇г̇аа, бадиб̣уж̇жханд̇ийд̇и б̣ож̇жхан̇г̇аа, самб̣уж̇жханд̇ийд̇и б̣ож̇жхан̇г̇аа’’ижжаад̣̇инаа (бади. ма. 2.17) бадисамбхид̣̇аанаязнааби б̣ож̇жхан̇г̇ад̇т̇о взд̣̇ид̇аб̣б̣о.
Apica ‘‘bojjhaṅgāti kenaṭṭhena bojjhaṅgā? Bodhāya saṃvattantīti bojjhaṅgā, bujjhantīti bojjhaṅgā, anubujjhantīti bojjhaṅgā, paṭibujjhantīti bojjhaṅgā, sambujjhantīti bojjhaṅgā’’iccādinā (paṭi. ma. 2.17) paṭisambhidānayenāpi bojjhaṅgattho veditabbo.
сад̇исамб̣ож̇жхан̇г̇анд̇иаад̣̇ийсу бана басад̇т̇о сунд̣̇аро жа б̣ож̇жхан̇г̇од̇и самб̣ож̇жхан̇г̇о. сад̇иязва самб̣ож̇жхан̇г̇од̇и сад̇исамб̣ож̇жхан̇г̇о, д̇ам̣ сад̇исамб̣ож̇жхан̇г̇анд̇и звам̣ саб̣б̣ад̇т̇а ад̇т̇о взд̣̇ид̇аб̣б̣о. бхаавзд̇ийд̇и вад̣дхзд̇и, ад̇д̇ано жид̇д̇асанд̇аанз бунаббунам̣ ж̇анзд̇и, абхиниб̣б̣ад̇д̇зд̇ийд̇и ад̇т̇о. вивзганиссид̇анд̇иаад̣̇ийни госаласам̣яуд̇д̇з ‘‘саммаад̣̇идтим̣ бхаавзд̇и вивзганиссид̇а’’нд̇и зд̇т̇а вуд̇д̇анаязнзва взд̣̇ид̇аб̣б̣аани.
Satisambojjhaṅgantiādīsu pana pasattho sundaro ca bojjhaṅgoti sambojjhaṅgo. Satiyeva sambojjhaṅgoti satisambojjhaṅgo, taṃ satisambojjhaṅganti evaṃ sabbattha attho veditabbo. Bhāvetīti vaḍḍheti, attano cittasantāne punappunaṃ janeti, abhinibbattetīti attho. Vivekanissitantiādīni kosalasaṃyutte ‘‘sammādiṭṭhiṃ bhāveti vivekanissita’’nti ettha vuttanayeneva veditabbāni.
аяам̣ бана висзсо – д̇ад̇т̇а д̇ад̣̇ан̇г̇авивзганиссид̇ам̣, самужчзд̣̇авивзганиссид̇ам̣, ниссаран̣авивзганиссид̇анд̇и, вивзгад̇д̇аяамзва вуд̇д̇ам̣, б̣ож̇жхан̇г̇абхааванам̣ бад̇ваа бана бан̃жавид̇хавивзганиссид̇амби згз ван̣н̣аяанд̇и. д̇з хи на гзвалам̣ б̣алававибассанаамаг̇г̇апалагкан̣зсу зва б̣ож̇жхан̇г̇з уд̣̇д̇харанд̇и вибассанаабаад̣̇ага-гасин̣аж̇жхаана-аанаабаанаасубха-б̣рахмавихаараж̇жхаанзсуби уд̣̇д̇харанд̇и, на жа бадисид̣̇д̇хаа адтагат̇аажариязхи. д̇асмаа д̇зсам̣ мад̇зна зд̇зсам̣ жхаанаанам̣ бавад̇д̇игкан̣з гижжад̇о зва вигкамбханавивзганиссид̇ам̣. яат̇аа жа вибассанаагкан̣з ‘‘аж̇жхаасаяад̇о ниссаран̣авивзганиссид̇а’’нд̇и вуд̇д̇ам̣, звам̣ бадибассад̣̇д̇хививзганиссид̇амби бхаавзд̇ийд̇и вад̇д̇ум̣ ваддад̇и. сзсамзд̇т̇а хздтаа вуд̇д̇анаяамзва.
Ayaṃ pana viseso – tattha tadaṅgavivekanissitaṃ, samucchedavivekanissitaṃ, nissaraṇavivekanissitanti, vivekattayameva vuttaṃ, bojjhaṅgabhāvanaṃ patvā pana pañcavidhavivekanissitampi eke vaṇṇayanti. Te hi na kevalaṃ balavavipassanāmaggaphalakkhaṇesu eva bojjhaṅge uddharanti vipassanāpādaka-kasiṇajjhāna-ānāpānāsubha-brahmavihārajjhānesupi uddharanti, na ca paṭisiddhā aṭṭhakathācariyehi. Tasmā tesaṃ matena etesaṃ jhānānaṃ pavattikkhaṇe kiccato eva vikkhambhanavivekanissitaṃ. Yathā ca vipassanākkhaṇe ‘‘ajjhāsayato nissaraṇavivekanissita’’nti vuttaṃ, evaṃ paṭipassaddhivivekanissitampi bhāvetīti vattuṃ vaṭṭati. Sesamettha heṭṭhā vuttanayameva.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. химаванд̇асуд̇д̇ам̣ • 1. Himavantasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1.химаванд̇асуд̇д̇аван̣н̣анаа • 1.Himavantasuttavaṇṇanā
