| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
2. б̣ож̇жхан̇г̇асам̣яуд̇д̇ам̣
2. Bojjhaṅgasaṃyuttaṃ
1. баб̣б̣ад̇аваг̇г̇о
1. Pabbatavaggo
1.химаванд̇асуд̇д̇аван̣н̣анаа
1.Himavantasuttavaṇṇanā
182. б̣уж̇жхад̇и жад̇усажжам̣ арияасааваго зд̇ааяаад̇и б̣од̇хам̣, д̇хаммасаамаг̇г̇ий, арияасааваго бана жад̇усажжам̣ б̣уж̇жхад̇ийд̇и б̣од̇хи. ан̇г̇аад̇и гааран̣аа. яааяа д̇хаммасаамаг̇г̇ияаад̇и самб̣анд̇хо. д̇ан̣хаавасзна бад̇идтаанам̣, д̣̇идтивасзна ааяууханаа. сассад̇ад̣̇идтияаа бад̇идтаанам̣, ужчзд̣̇ад̣̇идтияаа ааяууханаа. лийнавасзна бад̇идтаанам̣, уд̣̇д̇хажжавасзна ааяууханаа. гаамасукаануяог̇авасзна бад̇идтаанам̣, ад̇д̇агиламат̇аануяог̇авасзна ааяууханаа. огхад̇аран̣асуд̇д̇аван̣н̣анааяам̣ (сам̣. ни. 1.1) –
182. Bujjhati catusaccaṃ ariyasāvako etāyāti bodhaṃ, dhammasāmaggī, ariyasāvako pana catusaccaṃ bujjhatīti bodhi. Aṅgāti kāraṇā. Yāya dhammasāmaggiyāti sambandho. Taṇhāvasena patiṭṭhānaṃ, diṭṭhivasena āyūhanā. Sassatadiṭṭhiyā patiṭṭhānaṃ, ucchedadiṭṭhiyā āyūhanā. Līnavasena patiṭṭhānaṃ, uddhaccavasena āyūhanā. Kāmasukhānuyogavasena patiṭṭhānaṃ, attakilamathānuyogavasena āyūhanā. Oghataraṇasuttavaṇṇanāyaṃ (saṃ. ni. 1.1) –
‘‘гилзсавасзна бад̇идтаанам̣, абхисан̇кааравасзна ааяууханаа. д̇ан̣хаад̣̇идтийхи бад̇идтаанам̣, авасзсагилзсаабхисан̇каарзхи ааяууханаа, саб̣б̣аагусалаабхисан̇кааравасзна бад̇идтаанам̣, саб̣б̣алогияагусалаабхисан̇кааравасзна ааяууханаа’’д̇и –
‘‘Kilesavasena patiṭṭhānaṃ, abhisaṅkhāravasena āyūhanā. Taṇhādiṭṭhīhi patiṭṭhānaṃ, avasesakilesābhisaṅkhārehi āyūhanā, sabbākusalābhisaṅkhāravasena patiṭṭhānaṃ, sabbalokiyakusalābhisaṅkhāravasena āyūhanā’’ti –
вуд̇д̇зсу багаарзсу ид̇ха авуд̇д̇аанам̣ васзна взд̣̇ид̇аб̣б̣о. гилзсасанд̇аананид̣̇д̣̇ааяа удтахад̇ийд̇и зд̇зна сикаабад̇д̇авибассанаасахаг̇ад̇аанамби сад̇иаад̣̇ийнам̣ б̣ож̇жхан̇г̇абхаавам̣ д̣̇ассзд̇и. жад̇д̇аарийд̇иаад̣̇инаа маг̇г̇апалзна сахаг̇ад̇аанам̣. сад̇д̇ахи б̣ож̇жхан̇г̇зхи бхаавид̇зхи сажжабадивзд̇хо ход̇ийд̇и гат̇амид̣̇ам̣ ж̇аанид̇аб̣б̣анд̇и жод̣̇анам̣ санд̇хааяааха ‘‘яат̇аахаа’’д̇иаад̣̇и. жхаанан̇г̇амаг̇г̇ан̇г̇аад̣̇аяо вияаад̇и зд̇зна б̣од̇хиб̣ож̇жхан̇г̇асад̣̇д̣̇аанам̣ самуд̣̇ааяааваяавависаяад̇ам̣ д̣̇ассзд̇и. сзнан̇г̇арат̇ан̇г̇аад̣̇аяо вияаад̇и зд̇зна буг̇г̇алабан̃н̃ад̇д̇ияаа авиж̇ж̇амаанабан̃н̃ад̇д̇ибхаавам̣ д̣̇ассзд̇и.
Vuttesu pakāresu idha avuttānaṃ vasena veditabbo. Kilesasantānaniddāya uṭṭhahatīti etena sikhāpattavipassanāsahagatānampi satiādīnaṃ bojjhaṅgabhāvaṃ dasseti. Cattārītiādinā maggaphalena sahagatānaṃ. Sattahi bojjhaṅgehi bhāvitehi saccapaṭivedho hotīti kathamidaṃ jānitabbanti codanaṃ sandhāyāha ‘‘yathāhā’’tiādi. Jhānaṅgamaggaṅgādayo viyāti etena bodhibojjhaṅgasaddānaṃ samudāyāvayavavisayataṃ dasseti. Senaṅgarathaṅgādayo viyāti etena puggalapaññattiyā avijjamānapaññattibhāvaṃ dasseti.
б̣од̇хааяа сам̣вад̇д̇анд̇ийд̇и б̣ож̇жхан̇г̇аад̇и вуд̇д̇ам̣ ‘‘гааран̣ад̇т̇о ан̇г̇асад̣̇д̣̇о’’д̇и. б̣уж̇жхад̇ийд̇и б̣од̇хи, б̣од̇хияаа зва ан̇г̇аад̇и б̣ож̇жхан̇г̇аад̇и вуд̇д̇ам̣ ‘‘б̣уж̇жханд̇ийд̇и б̣ож̇жхан̇г̇аа’’д̇и. вибассанаад̣̇ийнам̣ гааран̣аанам̣ б̣уж̇жхид̇аб̣б̣аанам̣ сажжаанам̣ ануруубам̣ бажжагкабхаавзна бадимукам̣ авибарийд̇ам̣ саммаа б̣уж̇жханд̇ийд̇и звам̣ вад̇т̇увисзсад̣̇ийбагзхи убаримаг̇г̇зхи ануб̣уж̇жханд̇ийд̇иаад̣̇инаа вуд̇д̇аб̣од̇хисад̣̇д̣̇зхи ниббад̣̇зсзна вуд̇д̇ам̣ ‘‘б̣уж̇жханад̇аасааман̃н̃зна сан̇г̇ан̣хаад̇ий’’д̇и. зд̇т̇а жа лийнабад̇идтаана-гаамасукаллигаануяог̇а-ужчзд̣̇аабхинивзсаанам̣ д̇хаммавижаяа-вийрияабийд̇ибад̇хаана-д̇хаммасаамаг̇г̇ий бадибагко. уд̣̇д̇хажжааяууханаад̇д̇агиламат̇аануяог̇а-сассад̇аабхинивзсаанам̣ бассад̣̇д̇хисамаад̇хи-убзгкаабад̇хаана-д̇хаммасаамаг̇г̇ий бадибагко. сад̇и бана убхаяад̇т̇ааби ижчид̇аб̣б̣аа. д̇ат̇аа хи саа саб̣б̣ад̇т̇игаа вуд̇д̇аа.
Bodhāya saṃvattantīti bojjhaṅgāti vuttaṃ ‘‘kāraṇattho aṅgasaddo’’ti. Bujjhatīti bodhi, bodhiyā eva aṅgāti bojjhaṅgāti vuttaṃ ‘‘bujjhantīti bojjhaṅgā’’ti. Vipassanādīnaṃ kāraṇānaṃ bujjhitabbānaṃ saccānaṃ anurūpaṃ paccakkhabhāvena paṭimukhaṃ aviparītaṃ sammā bujjhantīti evaṃ vatthuvisesadīpakehi uparimaggehi anubujjhantītiādinā vuttabodhisaddehi nippadesena vuttaṃ ‘‘bujjhanatāsāmaññena saṅgaṇhātī’’ti. Ettha ca līnapatiṭṭhāna-kāmasukhallikānuyoga-ucchedābhinivesānaṃ dhammavicaya-vīriyapītipadhāna-dhammasāmaggī paṭipakkho. Uddhaccāyūhanaattakilamathānuyoga-sassatābhinivesānaṃ passaddhisamādhi-upekkhāpadhāna-dhammasāmaggī paṭipakkho. Sati pana ubhayatthāpi icchitabbā. Tathā hi sā sabbatthikā vuttā.
сам̣-сад̣̇д̣̇о басам̣сааяам̣. бунад̣̇зва сунд̣̇аро жа ад̇т̇обийд̇и ааха ‘‘басад̇т̇о сунд̣̇аро жа б̣ож̇жхан̇г̇о’’д̇и. абхиниб̣б̣ад̇д̇зд̇ийд̇и абхивисидтабхаавзна ниб̣б̣ад̇д̇зд̇и сависзсабхаавам̣ вад̣̇ад̇и. ‘‘згз ван̣н̣аяанд̇ий’’д̇и вад̇ваа д̇ад̇т̇а яат̇аавуд̇д̇авивзгад̇д̇аяад̇о ан̃н̃ам̣ вивзгад̣̇ваяам̣ уд̣̇д̇харид̇ваа д̣̇ассзд̇ум̣ ‘‘д̇з хий’’д̇иаад̣̇и вуд̇д̇ам̣. д̇ад̇т̇а жхаанагкан̣з д̇аава гижжад̇о вигкамбханавивзганиссид̇ам̣, вибассанаагкан̣з аж̇жхаасаяад̇о бадиббассад̣̇д̇хививзганиссид̇ам̣ бхаавзд̇ийд̇и. д̇знааха – ‘‘ануд̇д̇арам̣ вимогкам̣ убасамбаж̇ж̇а вихариссаамий’’д̇и. д̇ад̇т̇а д̇ад̇т̇а нижчаяад̇ааяа гасин̣аж̇жхаанаг̇г̇ахан̣зна ануббаад̣̇аанамби г̇ахан̣ам̣ д̣̇адтаб̣б̣ам̣.
Saṃ-saddo pasaṃsāyaṃ. Punadeva sundaro ca atthopīti āha ‘‘pasattho sundaro ca bojjhaṅgo’’ti. Abhinibbattetīti abhivisiṭṭhabhāvena nibbatteti savisesabhāvaṃ vadati. ‘‘Eke vaṇṇayantī’’ti vatvā tattha yathāvuttavivekattayato aññaṃ vivekadvayaṃ uddharitvā dassetuṃ ‘‘te hī’’tiādi vuttaṃ. Tattha jhānakkhaṇe tāva kiccato vikkhambhanavivekanissitaṃ, vipassanākkhaṇe ajjhāsayato paṭippassaddhivivekanissitaṃ bhāvetīti. Tenāha – ‘‘anuttaraṃ vimokkhaṃ upasampajja viharissāmī’’ti. Tattha tattha nicchayatāya kasiṇajjhānaggahaṇena anuppādānampi gahaṇaṃ daṭṭhabbaṃ.
химаванд̇асуд̇д̇аван̣н̣анаа нидтид̇аа.
Himavantasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. химаванд̇асуд̇д̇ам̣ • 1. Himavantasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. химаванд̇асуд̇д̇аван̣н̣анаа • 1. Himavantasuttavaṇṇanā
