| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੪. ਹਿਮવਨ੍ਤਸੁਤ੍ਤવਣ੍ਣਨਾ
4. Himavantasuttavaṇṇanā
੨੪. ਚਤੁਤ੍ਥੇ ਪਦਾਲੇਯ੍ਯਾਤਿ ਭਿਨ੍ਦੇਯ੍ਯ। ਛવਾਯਾਤਿ ਲਾਮਿਕਾਯ। ਸਮਾਧਿਸ੍ਸ ਸਮਾਪਤ੍ਤਿਕੁਸਲੋ ਹੋਤੀਤਿ ਆਹਾਰਸਪ੍ਪਾਯਉਤੁਸਪ੍ਪਾਯਾਨਿ ਪਰਿਗ੍ਗਹੇਤ੍વਾ ਸਮਾਧਿਂ ਸਮਾਪਜ੍ਜਿਤੁਂ ਕੁਸਲੋ ਹੋਤਿ ਛੇਕੋ ਸਮਤ੍ਥੋ ਪਟਿਬਲੋ। ਸਮਾਧਿਸ੍ਸ ਠਿਤਿਕੁਸਲੋਤਿ ਸਮਾਧਿਸ੍ਸ ਠਿਤਿਯਂ ਕੁਸਲੋ, ਸਮਾਧਿਂ ਠਪੇਤੁਂ ਸਕ੍ਕੋਤੀਤਿ ਅਤ੍ਥੋ। ਸਮਾਧਿਸ੍ਸ વੁਟ੍ਠਾਨਕੁਸਲੋਤਿ ਸਮਾਧਿਸ੍ਸ વੁਟ੍ਠਾਨੇ ਕੁਸਲੋ, ਯਥਾਪਰਿਚ੍ਛੇਦੇਨ વੁਟ੍ਠਾਤੁਂ ਸਕ੍ਕੋਤੀਤਿ ਅਤ੍ਥੋ। ਸਮਾਧਿਸ੍ਸ ਕਲ੍ਲਿਤਕੁਸਲੋਤਿ ਸਮਾਧਿਸ੍ਸ ਕਲ੍ਲਤਾਯ ਕੁਸਲੋ, ਸਮਾਧਿਚਿਤ੍ਤਂ ਹਾਸੇਤੁਂ ਕਲ੍ਲਂ ਕਾਤੁਂ ਸਕ੍ਕੋਤੀਤਿ ਅਤ੍ਥੋ। ਸਮਾਧਿਸ੍ਸ ਗੋਚਰਕੁਸਲੋਤਿ ਸਮਾਧਿਸ੍ਸ ਅਸਪ੍ਪਾਯੇ ਅਨੁਪਕਾਰਕੇ ਧਮ੍ਮੇ વਜ੍ਜੇਤ੍વਾ ਸਪ੍ਪਾਯੇ ਉਪਕਾਰਕੇ ਸੇવਨ੍ਤੋਪਿ, ‘‘ਅਯਂ ਸਮਾਧਿਨਿਮਿਤ੍ਤਾਰਮ੍ਮਣੋ ਅਯਂ ਲਕ੍ਖਣਾਰਮ੍ਮਣੋ’’ਤਿ ਜਾਨਨ੍ਤੋਪਿ ਸਮਾਧਿਸ੍ਸ ਗੋਚਰਕੁਸਲੋ ਨਾਮ ਹੋਤਿ। ਸਮਾਧਿਸ੍ਸ ਅਭਿਨੀਹਾਰਕੁਸਲੋਤਿ ਉਪਰਿਉਪਰਿਸਮਾਪਤ੍ਤਿਸਮਾਪਜ੍ਜਨਤ੍ਥਾਯ ਪਠਮਜ੍ਝਾਨਾਦਿਸਮਾਧਿਂ ਅਭਿਨੀਹਰਿਤੁਂ ਸਕ੍ਕੋਨ੍ਤੋ ਸਮਾਧਿਸ੍ਸ ਅਭਿਨੀਹਾਰਕੁਸਲੋ ਨਾਮ ਹੋਤਿ। ਸੋ ਪਠਮਜ੍ਝਾਨਾ વੁਟ੍ਠਾਯ ਦੁਤਿਯਂ ਸਮਾਪਜ੍ਜਤਿ, ਦੁਤਿਯਜ੍ਝਾਨਾ…ਪੇ॰… ਤਤਿਯਜ੍ਝਾਨਾ વੁਟ੍ਠਾਯ ਚਤੁਤ੍ਥਂ ਸਮਾਪਜ੍ਜਤੀਤਿ।
24. Catutthe padāleyyāti bhindeyya. Chavāyāti lāmikāya. Samādhissa samāpattikusalo hotīti āhārasappāyautusappāyāni pariggahetvā samādhiṃ samāpajjituṃ kusalo hoti cheko samattho paṭibalo. Samādhissa ṭhitikusaloti samādhissa ṭhitiyaṃ kusalo, samādhiṃ ṭhapetuṃ sakkotīti attho. Samādhissa vuṭṭhānakusaloti samādhissa vuṭṭhāne kusalo, yathāparicchedena vuṭṭhātuṃ sakkotīti attho. Samādhissa kallitakusaloti samādhissa kallatāya kusalo, samādhicittaṃ hāsetuṃ kallaṃ kātuṃ sakkotīti attho. Samādhissa gocarakusaloti samādhissa asappāye anupakārake dhamme vajjetvā sappāye upakārake sevantopi, ‘‘ayaṃ samādhinimittārammaṇo ayaṃ lakkhaṇārammaṇo’’ti jānantopi samādhissa gocarakusalo nāma hoti. Samādhissa abhinīhārakusaloti upariuparisamāpattisamāpajjanatthāya paṭhamajjhānādisamādhiṃ abhinīharituṃ sakkonto samādhissa abhinīhārakusalo nāma hoti. So paṭhamajjhānā vuṭṭhāya dutiyaṃ samāpajjati, dutiyajjhānā…pe… tatiyajjhānā vuṭṭhāya catutthaṃ samāpajjatīti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੪. ਹਿਮવਨ੍ਤਸੁਤ੍ਤਂ • 4. Himavantasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੪. ਹਿਮવਨ੍ਤਸੁਤ੍ਤવਣ੍ਣਨਾ • 4. Himavantasuttavaṇṇanā
