Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya

৪. হীনাধিমুত্তিকসুত্তং

4. Hīnādhimuttikasuttaṃ

৯৮. সাৰত্থিযং ৰিহরতি…পে॰… ‘‘ধাতুসোৰ ¹, ভিক্খৰে, সত্তা সংসন্দন্তি সমেন্তি। হীনাধিমুত্তিকা হীনাধিমুত্তিকেহি সদ্ধিং সংসন্দন্তি সমেন্তি; কল্যাণাধিমুত্তিকা কল্যাণাধিমুত্তিকেহি সদ্ধিং সংসন্দন্তি সমেন্তি’’।

98. Sāvatthiyaṃ viharati…pe… ‘‘dhātusova ², bhikkhave, sattā saṃsandanti samenti. Hīnādhimuttikā hīnādhimuttikehi saddhiṃ saṃsandanti samenti; kalyāṇādhimuttikā kalyāṇādhimuttikehi saddhiṃ saṃsandanti samenti’’.

‘‘অতীতম্পি খো ³, ভিক্খৰে, অদ্ধানং ধাতুসোৰ ⁴ সত্তা সংসন্দিংসু সমিংসু। হীনাধিমুত্তিকা হীনাধিমুত্তিকেহি সদ্ধিং সংসন্দিংসু সমিংসু; কল্যাণাধিমুত্তিকা কল্যাণাধিমুত্তিকেহি সদ্ধিং সংসন্দিংসু সমিংসু।

‘‘Atītampi kho ⁵, bhikkhave, addhānaṃ dhātusova ⁶ sattā saṃsandiṃsu samiṃsu. Hīnādhimuttikā hīnādhimuttikehi saddhiṃ saṃsandiṃsu samiṃsu; kalyāṇādhimuttikā kalyāṇādhimuttikehi saddhiṃ saṃsandiṃsu samiṃsu.

‘‘অনাগতম্পি খো ⁷, ভিক্খৰে, অদ্ধানং ধাতুসোৰ ⁸ সত্তা সংসন্দিস্সন্তি সমেস্সন্তি। হীনাধিমুত্তিকা হীনাধিমুত্তিকেহি সদ্ধিং সংসন্দিস্সন্তি সমেস্সন্তি; কল্যাণাধিমুত্তিকা কল্যাণাধিমুত্তিকেহি সদ্ধিং সংসন্দিস্সন্তি সমেস্সন্তি।

‘‘Anāgatampi kho ⁹, bhikkhave, addhānaṃ dhātusova ¹⁰ sattā saṃsandissanti samessanti. Hīnādhimuttikā hīnādhimuttikehi saddhiṃ saṃsandissanti samessanti; kalyāṇādhimuttikā kalyāṇādhimuttikehi saddhiṃ saṃsandissanti samessanti.

‘‘এতরহিপি খো ¹¹, ভিক্খৰে, পচ্চুপ্পন্নং অদ্ধানং ধাতুসোৰ ¹² সত্তা সংসন্দন্তি সমেন্তি। হীনাধিমুত্তিকা হীনাধিমুত্তিকেহি সদ্ধিং সংসন্দন্তি সমেন্তি; কল্যাণাধিমুত্তিকা কল্যাণাধিমুত্তিকেহি সদ্ধিং সংসন্দন্তি সমেন্তী’’তি। চতুত্থং।

‘‘Etarahipi kho ¹³, bhikkhave, paccuppannaṃ addhānaṃ dhātusova ¹⁴ sattā saṃsandanti samenti. Hīnādhimuttikā hīnādhimuttikehi saddhiṃ saṃsandanti samenti; kalyāṇādhimuttikā kalyāṇādhimuttikehi saddhiṃ saṃsandanti samentī’’ti. Catutthaṃ.

Next: ৫. চঙ্কমসুত্তং • 5. Caṅkamasuttaṃ

Footnotes:

1. ধাতুসো (সী॰ পী॰) অযঞ্চ পঠমারম্ভৰাক্যেযেৰ, ন সব্বত্থ। তীসু পন অদ্ধাসু চ উপমাসংসন্দননিগমনট্ঠানে চ ইদং পাঠনানত্তং নত্থি

2. dhātuso (sī. pī.) ayañca paṭhamārambhavākyeyeva, na sabbattha. tīsu pana addhāsu ca upamāsaṃsandananigamanaṭṭhāne ca idaṃ pāṭhanānattaṃ natthi

3. খোসদ্দো সী॰ স্যা॰ কং॰ পী॰ পোত্থকেসু নত্থি

4. ঈদিসেসু ঠানেসু পাঠনানত্তং নত্থি

5. khosaddo sī. syā. kaṃ. pī. potthakesu natthi

6. īdisesu ṭhānesu pāṭhanānattaṃ natthi

7. খোসদ্দো সী॰ স্যা॰ কং॰ পী॰ পোত্থকেসু নত্থি

8. ঈদিসেসু ঠানেসু পাঠনানত্তং নত্থি

9. khosaddo sī. syā. kaṃ. pī. potthakesu natthi

10. īdisesu ṭhānesu pāṭhanānattaṃ natthi

11. খোসদ্দো সী॰ স্যা॰ কং॰ পী॰ পোত্থকেসু নত্থি

12. ঈদিসেসু ঠানেসু পাঠনানত্তং নত্থি

13. khosaddo sī. syā. kaṃ. pī. potthakesu natthi

14. īdisesu ṭhānesu pāṭhanānattaṃ natthi

Related texts:

অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৪. হীনাধিমুত্তিকসুত্তৰণ্ণনা • 4. Hīnādhimuttikasuttavaṇṇanā

টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৪. হীনাধিমুত্তিকসুত্তৰণ্ণনা • 4. Hīnādhimuttikasuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact