Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya

๔. หีนาธิมุตฺติกสุตฺตํ

4. Hīnādhimuttikasuttaṃ

๙๘. สาวตฺถิยํ วิหรติ…เป.… ‘‘ธาตุโสว ¹, ภิกฺขเว, สตฺตา สํสนฺทนฺติ สเมนฺติฯ หีนาธิมุตฺติกา หีนาธิมุตฺติเกหิ สทฺธิํ สํสนฺทนฺติ สเมนฺติ; กลฺยาณาธิมุตฺติกา กลฺยาณาธิมุตฺติเกหิ สทฺธิํ สํสนฺทนฺติ สเมนฺติ’’ฯ

98. Sāvatthiyaṃ viharati…pe… ‘‘dhātusova ², bhikkhave, sattā saṃsandanti samenti. Hīnādhimuttikā hīnādhimuttikehi saddhiṃ saṃsandanti samenti; kalyāṇādhimuttikā kalyāṇādhimuttikehi saddhiṃ saṃsandanti samenti’’.

‘‘อตีตมฺปิ โข ³, ภิกฺขเว, อทฺธานํ ธาตุโสว ⁴ สตฺตา สํสนฺทิํสุ สมิํสุฯ หีนาธิมุตฺติกา หีนาธิมุตฺติเกหิ สทฺธิํ สํสนฺทิํสุ สมิํสุ; กลฺยาณาธิมุตฺติกา กลฺยาณาธิมุตฺติเกหิ สทฺธิํ สํสนฺทิํสุ สมิํสุฯ

‘‘Atītampi kho ⁵, bhikkhave, addhānaṃ dhātusova ⁶ sattā saṃsandiṃsu samiṃsu. Hīnādhimuttikā hīnādhimuttikehi saddhiṃ saṃsandiṃsu samiṃsu; kalyāṇādhimuttikā kalyāṇādhimuttikehi saddhiṃ saṃsandiṃsu samiṃsu.

‘‘อนาคตมฺปิ โข ⁷, ภิกฺขเว, อทฺธานํ ธาตุโสว ⁸ สตฺตา สํสนฺทิสฺสนฺติ สเมสฺสนฺติฯ หีนาธิมุตฺติกา หีนาธิมุตฺติเกหิ สทฺธิํ สํสนฺทิสฺสนฺติ สเมสฺสนฺติ; กลฺยาณาธิมุตฺติกา กลฺยาณาธิมุตฺติเกหิ สทฺธิํ สํสนฺทิสฺสนฺติ สเมสฺสนฺติฯ

‘‘Anāgatampi kho ⁹, bhikkhave, addhānaṃ dhātusova ¹⁰ sattā saṃsandissanti samessanti. Hīnādhimuttikā hīnādhimuttikehi saddhiṃ saṃsandissanti samessanti; kalyāṇādhimuttikā kalyāṇādhimuttikehi saddhiṃ saṃsandissanti samessanti.

‘‘เอตรหิปิ โข ¹¹, ภิกฺขเว, ปจฺจุปฺปนฺนํ อทฺธานํ ธาตุโสว ¹² สตฺตา สํสนฺทนฺติ สเมนฺติฯ หีนาธิมุตฺติกา หีนาธิมุตฺติเกหิ สทฺธิํ สํสนฺทนฺติ สเมนฺติ; กลฺยาณาธิมุตฺติกา กลฺยาณาธิมุตฺติเกหิ สทฺธิํ สํสนฺทนฺติ สเมนฺตี’’ติฯ จตุตฺถํฯ

‘‘Etarahipi kho ¹³, bhikkhave, paccuppannaṃ addhānaṃ dhātusova ¹⁴ sattā saṃsandanti samenti. Hīnādhimuttikā hīnādhimuttikehi saddhiṃ saṃsandanti samenti; kalyāṇādhimuttikā kalyāṇādhimuttikehi saddhiṃ saṃsandanti samentī’’ti. Catutthaṃ.

Next: ๕. จงฺกมสุตฺตํ • 5. Caṅkamasuttaṃ

Footnotes:

1. ธาตุโส (สี. ปี.) อยญฺจ ปฐมารมฺภวาเกฺยเยว, น สพฺพตฺถฯ ตีสุ ปน อทฺธาสุ จ อุปมาสํสนฺทนนิคมนฎฺฐาเน จ อิทํ ปาฐนานตฺตํ นตฺถิ

2. dhātuso (sī. pī.) ayañca paṭhamārambhavākyeyeva, na sabbattha. tīsu pana addhāsu ca upamāsaṃsandananigamanaṭṭhāne ca idaṃ pāṭhanānattaṃ natthi

3. โขสโทฺท สี. สฺยา. กํ. ปี. โปตฺถเกสุ นตฺถิ

4. อีทิเสสุ ฐาเนสุ ปาฐนานตฺตํ นตฺถิ

5. khosaddo sī. syā. kaṃ. pī. potthakesu natthi

6. īdisesu ṭhānesu pāṭhanānattaṃ natthi

7. โขสโทฺท สี. สฺยา. กํ. ปี. โปตฺถเกสุ นตฺถิ

8. อีทิเสสุ ฐาเนสุ ปาฐนานตฺตํ นตฺถิ

9. khosaddo sī. syā. kaṃ. pī. potthakesu natthi

10. īdisesu ṭhānesu pāṭhanānattaṃ natthi

11. โขสโทฺท สี. สฺยา. กํ. ปี. โปตฺถเกสุ นตฺถิ

12. อีทิเสสุ ฐาเนสุ ปาฐนานตฺตํ นตฺถิ

13. khosaddo sī. syā. kaṃ. pī. potthakesu natthi

14. īdisesu ṭhānesu pāṭhanānattaṃ natthi

Related texts:

อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๔. หีนาธิมุตฺติกสุตฺตวณฺณนา • 4. Hīnādhimuttikasuttavaṇṇanā

ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๔. หีนาธิมุตฺติกสุตฺตวณฺณนา • 4. Hīnādhimuttikasuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact