Library / Tipiṭaka / តិបិដក • Tipiṭaka / សំយុត្តនិកាយ • Saṃyuttanikāya

៤. ហីនាធិមុត្តិកសុត្តំ

4. Hīnādhimuttikasuttaṃ

៩៨. សាវត្ថិយំ វិហរតិ…បេ.… ‘‘ធាតុសោវ ¹, ភិក្ខវេ, សត្តា សំសន្ទន្តិ សមេន្តិ។ ហីនាធិមុត្តិកា ហីនាធិមុត្តិកេហិ សទ្ធិំ សំសន្ទន្តិ សមេន្តិ; កល្យាណាធិមុត្តិកា កល្យាណាធិមុត្តិកេហិ សទ្ធិំ សំសន្ទន្តិ សមេន្តិ’’។

98. Sāvatthiyaṃ viharati…pe… ‘‘dhātusova ², bhikkhave, sattā saṃsandanti samenti. Hīnādhimuttikā hīnādhimuttikehi saddhiṃ saṃsandanti samenti; kalyāṇādhimuttikā kalyāṇādhimuttikehi saddhiṃ saṃsandanti samenti’’.

‘‘អតីតម្បិ ខោ ³, ភិក្ខវេ, អទ្ធានំ ធាតុសោវ ⁴ សត្តា សំសន្ទិំសុ សមិំសុ។ ហីនាធិមុត្តិកា ហីនាធិមុត្តិកេហិ សទ្ធិំ សំសន្ទិំសុ សមិំសុ; កល្យាណាធិមុត្តិកា កល្យាណាធិមុត្តិកេហិ សទ្ធិំ សំសន្ទិំសុ សមិំសុ។

‘‘Atītampi kho ⁵, bhikkhave, addhānaṃ dhātusova ⁶ sattā saṃsandiṃsu samiṃsu. Hīnādhimuttikā hīnādhimuttikehi saddhiṃ saṃsandiṃsu samiṃsu; kalyāṇādhimuttikā kalyāṇādhimuttikehi saddhiṃ saṃsandiṃsu samiṃsu.

‘‘អនាគតម្បិ ខោ ⁷, ភិក្ខវេ, អទ្ធានំ ធាតុសោវ ⁸ សត្តា សំសន្ទិស្សន្តិ សមេស្សន្តិ។ ហីនាធិមុត្តិកា ហីនាធិមុត្តិកេហិ សទ្ធិំ សំសន្ទិស្សន្តិ សមេស្សន្តិ; កល្យាណាធិមុត្តិកា កល្យាណាធិមុត្តិកេហិ សទ្ធិំ សំសន្ទិស្សន្តិ សមេស្សន្តិ។

‘‘Anāgatampi kho ⁹, bhikkhave, addhānaṃ dhātusova ¹⁰ sattā saṃsandissanti samessanti. Hīnādhimuttikā hīnādhimuttikehi saddhiṃ saṃsandissanti samessanti; kalyāṇādhimuttikā kalyāṇādhimuttikehi saddhiṃ saṃsandissanti samessanti.

‘‘ឯតរហិបិ ខោ ¹¹, ភិក្ខវេ, បច្ចុប្បន្នំ អទ្ធានំ ធាតុសោវ ¹² សត្តា សំសន្ទន្តិ សមេន្តិ។ ហីនាធិមុត្តិកា ហីនាធិមុត្តិកេហិ សទ្ធិំ សំសន្ទន្តិ សមេន្តិ; កល្យាណាធិមុត្តិកា កល្យាណាធិមុត្តិកេហិ សទ្ធិំ សំសន្ទន្តិ សមេន្តី’’តិ។ ចតុត្ថំ។

‘‘Etarahipi kho ¹³, bhikkhave, paccuppannaṃ addhānaṃ dhātusova ¹⁴ sattā saṃsandanti samenti. Hīnādhimuttikā hīnādhimuttikehi saddhiṃ saṃsandanti samenti; kalyāṇādhimuttikā kalyāṇādhimuttikehi saddhiṃ saṃsandanti samentī’’ti. Catutthaṃ.

Next: ៥. ចង្កមសុត្តំ • 5. Caṅkamasuttaṃ

Footnotes:

1. ធាតុសោ (សី. បី.) អយញ្ច បឋមារម្ភវាក្យេយេវ, ន សព្ពត្ថ។ តីសុ បន អទ្ធាសុ ច ឧបមាសំសន្ទននិគមនដ្ឋានេ ច ឥទំ បាឋនានត្តំ នត្ថិ

2. dhātuso (sī. pī.) ayañca paṭhamārambhavākyeyeva, na sabbattha. tīsu pana addhāsu ca upamāsaṃsandananigamanaṭṭhāne ca idaṃ pāṭhanānattaṃ natthi

3. ខោសទ្ទោ សី. ស្យា. កំ. បី. បោត្ថកេសុ នត្ថិ

4. ឦទិសេសុ ឋានេសុ បាឋនានត្តំ នត្ថិ

5. khosaddo sī. syā. kaṃ. pī. potthakesu natthi

6. īdisesu ṭhānesu pāṭhanānattaṃ natthi

7. ខោសទ្ទោ សី. ស្យា. កំ. បី. បោត្ថកេសុ នត្ថិ

8. ឦទិសេសុ ឋានេសុ បាឋនានត្តំ នត្ថិ

9. khosaddo sī. syā. kaṃ. pī. potthakesu natthi

10. īdisesu ṭhānesu pāṭhanānattaṃ natthi

11. ខោសទ្ទោ សី. ស្យា. កំ. បី. បោត្ថកេសុ នត្ថិ

12. ឦទិសេសុ ឋានេសុ បាឋនានត្តំ នត្ថិ

13. khosaddo sī. syā. kaṃ. pī. potthakesu natthi

14. īdisesu ṭhānesu pāṭhanānattaṃ natthi

Related texts:

អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៤. ហីនាធិមុត្តិកសុត្តវណ្ណនា • 4. Hīnādhimuttikasuttavaṇṇanā

ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៤. ហីនាធិមុត្តិកសុត្តវណ្ណនា • 4. Hīnādhimuttikasuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact