| Library / Tipiṭaka / তিপিটক • Tipiṭaka / পট্ঠানপাল়ি • Paṭṭhānapāḷi |
১৪. হীনত্তিকং
14. Hīnattikaṃ
১. পটিচ্চৰারো
1. Paṭiccavāro
১. পচ্চযানুলোমং
1. Paccayānulomaṃ
১. ৰিভঙ্গৰারো
1. Vibhaṅgavāro
হেতুপচ্চযো
Hetupaccayo
১. হীনং ধম্মং পটিচ্চ হীনো ধম্মো উপ্পজ্জতি হেতুপচ্চযা – হীনং একং খন্ধং পটিচ্চ তযো খন্ধা…পে॰… দ্ৰে খন্ধে পটিচ্চ দ্ৰে খন্ধা। (১)
1. Hīnaṃ dhammaṃ paṭicca hīno dhammo uppajjati hetupaccayā – hīnaṃ ekaṃ khandhaṃ paṭicca tayo khandhā…pe… dve khandhe paṭicca dve khandhā. (1)
হীনং ধম্মং পটিচ্চ মজ্ঝিমো ধম্মো উপ্পজ্জতি হেতুপচ্চযা – হীনে খন্ধে পটিচ্চ চিত্তসমুট্ঠানং রূপং। (২)
Hīnaṃ dhammaṃ paṭicca majjhimo dhammo uppajjati hetupaccayā – hīne khandhe paṭicca cittasamuṭṭhānaṃ rūpaṃ. (2)
হীনং ধম্মং পটিচ্চ হীনো চ মজ্ঝিমো চ ধম্মা উপ্পজ্জন্তি হেতুপচ্চযা – হীনং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে॰… দ্ৰে খন্ধে…পে॰…। (৩)
Hīnaṃ dhammaṃ paṭicca hīno ca majjhimo ca dhammā uppajjanti hetupaccayā – hīnaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)
২. মজ্ঝিমং ধম্মং পটিচ্চ মজ্ঝিমো ধম্মো উপ্পজ্জতি হেতুপচ্চযা – মজ্ঝিমং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে॰… দ্ৰে খন্ধে…পে॰… পটিসন্ধিক্খণে…পে॰… খন্ধে পটিচ্চ ৰত্থু, ৰত্থুং পটিচ্চ খন্ধা; একং মহাভূতং…পে॰… মহাভূতে পটিচ্চ চিত্তসমুট্ঠানং রূপং কটত্তারূপং উপাদারূপং। (১)
2. Majjhimaṃ dhammaṃ paṭicca majjhimo dhammo uppajjati hetupaccayā – majjhimaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… khandhe paṭicca vatthu, vatthuṃ paṭicca khandhā; ekaṃ mahābhūtaṃ…pe… mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ. (1)
৩. পণীতং ধম্মং পটিচ্চ পণীতো ধম্মো উপ্পজ্জতি হেতুপচ্চযা… তীণি।
3. Paṇītaṃ dhammaṃ paṭicca paṇīto dhammo uppajjati hetupaccayā… tīṇi.
৪. মজ্ঝিমঞ্চ পণীতঞ্চ ধম্মং পটিচ্চ মজ্ঝিমো ধম্মো উপ্পজ্জতি হেতুপচ্চযা – পণীতে খন্ধে চ মহাভূতে চ পটিচ্চ চিত্তসমুট্ঠানং রূপং। (১)
4. Majjhimañca paṇītañca dhammaṃ paṭicca majjhimo dhammo uppajjati hetupaccayā – paṇīte khandhe ca mahābhūte ca paṭicca cittasamuṭṭhānaṃ rūpaṃ. (1)
৫. হীনঞ্চ মজ্ঝিমঞ্চ ধম্মং পটিচ্চ মজ্ঝিমো ধম্মো উপ্পজ্জতি হেতুপচ্চযা – হীনে খন্ধে চ মহাভূতে চ পটিচ্চ চিত্তসমুট্ঠানং রূপং। (১)
5. Hīnañca majjhimañca dhammaṃ paṭicca majjhimo dhammo uppajjati hetupaccayā – hīne khandhe ca mahābhūte ca paṭicca cittasamuṭṭhānaṃ rūpaṃ. (1)
(হীনত্তিকং সংকিলিট্ঠত্তিকসদিসং ৰিত্থারেতব্বং পরিপুণ্ণং।)
(Hīnattikaṃ saṃkiliṭṭhattikasadisaṃ vitthāretabbaṃ paripuṇṇaṃ.)
হীনত্তিকং নিট্ঠিতং।
Hīnattikaṃ niṭṭhitaṃ.
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৫-২২. সঙ্কিলিট্ঠত্তিকাদিৰণ্ণনা • 5-22. Saṅkiliṭṭhattikādivaṇṇanā
