| Library / Tipiṭaka / තිපිටක • Tipiṭaka / පට්‌ඨානපාළි • Paṭṭhānapāḷi |
14. හීනත්‌තිකං
14. Hīnattikaṃ
1. පටිච්‌චවාරො
1. Paṭiccavāro
1. පච්‌චයානුලොමං
1. Paccayānulomaṃ
1. විභඞ්‌ගවාරො
1. Vibhaṅgavāro
හෙතුපච්‌චයො
Hetupaccayo
1. හීනං ධම්‌මං පටිච්‌ච හීනො ධම්‌මො උප්‌පජ්‌ජති හෙතුපච්‌චයා – හීනං එකං ඛන්‌ධං පටිච්‌ච තයො ඛන්‌ධා…පෙ.… ද්‌වෙ ඛන්‌ධෙ පටිච්‌ච ද්‌වෙ ඛන්‌ධා. (1)
1. Hīnaṃ dhammaṃ paṭicca hīno dhammo uppajjati hetupaccayā – hīnaṃ ekaṃ khandhaṃ paṭicca tayo khandhā…pe… dve khandhe paṭicca dve khandhā. (1)
හීනං ධම්‌මං පටිච්‌ච මජ්‌ඣිමො ධම්‌මො උප්‌පජ්‌ජති හෙතුපච්‌චයා – හීනෙ ඛන්‌ධෙ පටිච්‌ච චිත්‌තසමුට්‌ඨානං රූපං. (2)
Hīnaṃ dhammaṃ paṭicca majjhimo dhammo uppajjati hetupaccayā – hīne khandhe paṭicca cittasamuṭṭhānaṃ rūpaṃ. (2)
හීනං ධම්‌මං පටිච්‌ච හීනො ච මජ්‌ඣිමො ච ධම්‌මා උප්‌පජ්‌ජන්‌ති හෙතුපච්‌චයා – හීනං එකං ඛන්‌ධං පටිච්‌ච තයො ඛන්‌ධා චිත්‌තසමුට්‌ඨානඤ්‌ච රූපං…පෙ.… ද්‌වෙ ඛන්‌ධෙ…පෙ.…. (3)
Hīnaṃ dhammaṃ paṭicca hīno ca majjhimo ca dhammā uppajjanti hetupaccayā – hīnaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe…. (3)
2. මජ්‌ඣිමං ධම්‌මං පටිච්‌ච මජ්‌ඣිමො ධම්‌මො උප්‌පජ්‌ජති හෙතුපච්‌චයා – මජ්‌ඣිමං එකං ඛන්‌ධං පටිච්‌ච තයො ඛන්‌ධා චිත්‌තසමුට්‌ඨානඤ්‌ච රූපං…පෙ.… ද්‌වෙ ඛන්‌ධෙ…පෙ.… පටිසන්‌ධික්‌ඛණෙ…පෙ.… ඛන්‌ධෙ පටිච්‌ච වත්‌ථු, වත්‌ථුං පටිච්‌ච ඛන්‌ධා; එකං මහාභූතං…පෙ.… මහාභූතෙ පටිච්‌ච චිත්‌තසමුට්‌ඨානං රූපං කටත්‌තාරූපං උපාදාරූපං. (1)
2. Majjhimaṃ dhammaṃ paṭicca majjhimo dhammo uppajjati hetupaccayā – majjhimaṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… khandhe paṭicca vatthu, vatthuṃ paṭicca khandhā; ekaṃ mahābhūtaṃ…pe… mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ. (1)
3. පණීතං ධම්‌මං පටිච්‌ච පණීතො ධම්‌මො උප්‌පජ්‌ජති හෙතුපච්‌චයා… තීණි.
3. Paṇītaṃ dhammaṃ paṭicca paṇīto dhammo uppajjati hetupaccayā… tīṇi.
4. මජ්‌ඣිමඤ්‌ච පණීතඤ්‌ච ධම්‌මං පටිච්‌ච මජ්‌ඣිමො ධම්‌මො උප්‌පජ්‌ජති හෙතුපච්‌චයා – පණීතෙ ඛන්‌ධෙ ච මහාභූතෙ ච පටිච්‌ච චිත්‌තසමුට්‌ඨානං රූපං. (1)
4. Majjhimañca paṇītañca dhammaṃ paṭicca majjhimo dhammo uppajjati hetupaccayā – paṇīte khandhe ca mahābhūte ca paṭicca cittasamuṭṭhānaṃ rūpaṃ. (1)
5. හීනඤ්‌ච මජ්‌ඣිමඤ්‌ච ධම්‌මං පටිච්‌ච මජ්‌ඣිමො ධම්‌මො උප්‌පජ්‌ජති හෙතුපච්‌චයා – හීනෙ ඛන්‌ධෙ ච මහාභූතෙ ච පටිච්‌ච චිත්‌තසමුට්‌ඨානං රූපං. (1)
5. Hīnañca majjhimañca dhammaṃ paṭicca majjhimo dhammo uppajjati hetupaccayā – hīne khandhe ca mahābhūte ca paṭicca cittasamuṭṭhānaṃ rūpaṃ. (1)
(හීනත්‌තිකං සංකිලිට්‌ඨත්‌තිකසදිසං විත්‌ථාරෙතබ්‌බං පරිපුණ්‌ණං.)
(Hīnattikaṃ saṃkiliṭṭhattikasadisaṃ vitthāretabbaṃ paripuṇṇaṃ.)
හීනත්‌තිකං නිට්‌ඨිතං.
Hīnattikaṃ niṭṭhitaṃ.
Related texts:
අට්‌ඨකථා • Aṭṭhakathā / අභිධම්‌මපිටක (අට්‌ඨකථා) • Abhidhammapiṭaka (aṭṭhakathā) / පඤ්‌චපකරණ-අට්‌ඨකථා • Pañcapakaraṇa-aṭṭhakathā / 5-22. සඞ්‌කිලිට්‌ඨත්‌තිකාදිවණ්‌ණනා • 5-22. Saṅkiliṭṭhattikādivaṇṇanā
