| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
5. хийнааяаавад̇д̇анабан̃хо
5. Hīnāyāvattanapañho
5. ‘‘бханд̇з нааг̇асзна, маханд̇ам̣ ид̣̇ам̣ д̇ат̇ааг̇ад̇асаасанам̣ саарам̣ варам̣ сздтам̣ баварам̣ анубамам̣ барисуд̣̇д̇хам̣ вималам̣ бан̣д̣арам̣ анаваж̇ж̇ам̣, на яуд̇д̇ам̣ г̇ихим̣ д̇аавад̇агам̣ баб̣б̣аж̇зд̇ум̣, г̇ихий язва 1 згасмим̣ палз винзд̇ваа яад̣̇аа абунараавад̇д̇ий ход̇и д̇ад̣̇аа со баб̣б̣ааж̇зд̇аб̣б̣о. гим̣ гааран̣аа? имз д̣̇уж̇ж̇анаа д̇аава д̇ад̇т̇а саасанз висуд̣̇д̇хз баб̣б̣аж̇ид̇ваа бадинивад̇д̇ид̇ваа хийнааяаавад̇д̇анд̇и, д̇зсам̣ бажжааг̇аманзна аяам̣ махааж̇ано звам̣ вижинд̇зд̇и ‘д̇ужчагам̣ вад̇а бхо зд̇ам̣ саман̣асса г̇од̇амасса саасанам̣ бхависсад̇и, яам̣ имз бадинивад̇д̇анд̇ий’д̇и, ид̣̇амзд̇т̇а гааран̣а’’нд̇и.
5. ‘‘Bhante nāgasena, mahantaṃ idaṃ tathāgatasāsanaṃ sāraṃ varaṃ seṭṭhaṃ pavaraṃ anupamaṃ parisuddhaṃ vimalaṃ paṇḍaraṃ anavajjaṃ, na yuttaṃ gihiṃ tāvatakaṃ pabbajetuṃ, gihī yeva 2 ekasmiṃ phale vinetvā yadā apunarāvattī hoti tadā so pabbājetabbo. Kiṃ kāraṇā? Ime dujjanā tāva tattha sāsane visuddhe pabbajitvā paṭinivattitvā hīnāyāvattanti, tesaṃ paccāgamanena ayaṃ mahājano evaṃ vicinteti ‘tucchakaṃ vata bho etaṃ samaṇassa gotamassa sāsanaṃ bhavissati, yaṃ ime paṭinivattantī’ti, idamettha kāraṇa’’nti.
‘‘яат̇аа, махаарааж̇а, д̇ал̣ааго бхавзяяа самбун̣н̣асуживималасийд̇аласалило, ат̇а яо гожи гилидто малагад̣̇д̣̇амаг̇ад̇о д̇ам̣ д̇ал̣аагам̣ г̇анд̇ваа анахааяид̇ваа гилидтова бадинивад̇д̇зяяа, д̇ад̇т̇а, махаарааж̇а, гад̇амам̣ ж̇ано г̇арахзяяа гилидтам̣ ваа д̇ал̣аагам̣ ваа’’д̇и? ‘‘гилидтам̣, бханд̇з, ж̇ано г̇арахзяяа ‘аяам̣ д̇ал̣аагам̣ г̇анд̇ваа анахааяид̇ваа гилидтова бадинивад̇д̇о, гим̣ имам̣ анахааяид̇угаамам̣ д̇ал̣ааго саяам̣ нахаабзссад̇и, го д̣̇осо д̇ал̣аагассаа’д̇и. звамзва ко, махаарааж̇а , д̇ат̇ааг̇ад̇о вимуд̇д̇иварасалиласамбун̣н̣ам̣ сад̣̇д̇хаммаварад̇ал̣аагам̣ маабзси ‘яз гзжи гилзсамалагилидтаа сажзд̇анаа б̣уд̇хаа, д̇з ид̇ха нахааяид̇ваа саб̣б̣агилзсз баваахаяиссанд̇ий’д̇и. яад̣̇и гожи д̇ам̣ сад̣̇д̇хаммаварад̇ал̣аагам̣ г̇анд̇ваа анахааяид̇ваа сагилзсова бадинивад̇д̇ид̇ваа хийнааяаавад̇д̇ад̇и д̇ам̣ язва ж̇ано г̇арахиссад̇и ‘аяам̣ ж̇инасаасанз баб̣б̣аж̇ид̇ваа д̇ад̇т̇а бад̇идтам̣ алабхид̇ваа хийнааяаавад̇д̇о, гим̣ имам̣ аббадибаж̇ж̇анд̇ам̣ ж̇инасаасанам̣ саяам̣ б̣од̇хзссад̇и, го д̣̇осо ж̇инасаасанассаа’д̇и?
‘‘Yathā, mahārāja, taḷāko bhaveyya sampuṇṇasucivimalasītalasalilo, atha yo koci kiliṭṭho malakaddamagato taṃ taḷākaṃ gantvā anahāyitvā kiliṭṭhova paṭinivatteyya, tattha, mahārāja, katamaṃ jano garaheyya kiliṭṭhaṃ vā taḷākaṃ vā’’ti? ‘‘Kiliṭṭhaṃ, bhante, jano garaheyya ‘ayaṃ taḷākaṃ gantvā anahāyitvā kiliṭṭhova paṭinivatto, kiṃ imaṃ anahāyitukāmaṃ taḷāko sayaṃ nahāpessati, ko doso taḷākassā’ti. Evameva kho, mahārāja , tathāgato vimuttivarasalilasampuṇṇaṃ saddhammavarataḷākaṃ māpesi ‘ye keci kilesamalakiliṭṭhā sacetanā budhā, te idha nahāyitvā sabbakilese pavāhayissantī’ti. Yadi koci taṃ saddhammavarataḷākaṃ gantvā anahāyitvā sakilesova paṭinivattitvā hīnāyāvattati taṃ yeva jano garahissati ‘ayaṃ jinasāsane pabbajitvā tattha patiṭṭhaṃ alabhitvā hīnāyāvatto, kiṃ imaṃ appaṭipajjantaṃ jinasāsanaṃ sayaṃ bodhessati, ko doso jinasāsanassā’ti?
‘‘яат̇аа ваа бана, махаарааж̇а, бурисо барамаб̣яаад̇хид̇о рог̇уббад̇д̇игусалам̣ амогхад̇хувасид̣̇д̇хагаммам̣ бхисаггам̣ саллагад̇д̇ам̣ д̣̇исваа ад̇игижчаабзд̇ваа саб̣яаад̇хигова бадинивад̇д̇зяяа, д̇ад̇т̇а гад̇амам̣ ж̇ано г̇арахзяяа аад̇урам̣ ваа бхисаггам̣ ваа’’д̇и? ‘‘аад̇урам̣, бханд̇з, ж̇ано г̇арахзяяа ‘аяам̣ рог̇уббад̇д̇игусалам̣ амогхад̇хувасид̣̇д̇хагаммам̣ бхисаггам̣ саллагад̇д̇ам̣ д̣̇исваа ад̇игижчаабзд̇ваа саб̣яаад̇хигова бадинивад̇д̇о, гим̣ имам̣ ад̇игижчаабзнд̇ам̣ бхисагго саяам̣ д̇игижчиссад̇и, го д̣̇осо бхисаггассаа’’’д̇и? ‘‘звамзва ко, махаарааж̇а, д̇ат̇ааг̇ад̇о анд̇осаасанасамуг̇г̇з гзвалам̣ сагалагилзсаб̣яаад̇хивуубасаманасамад̇т̇ам̣ амад̇осад̇хам̣ багкиби, ‘яз гзжи гилзсаб̣яаад̇хибийл̣ид̇аа сажзд̇анаа б̣уд̇хаа, д̇з имам̣ амад̇осад̇хам̣ бивид̇ваа саб̣б̣агилзсаб̣яаад̇хим̣ вуубасамзссанд̇ий’д̇и. яад̣̇и гожи яам̣ амад̇осад̇хам̣ абивид̇ваа сагилзсова бадинивад̇д̇ид̇ваа хийнааяаавад̇д̇ад̇и, д̇ам̣ язва ж̇ано г̇арахиссад̇и ‘аяам̣ ж̇инасаасанз баб̣б̣аж̇ид̇ваа д̇ад̇т̇а бад̇идтам̣ алабхид̇ваа хийнааяаавад̇д̇о, гим̣ имам̣ аббадибаж̇ж̇анд̇ам̣ ж̇инасаасанам̣ саяам̣ б̣од̇хзссад̇и, го д̣̇осо ж̇инасаасанассаа’д̇и?
‘‘Yathā vā pana, mahārāja, puriso paramabyādhito roguppattikusalaṃ amoghadhuvasiddhakammaṃ bhisakkaṃ sallakattaṃ disvā atikicchāpetvā sabyādhikova paṭinivatteyya, tattha katamaṃ jano garaheyya āturaṃ vā bhisakkaṃ vā’’ti? ‘‘Āturaṃ, bhante, jano garaheyya ‘ayaṃ roguppattikusalaṃ amoghadhuvasiddhakammaṃ bhisakkaṃ sallakattaṃ disvā atikicchāpetvā sabyādhikova paṭinivatto, kiṃ imaṃ atikicchāpentaṃ bhisakko sayaṃ tikicchissati, ko doso bhisakkassā’’’ti? ‘‘Evameva kho, mahārāja, tathāgato antosāsanasamugge kevalaṃ sakalakilesabyādhivūpasamanasamatthaṃ amatosadhaṃ pakkhipi, ‘ye keci kilesabyādhipīḷitā sacetanā budhā, te imaṃ amatosadhaṃ pivitvā sabbakilesabyādhiṃ vūpasamessantī’ti. Yadi koci yaṃ amatosadhaṃ apivitvā sakilesova paṭinivattitvā hīnāyāvattati, taṃ yeva jano garahissati ‘ayaṃ jinasāsane pabbajitvā tattha patiṭṭhaṃ alabhitvā hīnāyāvatto, kiṃ imaṃ appaṭipajjantaṃ jinasāsanaṃ sayaṃ bodhessati, ko doso jinasāsanassā’ti?
‘‘яат̇аа ваа бана, махаарааж̇а, чаад̇о бурисо махад̇имахаабун̃н̃абхад̇д̇абаривзсанам̣ г̇анд̇ваа д̇ам̣ бхад̇д̇ам̣ абхун̃ж̇ид̇ваа чаад̇ова бадинивад̇д̇зяяа, д̇ад̇т̇а гад̇амам̣ ж̇ано г̇арахзяяа чаад̇ам̣ ваа бун̃н̃абхад̇д̇ам̣ ваа’’д̇и? ‘‘чаад̇ам̣, бханд̇з, ж̇ано г̇арахзяяа ‘аяам̣ куд̣̇аабийл̣ид̇о бун̃н̃абхад̇д̇ам̣ бадилабхид̇ваа абхун̃ж̇ид̇ваа чаад̇ова бадинивад̇д̇о, гим̣ имасса абхун̃ж̇анд̇асса бхож̇анам̣ саяам̣ мукам̣ бависиссад̇и, го д̣̇осо бхож̇анассаа’’’д̇и? ‘‘звамзва ко, махаарааж̇а, д̇ат̇ааг̇ад̇о анд̇осаасанасамуг̇г̇з барамабаварам̣ санд̇ам̣ сивам̣ бан̣ийд̇ам̣ амад̇ам̣ барамамад̇хурам̣ гааяаг̇ад̇аасад̇ибхож̇анам̣ табзси ‘яз гзжи гилзсачаад̇аж̇жхад̇д̇аа д̇ан̣хаабарзд̇амаанасаа сажзд̇анаа б̣уд̇хаа, д̇з имам̣ бхож̇анам̣ бхун̃ж̇ид̇ваа гаамаруубааруубабхавзсу саб̣б̣ам̣ д̇ан̣хамабанзссанд̇ий’д̇и. яад̣̇и гожи д̇ам̣ бхож̇анам̣ абхун̃ж̇ид̇ваа д̇ан̣хаасид̇ова бадинивад̇д̇ид̇ваа хийнааяаавад̇д̇ад̇и, д̇ан̃н̃зва ж̇ано г̇арахиссад̇и ‘аяам̣ ж̇инасаасанз баб̣б̣аж̇ид̇ваа д̇ад̇т̇а бад̇идтам̣ алабхид̇ваа хийнааяаавад̇д̇о, гим̣ имам̣ аббадибаж̇ж̇анд̇ам̣ ж̇инасаасанам̣ саяам̣ б̣од̇хзссаси, го д̣̇осо ж̇инасаасанассаа’д̇и.
‘‘Yathā vā pana, mahārāja, chāto puriso mahatimahāpuññabhattaparivesanaṃ gantvā taṃ bhattaṃ abhuñjitvā chātova paṭinivatteyya, tattha katamaṃ jano garaheyya chātaṃ vā puññabhattaṃ vā’’ti? ‘‘Chātaṃ, bhante, jano garaheyya ‘ayaṃ khudāpīḷito puññabhattaṃ paṭilabhitvā abhuñjitvā chātova paṭinivatto, kiṃ imassa abhuñjantassa bhojanaṃ sayaṃ mukhaṃ pavisissati, ko doso bhojanassā’’’ti? ‘‘Evameva kho, mahārāja, tathāgato antosāsanasamugge paramapavaraṃ santaṃ sivaṃ paṇītaṃ amataṃ paramamadhuraṃ kāyagatāsatibhojanaṃ ṭhapesi ‘ye keci kilesachātajjhattā taṇhāparetamānasā sacetanā budhā, te imaṃ bhojanaṃ bhuñjitvā kāmarūpārūpabhavesu sabbaṃ taṇhamapanessantī’ti. Yadi koci taṃ bhojanaṃ abhuñjitvā taṇhāsitova paṭinivattitvā hīnāyāvattati, taññeva jano garahissati ‘ayaṃ jinasāsane pabbajitvā tattha patiṭṭhaṃ alabhitvā hīnāyāvatto, kiṃ imaṃ appaṭipajjantaṃ jinasāsanaṃ sayaṃ bodhessasi, ko doso jinasāsanassā’ti.
‘‘яад̣̇и, махаарааж̇а, д̇ат̇ааг̇ад̇о г̇ихим̣ язва згасмим̣ палз винийд̇ам̣ баб̣б̣ааж̇зяяа, на наамааяам̣ баб̣б̣аж̇ж̇аа гилзсаббахаанааяа висуд̣̇д̇хияаа ваа, над̇т̇и баб̣б̣аж̇ж̇ааяа гаран̣ийяам̣. яат̇аа, махаарааж̇а, бурисо анзгасад̇зна гаммзна д̇ал̣аагам̣ кан̣аабзд̇ваа барисааяа звамануссаавзяяа ‘маа мз, бхонд̇о, гзжи сам̣гилидтаа имам̣ д̇ал̣аагам̣ од̇арат̇а, баваахид̇араж̇ож̇аллаа барисуд̣̇д̇хаа вималамадтаа имам̣ д̇ал̣аагам̣ од̇арат̇аа’д̇и. аби ну ко, махаарааж̇а, д̇зсам̣ баваахид̇араж̇ож̇аллаанам̣ барисуд̣̇д̇хаанам̣ вималамадтаанам̣ д̇зна д̇ал̣аагзна гаран̣ийяам̣ бхавзяяаа’’д̇и? ‘‘на хи, бханд̇з, яассад̇т̇ааяа д̇з д̇ам̣ д̇ал̣аагам̣ убаг̇ажчзяяум̣, д̇ам̣ ан̃н̃ад̇рзва д̇зсам̣ гад̇ам̣ гаран̣ийяам̣, гим̣ д̇зсам̣ д̇зна д̇ал̣аагзнаа’’д̇и? ‘‘звамзва ко, махаарааж̇а, яад̣̇и д̇ат̇ааг̇ад̇о г̇ихим̣ язва згасмим̣ палз винийд̇ам̣ баб̣б̣ааж̇зяяа, д̇ад̇т̇зва д̇зсам̣ гад̇ам̣ гаран̣ийяам̣, гим̣ д̇зсам̣ баб̣б̣аж̇ж̇ааяа.
‘‘Yadi, mahārāja, tathāgato gihiṃ yeva ekasmiṃ phale vinītaṃ pabbājeyya, na nāmāyaṃ pabbajjā kilesappahānāya visuddhiyā vā, natthi pabbajjāya karaṇīyaṃ. Yathā, mahārāja, puriso anekasatena kammena taḷākaṃ khaṇāpetvā parisāya evamanussāveyya ‘mā me, bhonto, keci saṃkiliṭṭhā imaṃ taḷākaṃ otaratha, pavāhitarajojallā parisuddhā vimalamaṭṭhā imaṃ taḷākaṃ otarathā’ti. Api nu kho, mahārāja, tesaṃ pavāhitarajojallānaṃ parisuddhānaṃ vimalamaṭṭhānaṃ tena taḷākena karaṇīyaṃ bhaveyyā’’ti? ‘‘Na hi, bhante, yassatthāya te taṃ taḷākaṃ upagaccheyyuṃ, taṃ aññatreva tesaṃ kataṃ karaṇīyaṃ, kiṃ tesaṃ tena taḷākenā’’ti? ‘‘Evameva kho, mahārāja, yadi tathāgato gihiṃ yeva ekasmiṃ phale vinītaṃ pabbājeyya, tattheva tesaṃ kataṃ karaṇīyaṃ, kiṃ tesaṃ pabbajjāya.
‘‘яат̇аа ваа бана, махаарааж̇а, сабхааваисибхад̇д̇иго суд̇аманд̇абад̣̇ад̇харо ад̇аггиго рог̇уббад̇д̇игусало амогхад̇хувасид̣̇д̇хагаммо бхисагго саллагад̇д̇о саб̣б̣арог̇уубасамабхзсаж̇ж̇ам̣ саннибаад̇зд̇ваа барисааяа звамануссаавзяяа ‘маа ко, бхонд̇о , гзжи саб̣яаад̇хигаа мама санд̇игз убаг̇ажчат̇а, аб̣яаад̇хигаа арог̇аа мама санд̇игз убаг̇ажчат̇аа’д̇и. аби ну ко, махаарааж̇а, д̇зсам̣ аб̣яаад̇хигаанам̣ арог̇аанам̣ барибун̣н̣аанам̣ уд̣̇аг̇г̇аанам̣ д̇зна бхисаггзна гаран̣ийяам̣ бхавзяяаа’’д̇и? ‘‘на хи, бханд̇з, яассад̇т̇ааяа д̇з д̇ам̣ бхисаггам̣ саллагад̇д̇ам̣ убаг̇ажчзяяум̣, д̇ам̣ ан̃н̃ад̇рзва д̇зсам̣ гад̇ам̣ гаран̣ийяам̣, гим̣ д̇зсам̣ д̇зна бхисаггзнаа’’д̇и? ‘‘звамзва ко, махаарааж̇а, яад̣̇и д̇ат̇ааг̇ад̇о г̇ихим̣ язва згасмим̣ палз винийд̇ам̣ баб̣б̣ааж̇зяяа, д̇ад̇т̇зва д̇зсам̣ гад̇ам̣ гаран̣ийяам̣, гим̣ д̇зсам̣ баб̣б̣аж̇ж̇ааяа?
‘‘Yathā vā pana, mahārāja, sabhāvaisibhattiko sutamantapadadharo atakkiko roguppattikusalo amoghadhuvasiddhakammo bhisakko sallakatto sabbarogūpasamabhesajjaṃ sannipātetvā parisāya evamanussāveyya ‘mā kho, bhonto , keci sabyādhikā mama santike upagacchatha, abyādhikā arogā mama santike upagacchathā’ti. Api nu kho, mahārāja, tesaṃ abyādhikānaṃ arogānaṃ paripuṇṇānaṃ udaggānaṃ tena bhisakkena karaṇīyaṃ bhaveyyā’’ti? ‘‘Na hi, bhante, yassatthāya te taṃ bhisakkaṃ sallakattaṃ upagaccheyyuṃ, taṃ aññatreva tesaṃ kataṃ karaṇīyaṃ, kiṃ tesaṃ tena bhisakkenā’’ti? ‘‘Evameva kho, mahārāja, yadi tathāgato gihiṃ yeva ekasmiṃ phale vinītaṃ pabbājeyya, tattheva tesaṃ kataṃ karaṇīyaṃ, kiṃ tesaṃ pabbajjāya?
‘‘яат̇аа ваа бана, махаарааж̇а, гожи бурисо анзгат̇аалибаагасад̇ам̣ бхож̇анам̣ бадияаад̣̇аабзд̇ваа барисааяа звамануссаавзяяа ‘маа мз, бхонд̇о, гзжи чаад̇аа имам̣ баривзсанам̣ убаг̇ажчат̇а, субхуд̇д̇аа д̇ид̇д̇аа сухид̇аа д̇хаад̇аа бийн̣ид̇аа барибун̣н̣аа имам̣ баривзсанам̣ убаг̇ажчат̇аа’’д̇и. аби ну ко махаарааж̇а, д̇зсам̣ бхуд̇д̇аавийнам̣ д̇ид̇д̇аанам̣ сухид̇аанам̣ д̇хаад̇аанам̣ бийн̣ид̇аанам̣ барибун̣н̣аанам̣ д̇зна бхож̇анзна гаран̣ийяам̣ бхавзяяаа’’д̇и? ‘‘на хи, бханд̇з, яассад̇т̇ааяа д̇з д̇ам̣ баривзсанам̣ убаг̇ажчзяяум̣, д̇ам̣ ан̃н̃ад̇рзва д̇зсам̣ гад̇ам̣ гаран̣ийяам̣, гим̣ д̇зсам̣ д̇ааяа баривзсанааяаа’’д̇и? ‘‘звамзва ко, махаарааж̇а, яад̣̇и д̇ат̇ааг̇ад̇о г̇ихим̣ язва згасмим̣ палз винийд̇ам̣ баб̣б̣ааж̇зяяа, д̇ад̇т̇зва д̇зсам̣ гад̇ам̣ гаран̣ийяам̣, гим̣ д̇зсам̣ баб̣б̣аж̇ж̇ааяа?
‘‘Yathā vā pana, mahārāja, koci puriso anekathālipākasataṃ bhojanaṃ paṭiyādāpetvā parisāya evamanussāveyya ‘mā me, bhonto, keci chātā imaṃ parivesanaṃ upagacchatha, subhuttā tittā suhitā dhātā pīṇitā paripuṇṇā imaṃ parivesanaṃ upagacchathā’’ti. Api nu kho mahārāja, tesaṃ bhuttāvīnaṃ tittānaṃ suhitānaṃ dhātānaṃ pīṇitānaṃ paripuṇṇānaṃ tena bhojanena karaṇīyaṃ bhaveyyā’’ti? ‘‘Na hi, bhante, yassatthāya te taṃ parivesanaṃ upagaccheyyuṃ, taṃ aññatreva tesaṃ kataṃ karaṇīyaṃ, kiṃ tesaṃ tāya parivesanāyā’’ti? ‘‘Evameva kho, mahārāja, yadi tathāgato gihiṃ yeva ekasmiṃ phale vinītaṃ pabbājeyya, tattheva tesaṃ kataṃ karaṇīyaṃ, kiṃ tesaṃ pabbajjāya?
‘‘аби жа, махаарааж̇а, яз хийнааяаавад̇д̇анд̇и, д̇з ж̇инасаасанасса бан̃жа ад̇улияз г̇ун̣з д̣̇ассзнд̇и. гад̇амз бан̃жа? бхуумимаханд̇абхаавам̣ д̣̇ассзнд̇и, барисуд̣̇д̇хавималабхаавам̣ д̣̇ассзнд̇и, баабзхи асам̣ваасияабхаавам̣ д̣̇ассзнд̇и, д̣̇уббадивзд̇хабхаавам̣ д̣̇ассзнд̇и, б̣ахусам̣варарагкияабхаавам̣ д̣̇ассзнд̇и.
‘‘Api ca, mahārāja, ye hīnāyāvattanti, te jinasāsanassa pañca atuliye guṇe dassenti. Katame pañca? Bhūmimahantabhāvaṃ dassenti, parisuddhavimalabhāvaṃ dassenti, pāpehi asaṃvāsiyabhāvaṃ dassenti, duppaṭivedhabhāvaṃ dassenti, bahusaṃvararakkhiyabhāvaṃ dassenti.
‘‘гат̇ам̣ бхуумимаханд̇абхаавам̣ д̣̇ассзнд̇и? яат̇аа, махаарааж̇а, бурисо ад̇хано хийнаж̇ажжо ниб̣б̣исзсо б̣уд̣̇д̇хибарихийно махаараж̇ж̇ам̣ бадилабхид̇ваа на жирассзва барибад̇ад̇и барид̇хам̣сад̇и барихааяад̇и яасад̇о, на саггод̇и иссарияам̣ санд̇хаарзд̇ум̣. гим̣ гааран̣ам̣ ? маханд̇ад̇д̇аа иссарияасса. звамзва ко, махаарааж̇а, яз гзжи ниб̣б̣исзсаа агад̇абун̃н̃аа б̣уд̣̇д̇хибарихийнаа ж̇инасаасанз баб̣б̣аж̇анд̇и, д̇з д̇ам̣ баб̣б̣аж̇ж̇ам̣ баваруд̇д̇амам̣ санд̇хаарзд̇ум̣ ависаханд̇аа на жирассзва ж̇инасаасанаа барибад̇ид̇ваа барид̇хам̣сид̇ваа барихааяид̇ваа хийнааяаавад̇д̇анд̇и, на саггонд̇и ж̇инасаасанам̣ санд̇хаарзд̇ум̣. гим̣ гааран̣ам̣? маханд̇ад̇д̇аа ж̇инасаасанабхуумияаа. звам̣ бхуумимаханд̇абхаавам̣ д̣̇ассзнд̇и.
‘‘Kathaṃ bhūmimahantabhāvaṃ dassenti? Yathā, mahārāja, puriso adhano hīnajacco nibbiseso buddhiparihīno mahārajjaṃ paṭilabhitvā na cirasseva paripatati paridhaṃsati parihāyati yasato, na sakkoti issariyaṃ sandhāretuṃ. Kiṃ kāraṇaṃ ? Mahantattā issariyassa. Evameva kho, mahārāja, ye keci nibbisesā akatapuññā buddhiparihīnā jinasāsane pabbajanti, te taṃ pabbajjaṃ pavaruttamaṃ sandhāretuṃ avisahantā na cirasseva jinasāsanā paripatitvā paridhaṃsitvā parihāyitvā hīnāyāvattanti, na sakkonti jinasāsanaṃ sandhāretuṃ. Kiṃ kāraṇaṃ? Mahantattā jinasāsanabhūmiyā. Evaṃ bhūmimahantabhāvaṃ dassenti.
‘‘гат̇ам̣ барисуд̣̇д̇хавималабхаавам̣ д̣̇ассзнд̇и? яат̇аа, махаарааж̇а, ваари богкарабад̇д̇з вигирад̇и вид̇хамад̇и вид̇хам̣сзд̇и, на таанамубаг̇ажчад̇и нуубалимбад̇и. гим̣ гааран̣ам̣? барисуд̣̇д̇хавималад̇д̇аа бад̣̇умасса. звамзва ко, махаарааж̇а, яз гзжи сатаа гуудаа ван̇гаа гудилаа висамад̣̇идтино ж̇инасаасанз баб̣б̣аж̇анд̇и, д̇з барисуд̣̇д̇хавималанигган̣дагабан̣д̣аравараббаварасаасанад̇о на жирассзва вигирид̇ваа вид̇хамид̇ваа вид̇хам̣сзд̇ваа асан̣тахид̇ваа анубалимбид̇ваа хийнааяаавад̇д̇анд̇и. гим̣ гааран̣ам̣? барисуд̣̇д̇хавималад̇д̇аа ж̇инасаасанасса. звам̣ барисуд̣̇д̇хавималабхаавам̣ д̣̇ассзнд̇и.
‘‘Kathaṃ parisuddhavimalabhāvaṃ dassenti? Yathā, mahārāja, vāri pokkharapatte vikirati vidhamati vidhaṃseti, na ṭhānamupagacchati nūpalimpati. Kiṃ kāraṇaṃ? Parisuddhavimalattā padumassa. Evameva kho, mahārāja, ye keci saṭhā kūṭā vaṅkā kuṭilā visamadiṭṭhino jinasāsane pabbajanti, te parisuddhavimalanikkaṇṭakapaṇḍaravarappavarasāsanato na cirasseva vikiritvā vidhamitvā vidhaṃsetvā asaṇṭhahitvā anupalimpitvā hīnāyāvattanti. Kiṃ kāraṇaṃ? Parisuddhavimalattā jinasāsanassa. Evaṃ parisuddhavimalabhāvaṃ dassenti.
‘‘гат̇ам̣ баабзхи асам̣ваасияабхаавам̣ д̣̇ассзнд̇и? яат̇аа, махаарааж̇а, махаасамуд̣̇д̣̇о на мад̇зна гун̣абзна сам̣васад̇и, яам̣ ход̇и махаасамуд̣̇д̣̇з мад̇ам̣ гун̣абам̣, д̇ам̣ киббамзва д̇ийрам̣ убанзд̇и т̇алам̣ ваа уссаарзд̇и. гим̣ гааран̣ам̣? махаабхууд̇аанам̣ бхаванад̇д̇аа махаасамуд̣̇д̣̇асса. звамзва ко, махаарааж̇а, яз гзжи баабагаа асам̣вуд̇аа ахиригаа агирияаа осаннавийрияаа гусийд̇аа гилидтаа д̣̇уж̇ж̇анаа мануссаа ж̇инасаасанз баб̣б̣аж̇анд̇и, д̇з на жирассзва ж̇инасаасанад̇о араханд̇авималакийн̣аасавамахаабхууд̇абхаванад̇о нигкамид̇ваа асам̣васид̇ваа хийнааяаавад̇д̇анд̇и. гим̣ гааран̣ам̣? баабзхи асам̣ваасияад̇д̇аа ж̇инасаасанасса. звам̣ баабзхи асам̣ваасияабхаавам̣ д̣̇ассзнд̇и.
‘‘Kathaṃ pāpehi asaṃvāsiyabhāvaṃ dassenti? Yathā, mahārāja, mahāsamuddo na matena kuṇapena saṃvasati, yaṃ hoti mahāsamudde mataṃ kuṇapaṃ, taṃ khippameva tīraṃ upaneti thalaṃ vā ussāreti. Kiṃ kāraṇaṃ? Mahābhūtānaṃ bhavanattā mahāsamuddassa. Evameva kho, mahārāja, ye keci pāpakā asaṃvutā ahirikā akiriyā osannavīriyā kusītā kiliṭṭhā dujjanā manussā jinasāsane pabbajanti, te na cirasseva jinasāsanato arahantavimalakhīṇāsavamahābhūtabhavanato nikkhamitvā asaṃvasitvā hīnāyāvattanti. Kiṃ kāraṇaṃ? Pāpehi asaṃvāsiyattā jinasāsanassa. Evaṃ pāpehi asaṃvāsiyabhāvaṃ dassenti.
‘‘гат̇ам̣ д̣̇уббадивзд̇хабхаавам̣ д̣̇ассзнд̇и? яат̇аа, махаарааж̇а, яз гзжи ачзгаа асигкид̇аа асиббино мад̇ивиббахийнаа иссаасаа 3 ваалаг̇г̇авзд̇хам̣ ависаханд̇аа виг̇ал̣анд̇и баггаманд̇и. гим̣ гааран̣ам̣? сан̣хасукумад̣̇уббадивзд̇хад̇д̇аа ваалаг̇г̇асса . звамзва ко, махаарааж̇а, яз гзжи д̣̇уббан̃н̃аа ж̇ал̣аа зл̣амууг̇аа муул̣хаа д̣̇анд̇хаг̇ад̇игаа ж̇анаа ж̇инасаасанз баб̣б̣аж̇анд̇и, д̇з д̇ам̣ барамасан̣хасукумажад̇усажжаббадивзд̇хам̣ бадивиж̇жхид̇ум̣ ависаханд̇аа ж̇инасаасанаа виг̇ал̣ид̇ваа баггамид̇ваа на жирассзва хийнааяаавад̇д̇анд̇и. гим̣ гааран̣ам̣? барамасан̣хасукумад̣̇уббадивзд̇хад̇ааяа сажжаанам̣. звам̣ д̣̇уббадивзд̇хабхаавам̣ д̣̇ассзнд̇и.
‘‘Kathaṃ duppaṭivedhabhāvaṃ dassenti? Yathā, mahārāja, ye keci achekā asikkhitā asippino mativippahīnā issāsā 4 vālaggavedhaṃ avisahantā vigaḷanti pakkamanti. Kiṃ kāraṇaṃ? Saṇhasukhumaduppaṭivedhattā vālaggassa . Evameva kho, mahārāja, ye keci duppaññā jaḷā eḷamūgā mūḷhā dandhagatikā janā jinasāsane pabbajanti, te taṃ paramasaṇhasukhumacatusaccappaṭivedhaṃ paṭivijjhituṃ avisahantā jinasāsanā vigaḷitvā pakkamitvā na cirasseva hīnāyāvattanti. Kiṃ kāraṇaṃ? Paramasaṇhasukhumaduppaṭivedhatāya saccānaṃ. Evaṃ duppaṭivedhabhāvaṃ dassenti.
‘‘гат̇ам̣ б̣ахусам̣варарагкияабхаавам̣ д̣̇ассзнд̇и? яат̇аа, махаарааж̇а, гожид̣̇зва бурисо махад̇имахааяуд̣̇д̇хабхуумимубаг̇ад̇о барасзнааяа д̣̇исаавид̣̇исаахи саманд̇аа бариваарид̇о сад̇д̇ихад̇т̇ам̣ ж̇анамубзнд̇ам̣ д̣̇исваа бхийд̇о осаггад̇и бадинивад̇д̇ад̇и балааяад̇и. гим̣ гааран̣ам̣? б̣ахувид̇хаяуд̣̇д̇хамукарагкан̣абхаяаа. звамзва ко, махаарааж̇а, яз гзжи баабагаа асам̣вуд̇аа ахиригаа агирияаа агканд̇ий жабалаа жалид̇аа ид̇д̇араа б̣аалаж̇анаа ж̇инасаасанз баб̣б̣аж̇анд̇и, д̇з б̣ахувид̇хам̣ сигкаабад̣̇ам̣ барирагкид̇ум̣ ависаханд̇аа осаггид̇ваа бадинивад̇д̇ид̇ваа балааяид̇ваа на жирассзва хийнааяаавад̇д̇анд̇и. гим̣ гааран̣ам̣? б̣ахувид̇хасам̣варарагкияабхаавад̇д̇аа ж̇инасаасанасса. звам̣ б̣ахувид̇хасам̣варарагкияабхаавам̣ д̣̇ассзнд̇и.
‘‘Kathaṃ bahusaṃvararakkhiyabhāvaṃ dassenti? Yathā, mahārāja, kocideva puriso mahatimahāyuddhabhūmimupagato parasenāya disāvidisāhi samantā parivārito sattihatthaṃ janamupentaṃ disvā bhīto osakkati paṭinivattati palāyati. Kiṃ kāraṇaṃ? Bahuvidhayuddhamukharakkhaṇabhayā. Evameva kho, mahārāja, ye keci pāpakā asaṃvutā ahirikā akiriyā akkhantī capalā calitā ittarā bālajanā jinasāsane pabbajanti, te bahuvidhaṃ sikkhāpadaṃ parirakkhituṃ avisahantā osakkitvā paṭinivattitvā palāyitvā na cirasseva hīnāyāvattanti. Kiṃ kāraṇaṃ? Bahuvidhasaṃvararakkhiyabhāvattā jinasāsanassa. Evaṃ bahuvidhasaṃvararakkhiyabhāvaṃ dassenti.
‘‘т̇алаж̇уд̇д̇амзби, махаарааж̇а, вассигааг̇умб̣з гимивид̣̇д̇хаани бубпаани хонд̇и, д̇аани ан̇гураани сан̇гудид̇аани анд̇араа язва барибад̇анд̇и, на жа д̇зсу барибад̇ид̇зсу вассигааг̇умб̣о хийл̣ид̇о наама ход̇и. яаани д̇ад̇т̇а тид̇аани бубпаани, д̇аани саммаа г̇анд̇хзна д̣̇исаавид̣̇исам̣ абхиб̣яаабзнд̇и. звамзва ко, махаарааж̇а, яз д̇з ж̇инасаасанз баб̣б̣аж̇ид̇ваа хийнааяаавад̇д̇анд̇и, д̇з ж̇инасаасанз гимивид̣̇д̇хаани вассигаабубпаани вияа ван̣н̣аг̇анд̇харахид̇аа ниб̣б̣ан̣н̣аагаарасийлаа абхаб̣б̣аа взбуллааяа, на жа д̇зсам̣ хийнааяаавад̇д̇анзна ж̇инасаасанам̣ хийл̣ид̇ам̣ наама ход̇и. яз д̇ад̇т̇а тид̇аа бхигкуу, д̇з сад̣̇звагам̣ логам̣ сийлавараг̇анд̇хзна абхиб̣яаабзнд̇и.
‘‘Thalajuttamepi, mahārāja, vassikāgumbe kimividdhāni pupphāni honti, tāni aṅkurāni saṅkuṭitāni antarā yeva paripatanti, na ca tesu paripatitesu vassikāgumbo hīḷito nāma hoti. Yāni tattha ṭhitāni pupphāni, tāni sammā gandhena disāvidisaṃ abhibyāpenti. Evameva kho, mahārāja, ye te jinasāsane pabbajitvā hīnāyāvattanti, te jinasāsane kimividdhāni vassikāpupphāni viya vaṇṇagandharahitā nibbaṇṇākārasīlā abhabbā vepullāya, na ca tesaṃ hīnāyāvattanena jinasāsanaṃ hīḷitaṃ nāma hoti. Ye tattha ṭhitā bhikkhū, te sadevakaṃ lokaṃ sīlavaragandhena abhibyāpenti.
‘‘саалийнамби, махаарааж̇а, нираад̇ан̇гаанам̣ лохид̇агаанам̣ анд̇арз гарумбхагам̣ наама саалиж̇аад̇и уббаж̇ж̇ид̇ваа анд̇араа язва винассад̇и, на жа д̇ассаа винадтад̇д̇аа лохид̇агасаалий хийл̣ид̇аа наама хонд̇и. яз д̇ад̇т̇а тид̇аа саалий, д̇з рааж̇уубабхог̇аа хонд̇и. звамзва ко, махаарааж̇а, яз д̇з ж̇инасаасанз баб̣б̣аж̇ид̇ваа хийнааяаавад̇д̇анд̇и, д̇з лохид̇агасаалийнаманд̇арз гарумбхагаа вияа ж̇инасаасанз на вад̣дхид̇ваа взбуллад̇ам̣ на баабун̣ид̇ваа 5 анд̇араа язва хийнааяаавад̇д̇анд̇и, на жа д̇зсам̣ хийнааяаавад̇д̇анзна ж̇инасаасанам̣ хийл̣ид̇ам̣ наама ход̇и. яз д̇ад̇т̇а тид̇аа бхигкуу д̇з арахад̇д̇асса анужчавигаа хонд̇и.
‘‘Sālīnampi, mahārāja, nirātaṅkānaṃ lohitakānaṃ antare karumbhakaṃ nāma sālijāti uppajjitvā antarā yeva vinassati, na ca tassā vinaṭṭhattā lohitakasālī hīḷitā nāma honti. Ye tattha ṭhitā sālī, te rājūpabhogā honti. Evameva kho, mahārāja, ye te jinasāsane pabbajitvā hīnāyāvattanti, te lohitakasālīnamantare karumbhakā viya jinasāsane na vaḍḍhitvā vepullataṃ na pāpuṇitvā 6 antarā yeva hīnāyāvattanti, na ca tesaṃ hīnāyāvattanena jinasāsanaṃ hīḷitaṃ nāma hoti. Ye tattha ṭhitā bhikkhū te arahattassa anucchavikā honti.
‘‘гаамад̣̇ад̣̇ассааби , махаарааж̇а, ман̣ирад̇анасса згад̣̇зсам̣ 7 гаггасам̣ уббаж̇ж̇ад̇и, на жа д̇ад̇т̇а гаггасуббаннад̇д̇аа ман̣ирад̇анам̣ хийл̣ид̇ам̣ наама ход̇и. яам̣ д̇ад̇т̇а барисуд̣̇д̇хам̣ ман̣ирад̇анасса, д̇ам̣ ж̇анасса хаасагарам̣ ход̇и. звамзва ко, махаарааж̇а, яз д̇з ж̇инасаасанз баб̣б̣аж̇ид̇ваа хийнааяаавад̇д̇анд̇и, гаггасаа д̇з ж̇инасаасанз бабадигаа, на жа д̇зсам̣ хийнааяаавад̇д̇анзна ж̇инасаасанам̣ хийл̣ид̇ам̣ наама ход̇и. яз д̇ад̇т̇а тид̇аа бхигкуу, д̇з д̣̇звамануссаанам̣ хаасаж̇анагаа хонд̇и.
‘‘Kāmadadassāpi , mahārāja, maṇiratanassa ekadesaṃ 8 kakkasaṃ uppajjati, na ca tattha kakkasuppannattā maṇiratanaṃ hīḷitaṃ nāma hoti. Yaṃ tattha parisuddhaṃ maṇiratanassa, taṃ janassa hāsakaraṃ hoti. Evameva kho, mahārāja, ye te jinasāsane pabbajitvā hīnāyāvattanti, kakkasā te jinasāsane papaṭikā, na ca tesaṃ hīnāyāvattanena jinasāsanaṃ hīḷitaṃ nāma hoti. Ye tattha ṭhitā bhikkhū, te devamanussānaṃ hāsajanakā honti.
‘‘ж̇аад̇исамбаннассаби, махаарааж̇а, лохид̇ажанд̣̇анасса згад̣̇зсам̣ бууд̇игам̣ ход̇и аббаг̇анд̇хам̣. на д̇зна лохид̇ажанд̣̇анам̣ хийл̣ид̇ам̣ наама ход̇и. яам̣ д̇ад̇т̇а абууд̇игам̣ суг̇анд̇хам̣, д̇ам̣ саманд̇аа вид̇хуубзд̇и абхиб̣яаабзд̇и. звамзва ко, махаарааж̇а, яз д̇з ж̇инасаасанз баб̣б̣аж̇ид̇ваа хийнааяаавад̇д̇анд̇и, д̇з лохид̇ажанд̣̇анасааранд̇арз бууд̇игад̣̇зсамива чад̣д̣анийяаа ж̇инасаасанз, на жа д̇зсам̣ хийнааяаавад̇д̇анзна ж̇инасаасанам̣ хийл̣ид̇ам̣ наама ход̇и. яз д̇ад̇т̇а тид̇аа бхигкуу, д̇з сад̣̇звагам̣ логам̣ сийлаваражанд̣̇анаг̇анд̇хзна анулимбаяанд̇ий’’д̇и.
‘‘Jātisampannassapi, mahārāja, lohitacandanassa ekadesaṃ pūtikaṃ hoti appagandhaṃ. Na tena lohitacandanaṃ hīḷitaṃ nāma hoti. Yaṃ tattha apūtikaṃ sugandhaṃ, taṃ samantā vidhūpeti abhibyāpeti. Evameva kho, mahārāja, ye te jinasāsane pabbajitvā hīnāyāvattanti, te lohitacandanasārantare pūtikadesamiva chaḍḍanīyā jinasāsane, na ca tesaṃ hīnāyāvattanena jinasāsanaṃ hīḷitaṃ nāma hoti. Ye tattha ṭhitā bhikkhū, te sadevakaṃ lokaṃ sīlavaracandanagandhena anulimpayantī’’ti.
‘‘саад̇ху, бханд̇з нааг̇асзна, д̇зна д̇зна анужчавигзна д̇зна д̇зна сад̣̇исзна гааран̣зна нираваж̇ж̇аманубаабид̇ам̣ ж̇инасаасанам̣ сздтабхаавзна барид̣̇ийбид̇ам̣, хийнааяаавад̇д̇амаанааби д̇з ж̇инасаасанасса сздтабхаавам̣ язва барид̣̇ийбзнд̇ий’’д̇и.
‘‘Sādhu, bhante nāgasena, tena tena anucchavikena tena tena sadisena kāraṇena niravajjamanupāpitaṃ jinasāsanaṃ seṭṭhabhāvena paridīpitaṃ, hīnāyāvattamānāpi te jinasāsanassa seṭṭhabhāvaṃ yeva paridīpentī’’ti.
хийнааяаавад̇д̇анабан̃хо бан̃жамо.
Hīnāyāvattanapañho pañcamo.
Footnotes:
