| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[363] 3. хириж̇аад̇агаван̣н̣анаа
[363] 3. Hirijātakavaṇṇanā
хирим̣ д̇аранд̇анд̇и ид̣̇ам̣ сад̇т̇аа ж̇зд̇аванз вихаранд̇о анаат̇абин̣д̣игасса сахааяам̣ бажжанд̇аваасисздтим̣ аараб̣бха гат̇зси. д̣̇взби вад̇т̇ууни згаганибаад̇з навамаваг̇г̇асса барияосаанаж̇аад̇агз вид̇т̇аарид̇аанзва. ид̇ха бана ‘‘бажжанд̇аваасисздтино мануссаа ажчиннасаб̣б̣асаабад̇зяяаа ад̇д̇ано санд̇агасса ассаамино худ̇ваа балаад̇аа’’д̇и б̣аараан̣асисздтисса аарожид̇з б̣аараан̣асисздти ‘‘ад̇д̇ано санд̇игам̣ ааг̇ад̇аанам̣ гад̇д̇аб̣б̣ам̣ агаронд̇аа наама бадигаарагз на лабханд̇иязваа’’д̇и вад̇ваа имаа г̇аат̇аа абхааси –
Hiriṃtarantanti idaṃ satthā jetavane viharanto anāthapiṇḍikassa sahāyaṃ paccantavāsiseṭṭhiṃ ārabbha kathesi. Dvepi vatthūni ekakanipāte navamavaggassa pariyosānajātake vitthāritāneva. Idha pana ‘‘paccantavāsiseṭṭhino manussā acchinnasabbasāpateyyā attano santakassa assāmino hutvā palātā’’ti bārāṇasiseṭṭhissa ārocite bārāṇasiseṭṭhi ‘‘attano santikaṃ āgatānaṃ kattabbaṃ akarontā nāma paṭikārake na labhantiyevā’’ti vatvā imā gāthā abhāsi –
70.
70.
‘‘хирим̣ д̇аранд̇ам̣ виж̇иг̇ужчамаанам̣, д̇аваахамасмий ид̇и бхаасамаанам̣;
‘‘Hiriṃ tarantaṃ vijigucchamānaṃ, tavāhamasmī iti bhāsamānaṃ;
сзяяаани гаммаани анаад̣̇ияанд̇ам̣, нзсо маманд̇и ид̇и нам̣ виж̇ан̃н̃аа.
Seyyāni kammāni anādiyantaṃ, neso mamanti iti naṃ vijaññā.
71.
71.
‘‘яан̃хи гаяираа д̇ан̃хи вад̣̇з, яам̣ на гаяираа на д̇ам̣ вад̣̇з;
‘‘Yañhi kayirā tañhi vade, yaṃ na kayirā na taṃ vade;
агаронд̇ам̣ бхаасамаанам̣, бариж̇аананд̇и бан̣д̣ид̇аа.
Akarontaṃ bhāsamānaṃ, parijānanti paṇḍitā.
72.
72.
‘‘на со мид̇д̇о яо сад̣̇аа аббамад̇д̇о, бхзд̣̇аасан̇гий ранд̇хамзваанубассий;
‘‘Na so mitto yo sadā appamatto, bhedāsaṅkī randhamevānupassī;
яасмин̃жа сзд̇ий урасийва буд̇д̇о, са вз мид̇д̇о яо абхзж̇ж̇о барзхи.
Yasmiñca setī urasīva putto, sa ve mitto yo abhejjo parehi.
73.
73.
‘‘баамож̇ж̇агаран̣ам̣ таанам̣, басам̣сааваханам̣ сукам̣;
‘‘Pāmojjakaraṇaṃ ṭhānaṃ, pasaṃsāvahanaṃ sukhaṃ;
палаанисам̣со бхаавзд̇и, ваханд̇о борисам̣ д̇хурам̣.
Phalānisaṃso bhāveti, vahanto porisaṃ dhuraṃ.
74.
74.
‘‘бавивзгарасам̣ бид̇ваа, расам̣ убасамасса жа;
‘‘Pavivekarasaṃ pitvā, rasaṃ upasamassa ca;
нид̣̇д̣̇аро ход̇и ниббаабо, д̇хаммаббийд̇ирасам̣ бива’’нд̇и.
Niddaro hoti nippāpo, dhammappītirasaṃ piva’’nti.
д̇ад̇т̇а хирим̣ д̇аранд̇анд̇и лаж̇ж̇ам̣ ад̇игганд̇ам̣. виж̇иг̇ужчамаананд̇и мид̇д̇абхаавзна ж̇иг̇ужчаяамаанам̣. д̇аваахамасмийд̇и ‘‘д̇ава ахам̣ мид̇д̇о’’д̇и гзвалам̣ важанамад̇д̇знзва бхаасамаанам̣. сзяяаани гаммаанид̇и ‘‘д̣̇ассаами гариссаамий’’д̇и важанасса ануруубаани уд̇д̇амагаммаани. анаад̣̇ияанд̇анд̇и агаронд̇ам̣. нзсо маманд̇и зваруубам̣ буг̇г̇алам̣ ‘‘на зсо мама мид̇д̇о’’д̇и виж̇ан̃н̃аа.
Tattha hiriṃ tarantanti lajjaṃ atikkantaṃ. Vijigucchamānanti mittabhāvena jigucchayamānaṃ. Tavāhamasmīti ‘‘tava ahaṃ mitto’’ti kevalaṃ vacanamatteneva bhāsamānaṃ. Seyyāni kammāniti ‘‘dassāmi karissāmī’’ti vacanassa anurūpāni uttamakammāni. Anādiyantanti akarontaṃ. Neso mamanti evarūpaṃ puggalaṃ ‘‘na eso mama mitto’’ti vijaññā.
баамож̇ж̇агаран̣ам̣ таананд̇и д̣̇аанамби сийламби бхааванааби бан̣д̣ид̇зхи галяаан̣амид̇д̇зхи сад̣̇д̇хим̣ мид̇д̇абхаавоби. ид̇ха бана вуд̇д̇аббагаарам̣ мид̇д̇абхаавамзва санд̇хааязвамааха. бан̣д̣ид̇зна хи галяаан̣амид̇д̇зна сад̣̇д̇хим̣ мид̇д̇абхааво баамож̇ж̇амби гарод̇и, басам̣самби вахад̇и. ид̇халогабаралогзсу гааяигажзд̇асигасукахзд̇уд̇о ‘‘сука’’нд̇иби вужжад̇и, д̇асмаа зд̇ам̣ палан̃жа аанисам̣сан̃жа самбассамаано палаанисам̣со гулабуд̇д̇о бурисзхи вахид̇аб̣б̣ам̣ д̣̇аанасийлабхааванаамид̇д̇абхаавасан̇каад̇ам̣ жад̇уб̣б̣ид̇хамби борисам̣ д̇хурам̣ ваханд̇о зд̇ам̣ мид̇д̇абхаавасан̇каад̇ам̣ баамож̇ж̇агаран̣ам̣ таанам̣ басам̣сааваханам̣ сукам̣ бхаавзд̇и вад̣дхзд̇и, на бан̣д̣ид̇зхи мид̇д̇абхаавам̣ бхинд̣̇ад̇ийд̇и д̣̇ийбзд̇и.
Pāmojjakaraṇaṃṭhānanti dānampi sīlampi bhāvanāpi paṇḍitehi kalyāṇamittehi saddhiṃ mittabhāvopi. Idha pana vuttappakāraṃ mittabhāvameva sandhāyevamāha. Paṇḍitena hi kalyāṇamittena saddhiṃ mittabhāvo pāmojjampi karoti, pasaṃsampi vahati. Idhalokaparalokesu kāyikacetasikasukhahetuto ‘‘sukha’’ntipi vuccati, tasmā etaṃ phalañca ānisaṃsañca sampassamāno phalānisaṃso kulaputto purisehi vahitabbaṃ dānasīlabhāvanāmittabhāvasaṅkhātaṃ catubbidhampi porisaṃ dhuraṃ vahanto etaṃ mittabhāvasaṅkhātaṃ pāmojjakaraṇaṃ ṭhānaṃ pasaṃsāvahanaṃ sukhaṃ bhāveti vaḍḍheti, na paṇḍitehi mittabhāvaṃ bhindatīti dīpeti.
бавивзгарасанд̇и гааяажид̇д̇аубад̇хививзгаанам̣ расам̣ д̇з вивзгз ниссааяа уббаннам̣ соманассарасам̣. убасамасса жаад̇и гилзсуубасамзна лад̣̇д̇хасоманассасса. нид̣̇д̣̇аро ход̇и ниббаабод̇и саб̣б̣агилзсад̣̇арат̇аабхаавзна нид̣̇д̣̇аро, гилзсаабхаавзна ниббаабо ход̇и. д̇хаммаббийд̇ирасанд̇и д̇хаммабийд̇исан̇каад̇ам̣ расам̣, вимуд̇д̇ибийд̇им̣ биванд̇од̇и ад̇т̇о.
Pavivekarasanti kāyacittaupadhivivekānaṃ rasaṃ te viveke nissāya uppannaṃ somanassarasaṃ. Upasamassa cāti kilesūpasamena laddhasomanassassa. Niddaro hoti nippāpoti sabbakilesadarathābhāvena niddaro, kilesābhāvena nippāpo hoti. Dhammappītirasanti dhammapītisaṅkhātaṃ rasaṃ, vimuttipītiṃ pivantoti attho.
ид̇и махаасад̇д̇о баабамид̇д̇асам̣саг̇г̇ад̇о уб̣б̣иг̇г̇о бавивзгарасзна амад̇амахааниб̣б̣аанам̣ баабзд̇ваа д̣̇зсанааяа гуудам̣ г̇ан̣хи.
Iti mahāsatto pāpamittasaṃsaggato ubbiggo pavivekarasena amatamahānibbānaṃ pāpetvā desanāya kūṭaṃ gaṇhi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа бажжанд̇аваасий ид̣̇аани бажжанд̇аваасийязва, д̇ад̣̇аа б̣аараан̣асисздти ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā paccantavāsī idāni paccantavāsīyeva, tadā bārāṇasiseṭṭhi ahameva ahosi’’nti.
хириж̇аад̇агаван̣н̣анаа д̇ад̇ияаа.
Hirijātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 363. хириж̇аад̇агам̣ • 363. Hirijātakaṃ
