| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
7. махааваг̇г̇о
7. Mahāvaggo
1-2. хириод̇д̇аббасуд̇д̇аад̣̇иван̣н̣анаа
1-2. Hiriottappasuttādivaṇṇanā
65-66. сад̇д̇амасса батамам̣ уд̇д̇аанамзва. д̣̇уд̇ияз д̇аяо сам̣ваддаад̇и аабосам̣ваддо, д̇зж̇осам̣ваддо, вааяосам̣ваддод̇и д̇аяо сам̣ваддаа. д̇иссо сам̣ваддасиймаад̇и аабхассараа, субхагин̣хаа, взхабпалаад̇и д̇иссо сам̣ваддасиймаа. яад̣̇аа хи габбо д̇зж̇зна сам̣ваддад̇и винассад̇и, д̇ад̣̇аа аабхассарад̇о хздтаа аг̇г̇инаа д̣аяхад̇и. яад̣̇аа аабзна сам̣ваддад̇и, д̇ад̣̇аа субхагин̣хад̇о хздтаа уд̣̇агзна вилийяад̇и. яад̣̇аа вааяунаа сам̣ваддад̇и, д̇ад̣̇аа взхабпалад̇о хздтаа вааяунаа вид̣̇д̇хам̣сад̇и. вид̇т̇аарад̇о бана сад̣̇ааби згам̣ б̣уд̣̇д̇хагкзд̇д̇ам̣ винассад̇и. б̣уд̣̇д̇хагкзд̇д̇ам̣ наама д̇ивид̇хам̣ ход̇и ж̇аад̇игкзд̇д̇ам̣ аан̣аагкзд̇д̇ам̣ висаяагкзд̇д̇анд̇и. д̇ад̇т̇а ж̇аад̇игкзд̇д̇ам̣ наама д̣̇асасахассажаггаваал̣абарияанд̇ам̣ ход̇и, яам̣ д̇ат̇ааг̇ад̇асса бадисанд̇хиг̇ахан̣аад̣̇ийсу гамбад̇и. аан̣аагкзд̇д̇ам̣ годисахассажаггаваал̣абарияанд̇ам̣, яад̇т̇а рад̇анасуд̇д̇ам̣ (ку. баа. 6.1 аад̣̇аяо; су. ни. 224 аад̣̇аяо) канд̇хабарид̇д̇ам̣ (а. ни. 4.67; жуул̣ава. 251) д̇хаж̇аг̇г̇абарид̇д̇ам̣ (сам̣. ни. 1.249). аадаанаадияабарид̇д̇ам̣ (д̣̇ий. ни. 3.275 аад̣̇аяо), морабарид̇д̇анд̇и (ж̇аа. 1.2.17-18) имзсам̣ барид̇д̇аанам̣ аанубхааво вад̇д̇ад̇и. висаяагкзд̇д̇ам̣ ананд̇амабаримаан̣ам̣, яам̣ ‘‘яаавад̇аа ваа бана ааган̇кзяяаа’’д̇и вуд̇д̇ам̣. звамзд̇зсу д̇ийсу б̣уд̣̇д̇хагкзд̇д̇зсу згам̣ аан̣аагкзд̇д̇ам̣ винассад̇и. д̇асмим̣ бана винассанд̇з ж̇аад̇игкзд̇д̇ам̣ винадтамзва ход̇и. винассанд̇ан̃жа згад̇ова винассад̇и, сан̣таханд̇амби згад̇ова сан̣тахад̇и.
65-66. Sattamassa paṭhamaṃ uttānameva. Dutiye tayo saṃvaṭṭāti āposaṃvaṭṭo, tejosaṃvaṭṭo, vāyosaṃvaṭṭoti tayo saṃvaṭṭā. Tisso saṃvaṭṭasīmāti ābhassarā, subhakiṇhā, vehapphalāti tisso saṃvaṭṭasīmā. Yadā hi kappo tejena saṃvaṭṭati vinassati, tadā ābhassarato heṭṭhā agginā ḍayhati. Yadā āpena saṃvaṭṭati, tadā subhakiṇhato heṭṭhā udakena vilīyati. Yadā vāyunā saṃvaṭṭati, tadā vehapphalato heṭṭhā vāyunā viddhaṃsati. Vitthārato pana sadāpi ekaṃ buddhakkhettaṃ vinassati. Buddhakkhettaṃ nāma tividhaṃ hoti jātikkhettaṃ āṇākkhettaṃ visayakkhettanti. Tattha jātikkhettaṃ nāma dasasahassacakkavāḷapariyantaṃ hoti, yaṃ tathāgatassa paṭisandhigahaṇādīsu kampati. Āṇākkhettaṃ koṭisahassacakkavāḷapariyantaṃ, yattha ratanasuttaṃ (khu. pā. 6.1 ādayo; su. ni. 224 ādayo) khandhaparittaṃ (a. ni. 4.67; cūḷava. 251) dhajaggaparittaṃ (saṃ. ni. 1.249). Āṭānāṭiyaparittaṃ (dī. ni. 3.275 ādayo), moraparittanti (jā. 1.2.17-18) imesaṃ parittānaṃ ānubhāvo vattati. Visayakkhettaṃ anantamaparimāṇaṃ, yaṃ ‘‘yāvatā vā pana ākaṅkheyyā’’ti vuttaṃ. Evametesu tīsu buddhakkhettesu ekaṃ āṇākkhettaṃ vinassati. Tasmiṃ pana vinassante jātikkhettaṃ vinaṭṭhameva hoti. Vinassantañca ekatova vinassati, saṇṭhahantampi ekatova saṇṭhahati.
д̇ийн̣и сам̣ваддамуулаанийд̇и рааг̇ад̣̇осамохасан̇каад̇аани д̇ийн̣и сам̣ваддагааран̣аани. рааг̇аад̣̇ийсу хи агусаламуулзсу уссаннзсу лого винассад̇и. д̇ат̇аа хи рааг̇з уссаннад̇арз аг̇г̇инаа винассад̇и, д̣̇осз уссаннад̇арз уд̣̇агзна, мохз уссаннад̇арз ваад̇зна. гзжи бана ‘‘д̣̇осз уссаннад̇арз аг̇г̇инаа, рааг̇з уд̣̇агзнаа’’д̇и вад̣̇анд̇и.
Tīṇi saṃvaṭṭamūlānīti rāgadosamohasaṅkhātāni tīṇi saṃvaṭṭakāraṇāni. Rāgādīsu hi akusalamūlesu ussannesu loko vinassati. Tathā hi rāge ussannatare agginā vinassati, dose ussannatare udakena, mohe ussannatare vātena. Keci pana ‘‘dose ussannatare agginā, rāge udakenā’’ti vadanti.
д̇ийн̣и голаахалаанийд̇и габбаголаахалам̣, б̣уд̣̇д̇хаголаахалам̣, жаггавад̇д̇иголаахаланд̇и д̇ийн̣и голаахалаани. д̇ад̇т̇а ‘‘вассасад̇асахассамад̇т̇агз габбудтаанам̣ наама бхависсад̇ий’’д̇иаад̣̇инаа д̣̇звад̇аахи уг̇гхосид̇асад̣̇д̣̇о габбаголаахалам̣ наама ход̇и. ‘‘ид̇о вассасад̇асахассамад̇т̇агз лого винассиссад̇и, мзд̇д̇ам̣, маарисаа, бхаавзт̇а гарун̣ам̣ муд̣̇ид̇ам̣ убзгка’’нд̇и мануссабат̇з д̣̇звад̇аа гхосанд̇ияо жаранд̇и. ‘‘вассасахассамад̇т̇агз б̣уд̣̇д̇хо уббаж̇ж̇иссад̇ий’’д̇и б̣уд̣̇д̇хаголаахалам̣ наама ход̇и. ‘‘ид̇о вассасахассамад̇т̇агз б̣уд̣̇д̇хо уббаж̇ж̇ид̇ваа д̇хаммаануд̇хаммаббадибанно сан̇гхарад̇анзна бариваарид̇о д̇хаммам̣ д̣̇зсзнд̇о вижариссад̇ий’’д̇и д̣̇звад̇аа уг̇гхосанд̇и. ‘‘вассасад̇амад̇т̇агз бана жаггавад̇д̇ий уббаж̇ж̇иссад̇ий’’д̇и жаггавад̇д̇иголаахалам̣ наама ход̇и. ‘‘ид̇о вассасад̇амад̇т̇агз сад̇д̇арад̇анасамбанно жаад̇уд̣̇д̣̇ийбиссаро сахассабаривааро взхаасан̇г̇амо жаггавад̇д̇ий рааж̇аа уббаж̇ж̇иссад̇ий’’д̇и д̣̇звад̇аа уг̇гхосанд̇и.
Tīṇi kolāhalānīti kappakolāhalaṃ, buddhakolāhalaṃ, cakkavattikolāhalanti tīṇi kolāhalāni. Tattha ‘‘vassasatasahassamatthake kappuṭṭhānaṃ nāma bhavissatī’’tiādinā devatāhi ugghositasaddo kappakolāhalaṃ nāma hoti. ‘‘Ito vassasatasahassamatthake loko vinassissati, mettaṃ, mārisā, bhāvetha karuṇaṃ muditaṃ upekkha’’nti manussapathe devatā ghosantiyo caranti. ‘‘Vassasahassamatthake buddho uppajjissatī’’ti buddhakolāhalaṃ nāma hoti. ‘‘Ito vassasahassamatthake buddho uppajjitvā dhammānudhammappaṭipanno saṅgharatanena parivārito dhammaṃ desento vicarissatī’’ti devatā ugghosanti. ‘‘Vassasatamatthake pana cakkavattī uppajjissatī’’ti cakkavattikolāhalaṃ nāma hoti. ‘‘Ito vassasatamatthake sattaratanasampanno cātuddīpissaro sahassaparivāro vehāsaṅgamo cakkavattī rājā uppajjissatī’’ti devatā ugghosanti.
ажирадтзна на д̇хуваад̇и уд̣̇агаб̣уб̣б̣ул̣аад̣̇аяо вияа на жирадтааяид̇ааяа д̇хувабхааварахид̇аа. ассаасарахид̇аад̇и субинагз бийд̇абаанийяам̣ вияа анулид̇д̇ажанд̣̇анам̣ вияа жа ассаасавирахид̇аа.
Aciraṭṭhena na dhuvāti udakabubbuḷādayo viya na ciraṭṭhāyitāya dhuvabhāvarahitā. Assāsarahitāti supinake pītapānīyaṃ viya anulittacandanaṃ viya ca assāsavirahitā.
убагаббанамзгход̇и габбавинаасагамзгхам̣ санд̇хааяа вад̣̇ад̇и. яасмин̃хи самаяз габбо аг̇г̇инаа нассад̇и, аад̣̇ид̇ова габбавинаасагамахаамзгхо удтахид̇ваа годисад̇асахассажаггаваал̣з згамахаавассам̣ вассад̇и. мануссаа д̇удтахадтаа саб̣б̣аб̣ийж̇аани нийхарид̇ваа вабанд̇и. сассзсу бана г̇окааяид̇агамад̇д̇зсу ж̇аад̇зсу г̇ад̣̇рабхаравам̣ раванд̇о згаб̣инд̣̇умби на вассад̇и, д̇ад̣̇аа бажчиннам̣ бажчиннамзва вассам̣ ход̇и. д̇знааха ‘‘д̇ад̣̇аа нигканд̇аб̣ийж̇ам̣..бз… згаб̣инд̣̇умби д̣̇зво на вассад̇ий’’д̇и. ‘‘вассасад̇асахасса ажжаязна габбавудтаанам̣ бхависсад̇ий’’д̇иаад̣̇инаа д̣̇звад̇аахи вуд̇д̇аважанам̣ суд̇ваа язбхуяязна мануссаа жа бхуммад̣̇звад̇аа жа сам̣взг̇аж̇аад̇аа ан̃н̃аман̃н̃ам̣ муд̣̇ужид̇д̇аа худ̇ваа мзд̇д̇аад̣̇ийни бун̃н̃ааний гад̇ваа д̣̇звалогз ниб̣б̣ад̇д̇анд̇и, авийжид̇о бадтааяа д̇ужчо ход̇ийд̇и.
Upakappanameghoti kappavināsakameghaṃ sandhāya vadati. Yasmiñhi samaye kappo agginā nassati, āditova kappavināsakamahāmegho uṭṭhahitvā koṭisatasahassacakkavāḷe ekamahāvassaṃ vassati. Manussā tuṭṭhahaṭṭhā sabbabījāni nīharitvā vapanti. Sassesu pana gokhāyitakamattesu jātesu gadrabharavaṃ ravanto ekabindumpi na vassati, tadā pacchinnaṃ pacchinnameva vassaṃ hoti. Tenāha ‘‘tadā nikkhantabījaṃ..pe… ekabindumpi devo na vassatī’’ti. ‘‘Vassasatasahassa accayena kappavuṭṭhānaṃ bhavissatī’’tiādinā devatāhi vuttavacanaṃ sutvā yebhuyyena manussā ca bhummadevatā ca saṃvegajātā aññamaññaṃ muducittā hutvā mettādīni puññānī katvā devaloke nibbattanti, avīcito paṭṭhāya tuccho hotīti.
бан̃жа б̣ийж̇аж̇аад̇аанийд̇и муулаб̣ийж̇ам̣ канд̇хаб̣ийж̇ам̣ пал̣уб̣ийж̇ам̣ аг̇г̇аб̣ийж̇ам̣ б̣ийж̇аб̣ийж̇анд̇и бан̃жа б̣ийж̇аани ж̇аад̇аани. д̇ад̇т̇а муулаб̣ийж̇анд̇и важаа, важад̇д̇ам̣, халид̣̇д̣̇ам̣, син̇г̇ивзранд̇и звамаад̣̇и. канд̇хаб̣ийж̇анд̇и ассад̇т̇о, ниг̇род̇ход̇и звамаад̣̇и. пал̣уб̣ийж̇анд̇и ужчу, взл̣у, нал̣од̇и звамаад̣̇и. аг̇г̇аб̣ийж̇анд̇и аж̇ж̇угам̣, пан̣иж̇ж̇аганд̇и звамаад̣̇и. б̣ийж̇аб̣ийж̇анд̇и вийхиаад̣̇и буб̣б̣ан̣н̣ан̃жзва муг̇г̇амаасаад̣̇иабаран̣н̣ан̃жа. бажжаяанд̇арасамавааяз висад̣̇исуббад̇д̇ияаа висзсагааран̣абхаавад̇о руханасамад̇т̇з саарапалз нирул̣хо б̣ийж̇а-сад̣̇д̣̇о д̇ад̣̇ад̇т̇асид̣̇д̇хияаа муулаад̣̇ийсуби гзсужи бавад̇д̇ад̇ийд̇и муулаад̣̇ид̇о нивад̇д̇анад̇т̇ам̣ згзна б̣ийж̇а-сад̣̇д̣̇зна висзсзд̇ваа вуд̇д̇ам̣ ‘‘б̣ийж̇аб̣ийж̇а’’нд̇и ‘‘руубаруубам̣ (висуд̣̇д̇хи. 2.449) д̣̇угкад̣̇угка’’нд̇и (сам̣. ни. 4.327) яат̇аа. яат̇аа палабаагабарияанд̇аа осад̇хиругкаа взл̣угад̣̇алиаад̣̇аяо.
Pañca bījajātānīti mūlabījaṃ khandhabījaṃ phaḷubījaṃ aggabījaṃ bījabījanti pañca bījāni jātāni. Tattha mūlabījanti vacā, vacattaṃ, haliddaṃ, siṅgiveranti evamādi. Khandhabījanti assattho, nigrodhoti evamādi. Phaḷubījanti ucchu, veḷu, naḷoti evamādi. Aggabījanti ajjukaṃ, phaṇijjakanti evamādi. Bījabījanti vīhiādi pubbaṇṇañceva muggamāsādiaparaṇṇañca. Paccayantarasamavāye visadisuppattiyā visesakāraṇabhāvato ruhanasamatthe sāraphale niruḷho bīja-saddo tadatthasiddhiyā mūlādīsupi kesuci pavattatīti mūlādito nivattanatthaṃ ekena bīja-saddena visesetvā vuttaṃ ‘‘bījabīja’’nti ‘‘rūparūpaṃ (visuddhi. 2.449) dukkhadukkha’’nti (saṃ. ni. 4.327) yathā. Yathā phalapākapariyantā osadhirukkhā veḷukadaliādayo.
яам̣ гад̣̇аажийд̇иаад̣̇ийсу яанд̇и нибаад̇амад̇д̇ам̣. гад̣̇аажийд̇и гисмин̃жи гаалз. гарахажийд̇и д̇ассзва взважанам̣. д̣̇ийгхасса ад̣̇д̇хунод̇и д̣̇ийгхасса гааласса. ажжаязнаад̇и ад̇иггамзна. сзсамзд̇т̇а уд̇д̇аанамзва.
Yaṃ kadācītiādīsu yanti nipātamattaṃ. Kadācīti kismiñci kāle. Karahacīti tasseva vevacanaṃ. Dīghassa addhunoti dīghassa kālassa. Accayenāti atikkamena. Sesamettha uttānameva.
хириод̇д̇аббасуд̇д̇аад̣̇иван̣н̣анаа нидтид̇аа.
Hiriottappasuttādivaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
1. хирийод̇д̇аббасуд̇д̇ам̣ • 1. Hirīottappasuttaṃ
2. сад̇д̇асуурияасуд̇д̇ам̣ • 2. Sattasūriyasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā)
1. хириод̇д̇аббасуд̇д̇аван̣н̣анаа • 1. Hiriottappasuttavaṇṇanā
2. сад̇д̇асуурияасуд̇д̇аван̣н̣анаа • 2. Sattasūriyasuttavaṇṇanā
