| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
8. ஹிரீஸுத்தவண்ணனா
8. Hirīsuttavaṇṇanā
18. அட்ட²மே ஹிரீனிஸேதோ⁴தி ஹிரியா அகுஸலே த⁴ம்மே நிஸேதே⁴தீதி ஹிரீனிஸேதோ⁴. கோசி லோகஸ்மிங் விஜ்ஜதீதி கோசி ஏவரூபோ விஜ்ஜதீதி புச்ச²தி. யோ நிந்த³ங் அபபோ³த⁴தீதி யோ க³ரஹங் அபஹரந்தோ பு³ஜ்ஜ²தி. அஸ்ஸோ ப⁴த்³ரோ கஸாமிவாதி யதா² ப⁴த்³ரோ அஸ்ஸாஜானீயோ கஸங் அபஹரந்தோ பு³ஜ்ஜ²தி, பதோத³ச்சா²யங் தி³ஸ்வா ஸங்விஜ்ஜ²ந்தோ விய கஸாய அத்தனி நிபாதங் ந தே³தி, ஏவமேவ யோ பி⁴க்கு² பூ⁴தஸ்ஸ த³ஸஅக்கோஸவத்து²னோ அத்தனி நிபாதங் அத³த³ந்தோ நிந்த³ங் அபபோ³த⁴தி அபஹரந்தோ பு³ஜ்ஜ²தி, ஏவரூபோ கோசி கீ²ணாஸவோ விஜ்ஜதீதி புச்ச²தி. அபூ⁴தக்கோஸேன பன பரிமுத்தோ நாம நத்தி². தனுயாதி தனுகா, ஹிரியா அகுஸலே த⁴ம்மே நிஸேதெ⁴த்வா சரந்தா கீ²ணாஸவா நாம அப்பகாதி அத்தோ². ஸதா³ ஸதாதி நிச்சகாலங் ஸதிவேபுல்லேன ஸமன்னாக³தா. அந்தங் து³க்க²ஸ்ஸ பப்புய்யாதி வட்டது³க்க²ஸ்ஸ கோடிங் அந்தபூ⁴தங் நிப்³பா³னங் பாபுணித்வா. ஸேஸங் வுத்தனயமேவாதி.
18. Aṭṭhame hirīnisedhoti hiriyā akusale dhamme nisedhetīti hirīnisedho. Koci lokasmiṃvijjatīti koci evarūpo vijjatīti pucchati. Yo nindaṃ apabodhatīti yo garahaṃ apaharanto bujjhati. Asso bhadro kasāmivāti yathā bhadro assājānīyo kasaṃ apaharanto bujjhati, patodacchāyaṃ disvā saṃvijjhanto viya kasāya attani nipātaṃ na deti, evameva yo bhikkhu bhūtassa dasaakkosavatthuno attani nipātaṃ adadanto nindaṃ apabodhati apaharanto bujjhati, evarūpo koci khīṇāsavo vijjatīti pucchati. Abhūtakkosena pana parimutto nāma natthi. Tanuyāti tanukā, hiriyā akusale dhamme nisedhetvā carantā khīṇāsavā nāma appakāti attho. Sadā satāti niccakālaṃ sativepullena samannāgatā. Antaṃ dukkhassa pappuyyāti vaṭṭadukkhassa koṭiṃ antabhūtaṃ nibbānaṃ pāpuṇitvā. Sesaṃ vuttanayamevāti.
ஹிரீஸுத்தவண்ணனா நிட்டி²தா.
Hirīsuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 8. ஹிரீஸுத்தங் • 8. Hirīsuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 8. ஹிரீஸுத்தவண்ணனா • 8. Hirīsuttavaṇṇanā
