| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
8. хирийсуд̇д̇аван̣н̣анаа
8. Hirīsuttavaṇṇanā
18. адтамз хирийнисзд̇ход̇и хирияаа агусалз д̇хаммз нисзд̇хзд̇ийд̇и хирийнисзд̇хо. гожи логасмим̣ виж̇ж̇ад̇ийд̇и гожи зваруубо виж̇ж̇ад̇ийд̇и бужчад̇и. яо нинд̣̇ам̣ абаб̣од̇хад̇ийд̇и яо г̇арахам̣ абахаранд̇о б̣уж̇жхад̇и. ассо бхад̣̇ро гасаамиваад̇и яат̇аа бхад̣̇ро ассааж̇аанийяо гасам̣ абахаранд̇о б̣уж̇жхад̇и, бад̇од̣̇ажчааяам̣ д̣̇исваа сам̣виж̇жханд̇о вияа гасааяа ад̇д̇ани нибаад̇ам̣ на д̣̇зд̇и, звамзва яо бхигку бхууд̇асса д̣̇асааггосавад̇т̇уно ад̇д̇ани нибаад̇ам̣ ад̣̇ад̣̇анд̇о нинд̣̇ам̣ абаб̣од̇хад̇и абахаранд̇о б̣уж̇жхад̇и, зваруубо гожи кийн̣аасаво виж̇ж̇ад̇ийд̇и бужчад̇и. абхууд̇аггосзна бана баримуд̇д̇о наама над̇т̇и. д̇ануяаад̇и д̇анугаа, хирияаа агусалз д̇хаммз нисзд̇хзд̇ваа жаранд̇аа кийн̣аасаваа наама аббагаад̇и ад̇т̇о. сад̣̇аа сад̇аад̇и нижжагаалам̣ сад̇ивзбуллзна саманнааг̇ад̇аа. анд̇ам̣ д̣̇угкасса баббуяяаад̇и ваддад̣̇угкасса годим̣ анд̇абхууд̇ам̣ ниб̣б̣аанам̣ баабун̣ид̇ваа. сзсам̣ вуд̇д̇анаяамзваад̇и.
18. Aṭṭhame hirīnisedhoti hiriyā akusale dhamme nisedhetīti hirīnisedho. Koci lokasmiṃvijjatīti koci evarūpo vijjatīti pucchati. Yo nindaṃ apabodhatīti yo garahaṃ apaharanto bujjhati. Asso bhadro kasāmivāti yathā bhadro assājānīyo kasaṃ apaharanto bujjhati, patodacchāyaṃ disvā saṃvijjhanto viya kasāya attani nipātaṃ na deti, evameva yo bhikkhu bhūtassa dasaakkosavatthuno attani nipātaṃ adadanto nindaṃ apabodhati apaharanto bujjhati, evarūpo koci khīṇāsavo vijjatīti pucchati. Abhūtakkosena pana parimutto nāma natthi. Tanuyāti tanukā, hiriyā akusale dhamme nisedhetvā carantā khīṇāsavā nāma appakāti attho. Sadā satāti niccakālaṃ sativepullena samannāgatā. Antaṃ dukkhassa pappuyyāti vaṭṭadukkhassa koṭiṃ antabhūtaṃ nibbānaṃ pāpuṇitvā. Sesaṃ vuttanayamevāti.
хирийсуд̇д̇аван̣н̣анаа нидтид̇аа.
Hirīsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. хирийсуд̇д̇ам̣ • 8. Hirīsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. хирийсуд̇д̇аван̣н̣анаа • 8. Hirīsuttavaṇṇanā
